日志

༄༅།།ཁྱེད་ཀྱིས་པི་ཝང་གི་འབྱུང་ཁུངས་ཤེས་སམ ...

已有 105 次阅读2019-11-14 09:40 |系统分类:文化


                                         ༄༅།།ཁྱེད་ཀྱིས་པི་ཝང་གི་འབྱུང་ཁུངས་ཤེས་སམ།
                             ཡོང་ཁུངས། ཁམས་པའི་དྲ་བ། རྩོམ་པ་པོ། མི་གསལ། རྩོམ་སྒྲིག་པ། སྣང་རྡོར།

               
      པི་ཝང་བྱ་བ་ནི་རྒྱ་གར་སྐད་ཡིན་པ་ལྟར་བྱུང་སའང་རྒྱ་གར་རེད། རྒྱ་གར་ནི་གནའ་བོའི་དུས་ནས་བཟུང་སྒྱུ་རྩལ་ཕུན་སུམ་ཚོགས་པའི་མི་རིགས་ཤིག་རེད། པི་ཝང་དང་རྒྱུད་མངས་སོགས་ཀྱི་ཐ་སྙད་དེ་ཚོའང་སྟོན་པ་བཅོམ་ལྡན་འདས་ཀྱི་བཀའ་དང་དེ་འབྲེལ་གྱི་རྒྱ་གར་མཁས་པའི་བསྟན་བཅོས་བོད་ལ་འགྱུར་བའི་དུས་སུ་བྱུང་བ་ཞིག་ཡིན་པ་ལས་རྒྱ་གར་བའི་པི་ཝང་དངོས་བོད་ལ་ཁྱེར་ཡོང་བའི་གོ་དོན་ཞིག་མིན་ནོ། །
      བོད་རྣམས་ཀྱིས་རོལ་ཆས་དེའི་མིང་ལ་སྔོན་ནས་བཟུང་སྒྲ་སྙན་ཟེར་བཞིན་ཡོད་ལ། དེ་ནི་ཐོག་མར་སྟོད་མངའ་རིས་སོགས་ནས་འབྲོང་བསད་པའི་རྗེས་སུ་དགའ་སྤྲོ་གར་འཆམ་བྱས་ནས་བྱུང་བ་ཞིག་ཡིན། གནའ་བོའི་དུས་སུ་ཁ་ཟས་འཚོལ་སྒྲུབ་གཙོ་བོ་ལ་འབྲོང་གསོད་དགོས་ཤིང་འབྲོང་གསོད་དུས་སུ་མི་རྣམས་ཚོགས་པ་བྱས་ཏེ་དཔོན་པོའང་ཡོད་ལ། ཤ་བགོ་དུས་སུའང་གོ་གནས་ལྟར་འབྲོང་མགོ་དཔོན་པོར་འབུལ་བ་དང་ཐ་ཆད་རྣམས་ལ་སུག་པ་བརླིག་འབྲས་སོགས་ལས་མི་དབང་བ་ཡིན། དེར་བརྟེན་དཔོན་པོ་ཐོག་མར་དགྱེས་ཏེ་འབྲོང་ཐོད་དང་རྟའི་རྔ་རྩིད་སྡེབ་ནས་རོལ་མོ་ཞིག་བཀྲོལ་ནས་དེར་ཚོགས་ཚང་མས་རྐང་བྲོ་བརྡུང་བ་ཡིན། བོད་ཀྱི་སྒྲ་སྙན་ཐོག་མ་ནི་དེ་ནས་དར་བ་ཡིན་ལ་ཕྱིས་སུ་འབྲོང་བསད་རྗེས་ཀྱི་དམར་སྟོད་དེ་ཤོན་དུ་འགྱུར་ཞིང་དེའི་ཚུལ་ནི་མངའ་རིས་གུ་གེ་ལྡེབ་བྲིས་ན་ད་ལྟ་གསལ་བོར་ཡོད། དེའི་ཕྱིས་སུ་སྔོན་མའི་འབྲོང་ཐོད་དང་རྟའི་རྔ་རྩིད་གཉིས་ཀྱིས་གྲུབ་པའི་རོལ་ཆས་ལས་སླ་བོ་དེ་ཉིད་ཇེ་རྒྱས་སུ་སོང་ནས་སྒྲ་སྙན་གྱི་རིགས་སྣ་ཚོགས་ཤིག་བྱུང་ཡོད་པ་དེ་ལྟར་ཡིན།
      མདོར་ན་བོད་ཀྱི་སྒྲ་སྙན་ནི་གནའ་བོའི་དུས་ནས་བཟུང་བོད་ཀྱི་སྤྱི་ཚོགས་ནས་བྱུང་ཞིང་རང་རེའི་མེས་པོ་སློག་པ་ཅན་དག་གི་ཕྱག་བཟོས་ཤིག་ལས་རྒྱ་དཀར་ནག་སོགས་རྒྱལ་ཕྲན་གང་ནས་ཀྱང་བྱུང་བ་མ་ཡིན་ནོ།།
      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།

           

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-4-8 01:26 , Processed in 0.050362 second(s), 20 queries .

返回顶部