博客西藏在最高处过一种生活

日志

༄༅།།རྒྱལ་ཡོངས་བོད་ལུགས་གསོ་རིག་མཐོ་རིམ་ཟ ...

已有 100 次阅读2019-10-18 08:34 |系统分类:见闻


                      ༄༅།།རྒྱལ་ཡོངས་བོད་ལུགས་གསོ་རིག་མཐོ་རིམ་ཟབ་སྦྱོང་འཛིན་གྲྭ་སྐབས་བཅུ་བ་པེ་ཅིང་དུ་འཚོགས།
                                    ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། བོ་དོང་བདེ་སྒྲོལ།

                 
      ཀྲུང་གོའི་བོད་ལྗོངས་དྲ་བའི་འཕྲིན། ཟླ་10ཚེས་17ཉིན་གྱི་སྔ་དྲོར། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱིས་གཙོ་སྒྲུབ་བྱས་ཤིང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཚན་རིག་ཞིབ་འཇུག་གཞུང་ལས་ཁང་དང་། པེ་ཅིང་བོད་སྨན་ཁང་། བོད་ལུགས་གསོ་རིག་ཞིབ་འཇུག་སུའོ་བཅས་ཀྱིས་སྒྲུབ་རོགས་བྱས་པའི་དུས་ཡུན་ཉིན་བདུན་རིང་གི་རྒྱལ་ཡོངས་བོད་ལུགས་གསོ་རིག་མཐོ་རིམ་ཟབ་སྦྱོང་འཛིན་གྲྭ་སྐབས་བཅུ་བ་པེ་ཅིང་བོད་སྨན་ཁང་དུ་འཚོགས།

                  
      ཐེངས་འདིའི་མཐོ་རིམ་ཟབ་སྦྱོང་འཛིན་གྲྭར་བོད་ལྗོངས་ཀྱི་བོད་ལུགས་སྨན་པ་གྲགས་ཅན་དགེ་རྒན་དགའ་བའི་རྡོ་རྗེ་ལགས་གདན་ཞུ་གནང་སྟེ་《བོད་སྨན་འདུལ་སྦྱོང་གི་ལག་རྩལ་རྒྱུན་འཛིན་》གྱི་སྐོར་སློབ་ཁྲིད་གནང་བ་དང་། ཟབ་སྦྱོང་འཛིན་གྲྭའི་སློབ་མ་ལ་པེ་ཅིང་དང་། བོད་ལྗོངས། སི་ཁྲོན། ཀན་སུའུ། མཚོ་སྔོན། ནང་སོག་རང་སྐྱོང་ལྗོངས་བཅས་ནས་ཡོང་བའི་མི་སྣ་150ལྷག་ཞུགས་ཡོད།

                  
      ཟབ་སྦྱོང་འཛིན་གྲྭ་ནི་ཟླ་10པའི་ཚེས17ཉིན་ནས་ཚེས23ཉིན་བར་འཚོགས་རྒྱུ་ཡིན་ལ།  ས་གནས་ཁག་ནས་ཡོང་བའི་སློབ་མ་ཚོས་གཙོ་གཉེར་ཕྱོགས་དང་བོད་ལུགས་སྨན་པ་གྲགས་ཅན་དགེ་རྒན་དགའ་བའི་རྡོ་རྗེ་ལགས་ལ་ཁ་བཏགས་ཕུལ་ནས་བཀའ་དྲིན་ཞུས།

                  
      རྒྱལ་ཡོངས་བོད་ལུགས་གསོ་རིག་མཐོ་རིམ་ཟབ་སྦྱོང་འཛིན་གྲྭ་ཡིས་ཀྲུང་གོའི་བོད་རིགས་ས་ཁུལ་གྱི་བོད་ལུགས་གསོ་རིག་གི་རིག་གཞུང་སྤེལ་རེས་ལ་ཤུགས་སྣོན་དང་བོད་ཁུལ་གྱི་བོད་སྨན་ཁང་གི་ལས་གཉེར་མི་སྣ་ཚོའི་སྨན་དཔྱད་ལག་རྩལ་གྱི་ཡོན་ཚད་མཐོ་རུ་གཏོང་བར་སྐུལ་འདེད་བྱས་ཡོད་པས། རྒྱ་ཆེའི་གསོ་རིག་ལས་གཉེར་མི་སྣ་ཚོས་དགའ་བསུ་དང་བསྔགས་བརྗོད་ཆེན་པོ་བྱེད་བཞིན་འདུག
      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-11-18 14:41 , Processed in 0.027373 second(s), 20 queries .

返回顶部