日志

༄༅།གཏམ་བཟང་། བོད་སྨན་འདི་གསུམ་ལ་རིམས་འགོ ...

已有 89 次阅读2020-2-16 17:55 |系统分类:见闻


                              ༄༅།གཏམ་བཟང་། བོད་སྨན་འདི་གསུམ་ལ་རིམས་འགོག་སྨན་སྦྱོར་ཨང་རྟགས་ཐོབ་འདུག
                               ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ། མི་གསལ། རྩོམ་སྒྲིག་པ། སྣང་རྡོར།

                   
     ཟླ་2ཚེས་1ཉིན། ལྗོངས་སྨན་རྫས་ལྟ་འདོམས་ཅུས་ཀྱིས་སྨན་སྦྱོར་ཐོ་འགོད་དམིགས་བསལ་ཞིབ་བཤེར་ལམ་ལུགས་གཉེར་བ་ནས་བཟུང་། སྨན་རྩིས་ཁང་སྨན་སྦྱོར་ཁང་གིས་དུས་ཐོག་ཏུ་འབྲེལ་ཡོད་མི་སྣ་སྒྲིག་འཛུགས་བྱས་ཏེ། ནག་པོ་དགུ་སྦྱོར་སོགས་སྨན་སྣ་གསུམ་སྨན་ཁང་ནང་ཁུལ་གྱི་སྨན་སྦྱོར་ཁོངས་གཏོགས་སུ་ཐོ་འགོད་སྙན་ཞུ་བྱས་ཤིང་། བོད་ལུགས་གསོ་རིག་གི་རིག་པའི་གཞུང་ལུགས་དང་བོད་སྨན་མཁས་དབང་གི་བརྒལ་བརྟག་དགོངས་འཆར་གྱི་རྨང་གཞིའི་ཐོག དུས་ཐོག་ཏུ་སྙན་ཞུ་ལེགས་གྲུབ་དང་སྨན་སྦྱོར་ཨང་རྟགས་ལེན་ཐུབ་ཡོད་དེ། ནག་པོ་དགུ་སྦྱོར(བོད་སྨན་སྨན་སྦྱོར་ཐོ་འགོད་ཨང་Z20200007000)དང་། རིན་ཆེན་མང་སྦྱོར་ཆེན་མོ(བོད་སྨན་སྨན་སྦྱོར་ཐོ་འགོད་ཨངZ20200008000) ཕུར་ནག་དགུ་ཐ(བོད་སྨན་སྨན་སྦྱོར་ཐོ་འགོད་ཨང་Z20200045000)བཅས་རེད།

                   
     གཞན་ཡང་། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་སྤེལ་བའི་གནས་ཚུལ་ལྟར་ན། 
     བོད་ལུགས་གསོ་རིག་དང་བོད་སྨན་གྱིས་ཧུའུ་པེའི་ཏོག་གསར་གློ་ཚད་རིམས་ནད་ཀྱི་སྔོན་འགོག་ཚོད་འཛིན་ལ་ནུས་པ་འདོན་ཆེད། བོད་རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ལྷན་གྱིས་བོད་ལུགས་གསོ་རིག་དང་བོད་སྨན་ཐོན་སྐྱེད་སྨན་ཁང་དང་ཁེ་ལས་སྒྲིག་འཛུགས་བྱས་ནས། བོད་ལུགས་གསོ་རིག་དང་བོད་སྨན་གྱི་རིམས་འགོག་སྨན་རྫས་ཞལ་འདེབས་བརྒྱབ་པ་རེད།

                   
                                               ཞལ་འདེབས་ཕུལ་བའི་རིམས་འགོག་བོད་སྨན།

     ཉེ་ཆར། བོད་རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ལྷན་གྱིས་བོད་རང་སྐྱོང་ལྗོངས་བོད་ལུགས་གསོ་རིག་སྨན་ཁང་གི་ལས་སྣོན་སྨན་རྫས་ལྟེ་གནས་ནས་ཐོན་སྐྱེད་བྱས་པའི་བོད་ཀྱི་གསོ་བ་རིག་པའི་རིམས་འགོག་སྨན་ནག་པོ་དགུ་སྦྱོར་10000དང་བདུད་རྩི་རྟགས་ཅན་བོད་སྨན་གྱིས་ཐོན་སྐྱེད་བྱས་པའི་རིམས་འགོག་སྨན་སྤོས་སྒམ་10ཧུའུ་པེ་ཞིང་ཆེན་ཀྲུང་ལུགས་དང་ཕྱི་ལུགས་གསོ་རིག་ཟུང་འབྲེལ་གྱི་སྨན་ཁང་སོགས་སྨན་བཅོས་ལས་ཁུངས་ཀྱི་ནད་རིམས་འགོག་པའི་འཐབ་ས་དང་པོར་བསྐུར་ནས། ཧུའུ་པེ་ཞིང་ཆེན་གྱི་རིམས་ནད་སྔོན་འགོག་ཚོད་འཛིན་ལས་དོན་ལ་གཞོགས་འདེགས་བྱས་པ་རེད།
  
                   
                                               ཞལ་འདེབས་དངོས་ཟོག་སྦྲག་སྐུར་བྱེད་བཞིན་པ།

     བོད་ཀྱི་གསོ་བ་རིག་པའི་དཔལ་ལྡན་རྒྱུད་བཞི་སོགས་གསོ་རིག་གི་དཔེ་རྙིང་ཚད་ལྡན་དག་གི་ནང་གློ་བུར་དུ་ཐོན་པའི་འགོས་ནད་འགོག་བཅོས་ཐད་བརྒྱུད་རིམ་ལྡན་པའི་རིག་གཞུང་གི་རྒྱས་བཤད་བྱས་ཡོད་ལ། ལོ་ངོ་1300ལྷག་ཙམ་གྱི་ལག་ལེན་ནང་རིམས་འགོག་གི་ཉམས་མྱོང་ཕུན་སུམ་ཚོགས་པོ་བསགས་ཡོད། དེས་ན་ཐེངས་འདིའི་ཏོག་གསར་གློ་ཚད་ཀྱི་རིམས་ནད་ཁྱད་ཆོས་ལ་དམིགས་ནས། བོད་རང་སྐྱོང་ལྗོངས་བོད་ལུགས་གསོ་རིག་དང་བོད་སྨན་དོ་དམ་ཅུས་ཀྱིས་ལྗོངས་ནང་ཁུལ་གྱི་དབང་གྲགས་ལྡན་པའི་རིགས་གཅིག་མཁས་ཅན་སྒྲིག་འཛུགས་བྱས་ནས། 《བོད་རང་སྐྱོང་ལྗོངས་ཀྱི་ཏོག་གསར་གློ་ཚད་འགོག་བཅོས་ཐད་ཀྱི་བོད་ལུགས་གསོ་རིག་དང་བོད་སྨན་གྱི་འགོག་བཅོས་ཇུས་གཞི(པར་གཞི་དང་པོ)》ཞེས་པ་བཟོས་པ་དང་འབྲེལ《ཇུས་གཞི》ལྟར། ལྗོངས་ཡོངས་ཀྱི་རིམ་ཁག་བོད་ལུགས་གསོ་རིག་སྨན་ཁང་དང་བོད་སྨན་ཐོན་སྐྱེད་ཁེ་ལས་ཀྱིས་མགྱོགས་མྱུར་བྱ་སྤྱོད་སྤེལ་ནས། ཏོག་གསར་གློ་ཚད་སྔོན་འགོག་གི་རིམས་འགོག་བོད་སྨན་དང་། དེ་བཞིན་འབྲེལ་ཡོད་ཐོན་རྫས་ཐོན་སྐྱེད་དང་མཁོ་སྤྲོད་མགྱོགས་མྱུར་བྱས་པར་མི་རིགས་ཁག་གི་མང་ཚོགས་ཀྱིས་དགའ་བསུ་ཞུས་ཡོད།
     ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-4-7 15:06 , Processed in 0.049745 second(s), 20 queries .

返回顶部