日志

༄༅།།རྒྱལ་ཡོངས་བོད་ཡིག་སྨྱན་སྦྱོར་མཐུན་སྦ ...

热度 1已有 108 次阅读2020-8-7 09:05


      ༄༅།།རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་པ་རྒྱལ་ཁའི་ངང་མཇུག་སྒྲིལ་བ།
           ཡོང་ཁུངས།  ཀྲུང་གོ་བོད་ཀྱི་དྲ་བ། རྩོམ་པ་པོ། མི་གསལ། རྩོམ་སྒྲིག་པ། ཚེ་མཁར་རྒྱལ།

02.jpg

     ཀྲུང་གོ་བོད་ཀྱི་དྲ་བའི་འཕྲིན།  ཟླ8པའི་ཚེས6ཉིན་གྱི་ཕྱི་དྲོར། རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་

འདུ་སྐབས་ཉི་ཤུ་པ་མཚོ་སྔོན་ཞིང་ཆེན་མཚོ་ལྷོ་ཁུལ་ཁྲི་ཀ་རྫོང་ནས་རྒྱལ་ཁའི་ངང་མཇུག་སྒྲིལ་བ་དང་། མཚོ་ལྷོ་ཚགས་པར་ཁང་

གི་འགོ་གཙོ་དབྱང་ཁྲེང་ཏེ་ཡིས་མཇུག་སྒྲིལ་མཛད་སྒོར་གཙོ་སྐྱོང་གནང་ཞིང་། མཚོ་སྔོན་ཉིན་རེའི་ཚགས་པར་ཁང་གི་ཏང་ཙུའུ་

ཁོངས་མིའམ་སྤྱི་ཁྱབ་རྩོམ་སྒྲིག་པ་གཞོན་པ་ཚེ་མགོན་གྱིས་སྤྱི་བསྡོམས་གནང་།  ཐེངས་འདིའི་ཚོགས་འདུར་བོད་ལྗོངས་དང་སི་

ཁྲོན། མཚོ་སྔོན། ཀན་སུའུ། ཡུན་ནན་བཅས་ཀྱི་བོད་ཡིག་གི་སྨྱན་སྦྱོར་ལས་ཁུངས50ཡི་འགོ་ཁྲིད་དང་འགན་ཁུར་བ། ལས་བཟོ་

པ་བཅས་མི100ལྷག་ཞུགས་ཡོད།  གཞན་ཚགས་པར་དང་དུས་དེབ། རྒྱང་སྒྲོག་བརྙན་འཕྲིན།  སྨྱན་སྦྱོར་གསར་པ་བཅས་ཀྱི་

འགྲན་ཞུགས་བརྩམ་ཆོས་ལེགས་ཤོས350འབྱོར་ཡོད་ཅིང་།   དེ་དག་ལས་བརྩམས་ཆོས320ལ་བྱ་དགའ་གནང་བ་མ་ཟད། 

སྨྱན་སྦྱོར་ལས་ཁུངས་སོ་སོ་ནས་བསྐུར་ཡོང་བའི་བརྡ་ཆད82ཞིབ་བཤེར་གཏན་འབེབས་བྱས་ཤིང་།  མིང་ཚིག་རིང་ཐུང་འདྲེས་

མ31དང་དྲ་ངོས་དངAPPཔར་ངོས་སུ་བཀོད་སྤྱོད་བྱ་རྒྱུའི་བརྡ་ཆད་གསར་པ193དཔྱད་གཞིའི་ཚུལ་དུ་ཕུལ་བ་རེད། 


01.jpg

     ཐེངས་འདིར“སྨྱན་སྦྱོར་མཐུན་སྦྱོར་འཕེལ་རྒྱས་ལ་སྐུལ་འདེད་བཏང་ནས་སྨྱན་སྦྱོར་ཚང་མའི་བརྒྱུད་སྒྲོག་རྣམ་པ་གསར་

འཛུགས་བྱེད”ཅེས་པ་བརྗོད་གཞི་རུ་བཟུང་སྟེ།  སྟོབས་ཤུགས་གཅིག་སྒྲིལ་དང་མཐུན་སྒྲིལ་གྱི་ལག་ཟུང་དམ་པོར་སྦྲེལ་ནས་རྒྱལ་

ཡོངས་བོད་ཡིག་སྨྱན་སྦྱོར་གྱི་རྣམ་པ་སྔར་ལས་ལྷག་པའི་གསར་བཏོད་དང་།  ཐོད་བརྒལ་འབྱུང་བར་ཚང་མས་མཉམ་གཅིག་ཏུ་

བརྩོན་ལེན་བྱེད་པར་དོན་སྙིང་ཆེན་པོ་ལྡན་པ་རེད། 


04.jpg

     མཚོ་སྔོན་ཉིན་རེའི་ཚགས་པར་ཁང་གི་ཏང་ཙུའུ་ཁོངས་མིའམ་སྤྱི་ཁྱབ་རྩོམ་སྒྲིག་པ་གཞོན་པ་ཚེ་མགོན་གྱིས་རྒྱལ་ཡོངས་

བོད་ཡིག་སྨྱན་སྦྱོར་མཐུན་སྦྱོར་རྩ་འཛུགས་ཨུ་ཡོན་མཐུན་ཚོགས་ཀྱི་སྐུ་ཚབ་བྱས་ནས་བསྟན་དོན།  རྒྱལ་ཡོངས་བོད་ཡིག་སྨྱན་

སྦྱོར་མཐུན་སྦྱོར་མཐུན་ཚོགས་ཀྱིས་བོད་སྐད་སྨྱན་སྦྱོར་ཕན་ཚུན་བར་གྱི་བྱ་བའི་ཉམས་མྱོང་བརྗེ་རེས་བྱེད་པའི་འགན་འཁྲི་ལྕི་མོ་

ཁུར་དུ་བླངས་ཡོད་པར་མ་ཟད།   བོད་ཡིག་སྨྱན་སྦྱོར་བར་འབྲེལ་ཡོད་ནང་དོན་མཉམ་སྤྱོད་དང་བརྗེ་རེས་བྱེད་པར་གལ་ཆེའི་

ནུས་པ་བཏོན་དང་འདོན་བཞིན་ཡོད། མ་འོངས་པར་སྔར་ལས་ལྷག་པའི་བྱ་བ་མང་པོ་བསྒྲུབ་རྒྱུ་ཡོད་ལ། མུ་མཐུད་དུ་འགན་འཁྲི་

འཁུར་བའི་འདུ་ཤེས་རྒྱུན་འཁྱོངས་བྱས་ནས་ད་དུང་དེ་ལས་ལྷག་པའི་གསར་འགྱུར་བརྩམས་ཆོས་འབྲི་བར་ནུས་པ་ཆེན་པོ་འདོན་

པ་དང་། གཏན་འཁེལ་བྱས་པའི་བརྡ་ཆད་གསར་བ་རྣམས་སྨྱན་སྦྱོར་ལས་ཁུངས་ཚང་མར་ཁྱབ་གདལ་དུ་གཏོང་དགོས་ཞེས་བསྟན།


                ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



发表评论 评论 (2 个评论)

回复 WANMACAO 2020-8-10 08:57
祝贺
回复 ljh8520035 2020-8-11 08:14
WANMACAO 2020-8-10 08:57
祝贺

谢谢关注!        

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.4GMT+8, 2020-9-23 17:05 , Processed in 0.019113 second(s), 16 queries .

返回顶部