博客西藏在最高处过一种生活

日志

༄༅།།བསམ་ཡས་དགོན་པས་གཅེས་སེམས་བཅངས་ནས་དབུ ...

热度 3已有 159 次阅读2020-6-12 10:28 |系统分类:见闻


                      ༄༅།།བསམ་ཡས་དགོན་པས་གཅེས་སེམས་བཅངས་ནས་དབུལ་སྒྲོལ་འགག་སྒྲོལ་ལ་རམ་འདེགས་བྱས་པ།
                                ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། བཀྲ་ཤིས་རྒྱལ་གྱིས་བསྒྱུར།

                   
                                                 འདི་ནི་བསམ་ཡས་དགོན་པ་རེད། 

     ཀྲུང་གོའི་བོད་ལྗོངས་དྲ་བའི་འཕྲིན། དཔྱིད་གསར་དུས་ཆེན་གྱི་བར་སྐབས་དེར་གློ་བུར་དུ་བྱུང་བའི་ཏོག་གསར་གློ་ཚད་ཀྱི་རིམས་ནད་ཀྱིས་དཔྱིད་གསར་དུས་ཆེན་དེ་ཉིད་ཀྱང་ཧ་ཅང་སྐྱོ་བོ་ཤིག་ཏུ་ཆགས་སོང་། 
     དུས་སྐབས་དེའི་རིང་། དཀའ་ཚེགས་ཆེ་བའི་རིམས་ནད་སྔོན་འགོག་ཚོད་འཛིན་དམག་འཐབ་ཀྱིས་རྒྱལ་ཡོངས་མི་དམངས་ལ་སེམས་ཁྲལ་ཆེན་པོ་བཟོས་པས་ཁེ་ལས་དང་མི་སྒེར་གྱིས་གཅིག་རྗེས་གཉིས་མཐུད་ངང་དངུལ་དང་དངོས་པོ་ཞལ་འདེབས་བརྒྱབ་ཡོད་ཅིང་། རང་ནུས་གང་ལྕོགས་ཀྱི་སྤྱོད་པ་དངོས་ཀྱི་ཐོག་ནས་ཕྱར་བ་གྲུ་འདེགས་ཀྱིས་རིམས་ནད་མཉམ་འགོག་ཐད་མི་སེམས་འགུལ་བའི་གཏམ་རྒྱུད་བསྐྲུན་ཡོད་པ་རེད། 
     ཟློག་ཐབས་བྲལ་བའི་རིམས་ནད་ཀྱི་མདུན་དུ། དྲིན་ཤེས་ཤིང་དྲིན་ཚོར་བའི་བོད་ལྗོངས་ཀྱི་ཆོས་ལུགས་མི་སྣས་ཀྱང་བྱ་སྤྱོད་ཧུར་ཐག་སྤེལ་ནས་རང་འགུལ་ངང་རིམས་ནད་ལ་འགོག་རྒོལ་བྱེད་པར་དངུལ་དང་དངོས་པོ་ཞལ་འདེབས་ཕུལ་བ་དང་བྱ་སྤྱོད་དངོས་ཀྱི་སྟེང་ནས་ཏང་དང་སྲིད་གཞུང་གི་དུས་ཡུན་རིང་པོའི་ཐུགས་ཁུར་དང་གཅེས་སྐྱོང་ལ་ཐུགས་རྗེ་ཆེ་ཞུས་པ་རེད། 
     “ལོ་འགོར། བསམ་ཡས་དགོན་གྱིས་ཧུའུ་པེ་ཝུའུ་ཧན་སོགས་རིམས་ནད་ཐོན་མང་བའི་ས་ཁུལ་ལ་སྒོར་207600ཞལ་འདེབས་ཕུལ།”ཞེས་བསམ་ཡས་དགོན་པའི་དོ་དམ་ཨུ་ལྷན་གྱི་རྒྱུན་ལས་ཀྲུའུ་རེན་གཞོན་པ་བློ་བཟང་མཁས་གྲུབ་ཀྱིས་ངོ་སྤྲོད་གནང་དོན། ད་ཐེངས་ཀྱི་ཞལ་འདེབས་དེ་རྒྱལ་ཁབ་ཀྱི་བཅའ་ཁྲིམས་དང་ཁྲིམས་སྲོལ་ལྟར་ནན་ཏན་གྱིས་ལག་བསྟར་བྱས་པ་ཡིན་ལ། བསམ་ཡས་དགོན་གྱི་ཉེ་བའི་ལོ་ཤས་རིང་གི་ཞལ་འདེབས་ཆེ་ཤོས་ཤིག་ཀྱང་ཡིན་ཟེར།  
     བསམ་ཡས་དགོན་ནི་བོད་རང་སྐྱོང་ལྗོངས་ལྷོ་ཁ་གྲོང་ཁྱེར་གྲ་ནང་རྫོང་བསམ་ཡས་གྲོང་རྡལ་དུ་ཆགས་ཡོད་ཅིང་། “བོད་ཀྱི་དགོན་སྡེ་ཐོག་མ”ཞེས་པའི་མཚན་སྙན་གསོལ་ཡོད། རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོང་ཚན་པའི་ཁོངས་སུ་གཏོགས་པ་དང་རྒྱལ་ཁབ་རིམ་པའི4Aརིམ་པའི་ཡུལ་སྐོར་མཛེས་ལྗོངས་ཁུལ་ཞིག་ཀྱང་རེད། 
     “མཆོད་འབུལ་ནི་ཆོས་དད་མང་ཚོགས་ཀྱི་སྦྱིན་པ་ལས་བྱུང་བ་ཡིན་ཏེ། རིམས་ནད་སྔོན་འགོག་དང་ཚོད་འཛིན་གྱི་འཐབ་ས་དང་པོར་ཞལ་འདེབས་ཕུལ་བར་དགེ་བ་ཆེན་པོ་ལྡན”ཞེས་སྐད་ཆ་བཤད་སྐབས་བློ་བཟང་མཁས་གྲུབ་ཀྱིས་ཟིན་བྲིས་དེབ་ཅིག་བཏོན་པའི་སྟེང་ཉེ་བའི་ལོ་ཤས་རིང་དགོན་སྡེས་དགེ་སྒྲུབ་ཀྱི་བྱེད་སྒོ་སྤེལ་བའི་སྐོར་དག་བཀོད་ འདུག 
     ཟིན་བྲིས་འབྲི་དེབ་སྟེང་གི་ནང་དོན་ལས་བསམ་ཡས་དགོན་གྱི་དགེ་སྒྲུབ་མཛད་འཕྲིན་གྱིས་དབུལ་སྒྲོལ་འགག་སྒྲོལ་ལས་དོན་ལ་རམ་འདེགས་བྱེད་པའི་ཞིབ་ཕྲའི་གནས་ཚུལ་མཚོན་ཡོད་ཅིང་། དགེ་སྒྲུབ་མ་དངུལ་དེ་གཙོ་བོ་དཀའ་ངལ་ཡོད་པའི་མང་ཚོགས་ཀྱི་སྡོད་ཁང་སྒྱུར་བཀོད་དང་སློབ་རོགས་ཞལ་འདེབས། གནོད་འཚེ་རོགས་སྐྱོབ། ཉེན་ཁ་ཆེ་བའི་ནད་པར་རོགས་རམ་སོགས་ཀྱི་ཐད་གཅིག་སྡུད་ཐོག་སྤྱད་པ་མངོན་ཐུབ།
     དེང་སྐབས། དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་ལེན་རྒྱུ་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་ཐུབ་པ་བྱེད་པའི་ལས་དོན་ཐད་ཀྱི་གལ་ཆེའི་ནང་གི་འགངས་ཆེན་ཞིག་དང་ཏང་ཀྲུང་དབྱང་གིས་ཁས་ལེན་དམ་བཅའ་བརྟན་པོ་ཞིག་ཀྱང་རེད་ལ། ཏང་ཡོངས་དང་སྤྱི་ཚོགས་ཡོངས་ཀྱི་ཐུན་མོང་གི་འགན་འཁྲི་ཞིག་ཀྱང་རེད། བསམ་ཡས་དགོན་གྱི་གྲྭ་དམངས་ཀྱིས་དགེ་སྒྲུབ་མཛད་འཕྲིན་བསྐྱང་པ་ནི་ཏང་དང་སྲིད་གཞུང་གི“དབུལ་སྒྲོལ་འགག་སྒྲོལ་དམག་འཐབ་ལ་རྒྱལ་ཁ་མཐའ་གཅིག་ཏུ་ལེན་དགོས”ཞེས་པའི་འབོད་སྐུལ་དང་ལེན་བྱས་པ་ཡིན་པ་དང་། རང་འགུལ་ངང་རྒྱལ་ཁབ་ཀྱི་དབུལ་སྒྲོལ་འགག་སྒྲོལ་གྱི་སྤྱི་ཡོངས་ལ་ཞབས་འདེགས་ཞུ་རྒྱུ་ནི་བོད་བརྒྱུད་ནང་བསྟན་གྱི་བྱམས་སེམས་དང་དམངས་ཕན། དགེ་སྒྲུབ་བཅས་ཀྱི་སྲོལ་རྒྱུན་བཟང་པོ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པའི་གསོན་ཉམས་དོད་པའི་མཚོན་ཚུལ་ཞིག་ཀྱང་རེད། 
     ལོ་ཤས་སྔོན། བསམ་ཡས་གྲོང་རྡལ་བསམ་ཡས་གྲོང་ལྷན་གྱི་བཀྲ་ཤིས་དབང་འདུས་པེ་ཅིང་དུ་སྙིང་ཁར་གཤགས་བཅོས་བྱེད་པར་བསྐྱོད་ཀྱང་སྨན་བཅོས་གྲོན་དངུལ་གྱིས་ཁོང་ལ་དཀའ་ངལ་ཆེན་པོ་བཟོས་པས་ན། ས་གནས་སྲིད་གཞུང་གིས་གཅེས་སེམས་ཞལ་འདེབས་འབུལ་བའི་བྱེད་སྒོ་ཧུར་ཐག་གིས་སྤེལ་བ་དང་། བསམ་ཡས་དགོན་གྱི་དགེ་འདུན་པ་ཚོས་གནས་ཚུལ་དེ་ཤེས་རྗེས་ཞལ་འདེབས་སྒོར་ཁྲི15ཕུལ་ནས་བཀྲ་ཤིས་དབང་འདུས་ལ་ཁ་ཚ་དགོས་གཏུགས་ཀྱི་གནད་དོན་ཐག་གཅོད་བྱས་པ་རེད། 
      2018ལོའི་ལོ་མཇུག་ཏུ་བསམ་ཡས་གྲོང་རྡལ་གྱི་ཡུལ་གཞན་དུ་གནས་སྤོར་དབུལ་སྐྱོར་གཅིག་སྡུད་བཀོད་སྒྲིག་བྱ་ཡུལ་གྱི་གནས་སྤོར་དུད་ཚང་གནས་སྤོས་བྱས་པ་རེད། 
      “ཡུལ་གཞན་དུ་གནས་སྤོས་ནས་དུད་ཚང་དབུལ་པོའི་སྡོད་ཁང་དང་ཐོན་སྐྱེད་འཚོ་བའི་གནད་དོན་རྦད་དེ་ཐག་གཅོད་ཐུབ་ཡོད་དེ། ཏང་དང་སྲིད་གཞུང་གི་རོགས་རམ་དང་ཐུགས་ཁུར་འོག ཁོ་ཚོའི་འཚོ་བའི་ཁོར་ཡུག་ཇེ་ལེགས་སུ་ཕྱིན་པ་དང་འཚོ་བའི་ཆ་རྐྱེན་ཇེ་མཐོ་རུ་ཕྱིན་ཡོད”ཅེས་བློ་བཟང་མཁས་གྲུབ་ཀྱིས་ལོ་རེའི་བོད་ཀྱི་ལོ་གསར་སྐབས་བསམ་ཡས་དགོན་པས་སྒོར6800བཏང་ནས་གནས་སྤོས་མང་ཚོགས་ལ་འཚམས་འདྲི་བྱེད་པ་དང་ཁོ་ཚོས་གནས་སྤོ་ཡུལ་དུ་མཛེས་སྡུག་ལྡན་པའི་མི་ཚེ་གསར་པ་སྐྱེལ་རྒྱུར་སྐུལ་ལྕག་བྱེད་ཀྱི་ཡོད་ཅིང་། ཁོ་ཚོའི་འཚོ་བ་སྔར་ལས་མཛེས་སྡུག་ལྡན་པར་སྨོན་འདུན་ཞུ་བཞིན་ཡོད་པ་རེད།
  
                   
                                              འདི་ནི་བསམ་ཡས་དགོན་པ་རེད། 

     བསམ་ཡས་དགོན་པར། འདི་ལྟ་བུའི་དགེ་སྒྲུབ་ཀྱི་བྱེད་སྒོ་ལོ་ལྟར་ཧ་ཅང་མང་པོ་ཡོད་ཅིང་། འབྱུང་འགྱུར་ཡང་དད་ལྡན་མང་ཚོགས་ཀྱིས་མཆོད་འབུལ་གནང་པའི་ཡོང་འབབ་མང་ཚོགས་ཀྱི་དོན་དུ་གཏོང་རྒྱུ་ཡིན་ལ། ལོ་ལྔའི་རིང་བསམ་ཡས་དགོན་པས་དཀའ་ངལ་ཡོད་པའི་མང་ཚོགས་ལ་ཞལ་འདེབས་ཁྱོན་སྒོར་ཁྲི་བརྒྱ་ལྷག་ཙམ་ཕུལ་ཡོད་པ་རེད། 
     བློ་བཟང་མཁས་གྲུབ་ཀྱིས་ད་དུང་གསར་འགོད་པར།  ཉེ་བའི་ལོ་ཤས་རིང་ཏང་དང་སྲིད་གཞུང་གི་དམིགས་བསལ་གཟིགས་སྐྱོང་འོག་དགོན་པའི་འཚོ་བའི་ཆ་རྐྱེན་ཇེ་ལེགས་སུ་སོང་ཡོད་ཕྱིར་བསམ་ཡས་དགོན་པའི་དགེ་འདུན་པ་རྣམས་ཀྱིས་ཆོས་དད་མང་ཚོགས་ཀྱི་གྲོང་ཆོག་ལ་ཕྱིན་ནས་འབུལ་བ་ལེན་རྒྱུ་གཏན་འགོག་བྱས་ཡོད་ཅིང་། དད་ལྡན་མང་ཚོགས་ལའང་ཚན་རིག་དང་མཐུན་པའི་ངང་འབུལ་བ་འབུལ་རྒྱུ་དང་། ངེས་པར་དུ་རང་ཉིད་ཀྱི་འཚོ་བ་དང་སྨན་བཅོས། རྒན་གསོའི་དངུལ་བཅས་གསོག་འཇོག་བྱེད་དགོས་པ་དང་། དུད་ཚང་དབུལ་པོས་རྨོངས་བའི་ངང་འབུལ་བ་ཕུལ་ནས་ཁྱིམ་ཚང་གི་འཚོ་བར་ཤུགས་རྐྱེན་ཐེབས་པར་གཏན་འགོག་བྱས་པ་ཡིན་ཞེས་ཟེར། 
     འབྱོར་འབྲིང་མཉམ་སྐྲུན་གྱི་ལམ་བུའི་ཐོག བསམ་ཡས་དགོན་པའི་དགེ་འདུན་པ་དག་ནི་ དཔང་པོ་ཞིག་ཡིན་ལ་ནང་ཞུགས་མཁན་དང་འཛུགས་སྐྲུན་མཁན་ཡང་ཡིན། ཁོ་ཚོས་བྱམས་སྙིང་རྗེའི་སྒོམ་སྒྲུབ་དང་དགེ་སྒྲུབ་དབུལ་སྐྱོར་གྱི་སྤྱོད་ལམ་ཐོག་ནས་བོད་ཀྱི་ཆོས་ལུགས་ལས་རིགས་ཀྱི་རྒྱལ་གཅེས་ཆོས་གཅེས་དང་དབུལ་སྐྱོར་དཀའ་སེལ་གྱི་སྣང་བརྙན་བཟང་པོ་མངོན་པར་བྱས་ཡོད། 
     ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།


发表评论 评论 (7 个评论)

回复 丹正嘉的blog 2020-6-12 14:22
བོད་ཀྱི་དགོན་སྡེ་ཐོག་མ
回复 ljh8520035 2020-6-12 17:07
丹正嘉的blog 2020-6-12 14:22
བོད་ཀྱི་དགོན་སྡེ་ཐོག་མ

རྒན་རྟ་མགྲིན་རྒྱལ་ལགས་ཀྱིས་གཟིགས་པར་བཀའ་དྲིན་ཆེ་ལགས།       
回复 久美多吉 2020-6-15 19:03
བལྟས་ཚར།
བཀའ་དྲིན་ཆེ།
去过一次桑耶寺,我不懂佛,只是慕名而去,即便如此也是一次难以忘怀的旅行。
回复 ljh8520035 2020-6-16 12:27
久美多吉 2020-6-15 19:03
བལྟས་ཚར།
བཀའ་དྲིན་ཆེ།
去过一次桑耶寺,我不懂佛,只是慕名而去,即便如此也是一次难以忘怀的旅行。

谢谢关注     
回复 久美多吉 2020-6-16 16:34
ljh8520035: 久美多吉 2020-6-15 19:03
བལྟས་ཚར།
བཀའ་དྲིན་ཆེ།
去过一次桑耶寺,我不懂佛,只是慕名而去,即便如此也是一次难以忘怀的旅行。

谢谢关注[ ...
您的这些文章恰好符合我想读的,比较短,结合这个网站上的翻译软件一点点看。实际上对汉族人来说有翻译软件读藏文要容易多了,几乎可以直接读下去,每个单词如果翻译出意思来,一句话就知道意思了。可是如果读英文,即便把每个单词都查一遍,也不懂一篇文章说的什么意思。
今天遇到了比较难的文章。介绍拉萨西边哲蚌寺下面的一个小寺庙。因为翻译软件都查不出来那里面的一些单词,所以看的云里雾里,看不懂了。除了宗教方面比较难的词汇。别的藏文通过比较好的翻译软件就可以一点点看了。当然非常慢,您的一个文章,可能要看三个到四个小时,几乎每个单词都要用软件翻译。
回复 ljh8520035 2020-6-17 11:07
久美多吉 2020-6-16 16:34
ljh8520035: 久美多吉 2020-6-15 19:03
བལྟས་ཚར།
བཀའ་དྲིན་ཆེ།
去过一次桑耶寺,我不懂佛,只是慕名而去,即便如此也是一次难以忘怀的旅行。

谢谢关注[ ...
您的这些文章恰好符合我想读的,比较短,结合这个网站上的翻译软件一点点看。实际上对汉族人来说有翻译软件读藏文要容易多了,几乎可以直接读下去,每个单词如果翻译出意思来,一句话就知道意思了。可是如果读英文,即便把每个单词都查一遍,也不懂一篇文章说的什么意思。
今天遇到了比较难的文章。介绍拉萨西边哲蚌寺下面的一个小寺庙。因为翻译软件都查不出来那里面的一些单词,所以看的云里雾里,看不懂了。除了宗教方面比较难的词汇。别的藏文通过比较好的翻译软件就可以一点点看了。当然非常慢,您的一个文章,可能要看三个到四个小时,几乎每个单词都要用软件翻译。

谢谢关注     
回复 图书博览所 2020-6-29 14:04
桑耶寺真的很美。塔的色彩在其他地方看不到。甘丹寺的佛像总觉得大的离谱等那种不协调的因素基本没有。唯一的实在看不惯的是门外厕所的脏纸到处飞,我自己还拿起路边的一把笤帚扫了一下,这个也是其他藏区应该看不到的情况。这是留给我唯一的遗憾。

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所|技术支持:BODYIG.NET

严禁在本站发表与国家法律相抵触言论和散播谣言

Powered by Discuz! X3.4GMT+8, 2020-12-3 09:19 , Processed in 0.026591 second(s), 17 queries .

返回顶部