日志

༄༅།།ཞི་ཅིན་ཕིང་རྒྱ་གར་ཅིན་ནའེ་རུ་ཕེབས་འབ ...

已有 127 次阅读2019-10-13 09:30 |系统分类:见闻


                                  ༄༅།།ཞི་ཅིན་ཕིང་རྒྱ་གར་ཅིན་ནའེ་རུ་ཕེབས་འབྱོར་ཟིན་པ། 
                 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། མི་གསལ། རྩོམ་སྒྲིག་པ། སངས་སྐྱབས།
               
       ཀྲུང་དབྱང་རླུང་འཕྲིན་ལས་ཁུངས་ནས་སྤེལ་བའི་གནས་ཚུལ། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་སྤྱི་ཚེས་11ཉིན་ཆེད་གཏོང་གནམ་གྲུར་བཞུགས་ནས་ཅིན་ནའེ་རུ་ཕེབས་འབྱོར་ཟིན་པ་དང་། རྒྱ་གར་སྤྱི་མཐུན་རྒྱལ་ཁབ་ཀྱི་ཙུང་ལི་སྨོ་ཏིས་གདན་ཞུས་གནང་བ་ལྟར། ཀྲུང་གོ་དང་རྒྱ་གར་གྱི་འགོ་ཁྲིད་པའི་དངོས་གཞི་མིན་པའི་ཐུག་འཕྲད་ཐེངས་གཉིས་པར་ཞུགས་གནང་ཡོད།

                                     
              
      ས་གནས་དེ་གའི་དུས་ཚོད་ཕྱི་དྲོའི་ཆུ་ཚོད་2དང་སྐར་10ཙམ་ལ། ཞི་ཅིན་ཕིང་བཞུགས་སའི་ཆེད་གཏོང་གནམ་གྲུ་ཅིན་ནའེ་རྒྱལ་སྤྱིའི་གནམ་གྲུ་ཐང་དུ་ཕེབས་འབྱོར་ཟིན་ཡོད། ཞི་ཅིན་ཕིང་གནམ་གྲུའི་སྒོ་ནས་ཕེབས་སྐབས། རྒྱ་གར་ཐེ་སྨེར་རྣ་ཏི་མངའ་སྡེའི་འགོ་འཛིན་ཕུ་ལོ་ཞི་ཏེ་དང་། དབུ་བཞུགས་པུའུ་ཀྲང་ཕ་ལ་ཉི་སི་ཝ་སྨི་སོགས་གནམ་གྲུའི་སྐས་འཛེག་འགྲམ་དུ་ཕེབས་བསུར་བཅར་ནས། ཞི་ཅིན་ཕིང་ལ་མེ་ཏོག་སོས་པ་ཕུལ་ཡོད། ལུས་ལ་མི་རིགས་ཀྱི་གཟབ་མཆོར་སྤྲས་པའི་ས་གནས་དེ་གའི་མང་ཚོགས་ཀྱིས་གླུ་ལེན་གར་འཁྲབ་བྱས་ཤིང་། འགའ་རེས་མི་རིགས་ཀྱི་ཁྱད་ཆོས་ཟབ་མོ་ལྡན་པའི་བྲམ་ཟེའི་རིགས་ཀྱི་ཞབས་བྲོ་འཁྲབ་པ་དང་། འགའ་རེས་རྐང་བརྫུས་ཤིང་རིང་གི་གར་འཁྲབ་པ། འཁྲབ་གྲུ་གཏོང་བ་སོགས་བྱས་ནས། ཀྲུང་གོའི་སྐུ་མགྲོན་ཕེབས་པར་དགའ་བསུ་གཟབ་རྒྱས་ཞུས་ཡོད།
      ཏེང་ཞུའེ་ཞང་དང་། དབྱང་ཅེ་ཁྲེ། ཝང་དབྱི། ཧོ་ལེ་ཧྥེང་སོགས་ཕེབས་རོགས་མི་སྣ་གནམ་གྲུ་གཅིག་ཏུ་བཞུགས་ནས་ཕེབས་འབྱོར་ཟིན་ཡོད།
      རྒྱ་གར་ལ་བཅའ་སྡོད་ཀྲུང་གོའི་གཞུང་ཚབ་ཆེན་མོ་སུན་ཝེ་ཏུང་ཡང་གནམ་ཐང་དུ་ཕེབས་བསུར་བཅར་ཡོད།

                                    
      ཞི་ཅིན་ཕིང་གི་ཕེབས་འཁོར་རུ་ཁག་གནམ་གྲུ་ཐང་ནས་གྲོང་ཁུལ་དུ་ཕེབས་པའི་ལམ་བར་དུ། ས་གནས་དེ་གའི་སློབ་གྲྭ་བ་དང་མང་ཚོགས་ཁྲོམ་ལམ་གཡས་གཡོན་དུ་ལངས་བ་དང་། ལག་ཏུ་ཀྲུའུ་ཞི་ཞི་ཅིན་ཕིང་དང་ཙུང་ལི་སྨོ་ཏི་རྣམ་གཉིས་ཀྱི་སྐུ་པར་བཟུང་བ། ངག་ནས་ཀྲུང་གོ་དང་རྒྱ་གར་གཉིས་མཛའ་གྲོགས་ཡིན་ཞེས་དགའ་འབོད་བྱེད་བཞིན་དུ། ཀྲུའུ་ཞི་ཞི་ཅིན་ཕིང་ལ་སྤྲོ་སེམས་རབ་ཏུ་འཁོལ་བའི་ངང་དགའ་བསུ་ཞུ་ལུགས་མཚོན་པར་བྱས་ཡོད།
      རྒྱ་གར་དུ་འཚམས་འདྲི་གནང་མཇུག་འགྲིལ་རྗེས། ཞི་ཅིན་ཕིང་གིས་ད་དུང་ནེ་པ་ལར་རྒྱལ་དོན་འཚམས་འདྲི་གནང་རྒྱུ་ཡིན་པ་རེད།
      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-8-3 20:46 , Processed in 0.054316 second(s), 20 queries .

返回顶部