日志

༄༅།།བཀྲ་ཤིས་ཆོས་ལུང༌ཞེས་བྱ་བ་བཞུགས་སོ། ... ...

热度 1已有 103 次阅读2019-12-4 16:46 |系统分类:文化


                                     ༄༅།།བཀྲ་ཤིས་ཆོས་ལུང༌ཞེས་བྱ་བ་བཞུགས་སོ།
                                ཡོང་ཁུངས། ཡོངས་འཛིན་འཚོལ་བཤེར་དྲ་བ། རྩོམ་པ་པོ། མི་གསལ།

                 

      ༄༅།།འཕགས་པ་ལྷ་ཧོ་ཐོག་ཐུ་རིན་པོ་ཆེའི་སྐུ་ཕྲེང་དང་པོ་འཕགས་པ་ལྷ(རབ་བྱུང་བདུན་པའི་ས་ལུག1439ནས་རབ་བྱུང་བརྒྱད་པའི་མེ་ལུག1487ལོའི་བར)དཔལ་བཟང་པོ་མཆོག་གིས་ཉང་པོ་དང༌། ཀོང་པོ། སྤོ་བོ། འཇང་ས་ཐམ་བཅས་སུ་སྒྲུབ་སྡེ་བཅུ་དང༌། དགོན་སྡེ་ཉི་ཤུ་ལྷག་ཙམ་ཕྱག་བཏབ་པ་གནང་བའི་དགོན༌སྡེ་དང་པོ་དེ་ཡིན། (དེང་སང་ཀོང་པོ་རྒྱ་མདའ་རྫོང་ཤར༌། རླུང་ཆུས་ཀྱི་ཁོངས་རི་ལྡེབས་སུ་ཡོད)གཙུག་ལག་ཐོག་མར་བཞེངས་སྐབས་འདུ་ཁང་དང་སྦུག་གི་བྱམས་ཁང་བསྡོམས་པའི་ཀ་བ་བཅོ་བརྒྱད་ཀྱི་ས་ཁྱོན་དང༌། བྱམས་ཁང་ནང་གི་བྱམས་པའི་སྐུ་རྒྱུ་ནི་ཨར་ཀ་ལྟ་བུའི་ས་རྒྱུ་ཤིན་ཏུ་མཁྲེགས་པོ་ལས་གྲུབ་པ། སྐུ་གཟུགས་ཀྱི་མཐོ་ཚད་ཁྲུ་བཞི་བཅུ་སྟེ་འདོམ་བཅུ(སྤྱི་ཁྲེ་ཉི་ཤུ)སྐུ་གཟུགས་ཧྲིལ་པོར་གསེར་བཏུལ་མས་བྱུགས་པ་བཟང་པོའི་བཞུགས་སྟངས་ཅན། གཡས་གཡོན་གཉིས་སུ་འཕགས་པ་ལྷ་སྐུ་ཕྲེང་དང་པོའི་སྐུ་དམར་གདུང་བཞུགས་པའི་གསེར་གདུང་བཀྲ་ཤིས་འོད་འབར་དང༌། ལྕགས་ར་སྐུ་ཕྲེང་དང་པོ་སངས་རྒྱས་དཔལ་འབྱོར་གྱི་སྐུ་དམར་གདུང་བཞུགས་པའི་གདུང་རྟེན་བཅས་ཡོད། དགོན་འདིར་ཐུན་མོང་མ་ཡིན་པའི་གསུང་རྒྱུན་འཕགས་པ་ལྷ་ཁྱབ་བདག་བདེ་ཆེན་རྡོ་རྗེའི་གསུང་རྩོམ་བདེ་མཆོག་ངམ་རྫོང་སྙན་བརྒྱུད་བདག་མདུན་བུམ་སྒྲུབ་དབང་ཆོག་བཅས་ཡོད་པ་ཕུད་དེ་བྱིངས་སྔགས་ཆོག་སྨད་རྒྱུད་གྲྭ་ཚང་དང་འདྲ། གྲྭ་གྲངས་བརྒྱ་དང་ཉི་ཤུ་ཡས་མས། གྲྭ་རྒྱུན་འགྲོ་ཁུངས་འབྲས་སྤུངས་བློ་གསལ་གླིང་དང༌། སེར་སྨད་གྲྭ་ཚང༌། དྭགས་པོ་གྲྭ་ཚང་བཅས་སུ་འགྲོ་སྲོལ་ཡོད།
      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།

发表评论 评论 (1 个评论)

回复 pari 2019-12-7 03:15
དེང་སྐབས་དུག་རྒྱུ་ཡོད་པའི་རྫས་འགྱུར་ཚོས་གཞི་ཅན་གྱི་རྡོ་བརྐོས་དང་། མཆོད་རྫས།རླུང་རྟ། རས་འཛར་བླ་དར་སོགས་ཀྱིས་བོད་ཀྱི་ས་ཆུ་མཚོ་རི་ལ་འབག་བཙོག་དང་གཏོར་བཤིག་ཧ་ཅང་ཆེན་པོ་བཏང་དང་གཏོང་བཞིན་ཡོད་ལ། རྫས་འགྱུར་འཕོ་འགྱུར་དང་བསྟུན་ནས་མིའི་རིགས་ལ་འབྲས་སྐྲན་ནད་རིགས་སློང་ཉེན་ཆེན་པོ་ཡོད། དེར་བརྟེན་དེ་དག་ནི་བོད་མི་ཚོས་རང་ཉིད་རང་གིས་གཙང་གསོད་བྱེད་པའི་བྱ་སྤྱོད་འབའ་ཞིག་རེད།མཆོད་རྫས་རི་བོ་འདྲ་ཙམ་ཕུལ་ཡང་ཆོས་སུ་མི་འགྲོ་མ་ཟད་ཁོར་ཡུག་དང་དཔལ་འབྱོར་སོགས་ལ་གནོད་སྐྱོན་ཚབས་ཆེན་ཕོག་ངེས་རེད།།དེ་མ་ཚད། ཁོར་ཡུག་ལ་གཏོར་བཤིག་བྱེད་པའི་གོམས་གཤིས་དང་དར་སྲོལ་ངན་པ་འདི་དག་རྒྱ་གར།་བལ་ཡུལ། སོག་ཡུལ་དང་ནུབ་ཕྱོགས་རྒྱལ་ཁབ་ལའང་འགོས་ནད་འདྲ་བོ་ཁྱབ་བཞིན་ཡོད་པ་རེད།གཅོད་པ་ཐར་གྱིས་ཕྱི་ལོ་ ༢༠༠༨ ཟླ་ ༣ ཚེས་ ༡༠ཉིན། ཨ་རིའི་གྲོང་ཁྱེར་ནོའུ་ཡོག་ནས་པུལ།

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-4-9 22:03 , Processed in 0.050918 second(s), 21 queries .

返回顶部