日志

༄༅།།ཀྲུང་གོ་གསར་པ་བཙུཊ་ནས་ལོ70འཁོར་བའི་རི ...

已有 101 次阅读2019-10-12 08:02 |系统分类:见闻


                           ༄༅།།ཀྲུང་གོ་གསར་པ་བཙུཊ་ནས་ལོ70འཁོར་བའི་རིག་གནས་བྱེད་སྒོ་མཇུག་འགྲིལ།
                              ཡོང་ཁུངས། སེམས་ཀྱི་ཉི་ཟླ་དྲ་བ། རྩོམ་པ་པོ། མི་གསལ། རྩོམ་སྒྲིག་པ། ཀླུ་འབུམ་ཚེ་རིང་།

                    

                                                                        གུས་ཞབས་ཞབས་བྲོ།                 


      ཀྲུང་གོ་བོད་ཀྱི་དྲ་བའི་འཕྲིན། ཟླ་10པའི་ཚེས་6ཉིན་གྱི་དགོང་མོར། ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བར་བསུ་མ་བྱེད་པ་དང་། ཏང་གི་བཀའ་དྲིན་ཚོར་བ། ཏང་གི་བཀའ་ལ་ཉན་པ། ཏང་གི་རྗེས་སུ་འབྲངས་ནས་འཛམ་གླིང་གི་སེམས་ཀྱི་ཉི་ཟླའི་རིམ་སྤེལ་རིག་གནས་བྱེད་སྒོ་དེ་རྡོ་མཁར་རྫོང་ཐང་ཆེན་ནས་བསྡུས་པ་དང་། སྤྲོ་སྣང་དང་གསོན་ཤུགས་ཀྱིས་ཁེངས་པའི་གླུ་གར་དགོང་ཚོགས་དང་།  དམངས་ཡོངས་ཞུགས་པའི་མི་རིགས་ཐང་ཆེན་ཞབས་བྲོ།  མེ་ཕུང་དགོང་ཚོགས་སོགས་ཀྱིས་སྟོན་དུས་ཀྱི་བདེ་ཆེན་མཐོ་སྒང་ལ་མཚར་སྡུག་རྣམ་པར་བཀྲ་བའི་སྣང་བརྙན་ཞིག་བསྐྲུན་ཡོད།  


                2_副本.jpg

                                              སྤྲོ་སྐྱིད་ལྡན་པའི་ཤམ་བྷ་ལ།


       རོལ་དབྱངས་དང་གློག་འོད་གཉིས་ཀྱི་མཐུན་སྦྱོར་འོག་ཚང་མས་ལག་ཏུ་རྒྱལ་དར་དང་འོད་དབྱུག་བཟུང་ནས་གང་སར་འཁྲུག་ཆ་དོད་པའི་རྣམ་པ་ཞིག་གིས་བཀང་ཡོད། སྤྲོ་སེམས་འཁོལ་བའི་གུས་ཞབས་ཞབས་བྲོ་ཞེས་པ་དེས་ལྟད་མོ་བར་བོད་བཟོའི་ཕོ་བྲང་གི་ཞབས་བྲོ་གྲལ་སྟར་འགྲིག་ལ་ལྟ་ན་སྡུག་པའི་རྣམ་པ་དེ་མངོན་ཡོང་བ་དང་།  སྒྲོལ་མའི་གླུ་ལ་ཉན་པ།  རྒྱལ་ཐང་སྒོར་གཞས་སོགས་བདེ་ཆེན་ས་མཐོའི་ཁྱད་ཆོས་ཀྱིས་ཁེངས་པའི་གླུ་གཞས་ལས་ཀྲུང་གོ་གསར་པ་དབུ་བརྙེས་ནས་ལོ་70སོང་རིང་བདེ་ཆེན་མི་དམངས་ཀྱིས་ཏང་གི་མི་རིགས་སྲིད་ཇུས་ཀྱི་འོད་སྟོང་འཕྲོ་བའི་འོག་དུས་རབས་གསར་པར་མདུན་སྐྱོད་བྱེད་པའི་མཛེས་སྡུག་ལྡན་པའི་རྣམ་པ་དེ་ཉམས་སུ་མྱོང་ཐུབ།  སེམས་ཀྱི་ཉི་ཟླར་བསྐྱོད་པ་སོགས་གླུ་གཞས་ལས་བདེ་ཆེན་གྱི་བུ་དང་བུ་མོ་ཚོ་དུས་རབས་ཀྱི་རྗེས་སྙེག་པའི་སྤྲོ་སེམས་མཚོན་ཐུབ་ཅིང་།  རྒྱང་རིང་གི་མགྲོན་པོ་རྣམས་ལ་བདེ་ཆེན་གྱི་མི་རིགས་སྣ་མང་དང་རིག་གནས་སྣ་མང་མཉམ་འདྲེས་ཀྱི་ཁྱད་ཆོས་མངོན་པ་དང་། སྤྲོ་སེམས་དང་། མཐུན་སྒྲིལ། ཞི་མཐུན་བཅས་ནི་བདེ་ཆེན་མཐོ་སྒང་གི་རྒྱན་དུ་མངོན་ཡོད།  

 

                 3_副本.jpg

                                               དབྱིས་རིགས་ཀྱི་ཞབས་བྲོ།


      དགོང་ཚོགས་མཇུག་འགྲིལ་རྗེས་ཟླ་འོད་ཐང་ཆེན་ནི་གླུ་གར་གྱི་རྒྱ་མཚོར་གྱུར་ཞིང་།  འཁྲབ་སྟོན་མི་སྣ་དང་ལྟད་མོ་བ་ཡོངས་ཀྱིས་མི་རིགས་ཐང་ཆེན་ཞབས་བྲོ་འཁྲབ་ནས་གླུ་གར་གྱི་རྒྱ་མཚོའི་ཀློང་ན་མི་རྣམས་ནི་དགའ་བའི་དཔལ་གྱིས་མྱོས་ཤིང་ཚིམ།


                4_副本.jpg

                                               མེ་ཕུང་དགོང་ཚོགས་ཀྱི་ཡུལ་དངོས།

                                     ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།




评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-1-26 09:46 , Processed in 0.027077 second(s), 20 queries .

返回顶部