博客西藏在最高处过一种生活

日志

༄༅།།དམངས་དོན་ཁྲིམས་གཞུང་གི་བམ་པོ་དང་པོ། ...

已有 110 次阅读2021-4-10 08:19 |系统分类:法律


                                                           ༄༅།།དམངས་དོན་ཁྲིམས་གཞུང་གི་བམ་པོ་དང་པོ། སྤྱིའི་དོན་ཚན།
                            ཀྲུང་གོ་བོད་ཀྱི་དྲ་བ། ཀྲུང་གོ་བོད་ཀྱི་དྲ་བའི་ལོ་ཙཱ་ཚན་ཆུང་གིས་བསྒྱུར། རྩོམ་སྒྲིག་པ། མཁའ་མཚོ་སྐྱིད།

                                   

     བམ་པོ་དང་པོ། སྤྱིའི་དོན་ཚན།

     ལེའུ་དང་པོ། གཞི་རྩའི་གཏན་འཁེལ།

        དོན་ཚན་དང་པོ། 【ཁྲིམས་འཛུགས་དམིགས་ཡུལ】དམངས་དོན་བྱེད་པོའི་ཁྲིམས་མཐུན་ཁེ་དབང་སྲུང་སྐྱོང་དང་དམངས་དོན་འབྲེལ་བ་སྙོམས་སྒྲིག  སྤྱི་ཚོགས་དང་དཔལ་འབྱོར་སྒྲིག་ལམ་སྲུང་སྐྱོང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་གོང་འཕེལ་གྱི་བླང་བྱ་དང་མཐུན་པ། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་དར་སྤེལ་གཏོང་ཆེད། རྩ་ཁྲིམས་གཞིར་བཟུང་ནས་བཅའ་ཁྲིམས་འདི་གཏན་ལ་ཕབ་པ་ཡིན། 

     དོན་ཚན་གཉིས་པ། 【སྙོམས་སྒྲིག་ཁྱབ་ཁོངས】དམངས་དོན་བཅའ་ཁྲིམས་ཀྱིས་འདྲ་མཉམ་བྱེད་པོའི་རང་བྱུང་མི་དང་ཁྲིམས་མི། ཁྲིམས་མི་མ་ཡིན་པའི་རྩ་འཛུགས་བར་གྱི་མི་ལུས་འབྲེལ་བ་དང་རྒྱུ་ནོར་འབྲེལ་བ་སྙོམས་སྒྲིག་བྱ་དགོས།

     དོན་ཚན་གསུམ་པ། 【དམངས་དོན་ཁེ་ཕན་ལ་བཅའ་ཁྲིམས་ཀྱི་སྲུང་སྐྱོང་ཐོབ་པ】དམངས་དོན་བྱེད་པོའི་མི་ལུས་ཁེ་དབང་དང་རྒྱུ་ནོར་ཁེ་དབང་། ཁྲིམས་མཐུན་ཁེ་དབང་གཞན་དག་བཅས་བཅའ་ཁྲིམས་ཀྱི་སྲུང་སྐྱོང་ཐོབ་པས། རྩ་འཛུགས་དང་མི་སྒེར་གང་གིས་ཀྱང་གནོད་འཚེ་བཏང་མི་ཆོག

     དོན་ཚན་བཞི་པ། 【འདྲ་མཉམ་རྩ་དོན】དམངས་དོན་བྱེད་སྒོའི་ཁྲོད་དམངས་དོན་བྱེད་པོའི་བཅའ་ཁྲིམས་གོ་གནས་འདྲ་མཉམ་ཡིན་དགོས།

     དོན་ཚན་ལྔ་པ། 【རང་མོས་རྩ་དོན】དམངས་དོན་བྱེད་པོས་དམངས་དོན་བྱེད་སྒོ་སྤེལ་སྐབས་རང་མོས་རྩ་དོན་བརྩི་སྲུང་བྱས་ཏེ། རང་རང་གི་འདོད་མོས་ལྟར་དམངས་དོན་བཅའ་ཁྲིམས་འབྲེལ་བ་འཛུགས་པ་དང་སྒྱུར་བཅོས། མཚམས་བཞག་བཅས་ཆོག་པ། 

     དོན་ཚན་དྲུག་པ། 【དྲང་གཞག་རྩ་དོན】དམངས་དོན་བྱེད་པོས་དམངས་དོན་བྱེད་སྒོ་སྤེལ་སྐབས་དྲང་གཞག་རྩ་དོན་ལ་བརྩི་སྲུང་དང་། ལུགས་མཐུན་གྱིས་ཕྱོགས་སོ་སོའི་ཁེ་དབང་དང་འོས་འགན་གཏན་འཁེལ་བྱ་དགོས། 

     དོན་ཚན་བདུན་པ། 【ཡིད་རྟོན་རྩ་དོན】དམངས་དོན་བྱེད་པོས་དམངས་དོན་བྱེད་སྒོ་སྤེལ་སྐབས་ཡིད་རྟོན་རྩ་དོན་བརྩི་སྲུང་དང་། གཞུང་དྲང་དང་ཁ་ཆད་ཚིག་ལ་གནས་དགོས། 

     དོན་ཚན་བརྒྱད་པ། 【ཁྲིམས་སྲུང་དང་སྤྱི་སྲོལ་ལུགས་བཟང་རྩ་དོན】དམངས་དོན་བྱེད་པོས་དམངས་དོན་བྱེད་སྒོ་སྤེལ་སྐབས། བཅའ་ཁྲིམས་དང་འགལ་མི་ཆོག་ལ། སྤྱི་སྲོལ་ལུགས་བཟང་ལའང་འགལ་མི་ཆོག་པ།  

     དོན་ཚན་དགུ་པ། 【ལྗང་མདོག་རྩ་དོན】དམངས་དོན་བྱེད་པོས་དམངས་དོན་བྱེད་སྒོ་སྤེལ་སྐབས། ཐོན་ཁུངས་གྲོན་ཆུང་དང་སྐྱེ་ཁམས་ཁོར་ཡུག་སྲུང་སྐྱོང་བྱེད་པར་ཕན་དགོས། 

     དོན་ཚན་བཅུ་པ། 【བཅའ་ཁྲིམས་བཀོལ་སྤྱོད】དམངས་དོན་རྩོད་གཞི་ཐག་གཅོད་བྱེད་སྐབས་ངེས་པར་བཅའ་ཁྲིམས་ལྟར་ཐག་གཅོད་དགོས་ཤིང་། བཅའ་ཁྲིམས་ནང་གཏན་འཁེལ་བྱས་མེད་ན་གོམས་སྲོལ་ལྟར་ཐག་བཅད་ཆོག་མོད། འོན་ཀྱང་སྤྱི་སྲོལ་ལུགས་བཟང་དང་འགལ་མི་ཆོག་པ།

     དོན་ཚན་བཅུ་གཅིག་པ། 【དམིགས་བསལ་བཅའ་ཁྲིམས་ཐོག་མར་སྤྱོད་པ】བཅའ་ཁྲིམས་གཞན་དག་ནང་དམངས་དོན་འབྲེལ་བར་དམིགས་བསལ་གྱི་གཏན་འཁེལ་བྱས་ཡོད་ན། གཏན་འཁེལ་དེ་ལྟར་བྱ་དགོས། 

     དོན་ཚན་བཅུ་གཉིས་པ། 【ནུས་པའི་ཁྱབ་ཁོངས】ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་ནང་གི་དམངས་དོན་བྱེད་སྒོའི་ཕྱོགས་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་བཀོད་སྤྱོད་བྱ་དགོས། གཏན་འཁེལ་གཞན་དག་ཡོད་ན། གཏན་འཁེལ་དེ་ལྟར་བྱ་དགོས།

     ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所|技术支持:BODYIG.NET

严禁在本站发表与国家法律相抵触言论和散播谣言

Powered by Discuz! X3.4GMT+8, 2021-5-13 14:58 , Processed in 0.031931 second(s), 16 queries .

返回顶部