博客西藏在最高处过一种生活

日志

端智嘉 诗歌《青春的激流》汉译文

热度 3已有 591 次阅读2017-1-7 17:53 |个人分类:诗歌(汉译文)|系统分类:文学

                ༄༅།།ལང་ཚོའི་རྦབ་ཆུ།

          -----རང་གྲོལ།

སྔོ་ཞིང་བསངས་པའི་ནམ་མཁའ།

   དྲོ་ཞིང་འཇམ་པའི་ཉི་འོད།

      ཡངས་ཤིང་ཆེ་བའི་ས་གཞི།

          མཛེས་ཤིང་སྡུག་པའི་མེ་ཏོག

              མཐོ་ཞིང་བརྗིད་པའི་ལྷུན་པོ……

ཨེ་མ—

དེ་ལས་ཀྱང་ཉམས་དགའ་བ་ནི།

    མདུན་ཕྱོགས་ཀྱི་བྲག་ངོས་གཟར་བོ་ན།

        ཆིལ་ཆིལ་དུ་འབབ་པའི་རྦབ་ཆུ་རེད།

ལྟོས་དང༌།

ལྦུ་བའི་རླབས་ཕྲེང་དཀར་ཞིང་དྲི་མ་མེད་ལ།

      འོད་ཀྱི་ཐིག་ལེ་ནི་རྨ་བྱའི་སྒྲོ་མདོངས།

           ནེ་ཙོའི་སྒྲོ་ཐུལ།

              ཟ་འོག་གི་རི་མོ།

                དབང་བོའི་གཞུ་རིས……

ཉོན་དང༌།

ཆུ་ཡི་བཞུར་སྒྲ་གསལ་ཞིང་སྙན་འཇེབས་ལྡན་ལ།

ལང་ཚོའི་གླུ་དབྱངས་ནི་དྲི་ཟའི་གླུ།

ཚངས་པའི་དབྱངས།

དབྱངས་ཅན་ངག

ཁུ་བྱུག་གདངས……

ཀྱེ—འདི་ནི་རང་བཞིན་གྱི་རྦབ་ཆུ་དཀྱུས་མ་ཞིག་མ་ཡིན་ཏེ།

བརྗིད་ཅིང་རྔམ་པའི་ཉམས།

འཇིགས་པ་མེད་པའི་སྙིང༌།

ཞུམ་པ་མེད་པའི་དཔའ།

དར་ཞིང་རྒྱས་པའི་ལུས།

མཛེས་ཤིང་འཕྱོར་བའི་རྒྱན།

སྙན་ཞིང་འཇེབས་པའི་གླུ……

འདི་ནི—

བོད་གངས་ཅན་གྱི་གཞོན་ནུ་རྣམས་ཀྱི་ལང་ཚོའི་རྦབ་ཆུ་རེད།

འདི་ནི—

དུས་རབས་ཉི་ཤུའི་ལོ་རབས་བརྒྱད་ཅུའི་བོད་རིགས་གཞོན་ནུ་རྣམས་ཀྱི་

གསར་གཏོད་ཀྱི་སྙིང་སྟོབས།

འཐབ་འཛིང་གི་ཉམས་འགྱུར།

ལང་ཚོ་ཡི་གླུ་སྒྲ་རེད།

ཀྱེ་ཀྱེ།རྦབ་ཆུ་ཡི་ལང་ཚོ་ཡ།

ལང་ཚོ་ཡི་རྦབ་ཆུ།

ཁྱེད་ལ་འཇིགས་པ་མེད་པའི་སྙིང་སྟོབས་དང༌།

—ཞུམ་པ་མེད་པའི་སྤོབས་པ།

—ཉམས་པ་མེད་པའི་ཟིལ་ཤུགས།

—འཛད་མཐའ་མེད་པའི་སྟོབས་ཤུགས་འདི་ལྟ་བུ་ཞིག་

ཇི་ལྟར་རྒྱས་པ་ཡིན།

རེད་ལགས།

དཔྱིད་གསུམ་མཁའ་ནས་བབས་པའི་ཆར་ཆུ།

དབྱར་གསུམ་ས་ནས་བརྡོལ་བའི་ཆུ་མིག

སྟོན་གསུམ་སད་དང་སེར་བའི་སྙིང་བཅུད།

དགུན་གསུམ་གངས་དང་ཁ་བའི་ཡང་བཅུད།

གཞན་ཡང༌།

གངས་ཆུ—རྫ་ཆུ—གཡའ་ཆུ—ནགས་ཆུ—ན་ཆུ—རི་ཆུ—ལུང་ཆུ—ཕུ་ཆུ—

མདའ་ཆུ—

མདོར་ན།

བཀྲ་ཤིས་་པའི་ཆུ།

—དགེ་ལེགས་འབྱུང་བའི་ཆུ།

—དོན་འགྲུབ་པའི་ཆུ།

—ཡན་ལག་བརྒྱད་ལྡན་གྱི་ཆུ།

—ཕུན་སུམ་ཚོགས་པའི་ཆུ་སྟེ།

ཆུ་ཕྲན་མི་གཅིག་བརྒྱ་དང་བརྒྱད།

ཆུ་སྣ་མི་གཅིག་ཁྲི་མ་འབུམ།

ཁྱེད་ནི་མཐུན་སྒྲིལ་གྱི་ཆུ་ཞིག་ཡིན་པས།

གཡང་གཟར་གྱི་བྲག་ལས་འབབ་པར་ཕོད།

ཁྱེད་ནི་ཡོངས་འདུས་ཀྱི་ཆུ་ཞིག་ཡིན་པས།

ངམ་གྲོག་གི་གཡང་ལས་མཆོང་བར་སྤོབས།

ཁྱེད་ལ་གསར་བྱུང་གི་ཆུ་སྣ་བསྡུ་བའི་སྤོབས་པ་དང་ལྡན་པས།

ཁྱེད་ཀྱི་བློ་རྒྱ་ཆེ་ཞིང་ལུས་སྟོབས་དར་ལ་ཟིལ་ཤུགས་ཆེ།

ཁྱེད་ནི་ཁེངས་པ་སྤངས་ཤིང་དྲེགས་པའི་དྲི་མ་མེད་པས།

ཁྱེད་ཀྱི་བཞུར་རྒྱུན་རིང་ལ་འབབ་རྒྱུན་དྲག

ཁྱེད་ལ་སྙིགས་མ་འདོར་ཞིང་སྙིང་བཅུད་གཞིབ་པའི་ནུས་པ་དང་ལྡན་པས

ཁྱེད་ཀྱི་ལུས་སེམས་གཙང་ལ་ལང་ཚོའི་དཔལ་ཡོན་རྒྱས།

རྦབ་ཆུ་ཡ།

ཁྱེད་ནི་ལོ་རྒྱུས་ཀྱི་དཔང་བོ་དང༌།

མ་འོངས་པའི་ལམ་འདྲེན་རེད།

ཁྱེད་ཀྱི་དྲི་མ་བྲལ་བའི་ཆུ་ཐིགས་རེ་རེའི་ནང་དུ།

གངས་ཅན་བོད་ཀྱི་འཕེལ་འགྲིབ་འཁོད་ཡོད་ལ།

ཁྱེད་ཀྱི་གཟེགས་མ་འབར་བའི་རྡུལ་ཕྲན་རེ་རེའི་ནང་དུ།

བསིལ་ལྡན་ཁ་བའི་ལྗོངས་ཀྱི་དར་རྒུད་འདུས་ཡོད།

ཁྱེད་མེད་ན།

སྒྲ་རིག་པའི་རལ་གྲི་ལ་ངར་ཇི་ལྟར་ལྡུད།

ཁྱེད་མེད་ན།

བཟོ་རིག་པའི་ཆུ་གྲི་ལ་རྣོ་ཇི་ལྟར་འཇོག

ཁྱེད་མེད་ན།

གསོ་བ་རིག་པའི་ལྗོན་པ་རྒྱས་མི་ཐུབ་ལ།

ཚད་མའི་མེ་ཏོག་དང་ནང་རིག་འབྲས་བུའང་སྨིན་མི་སྲིད།

གཅིག་བྱས་ན—

ཁྱེད་ཀྱི་ཆུ་ཤེལ་དང་འདྲ་བའི་སེམས་ལའང༌།

ལོ་རྒྱུས་ཀྱི་རྨ་ཁ་དང༌།

དམག་འཁྲུག་གི་ནད་རྙིང༌།

རྨོངས་དད་ཀྱི་ཆུ་བུར།

རྙིང་ཞེན་གྱི་རྡུལ་ཕྲན་སོགས་མཆིས་ཀྱང་སྲིད་མོད།

ཡིན་ན་ཡང༌།

ཁྱེད་ལ་ལང་ཚོའི་རྔམ་བརྗིད་དང་སྐྱེས་སྟོབས་ཀྱི་དཔལ་དང་ལྡན་པས།

དགུན་གསུམ་གྱི་ཙག་གིས་ཁྱེད་ཀྱི་སེམས།

—འཁྱག་རོམ་གྱི་སྒྲོམ་དུ་འཇུག་པའི་གོ་སྐབས་ནི་ནམ་ཡང་མ་མཆིས་ལ།

རླུང་འཚུབ་ཀྱི་སྤུ་གྲིས་ཁྱེད་ཀྱི་བཞུར་རྒྱུན།

—ལན་བརྒྱར་གཏུབས་ཀྱང་ཆོད་པའི་ངེས་པ་ནི་དེ་བས་ཀྱང་ག་ལ་ཡོད།

རྒྱུ་མཚན་ནི—

ཁྱེད་ཀྱི་ཆུ་མགོ་གངས་དང་འབྲེལ་ཞིང༌།

ཁྱེད་ཀྱི་ཆུ་རྔ་རྒྱ་མཚོར་འདྲེས་ཡོད་པའི་ཕྱིར།

ཁྱེད་ཀྱི་ལོ་རྒྱུས་ཀྱི་བཞུར་རྒྱུན་རིང་མོས།

ང་ཚོ་ལ་གཟི་བརྗིད་དང་ལ་རྒྱ་གནང་བ་དང༌།

ཁྱེད་ཀྱི་དུས་རབས་ཀྱི་བཞུར་སྒྲ་སྙན་མོས།

ང་ཚོ་ལ་སྐུལ་མ་དང་སྟོབས་ཤུགས་བསྩལ་བྱུང༌།

གསན་བྱུང་ངམ—རྦབ་ཆུ་ལགས།

བོད་གངས་ཅན་གྱི་གཞོན་ནུ་རྣམས་ཀྱི་དྲི་བ་འདི་དག་

ཁྱེད་ཀྱིས་གསན་པ་ཨེ་བྱུང༌།

སྙན་ངག་གི་རྟ་མཆོག་སྐོམ་པས་གདུང་ན་ཇི་ལྟར་བྱ།

སྡེབ་སྦྱོར་གྱི་གླང་ཆེན་ཚ་བས་གཙེས་ན་ཇི་ལྟར་བྱ།

མངོན་བརྗོད་ཀྱི་སེང་གེ་དྲེགས་པས་གཟིར་ན་ཇི་ལྟར་བྱ།

ཟློས་གར་གྱི་བུ་ཆུང་དྭ་ཕྲུག་ཏུ་ལུས་ན་ཇི་ལྟར་བྱ།

སྐར་རྩིས་ཀྱི་ཕ་ཤུལ་སྟོང་བར་ལུས་ན་སུ་ཡིས་འཛིན།

ཚན་རིག་གི་གཞོན་ནུ་མག་པར་ལེན་ན་བསུ་བ་ཇི་ལྟར་བགྱིད།

ལག་རྩལ་གྱི་བུ་མོ་བག་མར་བསུ་ན་ཁྱོ་བོ་སུ་ཡིས་བྱ།

ལགས་སོ—རྦབ་ཆུ་ལགས།

ཁྱེད་ཀྱི་དྭངས་ཤིང་གསལ་ལ་སྙན་ཞིང་འཇེབས་པའི་གླུ་སྒྲ་

ལས་བྱུང་བའི་ལན་དེ་དག

—ང་ཚོའི་སེམས་སུ་རྡོ་ལ་རི་མོ་བརྐོས་པ་ལྟར་བཟུང་ཡོད།

ངོ་མ།

མཚར་སྡུག་འོད་སྟོང་འབར་བའི་སྔོན་ཆད་ཀྱིས་ད་ལྟའི་ཚབ་བྱེད་མི་རུང་ལ།

བ་ཚྭའི་དྲི་དང་འགྲོགས་པའི་ཁ་སང་གིས་དེ་རིང་གི་སྐོམ་པ་ག་ལ་སོད།

རྙེད་པར་དཀའ་བའི་ལོ་རྒྱུས་ཀྱི་བེམ་པོའི་ལུས་པོ་ལ།

དུས་དང་མཐུན་པའི་སྲོག་གི་དབང་བོ་མ་ཞུགས་ན།

ཡར་རྒྱས་ཀྱི་འཕར་རྩ་ལྡིང་མི་སྲིད་ལ།

སྔོན་ཐོན་གྱི་སྙིང་ཁྲག་རྒྱུ་མི་ཐུབ་ཅིང༌།

མདུན་བསྐྱོད་ཀྱི་གོམ་པ་ནི་དེ་བས་ཀྱང་ངོ༌།

ཀྭ་ཡེ།རྦབ་ཆུ་ལགས།

ཁྱེད་ཀྱི་ཆིལ་ཆིལ་གཡོ་བའི་རླབས་ཕྲེང་དང༌།

ལང་ལོང་འཐོར་བའི་གཟེགས་མ་ལས—

ང་ཚ་སྟེ།

—བོད་གངས་ཅན་གི་མི་རབས་གསར་བའི་སྟོབས་ཤུགས་མཚོན་པ་དང༌།

ཁྱོད་ཀྱི་ཤང་ཤང་འབབ་པའི་ཆུ་རྒྱུན་དང༌།

འུར་འུར་བཞུར་བའི་ཆུ་སྒྲ་ལས—

ང་ཚོ་སྟེ།

—བོད་གངས་ཅན་གྱི་མི་རབས་གསར་བའི་ཕུགས་བསམ་མངོན་འདུག

རྙེང་ཞེན།བག་འཁུམ།རྨོངས་དད།ལེ་ལོ……

ང་ཚོའི་མི་རབས་འདིར་འཇུག་ཡུལ་གཏན་ནས་མེད།

རྗེས་ལུས།ཀླ་ཀློ།མུག་ནགལོག་སྤྱོད……

ང་ཚོའི་དུས་རབས་འདིར་གནས་ས་ཡེ་ནས་མེད།

རྦབ་ཆུ་ཡ་རྦབ་ཆུ།

ང་ཚོའི་སེམས་ནི་ཁྱེད་ཀྱི་འགྲོས་དང་བསྟུན་ནས་གཡོ་བ་དང༌།

ང་ཚོའི་ཁྲག་ཀྱང་ཁྱེད་ཀྱི་རྒྱུན་དང་འགྲོགས་ནས་བཞུར་གྱིན་ཡོད།

མ་འོངས་པའི་ལམ་ཁར—

ཀྱག་ཀྱོག་སྔར་ལས་ཆེ་ན་ཡང༌།

བོད་ཀྱི་གཞོན་ནུ་རྣམས་འཇིགས་པའི་གོ་སྐབས་བྲལ་ཞིང༌།

ང་ཚོས་རང་རེའི་མི་རིགས་འདིར།

མདུན་བསྐྱོད་ཀྱི་ལམ་གསར་བ་ཞིག་འབྱེད་ངེས་ཡིན།

ལྟོས་དང༌།

གྲལ་འགྲིག་པའི་རུ་དཔུང་དེ་ནི།

བོད་གངས་ཅན་གྱི་མི་རབས་གསར་བ་རེད།

ཉོན་དང༌།

འགྲོས་མཉམ་པའི་གླུ་སྒྲ་དེ་ནི།

བོད་གངས་ཅན་གྱི་གཞོན་ནུའི་གོམ་སྒྲ་རེད།

འོད་གསལ་གྱི་ལམ་ཆེན།

གཟི་བརྗིད་ཀྱི་ལས་འགན།

བདེ་སྐྱིད་ཀྱི་འཚོ་བ།

འཐབ་འཛིང་གི་གླུ་དབྱངས།

རྦབ་ཆུའི་ལང་ཚོ་ལ་ཡལ་བ་མེད་ཅིང༌།

ལང་ཚོའི་རྦབ་ཆུ་ནི་དེ་བས་ཀྱང་ཉམས་པ་མེད།

འདི་ནི—

བོད་གངས་ཅན་གྱི་གཞོན་རབས་རྣམས་ཀྱི་ངག་ལས་བྱུང་བའི་ལང་ཚོའི་རྦབ་ཆུ་རེད།

འདི་ནི—

བོད་གངས་ཅན་གྱི་གཞོན་ནུ་རྣམས་ཀྱི་སེམས་ན་འབབ་པའི་ལང་ཚོའི་རྦབ་ཆུ་རེད

 

 

青春的激流

             端智嘉著                                              

             岗路巴译

湛蓝的天空

   温暖的阳光

       广阔的大地

          唯美的花朵

              雄伟的高山……

_

       更使我们兴奋的是

           从眼前陡峭的悬崖

               英勇而泻的激流

请看_

   浪花是多么的洁白无暇

       那丝光影犹如孔雀的艳羽

           鹦鹉的彩羽

               锦缎的波纹

                   空中的彩虹……

请听……

     流动的旋律是多么的轻盈而悦耳

     青春的歌声犹如诱人的神音

         美妙的玉帝之曲

             妙音女神之清声

                白灵鸟之美音

_这其实是一幅平凡的激流

    那英勇的姿势

       无惧的勇气

           磅礴的气昂

               强健的身躯

                   华丽的服饰

                       美妙的旋律

这是

雪域青年们青春的激流

这是

二十世纪八十年代雪域青年们

创新的精神

   斗争的勇气

       青春的歌声

   青春的激流啊

    激流般的青年

        你是如何得以具备

          —勇猛的胆量

              —如此豪迈的气势

                 —如此强大的威猛

                    —如此饱满的精神

是啊

   春天从天而降的雨水

       夏季自地而涌的泉水

           秋天霜露的结晶

               冬季冰雪之晶体

还有

雪山之水——山岭之水——森林之水——沼泽之水——山野之水

总之

   吉祥之水

       如愿之水

           顺事之水

              八能功德之水

不同溪水种类有一百则八

   水潍各有万千条

        因为你团结之水

            才勇于从峭壁飞泻千里

                因为你是一积聚之水下

                    才敢于自陡峭直冲而

因为你有着容纳新泉的勇气

让你变得体壮而充满青春活力

因为你有着谦虚而不傲的才华

使你得以源远流长与汹涌澎湃

因为你有着弃糟取精的能力

使你身心纯洁并青春盎然

激流啊

    你是历史的证人

        未来的引导者

            你纯洁的水滴之间

                记录着雪域的发展之旅

你燃烧的每一滴水粒

含着雪域圣地的盛败

倘若没有你

                   声明宝剑如何淬火

倘若没有你

                  工明的水刃怎么磨锋

倘若没有你

                  医明之树怎能开花结果

       因明之花何以绽开

       因明之果何以成熟

换言之

   在你纯洁如镜心中

   还残留着历史的伤痕

   战争的疾病

   迷信之水沫

   守旧的灰尘

但是

由于你有着青春的魅力与盎然的生机

即使是深冬的酷寒

也不能冻结你的心灵

哪怕是狂风的锋刃

也难以隔断你的激流

正是因为

       你的水源和雪山相连

       你的水末与大海汇聚

       你的历史长河的程中

       赐给我们光荣和尊严

       你那美妙的时代旋律

       给了我们动力与力量

是否能听得到激流

     听到雪域青年们的提问了没

     若诗学的骏马干渴了怎么办

     若声律学的大象中了暑该如何是

     若辞藻学的狮子傲慢了该怎么办

     若戏学的幼子成了孤儿由谁来领

     若天文历算的祖业由谁来继承

     若招科学的青年要婿该如何迎亲

     若娶技术的少女那由谁来当郎君

是啊____激流

   出自你清澈而悦耳的旋律中的那些答案

    ___已经烙印在我们的心底

确实

   辉煌灿烂的过去并不能代表现在

   含盐的以往怎能解今日之渴

   难以寻觅的历史的尸体

   如不今早时注入节奏

   发展的脉搏可能不会跳动

   先进的血液将也不能循环

   前进的步伐更不能向前迈开

啊 激流

   汹涌的波涛和层层浪花

体现着我们

   ___雪域新生一代的力量

   你奔腾的流水和潺潺的水声

体现着我们

雪域新生一代的理想

雪域新生一代的精神

    你奔腾的流水和

    潺潺的水声___

    体现着我们雪域新生一代的理想

    守旧 惧缩 迷信 懒惰……

    在我们这代人中根本无法立足

    落后 野蛮 黑暗 叛乱……

    在我们这代人中根本无法容身

激流啊激流

    我们的心和你一同璇动

    我们的血液将与你一起沸腾

    不管未来的路途___

    是多么的曲折

    雪域青年们从未惧恐过

   我们将会为这个民族

   开辟一条崭新的前进道路

请看

        排着整齐队伍的

        可不就是雪域的新生一代

请听__

   那和谐的歌声

   正是雪域青年们的迈步声

   光明的大道

   光荣的任务

   幸福的生活

   战斗的歌声

   激流的青春将永不干枯

   青春的激流是更不会衰败的

这是___

       从雪域青年们口中而呼的青春的激流

这是___

       雪域青年们从内心而发的青春的激流

               译于2015年5月4----7日

发表评论 评论 (4 个评论)

回复 trarabTB 2017-1-8 19:07
  
回复 pari 2017-1-9 03:57
美國陸軍工兵團 退休軍人,向原住民道歉:
我們奪取更多的土地、搶走你們的孩子、消滅你們的語言和造物上主賜給你們的一切。我們不尊重你們、污染你們的土地。我們在許多事上傷你們如此之深,只能來到這裡致上深深的歉意,我們在此聽候你們的差遣,祈求你們的原諒。12.10.2016
回复 pari 2017-1-9 03:58
12.10.2016英国广播公司记者史蒂夫·罗森伯格在莫斯科:在结束一场对戈尔巴乔夫的采访之际的这些即兴哼唱,已经成了一种令人好奇但感觉很可爱的传统。这个用改革重建改变了世界的人喜欢哼唱小曲。他唱道:”往昔未来,弹指一挥间;那一瞬刻,就是我们常说的生活。"苏联就是在弹指一挥间灰飞烟灭了。70年太久,但和罗马帝国与奥斯曼帝国相比呢?

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-9-22 05:11 , Processed in 0.290398 second(s), 23 queries .

返回顶部