日志

༄༅།།མངོན་མིན་ཤུལ་བཞག་རིག་གནས་ལ་རོལ་ཏེ་ལོ ...

已有 256 次阅读2020-1-17 08:09 |系统分类:文化


                                   ༄༅།།མངོན་མིན་ཤུལ་བཞག་རིག་གནས་ལ་རོལ་ཏེ་ལོ་གསར་པ་བསུས།
                              ཡོང་ཁུངས། བོད་ལྗོངས་འཕྲིན་དྲ། རྩོམ་པ་པོ། མི་གསལ། རྩོམ་སྒྲིག་པ། གཡང་རྒྱལ་ཚེ་རིང་།

                       
      སྤྱི་ཟླ་དང་པོའི་ཚེས་༡༣ཉིན་གྱི་སྔ་དྲོ། བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་ལྗོངས་མངོན་མིན་ཤུལ་བཞག་རིག་གནས་སྲུང་སྐྱོབ་ལྟེ་གནས་ཀྱིས་སྤྱི་ལོ༢༠༢༠ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་མཉམ་སྤྲོའི་བྱེད་སྒོ་སྤེལ་བ་རེད། བྱེད་སྒོའི་ཐོག་ནང་མ་སྟོད་གཞས་འཁྲབ་སྟོན་དང་ལོ་གསར་གྱི་ཆ་ཡིག་བཀྲ་ཤིས་སྨོན་ཚིག་འབྲི་བ། ཚགས་པར་གྱི་ཨང་རྟགས་ལེན་པ་སོགས་སྣ་མང་ཕུན་སུམ་ཚོགས་པའི་བྱ་བ་སྤེལ་ནས། དཔྱིད་གསར་དུས་ཆེན་དང་བོད་ཀྱི་ལོ་གསར་ལ་བསུ་བ་ཞུ་ཆེད་དུས་ཆེན་གྱི་རྣམ་པ་ཟབ་མོ་ཞིག་གཏོད་ཡོད།

                       
      ནང་མ་སྟོད་གཞས་ཀྱི་འཁྲབ་སྟོན་པ་ལྷ་ཆུང་ནས། ང་ནང་མ་སྟོད་གཞས་ལ་ཧ་ཅང་དགའ་པོ་ཡོད། རྒན་ཡོལ་ཞུས་རྗེས་ང་ལྗོངས་མང་ཚོགས་སྒྱུ་རྩལ་ཁང་གི་ནང་མ་སྟོད་གཞས་གསོ་སྦྱོང་འཛིན་གྲྭར་ཞུགས་ནས་སློབ་སྦྱོང་བྱས་པ་ཡིན། དཔྱིད་གསར་དུས་ཆེན་དང་བོད་ཀྱི་ལོ་གསར་འཆར་ཉེའི་སྐབས་སུ་བྱེད་སྒོ་དེར་ཞུགས་ཐུབ་པ་དང་བསྟུན་ནས་རྒྱ་ཆེའི་གཟིགས་མོ་བར་ལོ་གསར་གྱི་སྨོན་འདུན་ཡང་ཞུ་རྒྱུ་ཡིན་ཞེས་བཤད།

                       
      བོད་ཡིག་ཡིག་གཟུགས་ཀྱི་རྒྱུན་འཛིན་པ་བཀྲ་ཤིས་དོན་གྲུབ་ཀྱི་སྨྱུ་རྩེ་ལས་ཐོན་པའི་སྣག་ཚའི་དྲི་ཞིམ་འཐུལ་བའི་ལོ་གསར་གྱི་སྨོན་ཚིག་རེ་རེས་སྐུ་མགྲོན་གྱི་ཡིད་དབང་བཀུག་ཡོད། ཁོང་གིས་བྱེད་སྒོ་དེ་རིགས་སྤེལ་བ་བརྒྱུད་ཚང་མར་ལོ་གསར་གྱི་སྨོན་འདུན་ཞུ་བ་དང་ཆབས་ཅིག གནའ་བོའི་བོད་ཡིག་ཡིག་གཟུགས་སྒྱུ་རྩལ་ལ་ཚང་མས་དོ་སྣང་ཐུབ་པ་བྱས་ཏེ་མངོན་མིན་ཤུལ་བཞག་རིག་གནས་མི་ཉམས་གོང་འཕེལ་ཐུབ་རེ་བྱེད་ཀྱི་ཡོད་ཅེས་བཤད།

                       
      བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་ལྗོངས་མངོན་མིན་ཤུལ་བཞག་རིག་གནས་སྲུང་སྐྱོང་ལྟེ་གནས་ཏང་ཨུད་ཀྱི་ཧྲུའུ་ཅི་གཞོན་པ། དབུ་འཛིན་དབྱངས་ཅན་སྒྲོལ་དཀར་གྱིས་ད་ཐེངས་ཀྱི་བྱེད་སྒོར་བརྟེན་ནས་དུས་ཆེན་གྱི་རྣམ་པ་ཟབ་མོ་གཏོད་ཐུབ་པ་མ་ཟད། མང་ཚོགས་ཚང་མས་རིག་གནས་འཛུགས་སྐྱོང་ནང་ཞུགས་པའི་སྤྲོ་སེམས་ཀྱང་སྐོང་འཐེན་གང་ལེགས་ཐུབ་ཡོད། ང་ཚོས་མུ་མཐུད་བྱེད་སྒོ་དེ་རིགས་སྤེལ་ནས་མང་ཚོགས་ཚོའི་རིག་གནས་འཚོ་བའི་དགོས་མཁོ་ཟམ་མི་ཆད་པར་བསྐོང་ཏེ། ཁོང་ཚོའི་རིག་གནས་ཀྱི་ཐོབ་སྣང་དང་སྐྱིད་སྣང་རྒྱུན་ཆད་མེད་པར་མཐོ་རུ་གཏོང་རྒྱུ་ཡིན་ཞེས་བཤད།།
      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.4GMT+8, 2020-9-24 06:13 , Processed in 0.018757 second(s), 16 queries .

返回顶部