博客西藏在最高处过一种生活

日志

༄༅།།དམངས་དོན་ཁྲིམས་གཞུང་གི་ལེའུ་གཉིས་པ། ...

已有 117 次阅读2021-4-10 08:12 |系统分类:法律


                                   ༄༅།།དམངས་དོན་ཁྲིམས་གཞུང་གི་ལེའུ་གཉིས་པ། རང་བྱུང་མི།
                        ཀྲུང་གོ་བོད་ཀྱི་དྲ་བ། ཀྲུང་གོ་བོད་ཀྱི་དྲ་བའི་ལོ་ཙཱ་ཚན་ཆུང་གིས་བསྒྱུར། རྩོམ་སྒྲིག་པ། མཁའ་མཚོ་སྐྱིད།

                                   

    ལེའུ་གཉིས་པ། རང་བྱུང་མི།

    ས་བཅད་དང་པོ། དམངས་དོན་ཁེ་དབང་ནུས་པ་དང་དམངས་དོན་བྱ་སྤྱོད་སྤེལ་ནུས།

    དོན་ཚན་བཅུ་གསུམ་པ། 【རང་བྱུང་མིའི་ཁེ་དབང་ནུས་པའི་མགོ་མཇུག】རང་བྱུང་མི་སྐྱེ་བའི་ཉིན་ནས་འཆི་བའི་བར་དམངས་དོན་ཁེ་དབང་ཡོད་པ་མ་ཟད། བཅའ་ཁྲིམས་ལྟར་དམངས་དོན་ཁེ་དབང་ལོངས་སུ་སྤྱད་ཆོག་ལ་དམངས་དོན་འོས་འགན་ཡང་འཁུར་དགོས། 

    དོན་ཚན་བཅུ་བཞི་པ། 【རང་བྱུང་མིའི་དམངས་དོན་ཁེ་དབང་དང་ནུས་པ་འདྲ་མཉམ་ཡིན】རང་བྱུང་མིའི་དམངས་དོན་ཁེ་དབང་དང་ནུས་པ་ཚང་མ་འདྲ་མཉམ་ཡིན། 

    དོན་ཚན་བཅོ་ལྔ་པ། 【རང་བྱུང་མིའི་སྐྱེ་དུས་དང་འཆི་དུས་རྡར་ཤ་གཅོད་པའི་ཚད་གཞི】རང་བྱུང་མིའི་སྐྱེ་དུས་དང་འཆི་དུས་དེ། སྐྱེ་པའི་དབང་ཡིག་དང་འཆི་བའི་དཔང་ཡིག་སྟེང་བཀོད་པའི་དུས་ཚོད་ཚད་གཞིར་འཛིན་དགོས། གལ་ཏེ་སྐྱེ་པའི་དབང་ཡིག་དང་འཆི་བའི་དཔང་ཡིག་མེད་ན། ཁྱིམ་ཐོའམ་ནུས་ལྡན་ཐོབ་ཐང་ཐོ་འགོད་གཞན་པར་བཀོད་པའི་དུས་ཚོད་གཞིར་འཛིན་དགོས། དཔང་རྟགས་གཞན་པས་གོང་གསལ་ཐོ་འགོད་དུས་ཚོད་རྩིས་མེད་དུ་གཏོང་ཐུབ་ན། དཔང་རྟགས་དེར་བཀོད་པའི་དུས་ཚོད་གཞིར་འཛིན་དགོས། 

    དོན་ཚན་བཅུ་དྲུག་པ། 【མངལ་གནས་ཕྲུ་གུའི་ཁེ་ཕན་གྱི་དམིགས་བསལ་སྲུང་སྐྱོང】ཤུལ་ནོར་རྒྱུན་འཛིན་དང་གཞན་གྱི་སྟེར་སྦྱིན་དང་ལེན་བྱེད་པ་སོགས་མངལ་གནས་ཕྲུ་གུའི་ཁེ་ཕན་སྲུང་སྐྱོང་དང་འབྲེལ་བ་ཡོད་ན། མངལ་གནས་ཕྲུ་གུར་དམངས་དོན་ཁེ་དབང་ཡོད་པར་བརྩི་དགོས། འོན་ཀྱང་ཕྲུ་གུ་དེ་སྐྱེ་དུས་སུ་ཤི་བོ་ཡིན་ན། དེའི་དམངས་དོན་ཁེ་དབང་གི་ནུས་པ་ཐོག་མ་ཉིད་ནས་མེད་པར་བརྩི་དགོས།

    དོན་ཚན་བཅུ་བདུན་པ། 【དར་མ་དང་ནར་མ་སོན་པ་ཚད་གཞི】ལོ18ལོན་པའི་རང་བྱུང་མི་ནི་དར་མ་ཡིན་ལ།  ལོ18མ་ལོན་པ་ནི་ནར་མ་སོན་པའི་མི་ཡིན། 

    ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所|技术支持:BODYIG.NET

严禁在本站发表与国家法律相抵触言论和散播谣言

Powered by Discuz! X3.4GMT+8, 2021-5-13 14:04 , Processed in 0.030855 second(s), 16 queries .

返回顶部