日志

༄༅།།ཆེ་དགྲ་ལྷས་བོད་ཀྱི་ཐོན་ལས་འཕེལ་རྒྱས་ ...

已有 95 次阅读2019-10-16 13:59 |系统分类:见闻


                      ༄༅།།ཆེ་དགྲ་ལྷས་བོད་ཀྱི་ཐོན་ལས་འཕེལ་རྒྱས་ཀྱི་གནས་ཚུལ་ལ་བརྟག་ཞིབ་གནང་བ།
                       ཡོང་ཁུངས་། ཀྲུང་གོའི་བོད་ཀྱི་གསར་འགྱུར་དྲ་བ། རྩོམ་པ་པོ། ཚེ་རིང་ཆོས་སྒྲོན་གྱིས་བསྒྲིགས།

                   
         
      ཚེས་13ཉིན་གྱི་ཕྱི་དྲོ། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་ཆེ་དགྲ་ལྷ་སྔ་རྗེས་སུ་ཆུ་ཤུར་གྱི་རི་བོང་གསོ་ཚགས་ཁྱབ་གདལ་རྟེན་གཞི་དང་ཉ་གསོ་ར་བ་སོགས་སུ་ཕེབས་ནས་རང་ལྗོངས་ཀྱི་ཐོན་ལས་འཕེལ་རྒྱས་ཀྱི་གནས་ཚུལ་ལ་བརྟག་ཞིབ་གནང་བ་རེད།
      གསར་དུ་བསྐྲུན་མ་ཐག་པའི་ཆུ་ཤུར་ས་གཙང་རི་བོང་གསོ་ཚགས་ཁྱབ་གདལ་རྟེན་གཞིར་སྒྲིག་བཀོད་ཆ་ཚང་བ་དང་དོ་དམ་ཚད་དང་ལྡན་པ་དང་། རི་བོང་ཁག་དང་པོ་ས་མཐོར་རིམ་བཞིན་འཕྲོད་དེ་འབྱུང་འགྱུར་གཞི་གྱི་ཁྱོན་ལྡན་པའི་གསོ་ཚགས་ཐུབ་རེ་ཡོད་པ་དང་ས་གནས་དེ་གའི་མང་ཚོཌ་འབབ་འཕར་ཕྱུག་འགྱུར་ཡོང་བར་སྣེ་ཁྲིད་བྱ་རྒྱུར་དགེ་མཚན་ལྡན་པའི་ནུས་པ་ཐོན་རྒྱུ་ཡིན་པ་རེད། ཆེ་དགྲ་ལྷ་རི་བོང་གསོ་ཚགས་བྱ་ཡུལ་དུ་ཕེབས་ནས་རི་བོང་ས་མཐོར་འཕྲོད་མིན་དང་། གསོ་ཚགས་མ་གནས། དཔལ་འབྱོར་ཕན་འབྲས་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་ཞིང་། ཁོང་གིས་རང་ལྗོངས་སུ་རི་བོང་གཞི་ཁྱོན་ཅན་གྱི་གསོ་ཚགས་བྱེད་ཐེངས་ཐོག་མ་ཡིན་པས་ཁེ་ལས་དང་དོ་དམ་མི་སྣས་ཚན་རིག་དང་མཐུན་པའི་ཚད་ལྡན་གསོ་ཚགས་ལས་དོན་ཡག་པོ་སྒྲུབ་པ་དང་། ཁྲོམ་རའི་དགོས་མཁོར་དམིགས་ནས་བློ་ཁོག་ཆེན་པོས་ཚོད་ལྟ་བྱེད་པ། ཕྱིར་ཚོང་གི་ཐབས་ལམ་རྒྱུན་ཆད་མེད་པར་རྒྱ་ཆེར་གཏོང་བ། དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བཅས་བྱས་ཏེ་ཞིང་འབྲོག་མང་ཚོགས་དེ་བས་མང་བ་འབབ་འཕར་ཕྱུག་འགྱུར་ཡོང་བ་བྱས་ནས་གནད་སྨིན་དབུལ་སྒྲོལ་ལ་རོགས་རམ་བྱེད་དགོས་ཞེས་གསུངས་པ་རེད།
      ཆུ་ཤུར་རྫོང་ཚལ་སྣེ་ཤང་ས་གཙང་བདེ་ཐང་ཐོན་ལས་གླིང་གི་ཉ་གསོ་ར་བར་དོ་དམ་མི་སྣས། ང་ཚོས་ཆུ་ཤུར་འཇུན་པ་ཉ་གྲོང་གི་སྲོལ་རྒྱུན་གྱི་བཟའ་བཏུང་གོམས་གཤིས་དང་ཟུང་འབྲེལ་བྱས་ཏེ། བོད་ཀྱི་ཁྱད་ཆོས་ལྡན་པའི“་ཆུ་གྲང་ཉ་སྟོན”བཏོད་པར་ཁྲོམ་རའི་ཐོག་དགའ་བསུ་ཚད་མེད་ཐོབ་ཡོད་ཅེས་ངོ་སྤྲོད་བྱས་པར་ཆེ་དགྲ་ལྷས་བསྔགས་བརྗོད་གནང་ཞིང་། ཁོང་གིས་རང་ལྗོངས་ཀྱི་ཆུ་གཙང་བ་དང་ཆུ་སྤུས་དག་པས་ཆུ་གྲང་ཉ་གསོའི་རང་བྱུང་ཆ་རྐྱེན་ལྡན་ཡོད། བོད་ཀྱི་ས་བབ་མཐོ་བའི་ཐོན་ཁུངས་ཕུན་སུམ་ཚོགས་པར་བརྟེན་ནས་གཙོ་ཁྲིད་ཐོན་ལས་གཏོད་པ་དང་། ཡུལ་བབ་དང་བསྟུན་ནས་འདེབས་འཛུགས་དང་གསོ་ཚགས་ཐོན་ལས་འཕེལ་རྒྱས་ཀྱི་ཁ་ཕྱོགས་གཙོ་བོ་གཏན་འཁེལ་བྱེད་པ། ཐོན་རྫས་ལས་སྣོན་ཞིབ་ཚགས་དང་གཞི་ཁྱོན་ཅན་དང་ཚད་ལྡན་ཅན་འཕེལ་རྒྱས་ལ་སྐུལ་འདེད་ཧུར་ཐག་གཏོང་བ་བཅས་བྱས་ནས། ཐོན་རྫས་ཀྱི་ཟུར་སྣོན་རིན་ཐང་ཆེ་རུ་གཏོང་དགོས། ཁྲོམ་ར་ཅན་གྱི་འཕེལ་རྒྱས་ལམ་བུར་བསྐྱོད་རྒྱུ་མཐའ་འཁྱོངས་བྱས་ཏེ་ཁྲོམ་རའི་དགོས་མཁོར་གཞིགས་ནས་ཁྱད་ལྡན་ལེགས་ཆའི་ཐོན་ལས་སྐྱེད་སྲིང་དང་རྒྱ་སྟོབས་ཆེ་རུ་བཏང་ཐོག ཁྲོམ་རའི་འཛད་སྤྱོད་དགོས་མཁོར་བརྟེན་ནས་རང་ལྗོངས་ཀྱི་ཁྱད་ལྡན་ཐོན་ལས་ཕྱོགས་སྒྱུར་རིམ་སྤོར་ཡོང་བ་བྱེད་དགོས་པའི་ནན་བཤད་གནང་བ་རེད།
      ཞེས་རོང་ཆེན་ལྷ་རྒྱལ་དཔལ་གྱིས་བོད་ལྗོངས་རིག་གནས་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-2-25 14:12 , Processed in 0.028611 second(s), 20 queries .

返回顶部