博客西藏在最高处过一种生活

日志

༄༅།།དམངས་དོན་ཁྲིམས་གཞུང་གི​་ས་བཅད་བཞི་པ། ...

已有 474 次阅读2021-6-8 07:04 |系统分类:文化


                                ༄༅།།དམངས་དོན་ཁྲིམས་གཞུང་གི​་ས་བཅད་བཞི་པ། དམིགས་བསལ་ཁྲིམས་མི།
                        ཀྲུང་གོ་བོད་ཀྱི་དྲ་བ། ཀྲུང་གོ་བོད་ཀྱི་དྲ་བའི་ལོ་ཙཱ་ཚན་ཆུང་གིས་བསྒྱུར།རྩོམ་སྒྲིག་པ། མཁའ་མཚོ་སྐྱིད། 
                               
                                                                     
                                

     ས་བཅད་བཞི་པ། དམིགས་བསལ་ཁྲིམས་མི།

     དོན་ཚན་གོ་དྲུག་པ། 【དམིགས་བསལ་ཁྲིམས་མིའི་དབྱེ་བ】ས་བཅད་འདིར་གཏན་ལ་ཕབ་པའི་ལས་ཁུངས་ཀྱི་ཁྲིམས་མི་དང་ཞིང་སྡེ་ཐུན་མོང་དཔལ་འབྱོར་རྩ་འཛུགས་ཀྱི་         ཁྲིམས་མི་དང་གྲོང་རྡལ་དང་ཞིང་སྡེ་མཉམ་ལས་དཔལ་འབྱོར་རྩ་འཛུགས་ཀྱི་ཁྲིམས་མི་དང་གཞི་རིམ་མང་ཚོགས་རང་བཞིན་གྱི་རང་སྐྱོང་རྩ་འཛུགས་སྐོར་གྱི་ཁྲིམས་མི་བཅས་པ་ནི་དམིགས་བསལ་ཁྲིམས་མི་ཡིན།

     དོན་ཚན་གོ་བདུན་པ། 【སྡེ་ཁག་ཁྲིམས་མིའི་ཐོབ་ཐང་ཡོད་པ】རང་ཚུགས་ཀྱི་གྲོན་དངུལ་ཡོད་པའི་སྡེ་ཁག་དང་སྲིད་འཛིན་གྱི་འགན་ནུས་འཁུར་བའི་ཁྲིམས་བཀོད་ལས་ཁུངས་བཙུགས་པའི་ཉིན་ནས་བཟུང་སྡེ་ཁག་ཁྲིམས་མིའི་ཐོབ་ཐང་ཡོད་པས་འགན་ནུས་སྒྲུབ་པར་མཁོ་བའི་དམངས་དོན་གྱི་བྱེད་སྒོ་སྤེལ་ཆོག

     དོན་ཚན་གོ་བརྒྱད་པ། 【སྡེ་ཁག་ཁྲིམས་མི་ཕྱིར་འཐེན་མཚམས་བཞག་རྗེས་ཀྱི་ཁེ་དབང་དང་འོས་འགན་གྱི་ལོངས་སྤྱོད་དང་འགན་འཁྲི】སྡེ་ཁག་ཁྲིམས་མི་ཕྱིར་འཐེན་བྱས་ན་ཁྲིམས་མི་མཚམས་བཞག་བ་ཡིན་ལ། དེའི་དམངས་དོན་ཁེ་དབང་དང་འོས་འགན་ནི་རྒྱུན་འཛིན་བྱེད་པའི་སྡེ་ཁག་ཁྲིམས་མིས་ལོངས་སྤྱོད་དང་འགན་འཁུར་དགོས། རྒྱུན་འཛིན་བྱེད་པའི་སྡེ་ཁག་ཁྲིམས་མི་མེད་ན་ཕྱིར་འཐེན་བྱ་རྒྱུའི་ཆོད་དོན་འཇོག་མཁན་གྱི་སྡེ་ཁག་ཁྲིམས་མིས་ལོངས་སུ་སྤྱོད་རྒྱུ་དང་འགན་འཁུར་དགོས།

     དོན་ཚན་གོ་དགུ་པ། 【ཞིང་སྡེའི་ཐུན་མོང་དཔལ་འབྱོར་རྩ་འཛུགས་ཀྱི་ཁྲིམས་མི】ཞིང་སྡེའི་ཐུན་མོང་དཔལ་འབྱོར་རྩ་འཛུགས་ཀྱིས་ཁྲིམས་ལྟར་ཁྲིམས་མི་ཐོབ་ཐང་བླངས་ཆོག་ལ། བཅའ་ཁྲིམས་དང་སྲིད་འཛིན་ཁྲིམས་སྲོལ་ནང་ཞིང་སྡེའི་ཐུན་མོང་དཔལ་འབྱོར་རྩ་འཛུགས་ལ་གཏན་འཁེལ་བྱས་ཡོད་ན་གཏན་འཁེལ་དེ་ལྟར་བྱ་དགོས།

     དོན་ཚན་བརྒྱ་ཐམ་པ། 【གྲོང་རྡལ་དང་ཞིང་སྡེའི་མཉམ་འབྲེལ་དཔལ་འབྱོར་རྩ་འཛུགས་ཀྱི་ཁྲིམས་མི】གྲོང་རྡལ་ཞིང་སྡེའི་མཉམ་འབྲེལ་དཔལ་འབྱོར་རྩ་འཛུགས་ཀྱིས་ཁྲིམས་ལྟར་ཁྲིམས་མི་ཐོབ་ཐང་བླངས་ཆོག་ལ། བཅའ་ཁྲིམས་དང་སྲིད་འཛིན་ཁྲིམས་སྲོལ་ནང་གྲོང་རྡལ་དང་ཞིང་སྡེའི་མཉམ་འབྲེལ་དཔལ་འབྱོར་རྩ་འཛུགས་ལ་གཏན་འཁེལ་བྱས་ཡོད་ན་གཏན་འཁེལ་དེ་ལྟར་བྱ་དགོས།

     དོན་ཚན་བརྒྱ་དང་གཅིག 【གཞི་རིམ་མང་ཚོགས་རང་བཞིན་ལྡན་པའི་རང་སྐྱོང་རྩ་འཛུགས་ཀྱི་ཁྲིམས་མི】གྲོང་མིའི་ཨུ་ཡོན་ལྷན་ཁང་དང་སྡེ་དམངས་ཨུ་ཡོན་ལྷན་ཁང་ལ་གཞི་རིམ་མང་ཚོགས་རང་བཞིན་ལྡན་པའི་རང་སྐྱོང་རྩ་འཛུགས་ཀྱི་ཁྲིམས་མིའི་ཐོབ་ཐང་ཡོད་ཅིང་། འགན་ནུས་སྒྲུབ་པར་མཁོ་བའི་དམངས་དོན་བྱེད་སྒོ་སྤེལ་ཆོག

     སྡེ་བའི་ཐུན་མོང་དཔལ་འབྱོར་རྩ་འཛུགས་བཙུགས་མེད་པ་ལ། སྡེ་དམངས་ཨུ་ཡོན་ལྷན་ཁང་གིས་ཁྲིམས་ལྟར་གྲོང་ཚོའི་ཐུན་མོང་དཔལ་འབྱོར་རྩ་འཛུགས་ཀྱི་འགན་ནུས་ཚབ་སྒྲུབ་བྱས་ཆོག

     ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所|技术支持:BODYIG.NET

严禁在本站发表与国家法律相抵触言论和散播谣言

Powered by Discuz! X3.4GMT+8, 2021-6-25 03:17 , Processed in 0.051773 second(s), 16 queries .

返回顶部