日志

༄༅།།ཁྱེད་ཀྱིས་རྒོད་ཀྱི་སྟོང་སྡེ་དྲུག་ཅུ་ ...

已有 170 次阅读2019-10-26 09:00 |系统分类:文化


                                    ༄༅།།ཁྱེད་ཀྱིས་རྒོད་ཀྱི་སྟོང་སྡེ་དྲུག་ཅུ་རྩ་གཅིག་ཟེར་བ་གོ་ཨེ་མྱོང་།
                                   ཡོང་ཁུངས། ཁམས་པའི་དྲ་བ། རྩོམ་པ་པོ། མི་གསལ། རྩོམ་སྒྲིག་པ། སྣང་རྡོར།

                     

      ༄༅།།སྲོང་བཙན་སྒམ་པོའི་སྐབས་བོད་ཡུལ་གཙང་ལ་གཡས་རུ་དང་རུ་ལག དབུས་ལ་དབུ་རུ་དང་གཡོ་རུ། དེ་མིན་རྣམས་ཡན་ལག་གསུམ་པའི་རུ་སྟེ་རུ་ཆེན་ཁག་ལྔར་ཕྱེ་བ་རུ་རྣམས་དམག་དཔུང་གི་རུ་སྡེ་དྲུག་ཅུ་རེ་གཅིག་ཏུ་ཕྱེ་བ་སྟེ། རུ་ཆེན་སྡེ་ལྔ་པོ་དེའི་ནང་ནས་དབུ་རུ་དང༌། གཡོ་རུ། གཡས་རུ། རུ་ལག ཞང་ཞུང་གི་རུ་བཅས་ལ་སྟོང་སྡེ་བཅུ་རེ། སུམ་པའི་རུ་སྡེ་ལ་སྟོང་སྡེ་བཅུ་གཅིག་བཅད་ཡོད། སྟོང་སྡེ་རྩི་ཚུལ་ནི། རུ་རེ་ལ་སྟོང་སྡེ་བརྒྱད་དང༌། སྟོང་བུ་ཆུང་གི་སྡེ་རེ་དང༌། སྐུ་སྲུང་སྟོང་སྡེ་རེ་བཅས་རྩིས་པས་སྟོང་སྡེ་བཅུ་ཡིན། དབུ་རུ་སྟོད་དང༌། གཡོ་རུ་སྟོད། གཡས་རུ་སྟོད། རུ་ལག་སྟོད་བཅས་ལ་སྟོང་བུ་ཆུང་བཞི་དང༌། ཞང་ཞུང་སྟོད་སྨད་གཉིས་ལ་སྟོང་བུ་ཆུང་རེ། སུམ་པའི་རུ་ལ་སྟོང་བུ་ཆུང་གཅིག་བཅས་སྟོང་བུ་ཆུང་བདུན། དབུ་རུ་སྨད་དང༌། གཡོ་རུ་སྨད།གཡས་རུ་སྨད། རུ་ལག་སྨད་བཅས་སྐུ་སྲུང་གི་སྟོང་སྡེ་རེ་རྩིས་པས་སྐུ་སྲུང་སྟོང་ལྡེ་བཞི་བཅས་ཡོད་པ་དང༌། སྟོང་སྡེ་སོ་སོའི་ཁོངས་སུ་ས་གནས་གང་དང་གང་ཡོད་བཅས༼ཆོས་འབྱུང་མཁས་པའི་དགའ་སྟོན༽ནང་དུ་གསལ་ཞིང༌། ཏུན་ཧོང་ནས་ཐོན་པའི་བྱང་བུ་འགའ་ཞིག་གི་ནང་སྟོང་སྡེའི་ནང་གསེས་ཀྱི་ས་གནས་ལྔ་བཅུ་ཙམ་གྱི་མིང་འཁོད་པ་ལྟར་ན།དབུ་རུ་སྟོད་གྱི་ཁམས་ནས་དོར་སྡེ་དང་སྡེ་མཚམས། ཡེར་རབ། དབུ་རུ་སྨད་ཀྱི་ཁོངས་ནས་སྐྱིད་སྟོད། གཡོ་རུ་སྟོད་ཀྱི་ཁོངས་ནས་ཉག་ཚེ་དང༌། གཉི་མོ་བག དྭགས་པོ། གཡོ་རུ་སྨད་ཀྱི་ཁུངས་ནས་ལྷོ་བྲག་དང་། གཉལ་པ། གཡས་རུ་སྟོད་ཀྱི་ཁོངས་ནས་ལང་མི་དང༌། ཕོད་དཀར། གཡས་རུ་སྨད་ཀྱི་ཁོངས་ནས་ཉེན་ཀར་དང་འབྲང་མཚམས། རུ་ལག་སྟོད་ཀྱི་ཁོངས་ནས་གྲོམ་པ་དང༌། ལྷ་རྩེ་ཁྲི་ཕོམ། མང་ཀར། རུ་ལག་སྨད་ཀྱི་ཁོངས་ནས་གད་སྲམ། ཞུང་ཞུང་སྨད་ཀྱི་ཁོངས་ནས་སྤྱི་གཙང་དང་ཡར་གཙང༌། སུམ་པའི་ཁོངས་ནས་བྱན་པོ་ནགས་ཤོད། ཁ་རོ།འཇམ་སྟོད། འཇམ་སྨད། རྒོད་ཚང་སྟོད། རྒོད་ཚང་སྨད་བཅས་ས་གནས་ཉི་ཤུ་རྩ་ལྔའི་མིང་གསལ་བ་རྣམསཆོས་འབྱུང་མཁས་པའི་དགའ་སྟོནདང་ཡོངས་སུ་མཐུན་ཞིང་ས་མིང་འགའ་ཞིག་དེང་སང་ཡང་ངོས་འཛིན་རྒྱུ་ཡོད་པ་དཔེར་ན། དབུ་རུའི་ཁོངས་ཀྱི་འབྲི་མཚམས་དང༌། ཕྱུགས་མཚམས། སྐྱིད་སྟོད་སྐྱིད་སྨད། གཡོ་རུའི་ཁོངས་ཀྱི་ཡར་ལུང་འཕྱིང་ལུང༌། དྭགས་པོ། གཉལ། ལྷོ་བྲག རུ་ལག་ཁོངས་ཀྱི་མིང་ཀར་དང་གྲོམ་པ། ལྷ་རྩེ། མྱང་རོ། ཞང་ཞུང་ཁོངས་ཀྱི་གུ་གེ་དང༌། ཅོག་ལ། སུམ་པའི་རུ་ཁོངས་ཀྱི་རྒོད་ཚང་སྟོད་སྨད་གཉིས་དང༌། ནགས་ཤོད་བཅས་ནི་དེང་སང་གི་ས་བཀྲའི་ས་མིང་ཐོག་འཁོད་ཡོད་ཅིང༌། ས་བཀྲའི་ནང་མ་འཁོད་ཀྱང་ས་མིང་ད་ལྟ་བེད་སྤྱོད་བྱེད་བཞིན་པ་ཡང་མི་ཉུང་བ་ཞིག་ཡོད། ཆོས་འབྱུང་མཁས་པའི་དགའ་སྟོནདང༌། བློན་པོ་བཀའ་ཐངགི་ནང་གསལ་བའི་ས་མིང་མང་ཆེ་བ་མཐུན་ཡང༌། འགའ་ཞིག་གཏན་ནས་མི་མཐུན་པ་དང༌། སྐབས་འདིར་སྟོང་ལྡེ་དྲུག་ཅུ་རེ་གཅིག་བཤད་རུང༌། བློན་པོ་བཀའ་ཐངགི་ནང་སྟོང་སྡེ་བཞི་བཅུ་ཞེ་གཉིས་ལས་མ་བཤད་པ་ནི་བཀའ་ཐང་ནང་གི་སྟོང་སྡེ་དེ་དག་རྒྱལ་པོ་ཁྲི་སྲོང་ལྡེ་བཙན་སྐབས་ཀྱི་སྟོང་སྡེ་ཕྱེ་ཚུལ་ཡིན་པས་སྔར་གྱི་སྟོང་སྡེ་དྲུག་ཅུ་རེ་གཅིག་དེ་རྣམས་ཕན་ཚུན་ཟླ་བསྒྲིལ་བཅོས་བསྒྲིགས་བྱས་པའི་གནས་ཚུལ་གསལ་པོ་ཡོད། སྟོང་ལྡེ་སོ་སོར་མི་གྲངས་ཇི་ཙམ་ཡོད་པའི་སྐོར། སྲོང་བཙན་སྒམ་པོའི་སྐབས་སུ་སྟོང་སྡེ་རེ་ལ་མི་གྲངས་ཇི་ཡོད་ལོ་རྒྱུས་ཁག་ལས་གསལ་པོར་བཤད་པ་ཞིག་མ་མཐོང་ཡང༌། ཁྲི་སྲོང་ལྡེ་བཙན་སྐབས་ཀྱི་སྟོང་ལྡེ་ཁག་ལ་མི་གྲངས་ཇི་ཡོད་སྐོརབློན་པོ་བཀའ་ཐངནང་གསལ་བ་ལྟར་ན། དབུ་རུ་སྟོད་སྨད་གཉིས་ཀྱི་སྟོང་སྡེ་བཅུ་གཅིག་ལ་མགོ་གྲངས་བདུན་འབུམ་བཞི་ཁྲི། གཡོ་རུ་སྟོད་སྨད་གཉིས་ཀྱི་སྟོང་ལྡེ་བརྒྱད་དང་སྟོང་བུ་ཆུང་གཅིག་སྟེ་དགུ་ལ་མགོ་གྲངས་བདུན་འབུམ།གཡས་རུའི་སྟོང་སྡེ་བརྒྱད་དང་སྟོང་བུ་ཆུང་བཅས་བསྡོམས་པའི་དགུ་ལ་མགོ་གྲངས་བདུན་འབུམ། རུ་ལག་གི་སྟོང་སྡེ་བརྒྱད་དང་སྟོང་བུ་ཆུང་བཅས་བསྡོམས་པའི་དགུ་ལ་མགོ་གྲངས་བདུན་འབུམ་ཉིས་ཁྲི་བཅས་ཡོད་པར་བཤད། དེ་དག་གི་གྲངས་འབོར་བསྡོམས་ན་མགོ་གྲངས་ས་ཡ་གཉིས་དང་བརྒྱད་འབུམ་དྲུག་ཁྲི་ཡིན་ཅིང༌། དེ་ལ་དེང་སང་གི་ཁྲི་གྲངས་རྩི་གཞིར་བྱས་པ་ལྟར་ན་ཁྲི་ཉིས་བརྒྱ་བརྒྱད་ཅུ་གྱ་དྲུག་ཡོད་དགོས། རྒྱལ་པོ་ཁྲི་སྲོང་ལྡེ་བཙན་སྐབས་བོད་ཀྱི་དམག་ཤུགས་ཆེན་པོ་ཡོད་ངེས་ཅན་ཡིན་ཡང༌། དམག་དཔུང་གི་གྲངས་འབོར་མང་པོ་དེ་ཙམ་འོང་དཀའ་བའི་ཚོད་དུ་སྣང༌།

                                            
                                   ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.4GMT+8, 2020-9-27 22:15 , Processed in 0.022157 second(s), 16 queries .

返回顶部