日志

༄༅།།རྔ་བ་ཁུལ་གྱི་ཏོག་གསར་ནད་རྟགས་ཐག་བཅད་ ...

已有 45 次阅读2020-2-17 16:08 |系统分类:见闻


        
            ༄༅།།རྔ་བ་ཁུལ་གྱི་ཏོག་གསར་ནད་རྟགས་ཐག་བཅད་པའི་ནད་པ་གཅིག་པུའི་ནད་གཞི་དྲག་སྐྱེད་བྱུང་ནས་སྨན་ཁང་ནས་ཕྱིར་བུད་པ།
                    ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། མི་གསལ།རྩོམ་སྒྲིག་པ། སྣང་རྡོར།
 
     རྔ་བའི་གསར་འགྱུར་ཚགས་པར་དུ་སྤེལ་བའི་གནས་ཚུལ་ལྟར་ན། ཟླ་2ཚེས་17ཉིན་གྱི་སྔ་དྲོར། རྔ་བ་ཁུལ་གྱི་ཏོག་གསར་གློ་ཚད་ཕོག་པའི་ནད་པ་གཅིག་པུ་དེ་དྲག་སྐྱེད་བྱུང་ནས་རྔ་བ་ཁུལ་མི་དམངས་སྨན་ཁང་ལས་ཕྱིར་བུད་འདུག 

                
     རྔ་བ་ཁུལ་དུ་བྱུང་བའི་ནད་པ་གཅིག་པུ་ཀུའོ་ཆེ་གེ་མོ་ནི་ལོ་ན་26ཅན་གྱི་ཧུའུ་པེ་ཞིང་ཆེན་ཨན་ལུའུ་གྲོང་ཁྱེར་གྱི་བུད་མེད་ཅིག་ཡིན་ཞིང་། ཁོང་མོར་ཟླ་1ཚེས་28ཉིན་གྱི་ཕྱི་དྲོར་གློ་ལུ་བྱུང་རྐྱེན་འབར་ཁམས་གྲོང་ཁྱེར་ནད་ཡམས་སྔོན་འགོག་ཚོད་འཛིན་ལྟེ་གནས་ཀྱི་ཞིབ་བཤེར་དང་ལེན་བྱས་པ་དང་། ཟླ་1ཚེས་29ཉིན་གྱི་ཐོ་རེངས་ཆུ་ཚོད་5དང་སྐར་མ་49ཐོག་རྔ་བ་ཁུལ་མི་དམངས་སྨན་ཁང་གིས་སྨན་ཁང་དུ་ཉར་ཞིང་ལོགས་སུ་བཀར་ནས་སྨན་བཅོས་བྱས། ཟླ་1ཚེས་30ཉིན་གྱི་ཐོ་རེངས་སུ་ཏོག་གསར་གློ་ཚད་ཕོག་པའི་ནད་ངོ་བཟུང་།

                
    ཟླ་2ཚེས་14ཉིན་དང་ཚེས་16ཉིན་ཁུལ་ནད་ཡམས་སྔོན་འགོག་ཚོད་འཛིན་ལྟེ་གནས་ཀྱིས་ཁོང་མོའི་ཉིང་སྐྱུར་ལ་ཞིབ་དཔྱད་ཚད་ལེན་ཐེངས་གཉིས་བྱས་པ་ཚང་མ་ནད་དྲག་པའི་རྟགས་མངོན་ཞིང་། ཁུལ་རིམ་པའི་རིགས་གཅིག་མཁས་ཅན་ཚོགས་ཆུང་གིས་ཞིབ་བཤེར་དང་དཔྱད་དཔོག་ཐེངས་མང་བྱས་པ་བརྒྱུད། ནད་པ་དེ《རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱི་ཏོག་གསར་གློ་ཚད་ཀྱི་ནད་བརྟག་སྨན་བཅོས་ཇུས་གཞི(ཚོད་ལྟའི་ལག་བསྟར་པར་གཞི་ལྔ་བ)》རུ་བཀོད་པའི་ལོགས་བཀར་མཚམས་འཇོག་དང་སྨན་ཁང་ལས་འབུད་པའི་ཚད་གཞི་དང་མཐུན་པ་ཐག་བཅད་རྗེས་སྨན་ཁང་ལས་བུད་པ་ཡིན་འདུག

               
    སྔ་དྲོའི་ཆུ་ཚོད་11དང་སྐར་མ་36ཐོག ཁ་རས་བརྒྱབ་པའི་ཀུའོ་ཆེ་གེ་མོ་སྨན་དོན་མི་སྣའི་རོགས་རམ་འོག་ལོགས་བཀར་ནད་ཁུལ་ནས་ཐོན་ཞིང་། ལོགས་བཀར་ནད་ཁུལ་གྱི་སྨན་དོན་མི་སྣས་ཀུའོ་ཆེ་གེ་མོར་མེ་ཏོག་སོས་པ་དང་། ཁ་བཏགས་སོགས་ཕུལ་ནས་སྨན་ཁང་ནས་ཐོན་པར་རྟེན་འབྲེལ་ཞུས་པ་དང་འབྲེལ། ཁོང་མོར་མུ་མཐུད་ལོགས་བཀར་ལྟ་ཞིབ་ཉིན་14བྱེད་རྒྱུའི་ཁ་ཏ་བྱས་འདུག ཀུའོ་ཆེ་གེ་མོས་སྨན་དོན་མི་སྣ་ཡོངས་ལ་སེམས་གཏིང་ནས་གུས་འདུད་ཞུས་པ་དང་འབྲེལ་དགོས་མཁོ་ཡོད་ཚེ་རང་ཉིད་ཀྱི་ཁྲག་ཞལ་འདེབས་སུ་འབུལ་ཆོག་ཚུལ་ཡང་བརྗོད་འདུག 

                

                                     ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-4-7 13:53 , Processed in 0.055800 second(s), 20 queries .

返回顶部