དེ་ནས་བོད་ཀྱི་ཆ་འཕྲིན་ལག་རྩལ་ཞེས་པ་འདི་ཡང་དེ་དང་གཅིག་འདྲ་རེད། སྤྱིར་དྲ་རྒྱའི་སྟེང་དང་ཁ་པར་སྟེང་། དེང་རབས་ཁྱིམ་ཆས་དང་གློག་ཀླད་སྒང་ལ་བོད་ཡིག་ཅིག་འཆར་རྒྱུ་འདི་ལས་སླ་མོ་ཅིག་རེད། རྒྱུ་མཚན་ནི་ལག་རྩལ་འདི་དག་ནི་ཐུན་མོང་གི་བཟོ་རིག་པའི་ཁོངས་སུ་འདུ། དཔེར་ན་ལྩགས་བཟོ་བའི་ཐབས་ལྟ་བུ་རེད། ཡིན་ནང་བོད་ཀྱི་མིའི་མ་གཏོགས་རང་བྱུང་ཁམས་ཀྱི་རྡོ་བེད་སྤྱད་ནས་མཁར་དགུ་ཐོག་བརྩིགས་མི་ཐུབ་ལ་བོད་ཀྱི་རལ་གྲི་ཡང་བརྡུངས་མི་ཤེས་པ་ལྟ་བུའི་དབང་གིས་རང་གི་བསམ་བློ་དེ་གཞན་ལ་དངུལ་བཏང་ནས་བཟོ་ཚབ་ཏུ་གཏོང་བ་ལ་ཚོང་ལས་ཀྱི་མཉམ་འབྲེལ་ཅིག་ལས་མ་འདས། ངའི་བསམ་ན་འདི་བོད་ཀྱི་རིག་གནས་ལ་ཞབས་འདེགས་ཞུ་གི་ཡིན་ཞེས་པར་འགལ་བ་འདུག ། བོད་ཀྱི་མིའི་ལག་རྩལ་མི་ཤེས་ལ་ལག་རྩལ་གྱི་རྒྱབ་ལྗོངས་ཀྱི་རྒྱབ་རི་ལྟ་བུའི་གཞུང་ལུགས་ངོ་མཚར་བ་དག་ལ་དེ་བས་ཀྱང་ངོ་། འདི་དག་ད་དངུལ་ཤོག་དང་ཐུན་མོང་གི་ལག་རྩལ་ཅིག་ལ་བརྟེན་ནས་སོང་ན་ད་ཡོད་ཚད་འགྲིག་སོང་སྙམ་པའི་བསམ་བློ་ཡོད་པ་ནི་ཅོལ་ཆུང་གི་བློ་མིག་རེད།
བོད་ཡིག་ཆ་འཕྲིན་ལག་རྩལ་ཞེས་པ་ནི་གོང་ནས་བཤད་ཟིན་པ་ལྟར་རེད། བརྒྱ་བཤད་ཚིག་གི་རྩ་བ་ནི་བོད་ཀྱི་ཚན་རྩལ་ལས་ཁུངས་སོ་སོ་ནས་བོད་རིགས་ཀྱི་ལག་རྩལ་པ་དང་བོད་ཀྱི་གཞུང་ལུགས་ཞིབ་འཇུག་མཁན་སོགས་བསྐྱེད་བསྲིང་བྱ་རྒྱུ་ནི་ཧ་ཅང་གལ་ཆེན་པོ་ཅིག་རེད་ཅེས་པའི་འབོད་སྐུལ་སེམས་པའི་གཏིང་ནས་གཏོང་བའི་གཏམ་ཡིན། མ་འོངས་པར་ཡང་རྒྱུན་སྐྱོང་བའི་རིན་ཐང་ཞིག་ཅིས་ཀྱང་བསྐྲུན་དགོས་སོ།།
