博客西藏在最高处过一种生活

日志

༄༅།།ལྷ་སའི་བུ་མོ་འདི་དངོས་གནས་ལས་སླ་པོ་མ ...

已有 167 次阅读2019-11-16 17:05 |系统分类:见闻


                                        ༄༅།།ལྷ་སའི་བུ་མོ་འདི་དངོས་གནས་ལས་སླ་པོ་མི་འདུག 
                                  ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ། མི་གསལ། རྩོམ་སྒྲིག་པ། བདེ་སྒྲོལ།

                                   
                                                 བོད་ལྗོངས་འོད་ཟེར་རིག་གནས་ཡུལ་སྐོར་བློ་གསར་སྨྱན་སྦྱོར་ཚད་ཡོད་ཀུང་སིའི་ཏུང་ཧྲི་ཀྲང་བདེ་སྒྲོན། 

      ཀྲུང་གོའི་བོད་ཀྱི་དྲ་བའི་འཕྲིན། ཟླ་10ཚེས་15ཉིན་གྱི་དགོང་མོ་ལྷ་མོའི་འཁྲབ་སྟོན་ལྟེ་གནས་སུ་དམིགས་བསལ་གྱི་རོལ་དབྱངས་འདུ་ཚོགས་ཤིག་བདེ་བླག་ངང་གཉེར་ཞིང་། རོལ་དབྱངས་འདུ་ཚོགས་དེའི་ཐོག་མི་རྣམས་ཀྱིས་དོ་སྣང་ཆེ་ཤོས་དང་བསྔགས་བརྗོད་བྱ་ཡུལ་དུ་གྱུར་པ་ནི་རྒྱན་གོས་སྤྱན་བསྟར་ཡིན་པ་དང་།  གང་དེར་གསར་གཏོད་རང་བཞིན་ལྡན་པའི་སྒོ་ནས་བོད་ཀྱི་ཡུལ་སྲོལ་གོམས་གཤིས་དང་དེང་གི་དར་སྲོལ་རིག་གནས་ཟུང་འབྲེལ་བྱས་ཏེ། སྲོལ་རྒྱུན་དང་དེང་རབས་ཀྱི་ཁྱད་ཆོས་གཅིག་ཏུ་བསྡུས་པའི་བཟོ་ལྟ་སྣ་ཚོགས་ཀྱི་བོད་ཆས་འགྲེམས་སྟོན་བྱས།  དེ་ཡང་གྱོན་ཆས་དེ་དག་ནི་བོད་ལྗོངས་འོད་ཟེར་རིག་གནས་ཡུལ་སྐོར་བློ་གསར་སྨྱན་སྦྱོར་ཚད་ཡོད་ཀུང་སིའི་ཡིན་པ་དང་། ཀུང་སི་དེས་ད་དུང་རོལ་དབྱངས་མཚན་ཚོགས་ཧྲིལ་པོའི་མཛེས་འཆོས་དང་རྒྱན་གོས་སྤྱན་བསྟར་ནང་ཞུགས།  གཞན་ཡང་། འདི་ལོ་གང་སར་སྐད་གྲགས་ཆོད་པའི་གློག་བརྙན《ང་ཡི་ཧི་མ་ལ་ཡ》ཞེས་པའི་ནང་གི་རྒྱན་གོས་ཚང་མ་ཀུང་སི་དེས་བཟོས། 

                       
                                                     རྒྱན་གོས་སྤྱན་བསྟར། 


                       
                              ཀུང་སི་དེས་ཡར་འབྲོག་གཡུ་མཚོའི་ངོགས་སུ་སྐུ་མགྲོན་ལ་གཉེན་སྒྲིག་གི་པར་རྒྱག་བཞིན་པ། 

          བོད་ལྗོངས་འོད་ཟེར་རིག་གནས་ཡུལ་སྐོར་བློ་གསར་སྨྱན་སྦྱོར་ཚད་ཡོད་ཀུང་སི་འཛུགས་མཁན་བདེ་སྒྲོན་ནི་ས་སྐྱེས་རྡོ་སྐྱེས་ཀྱི་ལྷ་སའི་བུ་མོ་ཞིག་ཡིན་ཞིང་། བདེ་སྒྲོན་ཆུང་དུས་ནས་ཕ་མའི་ཤུགས་རྐྱེན་བཟང་པོའི་འོག་གྱོན་ཆས་འཆར་འགོད་དང་། མཛེས་འཆོས་སོགས་ལ་ལྷན་སྐྱེས་ཀྱི་ཤེས་པ་ཞིག་ལྡན་ཡོད། 2006ལོར་བདེ་སྒྲོན་གྱིས་ཀྲུང་དབྱང་ཟློས་གར་སློབ་གླིང་ནས་ཟློས་གར་འཁྲབ་མཁན་ལ་རྣམ་པ་འདོན་སྟངས་སྦྱངས་རྗེས། པེ་ཅིང་དཔལ་འབྱོར་སློབ་གླིང་གློག་བརྙན་བརྙན་འཕྲིན་ཚན་ཁག་ནས་གློག་བརྙན་འཁྲབ་མཁན་ལ་རྣམ་པ་འདོན་སྟངས་སྦྱངས་པ་དང་ཆབས་ཅིག པེ་ཅིང་གི་ཧན་གོའི་ལི་ཅ་ཙི་རྣམ་པ་འདོན་ཁང་དུ“དར་སྲོལ་གྱི་བྱུག་རྫས་བསྐུ་སྟངས་དང་རྣམ་པ་འདོན་སྟངས”སྦྱངས། 

                       
                                          བདེ་སྒྲོན་གྱིས་ལྷ་མོ་བར་མཛེས་བཟོ་བྱེད་བཞིན་པ། 

      ལྷ་སར་ཕྱིར་ལོག་རྗེས། བདེ་སྒྲོན་གྱིས་ཟློས་གར་ཚོགས་པ་ཕུད། ད་དུང་བོད་ཀྱི་གློག་བརྙན་འཁྲབ་མཁན་ལ་བྱུག་རྫས་བསྐུ་མཁན་མེད་པ་རྟོགས། སྐབས་དེ་དུས་ཀྱི་བདེ་སྒྲོན་ནི་བོད་ལྗོངས་བརྙན་འཕྲིན་ལས་ཁུངས་ཀྱི་ཉིན་རེའི་གསར་འགྱུར་མཉམ་བསྒྲགས་དང་། དྲིལ་བསྒྲགས་པར་གཞི། མཚན་ཚོགས་སྣ་ཚོགས་ཀྱི་མཛེས་འཆོས་མཁན་དང་གྱོན་ཆས་ཀྱི་དོ་དམ་པ་ཞིག་ཀྱང་རེད། 2011ལོར་བདེ་སྒྲོན་གྱིས་ཕ་མ་དང་གྲོས་བསྡུར་བྱས་རྗེས། རང་ཉིད་ཀྱི“བདེ་སྒྲོན་རྣམ་པ་འདོན་ཁང”བཙུགས་པ་རེད། 

                       
                                       བདེ་སྒྲོན་གྱིས་ལྷ་མོ་འཁྲབ་མཁན་ལ་བྱུག་རྫས་བསྐུ་བཞིན་པ། 

      2014ལོར་བོད་ཀྱི་རང་གི་རིག་གནས་ལ་ཤེས་རྟོགས་གཏིང་ཟབ་དང་། རང་གི་མཐོང་རྒྱ་ཆེ་རུ་གཏོང་བ། དེ་བཞིན་ཕྱིས་འབྱུང་གི་འཆར་འགོད་གསར་གཏོད་ལ་དཔྱད་གཞི་བསྡུ་རུབ་བྱ་ཆེད། བདེ་སྒྲོན་གྱིས་བརྙན་འཕྲིན་ལས་ཁུངས་ཀྱི་ལས་ཀ་ནས་དོན་ཏེ། གཞིས་རྩེ་དང་། ནག་ཆུ། ལྷོ་ཁ། ཉིང་ཁྲི་སོགས་ས་ཁུལ་མང་པོར་ཉམས་མྱོང་གསོག་པར་བསྐྱོད། 2018ལོར་རིག་གནས་ཡུལ་སྐོར་མཉམ་འདྲེས་འཕེལ་རྒྱས་མགྱོགས་པོ་བྱུང་བ་དང་བསྟུན་ནས། རྒྱལ་ཁབ་ཀྱིས་གསར་གཏོད་ལས་གཏོད་ཀྱི་འབྲེལ་ཡོད་སྲིད་ཇུས་བཟང་པོ་བཏོན་པས། བདེ་སྒྲོན་གྱིས་གོ་སྐབས་དམ་འཛིན་གྱིས་བོད་ལྗོངས་འོད་ཟེར་རིག་གནས་ཡུལ་སྐོར་བློ་གསར་སྨྱན་སྦྱོར་ཚད་ཡོད་ཀུང་སི་བཙུགས།  དེང་རབས་ཅན་གྱི་འཆར་འགོད་ཀྱི་འདུ་ཤེས་ལྡན་པའི་ཀུང་སི་འདི་ཉིད་བཙུགས་པ་ནས་བཟུང་། བོད་ཀྱི་གཏིང་ཟབ་པའི་ལོ་རྒྱུས་རིག་གནས་ཐོན་ཁུངས་དང་ཕུན་སུམ་ཚོགས་པའི་ཡུལ་སྐོར་ཐོན་ཁུངས་ལ་བརྟེན་ནས། བོད་རིགས་ཀྱི་སྲོལ་རྒྱུན་རྒྱན་གོས་རིག་གནས་ཀྱི་སྙིང་བཅུད་དང་ནང་དོན་སྔོག་འདོན་གཏིང་ཟབ་བྱེད་པ་དང་སྦྲགས། དེང་རབས་ཀྱི་བྱེད་ཐབས་ལ་བརྟེན་ནས་བོད་རིགས་ཀྱི་སྲོལ་རྒྱུན་རྒྱན་གོས་རིག་གནས་ཀྱི་དམིགས་བསལ་ཉམས་འགྱུར་མངོན་པར་བྱས།
 

                       
                              2006ལོར་ཀྲུང་དབྱང་ཟློས་གར་སློབ་གླིང་དུ་སློབ་སྦྱོང་བྱེད་བཞིན་པའི་བདེ་སྒྲོན།

      2018ལོའི“ཀྲུང་དབྱང་ཁེ་ལས་ཀྱིས་འདམ་གཞུང་གི་འཕེལ་རྒྱས་ལ་རམ་འདེགས་ཀྱིས་སྒྱུར་བཅོས་སྒོ་དབྱེ་བྱས་ནས་ལོ་ངོ་40འཁོར་བར་རྟེན་འབྲེལ་ཞུ་བའི”སྐོར་འཁྲབ་བྱེད་སྒོའི་མཛེས་འཆོས་མཁན་གྱི་འགན་འཁུར་བ་ཡིན་པའི་བདེ་སྒྲོན། 

                       
       བདེ་སྒྲོན་གྱིས་མིག་སྔར་རང་ཉིད་ཀྱིས་བྱེད་པའི་ལས་ཀ་ནི་གྲོངས་ཟིན་པའི་གཉེན་ཉེ་ཚོར་སེམས་གསོ་དང་རྗེས་དྲན་བྱེད་སྟངས་ཡག་ཤོས་ཤིག་ཡིན་པའི་ངོས་འཛིན་ཞིང་། ཁོང་གིས“ལྷག་པར་དུ་ནང་མི་དང་གྲོགས་པོ་ཚོས་རང་ཉིད་ཀྱི་ལས་གཏོད་ལ་རྒྱབ་སྐྱོར་དང་རོགས་རམ་བྱས་པར་ཐུགས་རྗེ་ཆེ་ཞུ་རྒྱུ་དང་། རང་ཉིད་ཀྱིས་མི་རིགས་རིག་གནས་འཕེལ་རྒྱས་གཏོང་བའི་ཐད་འབད་བརྩོན་དང་ལེགས་སྐྱེས་འབུལ་མཁན་ཕ་མེས་ཚོའི་སྙིང་སྟོབས་རྒྱུན་འཛིན་དང་བོད་ཀྱི་སྲོལ་རྒྱུན་ཕུལ་བྱུང་རིག་གནས་སྔར་བས་དར་སྤེལ་དང་རྒྱུན་འཛིན་བྱས་ཏེ། བོད་ཀྱི་མི་རིགས་རྒྱན་གོས་རིག་གནས་འཕེལ་རྒྱས་ལ་རང་ཉིད་ཀྱི་ནུས་ཤུགས་འབུལ་རྒྱུ་ཡིན་ལ།   རང་ཉིད་ཀྱི་འབད་བརྩོན་བརྒྱུད་མི་དེ་བས་མང་བས་བོད་ཀྱི་གཏིང་ཟབ་པའི་སྲོལ་རྒྱུན་རིག་གནས་ཀྱི་ཡིད་དབང་འགུག་ཤུགས་རྟོགས་པར་བྱེད་པ་དང་དེང་སྐབས་ཀྱི་ཐབས་ལ་བརྟེན་ནས། ས་མཐོའི་ཁྱད་ཆོས་ལྡན་པའི་རིག་གནས་ཐོན་རྫས་དེ་བས་མང་བ་ས་མཐོ་ནས་འཛམ་གླིང་ཕྱོགས་སུ་ཁྱབ་ཐུབ་པའི་རེ་བ་ཡོད”ཅེས་བཤད། 

                       
                              བདེ་སྒྲོན་གྱིས་བོད་ཀྱི་ཕུལ་བྱུང་གཞས་པ་ནོར་བུ་བསམ་གྲུབ་ལ་བྱུག་རྫས་བསྐུ་བཞིན་པ།
 
                       
                                    བདེ་སྒྲོན་གྱིས་ཇུས་འགོད་བྱས་པའི་བོད་ཀྱི་ས་གནས་ཁག་གི་རྒྱན་གོས། 
                                    ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ཀྱི་དྲ་བ་ལས་བཏུས་སོ།




评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-12-15 00:23 , Processed in 0.026984 second(s), 20 queries .

返回顶部