博客西藏在最高处过一种生活

日志

༄༅།།རྨད་བྱུང་བཀྲ་ཤིས་བདེ་སྟོང་རྣམ་པར་རྒྱ ...

已有 57 次阅读2019-10-9 08:28 |系统分类:文化


  ༄༅།།རྨད་བྱུང་བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་གི་སྐུ་གསུང་ཐུགས་རྟེན་གྱི་དཀར་ཆག་མདོར་བསྡུས་མུ་ཏིག་ནོར་བུའི་དོ་ཤལ་ཞེས་བྱ་བ་བཞུགས་སོ།།


                                 

   ༄༅།།ༀ་བདེ་ལེགས་སུ་གྱུར་ཅིག། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ།། བྱང་ཆུབ་བར་དུ་བདག་ནི་སྐྱབས་སུ་མཆུ།། བདག་གིས་སྦྱིན་སོགས་བགྱིས་པའི་བསོད་ནམས་ཀྱིས།། འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག། བདག་གི་དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་རིན་པོ་ཆེ་འཕགས་མཆོག་སྤྱན་རས་གཟིགས་དབང་། ཀུན་གཟིགས་སྣང་བ་མཐའ་ཡས་མགོན་པོ་འོད་དཔག་མེད་། རྗེ་བཙུན་འཇམ་པའི་དབྱངས་ལ་སྒོ་གསུམ་གུས་པས་ཕྱག་འཚལ་ལོ། མཆོད་དོ་སྐྱབས་སུ་མཆུའོ།།

     ཕུན་ཚོགས་དགེ་ལེགས་བྱེ་བ་བསྐྲུན་པའི་སྐུ།།

     མཐའ་ཡས་འགྲོ་བའི་རེ་བ་སྐོང་བའི་གསུང་།།

     མ་ལུས་ཤེས་བྱ་ཅི་བཞིན་གཟིགས་པའི་ཐུགས།།

     ཤཱཀྱའི་རྒྱལ་བོ་དེ་ལ་གུས་ཕྱག་འཚལ།།

     འགྲོ་བའི་མགོན་པོ་པད་མ་འབྱུང་གནས་ཞབས།།

     བསྟན་པའི་མངའ་བདག་མཁན་ཆེན་ཞི་བ་འཚོ།།

     གངས་ཅན་དཔའ་བོ་ཁྲི་སྲོང་ལྡེ་བཙན་མཆོག།

     མཁན་སློབ་ཆོས་གསུམ་ཞབས་ལ་གུས་ཕྱག་འཚལ།།

     གངས་ཅན་ཤིང་རྟའི་སྲོལ་འབྱེད་ཙོང་ཁ་པ།།

     དངོས་སྟོབས་རིག་པའི་དབང་ཕྱུག་རྒྱལ་ཚབ་རྗེ།།

     མདོ་སྔགས་བསྟན་པའི་བདག་པོ་མཁས་གྲུབ་རྗེ།།

     རྒྱལ་བ་ཡབ་སྲས་གསུམ་ལ་གུས་ཕྱག་འཚལ།།

     རྒྱལ་ཀུན་ཡབ་གཅིག་རྗེ་བཙུན་མཁྱེན་པའི་གཏེར།།

     སྙིང་རྗེའི་རང་གཟུགས་འཕགས་མཆོག་སྤྱན་རས་གཟིགས།།

     མཐུ་སྟོབས་དབང་ཕྱུག་གསང་བའི་བདག་པོ་སྟེ།།

     རིགས་གསུམ་མགོན་པོའི་ཞབས་ལ་གུས་ཕྱག་འཚལ།།

     ལྷ་མིའི་རྣམ་འདྲེན་རྒྱལ་བ་ཚེ་དཔག་མེད།།

     གདོན་བགེགས་ནད་ཞི་གཙུག་ཏོར་རྣམ་པར་རྒྱལ།།

     ཚེ་དཔལ་རྒྱས་ཤིང་འཁོར་བ་ལས་སྒྲོལ་མ།།

     ཚེ་ཡི་ལྷ་མཆོག་གསུམ་ལ་གུས་ཕྱག་འཚལ།།

     ངན་སོང་སྤྱོང་རྒྱལ་ཀུན་རིག་རྣམ་སྣང་མཛད།།

     བདེ་ལྡན་ཞིང་གི་མགོན་པོ་འོད་དཔག་མེད།།

     དུག་གསུམ་ནད་སེལ་སངས་རྒྱས་སྨན་གྱི་བླ།།

     འགྲོ་བའི་མགོན་པོ་གསུམ་ལ་གུས་ཕྱག་འཚལ།།

     སྡིག་སྦྱོང་སྒྲིབ་སེལ་རྡོ་རྗེ་སེམས་དཔའ་དང་།།

     གདེངས་ཅན་ས་ཡི་ཁ་གནོན་ཀླུ་ཡི་དབང་།།

     ཡམས་ནད་འཇོམས་ལ་དཔའ་བའི་ལོ་གྱོན་མ།།

     ལྷག་པའི་ལྷ་མཆོག་གསུམ་ལ་གུས་ཕྱག་འཚལ།།

     ལུང་རྟོགས་མངའ་བདག་ཀུན་དགའ་སྙིང་པོ་དང་།།

     བསོད་ནམས་རྩེ་མོ་གྲགས་རྒྱལ་མཚན་མཆོག།

     འཇམ་དབྱངས་ས་པ་ཆོས་རྒྱལ་འཕགས་པ་སྟེ།།

     ས་སྐྱ་གོང་མ་རྣམ་ལྔར་གུས་ཕྱག་འཚལ།།

     ལྔ་བརྒྱའི་གཙུག་རྒྱན་དཔལ་ལྡན་མར་མེ་མཛད།།

     བཀའ་གདམས་བསྟན་པའི་མེས་པོ་འབྲོམ་སྟོན་རྗེ།།

     མཁྱེན་པའི་གཏེར་མངའ་ལེགས་པའི་ཤེས་རབ་ཞབས།།

     ཇོ་འབྲོམ་ཡབ་སྲས་གསུམ་ལ་གུས་ཕྱག་འཚལ།།

     གསང་སྔགས་མཛོད་འཛིན་མར་བ་ཆོས་བློ་དང་།།

     ཚེ་གཅིག་ཟུང་འཇུག་མངོན་མཛད་མི་ལ་མཆོག།

     གདམས་པའི་གཏེར་གྱུར་མཉམ་མེད་དྭགས་པོ་བ།།

     བཀའ་བརྒྱུད་མེས་པོ་གསུམ་ལ་གུས་ཕྱག་འཚལ།།

     ཐམས་ཅད་མཁྱེན་པ་བུ་སྟོན་རིན་ཆེན་གྲུབ།།

     རིན་ཆེན་རྣམ་རྒྱལ་ནམ་མཁའ་མཆོག་གྲུབ་ཞབས།།

     ཇོ་ནང་ཀུན་མཁྱེན་ཏཱ་ར་ནཱ་ཐ་སོགས།།

     མཁས་གྲུབ་བླ་མ་རྣམས་ལ་གུས་ཕྱག་འཚལ།

    ཞེས་བདེ་ལྡན་ཞིང་གི་མགོན་པོ་ཀུན་གཟིགས་སྣང་བ་མཐའ་ཡ༧པ་ཆེན་ཨེར་ཏི་ཎི་སྐུ་ཕྲེང་བཅུ་༧བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཔལ་པོའི་ཞལ་གསུང་དྲི་མ་མེད་པའི་མེ་ཏོག་ཕྲེང་བའི་དོ་ཤལ་གྱིས་རབ་ཏུ་མཛེས་ཤིང་རྒྱན་ལ་སྐུ་དངོས་སུ་ཐུགས་བཀོད་མཛད་པ་བཞིན་བཞེངས་ཤིང་། ལྷུན་གྱིས་གྲུབ་པའི་ཚོན་ལྡན་ཤོག་ཐང་བཅུ་གཅིག་སྟེ། བྱིན་རླབས་ཀྱི་ཚན་ཁ་མ་ཡལ་པར་ཡོངས་སུ་བཞུགས་པའི་སངས་རྒྱས་བཅོམ་ལྡན་འདས་སྟོན་པ་གཙོ་འཁོགསུམ་དང་། མཁན་སློབ་ཆོས་གསུམ། རྗེ་ཡབ་སྲས་གསུམ། རིགས་གསུམ་མགོན་པོ། ཚེ་ལྷ་རྣམ་གསུམ། འགྲོ་བའི་མགོན་པོ་རྣམ་གསུམ། ལྷག་པའི་ལྷ་མཆོག་རྣམ་གསུམ། ས་སྐྱ་གོང་མ་རྣམ་ལྔ། བཀའ་གདམ་ཇོ་འབྲོམ་རྣམ་གསུམ། བཀའ་བརྒྱུད་མེས་པོ་རྣམ་གསུམ། ཇོ་ནང་མཁས་གྲུབ་བླ་མ་རྣམ་ལྔ་སོགས་ནང་བའི་གསར་རྙིང་གྲུབ་མཐའ་རིས་མེད་ཀྱི་ལྷ་ཚོགས་རེ་རེར་བཞིན་དང་། རྒྱལ་བ་ཀུན་གྱི་ངོ་བོ་སློབ་དཔོན་པད་མ་འབྱུང་གནས་ཀྱི་ཞལ་ཐང་སྐུ་མདོག་དུང་ལྟར་དཀར་ལ་གསེར་ཚོན་སོགས་ཀྱི་ནབ་བཟའ་ལེགས་པོར་ཕུལ་ཏེ་བཞེངས་ཤིང་ལོ་ངོ་ལྔ་བཅུ་ལྷག་གི་ལོ་རྒྱུས་རིང་མོ་ལྡན་པའི་རྟེན་རྙིང་བྱིན་ཅན། དུས་རབས་བདུན་པའི་ལོ་རབས་ལྔ་བཅུ་པར་ཆོས་རྒྱལ་སྲོང་བཙན་སྒམ་པོའི་སྐུ་རིང་ལ་གདན་འདྲེན་ཞུས་ཏེ་བཞེངས་པའི་གངས་ལྗོངས་ལྷ་ལྡན་གཙུག་ལག་ཁང་གི་ཇོ་བོ་ཡིད་བཞིན་ནོར་བུ། སྐུ་འབུམ་བྱམས་པ་གླིང་གི་མཉམ་མེད་ཆོས་ཀྱི་རྒྱལ་པོ་རྗེ་ཙོང་ཁ་བ་ཆེན་པོ། གཙང་བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་དུ་བཞུགས་པའི་བྱམས་ཆེན་ཟངས་སྐུ་ཆེན་པོ་འཛམ་བུ་གླིང་གི་ཆེས་ཆེ་བར་གྲགས་ཤིང་ཡང་རྩེར་ཟོན་པ། ༧གོང་ས་སྐྱབས་མགོན་ཐམས་ཅད་མཁྱེན་པ་རྒྱལ་དབང་སྐུ་ཕྲེང་བཅུ་བཞི་བ་ངག་དབང་བློ་བཟང་བསྟན་འཛིན་རྒྱ་མཚོ་དཔལ་བཟང་པོ་དང་།༧ཀུན་གཟིགས་སྣང་བ་མཐའ་ཡས་པ་ཆེན་ཨེར་ཏི་ཎི་སྐུ་ཕྲེང་ལྔ་བ་ཆེན་མོ་རྗེ་བཙུན་བློ་བཟང་ཡི་ཤེས་མཆོག ༧པ་ཆེན་སྐུ་ཕྲེང་དྲུག་པ་རྗེ་བཙུན་བློ་བཟང་དཔལ་ལྡན་ཡེ་ཤེས་མཆོག ༧པ་ཆེན་སྐུ་ཕྲེང་བདུན་པ་རྗེ་བཙུན་བློ་བཟང་དཔལ་ལྡན་བསྟན་པའི་ཉི་མ་ཕྱོགས་ལས་རྣམ་རྒྱལ་ཚང་༧པ་ཆེན་སྐུ་ཕྲེང་བརྒྱད་པ་ཆེན་མོ་རྗེ་བཙུན་དཔལ་ལྡན་ཆོས་ཀྱི་གྲགས་པ་བསྟན་པའི་དབང་ཕྱུག་ཚང་། ༧པ་ཆེན་སྐུ་ཕྲེང་དགུ་བ་ཆེན་པོ་རྗེ་བཙུན་བློ་བཟང་ཐུབ་བསྟན་ཆོས་ཀྱི་ཉི་མ་དགེ་ལེགས་རྣམ་རྒྱལ་མཆོག ༧པ་ཆེན་སྐུ་ཕྲེང་བཅུ་བ་ཆེན་མོ་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་མཆོག ༧པ་ཆེན་སྐུ་ཕྲེང་བཅུ་གཅིག་པ་ཆེན་མོ་རྗེ་བཙུན་བློ་བཟང་བྱམས་པ་ལྷུན་གྲུབ་ཆོས་ཀྱི་རྒྱལ་པོ་དཔལ་བཟང་པོ། རོང་བོ་དགོན་ཆེན་བདེ་ཆེན་ཆོས་འཁོར་གླིང་ནས་དམིགས་བསལ་དུ་རྟེན་སྐལ་སྤྱན་དྲངས་པའི༧རོང་བོ་ཤར་སྐྱབས་མགོན་སྐུ་ཕྲེང་དང་པོ་སྐལ་ལྡན་རྒྱ་མཚོ་མཆོག་དང་། སྐུ་ཕྲེང་བརྒྱད་པ་ཆེན་མོ༧བསྟན་འཛིན་འཇིགས་མེད་སྐལ་ལྡན་དཔལ་བཟང་པོ་ཚང་། དྲིན་ཅན་རྩ་བ་དང་བརྒྱུད་པའི་དཔལ་ལྡ་བླ་མ་དམ་པ༧རྗེ་བཙུན་ལཱ་མོ་ཡོངས་འཛིན་བློ་བཟང་མཁས་གྲུབ་རྒྱ་མཚོ་དཔལ་བཟང་པོ་སོགས་ཀྱི་སྐུ་པར་གཙོ་བྱས་པའི་བླ་སྐུ་སྣ་ཚོགས། གནས་མཆོག་རི་བོ་གྲུ་འཛིན་དུ་གྲགས་པའི་ལྷ་སའི་རྩེ་པོ་ཏཱ་ལའི་ཕོ་བྲང་དུ་བཞུགས་པའི་ཆོས་རྒྱལ་སྲོང་བཙན་སྒམ་པོ་དང་། བལ་བཟའ་ཁྲི་བཙན། རྒྱ་བཟའ་ཀོང་ཇོ་ཡབ་ཡུམ་གསུམ་གྱི་སྐུ་པར། ཐུགས་རྗེ་ཆེན་པོ་འཕགས་མཆོག་སྤྱན་རས་གཟིགས་དབང་ཕྱག་སྟོང་སྤྱན་སྟོང་། རྗེ་བཙུན་འཇམ་པའི་དབྱངས། གསང་བདག་ཕྱག་ན་རྡོ་རྗེ་སོགས་རིགས་གསུམ་མགོན་པོའི་ཞལ་ཐང་ཆེན་མོ། སངས་རྒྱས་ཀྱི་མཛད་ཐང་བཅུ་གཉིས་ཞེས་བྱ་བ་སྟེ། དང་པོ་དགའ་ལྡན་ནས་འཛམ་གླིང་དུ་གཤེགས་ཏེ་མཚན་ལ་ལྷ་ནས་འཕོ་བའི་མཛད་པ་དང་། གཉིས་པ་ལྷུམས་སུ་ཞུགས་ནས་ཡུམ་གྱི་མཚན་ལམ་དང་མཐུན་པར་གླང་པོ་ཆེའི་གཟིགས་ཀྱིས་མངལ་རུམ་དུ་ཞུགས་པའི་མཛད་པ། གསུམ་པ་སྐུ་བལྟམས་ནས་ཡུམ་གྱི་ཕྱག་གཡས་པའི་མཆན་ཁུང་འོག་ཏུ་འཁྲུངས་པའི་མཛད་པ། བཞི་བ་བཙུན་མོའི་འཁོར་དུ་རོལ་ནས་བཙུན་མོ་གྲགས་འཛིན་མ་སོགས་བཙུན་མོའི་འཁོར་དྲུག་ཁྲི་ཙམ་ཁབ་ཏུ་བཞེས་པའི་མཛད་པ། ལྔ་བ་སྒྱུ་རྩལ་ལ་མཁས་ནས་ཡི་གེ་དང་རྩིས་སོགས་སྒྱུ་རྩལ་དྲུག་ཅུ་རྩ་བཞི་ལ་མཁས་པའི་མཛད་པ། དྲུག་པ་རྒྱལ་སྲིད་དང་ཁྱིམ་ཐབ་ཀྱི་ལོངས་སྤྱོད་ཡོངས་སུ་སྤང་ནས་རབ་ཏུ་བྱུང་བའི་མཛད་པ། བདུན་པ་ཆུ་བོ་ནཻ་ནེ་ཛཱ་ཉྣེའི་དྲུང་དུ་ལོ་དྲུག་གི་བར་ལ་ཟས་ཁམ་གང་དང་། བཏུང་བ་ཧུབ་གང་གཅིག་ཀྱང་མ་གསོལ་བར་ཏིང་ངེ་འཛིན་སྒོམ་ནས་བཞུགས་པ་ལ། དཀའ་བ་སྤྱད་པའི་མཛད་པ། བརྒྱད་པ་བྱང་ཆུབ་སྙིང་པོར་གཤེགས་ནས་དཀའ་བ་སྤྱད་པ་རྐྱང་པ་ཁོ་ན་ལས་སངས་རྒྱས་མི་ནུས་པར་མཁྱེན་ཏེ་སྟོང་གི་འོ་མ་བཞེས་ཤིང་རྡོ་རྗེ་གདན་བྱང་ཆུབ་ཤིང་གི་དྲུང་དུ་གཤེགས་པའི་མཛད་པ། དགུ་བ་སངས་རྒྱས་ནས་རྒྱ་གར་རྡོ་རྗེ་གདན་བྱང་ཆུབ་ཤིང་གི་དྲུང་དུ་སྒྲིབ་པ་གཉིས་སྤངས་ཏེ་ཐམས་ཅད་མཁྱེན་པའི་ཡེ་ཤེས་ཐོབ་པའི་མཛད་པ། བཅུ་བ་ཆོས་འཁོར་བསྐོར་ནས་འཁོར་གྱི་ཐོག་མ་ལྡེ་ལྔ་ནས་བཟུང་ལྷ་མི་བྱེ་བ་མང་པོར་དགུང་གྲངས་ཞེ་དྲུག་གི་བར་ལ་ཆོས་གསུངས་པའི་མཛད་པ། བཅུ་གཅིག་པ་ཆོ་འཕྲུལ་སྟོན་པ་མཛད་ནས་མུ་སྟེགས་སྟོན་པ་དྲུག་གིས་ཕྲག་དོག་བྱས་ཏེ་ཆོ་འཕྲུལ་གྱི་འགྲན་སློང་བ་བཞིན་མུ་སྟེགས་སྟོན་པ་དྲུག་ཕམ་པར་མཛད་པའི་མཛད་པ། བཅུ་གཉིས་པ་མྱ་ངན་ལས་འདས་ནས་དགུང་ལོ་བརྒྱད་ཅུ་བཞེས་པ་ན་རྩ་མཆོག་གྲོང་དུ་སྐུ་གཤེགས་ཁར་ཉན་ཐོས་ཆེན་པོ་བཅུ་དྲུག་ལ་སྟོན་པ་རང་གི་རྒྱལ་ཚབ་ཏུ་བསྐོས་ནས་སྐུ་གཤེགས་པའི་མཛད་པ་སོགས།  མགོན་པོ་འོད་དཔག་མེད་ཀྱི་ཞིང་བཀོད། ཟངས་མདོག་དཔལ་རིའི་ཞིང་བཀོད། དགའ་ལྡན་བརྒྱ་མའི་ཞིང་བཀོད། སྐྱབས་འགྲོའི་ཚོགས་ཞིང་། བླ་མཆོད་ཚོགས་ཞིང་སོགས། ཞི་ཁྲོ་དམ་པ་རིགས་བརྒྱ། གདུགས་དཀར་ཕྱག་སྟོང་སྤྱན་སྟོང་། དཔལ་དུས་ཀྱི་འཁོར་ལོའི་ལྷ་ཚོགས། སྐུ་གཞོགས་མཚན་སྒྲོགས་རིན་པོ་ཆེ༧རྗེ་བཙུན་དགེ་འདུན་ལེགས་བཤད་བསྟན་པ་རྒྱ་མཚོ་དཔལ་བཟང་པོས་རྒྱ་ནག་ཞང་ཀང་ནས་སྤྱན་དྲངས་ཏེ་། དམིགས་བསལ་དུ་བདག་ལ་གནང་པའི་མ་ཧཱ་ཙི་ནའི་ལུགས་ལྟར་བཞེངས་པའི་མགོན་པོ་འོད་དཔག་མེད་སངས་རྒྱས་སྣང་བ་མཐའ་ཡས་ཀྱི་བཞེངས་ཐང་ཆེན་མོ། ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཕྱག་སྟོང་སྤྱན་སྟོང་གི་ཞལ་ཐང་རྡོ་རྗེ་དཀྱིལ་མོ་ཀྲུང་དུ་བཞུགས་པའི་ཚུལ། འཕགས་པ་ལྟུང་བར་བཤགས་པའི་ལྷ་སུམ་ཅུ་སོ་ལྔ། རྗེ་བཙུན་འཇམ་པའི་དབྱངས། རྒྱལ་བ་ཚེ་དཔག་མེད། སྒྲོལ་མ་དཀར་མོ་འཁོར་བ་ལས་སྒྲོལ་ཏཱ་རེ་མ། སྨན་བླ་བདེ་གཤེགས་མཆེད་བརྒྱད། གཡུ་ཐོག་ཡོན་ཏན་མགོན་པོ། འཇམ་དབྱངས་རིགས་ལྔ། སྒྲོལ་མ་ཉེར་གཅིག དཔལ་ལྡན་ས་སྐྱ་གོང་མ་རྣམ་ལྔ་སྟེ་ས་ཆེན་ཀུན་དགའ་སྙིང་པོ། རྗེ་བཙུན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ས་པ་ཀུན་དགའ་རྒྱལ་མཚན། འགྲོ་མགོན་ཆོས་རྒྱལ་འཕགས་པ་བློ་གྲོས་རྒྱལ་མཚན་སོགས་ཀྱི་ཞལ་ཐང་རེ་རེར་བཞིན་ལྷ་ཚོགས་བཀའ་སྡོད་འཁོར་དང་བཅས་པ། ཁྱད་པར་དུ་རྒྱ་གར་གནས་མཆོག་རྡོ་རྗེ་གདན་ནས་གངས་ལྗོངས་འགྲོ་བའི་སྤྱི་དཔལ་དུ་ཤར་བ་ཐུགས་རྗེ་ཆེན་པོ་འཕགས་མཆོག་སྤྱན་རས་གཟིགས་དབང་ཆེན་པོ༧གོང་ས་སྐྱབས་མགོན་རྒྱལ་དབང་སྐུ་ཕྲེང་བཅུ་བཞི་བ་བློ་བཟང་ངག་དབང་བསྟན་འཛིན་རྒྱ་མཚོ་དཔལ་བཟང་པོའི་ཞལ་སྔ་ནས། བཅོམ་ལྡན་འདས་དཔལ་དུས་ཀྱི་འཁོར་ལོའི་དབང་ཆེན་ཐེངས་ཉེར་བརྒྱད་པའི་བཀའ་ཆོས་བསྩལ་བའི་སྐབས་སུ་ཆོས་ཞུ་བ་རྣམས་ཀྱི་དད་རྟེན་དུ་བོད་གཞུང་ཆོས་རིག་ལས་ཁུངས་དང་། དུས་འཁོར་དབང་ཆེན་སྦྱིན་བདག་ཐུན་མོང་ནས་བཞེངས་བསྐྲུན་འགྲེམས་སྤེལ་ཞུས་པའི་དགེ་རྩ་ཅི་མཆིས་ལྷ་མིའི་རྣམ་འདྲེན་སྐྱབས་མགོན་རྒྱལ་དབང་ཐམས་ཅད་མཁྱེན་ཞིང་གཟིགས་པ་ཆེན་པོས་དབུས་རིས་མེད་བསྟན་འཛིན་གྱི་སྐྱེས་ཆེན་དམ་པ་གང་བཞུགས་ཀྱི་སྐུ་ཚེ་མི་ཤིགས་རྡོ་རྗེ་ཁམས་སུ་བརྟན་ཞིང་། རླབས་ཆེན་ཐུགས་བཞེད་མཐའ་དག་བགེགས་མེད་ལམ་ལྷོངས་གོང་ནས་གོང་དུ་འཕེལ་ནས། རྒྱལ་བསྟན་རིན་པོ་ཆེ་དར་ཞིང་རྒྱས་པ་དང་འགྲོ་ཀུན་དགའ་བདེའི་དཔལ་ལ་རོལ་ཞིང་འཚོ་བའི་མཚམས་སྦྱོར་དང་བཅས་པའི་བཅོམ་ལྡན་འདས་རྒྱལ་བ་ཤཱཀྱ་ཐུབ་པའི་གཙོ་སྐུ་ཆེན་པོ་དབུས་སུ་བཞུགས་པའི་མཐའ་འཁོར་དུ་གྲུབ་མཐའ་རིས་མེད་ཀྱིས་རྒྱལ་བ་སྲས་འཁོར་དང་བཅས་པ་ཡོངས་སུ་བཞུགས་པའི་ལྷ་ཚོགས་ཀྱི་རྟེན་ཐང་བྱིན་རླབས་ཅན་རང་གི་ཁྱིམ་མི་རྣམས་ཀྱིས་དངོས་སུ་སྤྱན་དྲངས་ནས་བཞུགས་ཡོད་པ་སོགས་དང་། སྒྲོལ་མ་འཇིགས་པ་བརྒྱད་སྐྱོབས་མ། སྒྲོལ་དཀར་ཡིད་བཞིན་ནོར་བུ། གདུགས་དཀར་མཆོག་གྲུབ་མ། རྒྱལ་བ་བྱམས་པ་མགོན་པོ། རྡོ་རྗེ་སེམས་དཔའ་ཡབ་ཡུམ། ལྷ་མོ་འོད་ཟེར་ཅན། ལྷ་མོ་ནོར་སྦྱིན་མ། རི་ཁྲོད་ལོ་གྱོན་མ། ལྷ་མོ་རིག་བྱེད་མ། འཇམ་དབྱངས་རིགས་ལྔ། ཛམྦྷ་ལྷ་རིགས་ལྔ། རྒྱན་དྲུག་མཆོག་གཉིས། གནས་བརྟན་བཅུ་དྲུག རྒྱལ་ཆེན་སྡེ་བཞི། སྲིད་པའི་འཁོར་ལོ་སོགས་ཞལ་ཐང་ཆེན་མོ་གྲངས་ལས་འདས་པ་འདི་དག་ནི་རང་ཤག་བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་གི་ཐོག་མའི་རྟེན་བཞེངས་ཀྱི་ཚུལ་དུ་རིམ་བཞིན་སྒོ་གསུམ་གུས་པའི་སྤྱན་དྲངས་པ་བཞིན་བཞུགས་སོ།།

   ཁྱད་པར་དུ་གངས་ལྗོངས་དབུས་གཙང་དག་པའི་ཞིང་ནས་དངོས་སུ་སྤྱན་དྲངས་ཤིང་དབུས་ཐང་གསེར་བྲིས་མ་ཞེས་ཡོངས་སུ་གྲགས་པའི་སློབ་དཔོན་པདྨ་འབྱུང་གནས་ཀྱི་ཞལ་ཐང་ཆེན་མོ་མཁན་སློབ་ཆོས་གསུམ་གྱི་ཚུལ་དུ་བཞེངས་པ་དང་། རེབ་གོང་གསེར་ལྗོངས་ཡུལ་གྱི་ལྷ་བཟོ་བ་རྣམས་ཀྱིས་ལེགས་པར་བཞེངས་ཤིང་། ངོ་མཚར་ཀརྨའི་ཕྱག་སོར་ལས་ཐོན་པ་ལྟ་བུའི་གོས་གྲུབ་ཞལ་ཐང་ཆེན་མོ་སྣང་སྲིད་ཟིལ་གནོན་དང་། རྒྱལ་ཆེན་རྣམ་ཐོས་སྲས། དཔལ་ལྡན་ལྷ་མོ་དམག་ཟོར་མ། ལྷག་པར་དུ་རྒྱ་ནག་ཀོང་གྲུ་ཡུལ་ནས་སྤྱན་དྲངས་པའི་འོད་མཚེར་ཞལ་ཐང་ཆེན་མོ་གུ་རུ་མཚན་བརྒྱད་དང་། སྨན་བླ་བདེ་གཤེགས་མཆེད་བརྒྱད། རྡོ་རྗེ་སེམས་དཔའ་ཡབ་ཡུམ། ཚེ་ལྷ་རྣམ་གསུམ། ཛམྦྷ་ལྷ་རིགས་ལྔ། སྒྲོལ་མ་ཉེར་གཅིག བཤགས་ལྷ་སོ་ལྔ། སྒྲོལ་མ་སྔོན་མོ།  སྒྲོལ་མ་དཀར་མོ།  རྗེ་བཙུན་འཇམ་པའི་དབྱངས། དཔལ་ཆེན་རྡོ་རྗེ་འཇིགས་བྱེད། གདུགས་དཀར་ཕྱག་སྟོང་སྤྱན་སྟོང། འཛམ་གླིང་གེ་སར་དགྲ་ལྷའི་རྒྱལ་པོ་སོགས་ཞལ་ཐང་ཆེན་མོ་རེ་རེར་བཞིན་རྟེན་བཞེངས་རྒྱ་ཆེན་པོ་བཞུགས་སོ།།

   དུས་མཚུངས་སུ་ངོ་མཚར་ཀུན་དགའ་ར་བ་ཆེན་པོའི་གཙོ་སྐུའི་ཚུལ་དུ་བཞུགས་པའི་གངས་ལྗོངས་ལྷ་ལྡན་གཙུག་ལག་ཁང་གི་རྒྱལ་བ་སངས་རྒྱས་ཤཱཀྱ་ཐུབ་པ་དགུང་གྲངས་བཅུ་གཉིས་ལ་ཕེབས་པའི་སྐུ་ཚད་དང་མཉམ་པའི་ཐུབ་དབང་ལོངས་སྐུའི་ཆ་བྱད་ཅན་ཇོ་བོ་ཡིད་བཞིན་ནོར་བུའི་སྨན་སྐུ་ཆེན་མོ། སྲིད་ལ་ཀུང་ཧྥུན་བརྒྱད་ཅུར་ཉེ་བར་ཁྲི་དྲུག་འགྱོགས་ཀྱི་ཚུལ་དུ་གསེར་འོད་ཀྱི་གཟི་བྱིན་རྣམ་པར་བཀྲ་ཞིང་། སྟེང་དུ་རིགས་གསུམ་མགོན་པོ་སྟེ། ཨ་མདོའི་རེབ་གོང་ལྷ་བཟོ་བ་རྣམས་ཀྱིས་ལེགས་པར་བཞེངས་ཤིང་གཏེར་རྡོ་ཀ་མ་རུའི་རྒྱུ་ལས་གྲུབ་པའི་ཐུགས་རྗེ་ཆེན་པོ་ཕྱག་བཞི་བ། རྗེ་བཙུན་འཇམ་པའི་དབྱངས། གསང་བདག་ཕྱག་ན་རྡོ་རྗེ་སོགས་རྩེ་ཁྲི་གང་ཅན་རེ་རེ་དང་། གཡས་གཡོན་དུ་གསེར་ཟངས་ལས་གྲུབ་པའི་སྟོན་པ་བཅོམ་ལྡན་འདས་རྒྱལ་བ་ཤཱཀྱ་ཐུབ་པ། ཐུགས་རྗེ་ཆེན་པོ་ཕྱག་བཞི་བ། སློབ་དཔོན་པད་མ་འབྱུང་གནས། རྗེ་བཙུན་འཇམ་པའི་དབྱངས། ཀུན་རིག་རྣམ་པར་སྣང་མཛད། རྗེ་བཙུན་སྒྲོལ་མ་སྔོན་མོ། སྒྲོལ་དཀར་ཡིད་བཞིན་ནོར་བུ། རྒྱལ་བ་ཚེ་དཔག་མེད་མགོན། རྡོ་རྗེ་སེམས་དཔའ་ཆེན་མོ། རྒྱལ་བ་མི་འཁྲུགས་པ། རྣམ་རྒྱལ་མཆོད་རྟེན་སོགས་རྒྱ་གར་དང་རྒྱ་ནག་ལི་མ་རྩེ་ཁྲི་གང་ལ་ཉེ་བ་ཅན་གང་མང་བཞུགས་ཤིང་། དེའི་གཡས་གཡོན་སྟེང་ཕྱོགས་སུ་ཡང་གཏེར་རྡོ་ཀ་མ་རུའི་རྒྱུ་ལས་གྲུབ་པའི་དུས་གསུམ་སངས་རྒྱས་སློབ་དཔོན་པདྨ་འབྱུང་གནས་དང་ཆོས་སྐྱོང་དཔལ་ལྡན་ལྷ་མོ་རེ་མ་ཏི། ཐེ་ཝན་ལྷ་རིས་སྒྱུ་རྩལ་ལས་སྤྱན་དྲངས་པའི་རྒྱ་ནག་ཧ་ཤང་། སྨན་སྐུ་ཆེན་མོ་མཉམ་མེད་ཆོས་ཀྱི་རྒྱལ་པོ་རྗེ་ཙོང་ཁ་བ་རིན་པོ་ཆེ་དང་། ཆོས་སྐྱོང་མ་ཧཱ་ཆེན་པོ་རོང་བོ་ཨ་མྱེས་གུར་མགོན་སོགས་སྣང་བརྙན་ཆེན་པོ་རྩེ་ཁྲི་དོ་ཅན་རེ་རེར་བཞིན་བཞུགས་ཡོད་པ་སོ་སོའི་གཟུངས་འཇུག་ཏུ། ཆོས་སྡེ་ཆེན་པོ་མཚོ་སྔོན་བདུད་ཤུལ་འབུམ་ལུང་དགོན་བསམ་གཏན་ཉམས་དགའི་དབེན་གནས་ཀྱི་གསང་སྔགས་བསྟན་པའི་ཤིང་རྟ་བ་སྐྱབསགཅིག་འགྲོ་བའི་མགོན་པོ༧རིག་འཛིན་བདུད་འཇོམས་ཁྲག་འཐུང་རོལ་བའི་རྡོ་རྗེའི་མཆོག་སྤྲུལ་དམ་པ་སྐྱབས་རྗེ་ཀུན་བཟང་ལུང་རྟོགས་རྒྱ་མཚོ་དཔལ་བཟང་པོ་གཙོས་དམ་པ་དུ་མས་སྔན་གཞུག་ཏུ་སྐུ་དངོས་སུ་ཕུལ་བར་མཛད་པའི་གཟུངས་ཆེན་སྡེ་ལྔ་ཚུལ་ལྡན་སྟེ། དབུ་གཟུངས་དང་། མགྲིན་གཟུངས། ཐུགས་གཟུངས། མདོ་གཟུངས་ལས་ཤེར་ཕྱིན་སྟོང་ཕྲག་བརྒྱ་བའི་གཟུངས། བརྒྱད་སྔགས། ཕར་ཕྱིན་དྲུག་གི་གཟུངས། ཏིང་འཛིན་རྒྱལ་པོའི་སྔགས། ཤེར་ཕྱིན་ཡི་གེ་ཉུང་བའི་སྔགས། གོང་ས་མཆོག ཡོངས་འཛིན། བླ་ན་མེད་པ། རྗེ་ཙོང་ཁ་བའི་མཚན་སྔགས། རྣལ་འབྱོར་སྤྱོད་པ། བྱ་རྒྱུད། སྒྲོལ་མ། རིགས་གསུམ་མགོན་པོ། ཚེ་ལྷ་རྣམ་གསུམ། མཁའ་འགྲོ་སྡེ་ལྔ། རྟེན་རྙིང་། གསོ་སྦྱོང་། འདོད་བློ། དམིགས་བརྩེ་མ། ཤིས་བརྗོད། བཀྲ་ཤིས་བརྩེགས་པ། ནོར་ལྷ། འཁྲུགས་སེལ། ཡིག་བརྒྱ། བཛྲ་གུ་རུ་སོགས་དང་། པད་གཟུངས་ལས་མགོན་པོ་ཕྱག་བཞི་བ། རྒྱལ་ཆེན་སྡེ་བཞི། ལྷ་ཆེན་མཆེད་བརྒྱད། ཀླུ་ཆེན་མཆེད་བརྒྱད། རྒྱུ་སྐར་ཉེར་བརྒྱད། ཆོས་སྐྱོང་མགོན་པོ་ཕྱག་དྲུག་གཙོ་འཁོར། གུར་གྱི་མགོན་པོ། མགོན་པོ་དཀར་པོ། ལས་གཤིན་ནག་པོ། མགོན་པོ་ཞལ་བཞི། རྣམ་སྲས་འཁོར་བཅས་ཀྱི་གཟུངས་སྔགས་ཡོངས་སུ་བཞུགས་པ་མ་ཟད། ལྷ་སྐུ་ཞི་དྲག་དང་མཆོད་རྟེན་གང་བཞུགས་རེ་རེ་ལ་གཟུངས་རྟེན་འགངས་ཅན་བཞུགས་པའི་རྣམ་གྲངས་ལས། འཇམ་མགོན་རྗེ་ཙོང་ཁ་བ་རིན་པོ་ཆེ་དང་། རྒྱལ་ཚབ་དར་མ་རིན་ཆེན། མཁས་གྲུབ་རྗེ་དགེ་ལེགས་དཔལ་བཟང་སོགས་རྗེ་ཡབ་སྲས་གསུམ་གྱི་སྐུ་ཤ མཁན་ཆེན་བོ་ངྷཱི་ས་ཏྭའི་སྐུ་ཤ སློབ་དཔོན་པདྨ་འབྱུང་གནས་ཀྱི་པད་སྡོང་དང་དབུ་ལོ། ཞབས་ཕྱགས། ཆོས་རྒྱལ་ཁྲི་སྲོང་ལྡེ་བཙན་གྱི་ཞབས་ཕྱགས། ཤ་རིའི་བུ་དང་མོང་གལ་གྱི་བུ་རྣམ་གཉིས་ཀྱི་ན་བཟའ། དཔལ་རྒྱ་གར་ན་ལེནྡྲའི་གཙུག་ལག་ཁང་གི་རྟེན་རྫས་བྱིན་ཅན། མཁན་ཆེན་བོ་ངྷཱི་ས་ཏྭའི་ན་བཟའ། དཔལ་མགོན་འཕགས་པ་ཀླུ་སྒྲུབ་ཀྱི་དབུ་ཞྭ། ལོ་ཆེན་བཻ་རོ་ཙ་ནའི་དབུ་ལྗོན། རྒྱ་གར་འཕགས་ཡུལ་བྱང་ཆུབ་ཤིང་གི་འབྲས་བུ་དང་ལོ་མ། རྒྱལ་དབང་ཐམས་ཅད་མཁྱེན་པ་སྐུ་ཕྲེང་རིམ་བྱོན་གྱི་དབུ་ལོ། སངས་རྒྱས་ཀྱི་རིང་བསྲེལ་དང་སྐྱེ་བདུན་ཁྱད་འཕགས་མང་པོ། དཔལ་ལྡན་ས་སྐྱ་པ། རི་བོ་དགེ་ལུགས་པ། བཀའ་བརྒྱུད་པ། ཇོ་ནང་བ་སོགས་དང་། ཁྱད་པར་དུ་རྙིང་མ་བཀའ་གཏེར་གྱི་དམ་རྫས་རྣམས་ཕྱོགས་གཅིག་ཏུ་བསྡུས་པ་ལས་ཕབ་པའི་རྟེན་རྫས་བྱིན་ཅན། ཀུན་གཟིགས་ལྔ་བ་ཆེན་པོའི་སྐུ་རིང་གི་བདུད་རྩིའི་རིལ་བུ། རྫོགས་ཆེན་པད་མ་རིག་འཛིན་ཀྱི་གདུང་རུས། རྫོགས་སྤྲུལ་ལྔ་བ་ཆོས་ཀྱི་རྡོ་རྗེའི་ན་བཟའ། རྫོགས་སྤྲུལ་སློབ་དཔོན་ནམ་མཁའ་འོད་གསལ་གྱི་དབུ་ལྗོན། རྫོགས་སྤྲུལ་གསུམ་པ་མི་འགྱུར་ནམ་མཁའ་རྡོ་རྗེའི་ན་བཟའ། བྲག་ཡེར་བའི་གྲུབ་ཆེན་བརྒྱད་ཅུའི་ཚོགས་དུང་གི་ལུང་བུ། སྐྱབས་རྗེ་ཕུར་ལྕོགས་རིན་པོ་ཆེའི་ན་བཟའ། མ་ཅིག་བཻ་ལྷ་མོའི་ན་བཟའ། སྟག་ལུང་མ་རིན་པོ་ཆེའི་དབུ་ལོ། འཇམ་དབྱངས་མཁྱེན་བརྩེ་དབང་པོའི་ཕྱག་རྫས། སེར་བ་མཁན་ཆེན་རིན་པོ་ཆེའི་དབུ་ལོ། བདུད་རྩི་ཆོས་སྨན་སྨིན་གླིང་འཇའ་ཟུག་མ་སོགས་ཆོས་སྐུའི་རིང་བསྲེལ་གདུང་ཙྪ། རྒྱ་གར་རྩ་མཆོག་གྲོང་དུ་སངས་རྒྱས་ཀྱི་གདུང་ཁང་ནང་ན་བཞུགས་པའི་གདུང་ཙྪ་གསེར་བྱེ་མ་ལས་གྲུབ་པ་འཁྲུལ་བྲལ། ཨོ་རྒྱན་པདྨ་འབྱུང་གནས་ཀྱི་དབུ་ལོ་འཇའ་འོད་འཁྱིལ་བ། ཆོས་གོས་ཉི་ཟེར་མ། ཟབ་བེར། མཁན་སློབ་ཆོས་གསུམ་དང་རྗེ་འབངས་ཉེར་ལྔ་སོ་སོའི་ན་བཟའ་དང་། དབུ་ལོ། གདུང་རུས་སོགས་དམིགས་བསལ་ཅན། སངས་རྒྱས་འོད་སྲུང་དང་སྟོན་པ་ཤཱཀྱ་ཐུབ་པ་གཙོས་རིང་བསྲེལ་ཁྲི་ཕྲག་མང་པོའི་ཕབ་རྒྱུན། རིང་བསྲེལ་རྣམ་ལྔའི་ཕབ་རྒྱུན། ལོ་ཆེན་བཻ་རོ་ཙ་ནས་རྒྱ་ཆོས་རྣམས་བོད་ཡིག་ཏུ་བསྒྱུར་པའི་ཕྱག་བྲིས་རྒྱ་དཔེ་ཏཱ་ལའི་ལོ་མ་ཕོན་ཆེན། ཇོ་བོ་རྗེའི་ཕྱག་ཙྪ་འཁྲུལ་བྲལ་གྲངས་མང་། འཕགས་ཡུལ་རྡོ་རྗེ་གདན་གྱི་བྱང་ཆུབ་ཤིང་གི་ལོ་མ་གྲངས་མང་། ཨོ་རྒྱན་ཡུལ་གྱི་མཚོ་དབུས་པད་སྡོང་གི་ཤིང་ལོ། སངས་རྒྱས་ཀྱི་མཛད་པ་ཆེན་པོའི་གནས་རྣམས་དང་། མཆོད་རྟེན་བརྒྱད་ཀྱི་གནས་མཆོག་དང་། དུར་ཁྲོད་བརྒྱད་ཀྱི་གནས་མཆོག་སོགས་ཀྱི་བྱིན་རླབས། རྒྱ་གར་རྡོ་རྗེ་གདན་དང་། རྩ་མཆོག་གྲོང་། ཝ་ར་ན་སི། ཀླུ་འབུམ་གནས། མཚོ་པདྨ་། བྱ་རྒོད་ཕུང་བོའི་རི་བོ། འཇིགས་སུ་རུང་བའི་དུད་ཁྲོད་སོགས་ནས་སྤྱན་དྲངས་པའི་ས་ཆུའི་འབྱུང་བཅུད། རྒྱ་གར་རྡོ་རྗེ་གདན་དང་བལ་བོད་མཆོད་རྟེན་རྣམ་གསུམ། ལྷ་སའི་སེར་ར་ཐེག་ཆེན་གླིང་། དཔལ་ལྡན་འབྲས་དཀར་སྤུངས་པའི་གླིང་། དགའ་ལྡན་རྣམ་པར་རྒྱལ་བའི་གླིང་། བསམ་ཡས་མི་འགྱུར་ལྷུན་གྱིས་གྲུབ་པའི་གླིང་སོགས་གཙོས་རྒྱ་བལ་བོད་གསུམ་གྱི་རྟེན་རྫས་བྱིན་ཅན་གྱི་རིགས་གྲངས་མང་། སྡེ་དགེ་པར་ཁང་གི་ཆོས་མཛོད་ཆེན་མོའི་པར་ཁྲུས་སོགས། གྲུབ་དབང་མཁྱེན་བརྩེ་རིན་པོ་ཆེའི་ཕྱག་བཞེས་སློབ་དཔོན་དགའ་རབ་རྡོ་རྗེ་མཆོག་གི་སྐུ་རིང་ནས་བཟུང་སྟེ། ད་ལྟའི་གསང་སྔགས་སྔ་འགྱུར་རྙིང་མ་བརྒྱུད་པའི་བར་གྱི་བྱིན་རླབས་མཚམས་མ་ཆད་པ་དང་། བཀའ་བརྒྱུད་ཀྱི་གྲུབ་ཐོབ་ཏེ་ལོ་པ་ནས་བཟུང་སྟེ་ད་ལྟའི་རྒྱལ་བ་ཀརྨ་པ་དྲག་པའི་རྡོ་རྗེ་མཆོག་གི་བར་དུ་བྱིན་རླབས་མཚམས་མ་ཆད་པ་སོགས་ཕྱོགས་གཅིག་ཏུ་བསྡུས་པར་མཛད་པའི་ཕབ་རྒྱུན་རྟེན་འདུས་རིལ་བུ། རོང་བོ་དགོན་ཆེན་བདེ་ཆེན་ཆོས་འཁོར་གླིང་གི་མདོ་སྨད་སྒྲུབ་རྒྱུད་བསྟན་པའི་ཤིང་རྟ་བ་ཆེན་པོཤར་སྐྱབས་མགོན་སྐུ་ཕྲེང་བརྒྱད་པ་ཡབ་རྗེ་བསྟན་འཛིན་འཇིགས་མེད་སྐལ་ལྡན་ཚང་སྐུ་ངོ་མས་བྱིན་གྱིས་བརླབས་ཤིང་དམིགས་བསལ་དུ་བདག་ལ་གནང་བར་མཛད་པའི་རྟེན་འདུས་རིལ་བུ་བྱིན་ཅན། གྲུབ་མཐའ་རིས་མེད་ཁག་གི་རྟེན་འདུས་རིལ་བུ་ཨུ་དུམ་ཝ་ར་དང་། སྐྱེ་བདུན་རིལ་བུ། གྲུབ་ཆེན་ཐང་སྟོང་རྒྱལ་པོའི་གདན་ས་ནས་སྤྱན་དྲངས་པའི་འཕེལ་གདུང་རིལ་བུ། གངས་ལྗོངས་དཔལ་ལྡན་འབྲས་དཀར་སྤུངས་པའི་གླིང་ནས་བདག་གིས་དངོས་སུ་སྤྱན་འདྲེན་བྱས་པའི་རིན་ཆེན་མྱོང་གྲོལ་རིལ་དམར་ཆེན་མོའི་དཀར་ཆག་ལྟར་ནའང་སངས་རྒྱས་འོད་སྲུངས་ཀྱི་སྐུ་ཤ་དང་རིང་བསྲེལ། སྟོན་པ་ཤཱཀྱ་ཐུབ་པའི་འཕེལ་གདུང་། སྟག་མོ་ལུས་སྦྱིན་ཀྱི་སྟག་ལྤགས། ཤ་རིའི་བུའི་ན་བཟའ། བྲམ་ཟེ་སྐྱེ་བ་བདུན་གྱི་སྐུ་ཤ ཨོ་རྒྱན་རིན་པོ་ཆེའི་དབུ་ལོ། གུ་རུ་ཆོས་དབང་གི་ཤོག་སེར། སྲས་དར་མ་མདོ་སྡེའི་ན་བཟའ། དཔལ་ལྡན་ཨ་ཏི་ཤའི་སྣམ་བུ་དང་གདིང་བ། རྔོག་བློ་ལྡན་ཤེས་རབ་ཀྱི་དབུ་སྐྲ། རྗེ་རིན་པོ་ཆེའི་དབུ་ལོ་དང་དབུ་གདུགས་ཀྱི་སྲོག་ཤིང་། ལྷ་བླ་མ་ཡེ་ཤེས་འོད་ཀྱི་སྐུ་ཤ མཁས་གྲུབ་རྗེའི་ན་བཟའ། ཀརྨ་པ་དུས་གསུམ་མཁྱེན་པའི་ཚེམས་རིལ། འཇམ་དབྱངས་ཆོས་རྗེའི་ན་བཟའ། པཎ་ཆེན་བསོད་ནམས་གྲགས་པའི་ན་བཟའ། ཀུན་མཁྱེན་ངག་དབང་བརྩོན་འགྲུས་མཆོག་གི་གདིང་བ། འདུལ་འཛིན་གྲགས་པ་རྒྱལ་མཚན་གྱི་ན་བཟའ། གུང་ཐང་བསྟན་པའི་སྒྲོན་མེའི་ན་བཟའ། རྒྱལ་དབང་སྐུ་ཕྲེང་རིམ་བྱོན་གྱི་དབུ་ལོ་དང་ན་བཟའ། གདུང་ཁྲུས་རིལ་བུ། པཎ་ཆེན་སྐུ་ཕྲེང་རིམ་བྱོན་གྱི་དབུ་ལོ་དང་ན་བཟའ། པཎ་ཆེན་སྐུ་ཕྲེང་དགུ་བའི་ཕྱག་ཙྪ་དང་པུར་ཙྪ། པཎ་ཆེན་སྐུ་ཕྲེང་བཅུ་བའི་པུར་ཙྪ། དགེ་བཤེས་བསམ་གྲུབ་རིན་པོ་ཆེའི་དབུ་ལོ། སྐྱབས་རྗེ་ལྷ་བཙུན་རིན་པོ་ཆེའི་དབུ་ལོ། སྐྱབས་རྗེ་ཁང་གསར་རིན་པོ་ཆེའི་དབུ་ལོ། བྲག་གཡབ་ཆུང་ཚང་གི་དབུ་ལོ། རྒན་བླ་མའི་དབུ་ལོ། རྒྱལ་དབང་སྐུ་ཕྲེང་བཅུ་གསུམ་པའི་ཕྱག་ཕྲེང་། ཏྲེ་ཧོར་སྐྱོར་དཔོན་རིན་པོ་ཆེའི་དབུ་སྐྲ་དང་ན་བཟའ། ཡོངས་འཛིན་གླིང་སྤྲུལ་རིན་པོ་ཆེའི་ན་བཟའ་དང་གདུང་ཙྪ། གདུང་ཁྲུས་རིལ་བུ། ཡོངས་འཛིན་ཁྲི་བྱང་རྡོ་རྗེ་འཆང་གི་ན་བཟའ་དང་གདུང་ཙྪ། གདུང་ཁྲུས་རིལ་བུ། དགེ་བཤེས་་དོན་ལྡན་རིན་པོ་ཆེའི་སྐུ་ཤ སྐྱབས་རྗེ་ཕ་བོང་ཁ་བའི་གདུང་རུས་དང་སྐུ་ཤ རྒན་ལམ་རིམ་པའི་གདུང་རུས་དང་དབུ་སྐྲ། གདུང་ཐལ། ཕྱག་ཕྲེང་། མཎྚལ་འབྲུ། མྱོང་གྲོལ་རིལ་ནག་ཆེན་མོ་རྡོག་ལྔ་བཅུ་ཙམ་དང་། མྱོང་གྲོལ་རིལ་ནག་ཆེན་མོའི་ཕབ་རྒྱུན་རིལ་བུ་རྡོག་སུམ་ཅུ། དམ་རྫས་རིལ་བུ། དམིགས་བསལ་ཕྱག་ནས། དགེ་བཤེས་རྟོགས་ལྡན་རིན་པོ་ཆེའི་སྐུ་ཤ སྟག་བྲག་རིན་པོ་ཆེའི་སྐུ་ཤ ཕག་མོའི་བྱང་སེམས་རིལ་བུ། བྱང་སེམས་རི་དྭགས་དྲི་ནའི་རྭ་ཅོ། ལྷ་ལྡན་གཙུག་ལག་ཁང་གི་ཇོ་བོ་ཡིད་བཞིན་ནོར་བུའི་ཞལ་གསེར་དང་ན་བཟའ། རྭ་མོ་ཆེའི་ཇོ་བོ་མི་བསྐྱོད་རྡོ་རྗེའི་བཙོ་ཐལ། འཕགས་པ་ལོ་ཀི་ཤྭ་རའི་ཞལ་གསེར་ན་བཟའ། བྱམས་པ་མཐོང་གྲོལ་གྱི་ཞལ་གསེར་དང་ན་བཟའ། རྒྱལ་བ་མི་འཁྲུགས་པའི་ཞལ་གསེར་དང་ན་བཟའ། ཐུགས་རྗེ་ཆེན་པོ་རང་བྱུང་ལྔ་ལྡན་གྱི་སྲོག་ཤིང་དང་སྐུ་ཤ འཇིགས་བྱེད་མཱ་ཧེ་གྲངས་བཅུ། གྲོ་མོ་དགེ་བཤེས་རིན་པོ་ཆེའི་རིལ་བུ་རྡོག་གསུམ། ཁྲི་བྱང་བླ་བྲང་གི་རིལ་བུ་རྡོག་ལྔ། རྒྱལ་དབང་ལྔ་བ་རིན་པོ་ཆེའི་རིལ་ནག་ཆེན་མོ་དང་ས་སྔགས་རིལ་བུ། རྒན་བླ་མའི་འཇམ་དབྱངས་རིལ་བུ། དཔལ་ཀརྨ་བའི་རིལ་ནག་ཆེན་མོ་དང་མ་ཎི་རིལ་བུ་བྱིན་རྟེན་སོགས། རྒྱལ་དབང་སྐུ་ཕྲེང་རིམ་བྱོན་གྱི་བདུད་རྩི་ཆོས་སྨན་དང་མ་ཎི་རིལ་བུའི་ཕབ་རྒྱུན། རྒྱལ་བ་ཐུབ་བསྟན་རྒྱ་མཚོའི་རིན་ཆེན་རིལ་བུ། རྒྱལ་དབང་ལྔ་བ་ཆེན་པོའི་ལོ་གྱོན་རིལ་བུ། འཕགས་མ་དབྱངས་ཅན་མའི་རིལ་བུ། མའི་བྱང་སེམས་རིལ་བུ། རྗེ་རིན་པོ་ཆེའི་ཚེ་རིལ། འབྲི་གུང་རིལ་ནག་ཆེན་མོ། ས་སྐྱའི་བཅུ་རྡོ་དང་བརྒྱ་རྡོ། སྟོང་རྡོའི་རིལ་བུ། སྒོ་མང་རྟེན་འདུས་རིལ་བུ། རྒན་འབྲོག་མིའི་གདུང་རུས་དང་གདུང་ཁྲུས་རིལ་བུ། རྒན་སེང་གེ་རིན་པོ་ཆེའི་པུར་ཙྪ། རྨེ་རུའི་མ་ཎི་རིལ་བུ། རྒྱུད་སྨད་མ་ཎི་རིལ་བུ། རྒྱུད་སྟོད་མ་ཎི་རིལ་བུ། གློ་གླིང་རྟེན་འདུས་རིལ་བུ། ཀིརྟི་རིན་པོ་ཆེའི་རྟེན་འདུས་རིལ་བུ། བཀྲས་ལྷུན་རྟེན་འདུས་རིལ་བུ། སེར་བྱེས་རྟེན་འདུས་རིལ་བུ། ས་སྐྱའི་བདུད་རྩི་ཆོས་སྨན། འབྲས་སྔགས་རིལ་ནག་ཆེན་མོ། རྒྱལ་རྩེའི་ཕྱག་ཕྲེང་རིན་ཆེན་རིལ་བུ། བདུད་འཇོམས་ཕུར་བ་གནམ་ལྕགས་སྤུ་གྲིའི་སྨན་སྒྲུབ་རིལ་བུ། པོ་ཏཱ་ལའི་བྱིན་རྟེན་ཀུན་འདུས་རིལ་བུ། དཔལ་དུས་ཀྱི་འཁོར་ལོའི་དཀྱིལ་འཁོར་སྒྲུབ་པའི་རྡུལ་ཚོན་དང་སྔགས་ཆུ། བདེ་གསང་འཇིགས་གསུམ་གྱི་དཀྱིལ་འཁོར་རྡུལ་ཚོན། བླ་མ་སྐྱེས་ཆེན་དམ་པ་དུ་མའི་འཕེལ་གདུང་། གཞན་ཡང་རིན་ཆེན་བཙོ་ཐལ་སྣ་འཛོམས་དང་གླ་རྩི། གི་ཝང་། དོམ་མཁྲིས། རིན་ཆེན་གྲང་སྦྱོར། མུ་ཏིག་བདུན་ཅུ། བཙོ་བཀྲུ་ཟླ་ཤེལ། མང་སྦྱོར། བྱུར་དམར། ཁ་ཆེ་ཤ་སྐམ། ཙན་ཏན་དཀར་དམར། འབྲི་བརྒྱའི་འོ་མ། བཟང་པོ་དྲུག་དང་། འབྲས་བུ་གསུམ་སོགས་སྲིད་ན་དཀོན་པའི་དམ་རྫས་སྣ་ཚོགས་ལས་གྲུབ་པའི་རྟེན་རིལ་འགངས་ཅན། རེབ་གོང་གསེར་ལྗོངས་རི་ཁྲོད་འཛིན་པ་རྣམས་ཀྱིས་བྱིན་གྱིས་བརླབས་པའི་ཚེ་རིལ། ༧གོང་ས་སྐྱབས་མགོན་རྒྱལ་དབང་བཅུ་བཞི་བས་རྟེན་འདུས་མ་ཎི་རིལ་བུ་དང་། མྱོང་གྲོལ་བདུད་རྩི་ཆོས་སྨན་ཕོན་ཆེན། འགྲོ་འདུལ་ངན་སོང་དོངས་སྤྲུགས་ཀྱི་དཀྱིལ་འཁོར་ཆེན་པོ་བཞེངས་ཤིང་སྒྲུབ་པའི་ལས་ཚོགས་རེག་གྲོལ་ཕྱེ་མ་དང་ཚོར་གྲོལ་གྱི་བདུག་སྤོས་གཉིས་དཔོན་སློབ་རྣམ་པས་ཉིན་ཞག་གསུམ་ལ་སྒྲུབ་པའི་རིང་ཕྱག་འཁོར་རྣམས་དུང་སུམ་ཅུར་གྲུབ་པའི་དུང་ཕྱེ། ཐེག་ཆེན་ཆོས་འཁོར་གླིང་གི་གཙུག་ལག་ཁང་དུ༧གོང་ས་སྐྱབས་མགོན་རིན་པོ་ཆེ་དབུ་བཞུགས་ཀྱིས་མ་ཎི་དུང་སྒྲུབ་མཛད་པའི་རྟེན་འདུས་མ་ཎི་རིལ་བུ་དང་ཕུར་བ་ཡང་སྙིང་སྤུ་གྲིའི་སྒོ་ནས་སྨིན་སྒྲུབ་བསྐྱངས་པའི་བདུད་རྩི་ཆོས་སྨན་འཕགས་བོད་སྐྱེས་ཆེན་དུ་མའི་བྱིན་རྫས་ཕབ་ལྡན། རྗེ་ཙོང་ཁ་བ་རིན་པོ་ཆེའི་ཚེམས་པར་བྱིན་ཅན། རྟེན་འདུས་མྱོང་གྲོལ་འཆི་མེད་དཔལ་སྟེར། རྟེན་འདུས་འཛམ་གླིང་བདེ་ལེགས། ལྷ་ལྡན་གཙུག་ལག་ཁང་གི་ཇོ་བོ་ཡིད་བཞིན་ནོར་བུའི་ན་བཟའ་སྔ་ཕྱི་གསར་རྙིང་གང་མང་། སྐུ་འབུམ་བྱམས་པ་གླིང་གི་མཆོད་རྟེན་བརྒྱད་པ་ཞིག་གསོ་བསྐྱར་བཞེངས་བྱེད་སྐབས་སུ་ཞུས་པའི་སྔོན་གྱི་སྲོག་ཤིང་དང་། གཟུངས་གཞུག་གི་རྡུལ་ཕྲན། མཆོད་རྟེན་ལེགས་གྲུབ་ཀྱི་རབ་གནས་ཆེན་པོ་ཞི་རྒྱས་དབང་དྲག་མཛད་པའི་སྦྱིན་སྲེག་གི་རྡུལ་ཕྲན། སྐུ་འབུམ་གསེར་སྡོང་ཆེན་མོའི་ནང་རྟེན་འགངས་ཅན་འཕགས་པ་བརྒྱད་སྟོང་པའི་གླེགས་ཐག་རིམ་པ་གཉིས། བྲག་དཀར་སྤྲེལ་རྫོང་གི་སིནྔྷུ་རའི་གྲུབ་པའི་གནམ་ལྕགས་ཆར་བ་སོགས། གཙང་བཀྲ་ཤིས་ལྷུན་པོའི་ཚོགས་ཆེན་འདུ་ཁང་གི་སྒོ་ཆེན་འཐེན་ལུང་བདག་ཅག་གནས་མཇལ་པ་རྣམས་ལ་ཆེད་དུ་དམིགས་ནས་རྟེན་སྐལ་གནང་བ་དུམ་བུ། བླ་བྲང་བཀྲ་ཤིས་འཁྱིལ་གདུགས་དཀར་ཕྱག་སྟོང་སྤྱན་སྟོང་ལྷ་ཁང་གི་དབུས་སུ་གདུགས་དཀར་པོའི་སྟེང་གི་ཡིད་བཞིན་ནོར་བུ་བདག་ལ་རྟེན་སྐལ་གནང་བ།  ༧པཎ་ཆེན་བཅུ་བ་ཆེན་པོས་སྐུ་དངོས་སུ་བྱིན་གྱིས་བརླབས་ནས་བདག་ལ་གནང་པའི་མགོན་པོ་འོད་དཔག་མེད་ཀྱི་སྨན་སྐུ་ཆུང་བ་བྱིན་ཅན། རྒྱ་བཟའི་མཁའ་འགྲོ་མ༧མ་ཅིག་གྲུབ་པའི་དབང་མོའི་སྐུ་གདུང་གི་རིལ་བུ་རང་བྱོན་རྒྱུན་འབབ་མ་བྱིན་ཅན། སྔགས་སའི་མཚམས་ཐོག་གོང་མ་བཀྲ་ཤིས་ཆོས་རྫོང་དགེ་འཕེལ་བྱང་ཆུབ་གླིང་གི་སྐྱབས་གཅིག་འགྲོ་བའི་མགོན་པོ་རྗེ་མི་བསྐྱོད་རྡོ་རྗེ་འཆང་ཆེན༧རྗེ་བཙུན་འཇམ་དབྱངས་བློ་བཟང་བསྟན་པའི་རྒྱལ་མཚན་མཆོག་གི་ན་བཟའ་དང་ཁོང་གིས་སྐུ་ཚེ་གང་པོར་བསྡུས་པའི་རྟེན་འདུས་རིལ་བུ་བྱིན་ཅན། འདས་ལོག་གི་བྱང་ཆུབ་སེམས་དཔའ་ཆེན་མོ་དཔལ་ཡུལ་བླ་མ་རིག་འཛིན་སྐུ་གསུམ་རྡོ་རྗེ་མཆོག་གིས་གནང་པའི་བྲམ་ཟེ་སྐུ་ཤ པཎ་ཆེན་བཅུ་བ་རིན་པོ་ཆེའི་གདུང་ཙྪ་དང་ན་བཟའ། སྐུ་གདུང་མདུན་དུ་ཕུལ་བའི་ལྷ་ཕྱེའི་མེ་ཏོག རྒྱལ་དབང་ཐམས་ཅད་མཁྱེན་པ་བཅུ་བཞི་བའི་བྱིན་གྱིས་བརླབས་པའི་རྟེན་འདུས་རིལ་བུ། བྱ་ཁྱུང་གསེར་གདུང་གི་བདུད་རྩིའི་རིལ་བུ། གོང་ས་སྐྱབས་མགོན་རྒྱལ་དབང་ཐམས་ཅད་མཁྱེན་པ་དང་། པཎ་ཆེན་སྣང་བ་མཐའ་ཡས་རྣམ་གཉིས་ཀྱི་ཕྱག་མདུད་དང་ཕྱག་ནས་བྱིན་ཅན་སྣ་ཚོགས། ༧རྗེ་བཙུན་ཨ་རོལ་རྡོ་རྗེ་འཆང་བློ་བཟང་ལུང་རྟོགས་བསྟན་པའི་རྒྱལ་རྒྱལ་མཚན་མཆོག་གི་ཕྱག་འཁོར་དང་། མཆོད་ཁེབ། ཆབ་རིལ། ས་སྐྱ་གོང་མའི་ཕྱག་ཐམ་དང་ཕྱག་ཕུར། རྗེ་གླིང་འཕུར་མ་སོགས་ལ་ཕུལ་བའི་ན་བཟའི་རྟེན་རྫས་འགངས་ཅན། ལོ་བའི་རྗེ་བཙུན་ཡེ་ཤེས་རྒྱ་མཚོའི་རྟེན་འདུས་རིལ་བུ། ༧རོང་བོ་གསེར་ཁྲི་རིན་པོ་ཆེ་ཨ་ལགས་ཁ་སོ་བློ་བཟང་འཇིགས་མེད་འཕྲིན་ལས་མཆོག་གི་རྟེན་རིལ་བྱིན་ཅན། ༧ཨ་ལགས་རོང་བོ་ཚང་བློ་བཟང་དར་རྒྱས་རྒྱ་མཚོས་གནང་པའི་རྟེན་རྫས་སྣ་ཚོགས། གཙང་དགོན་དོན་གྲུབ་རབ་བརྟན་གླིང་གི་སྡུད་ཚོན་ཕྱེ་མ། གཙང་དགོན་དོན་གྲུབ་རབ་བརྟན་གླིང་གི ཀཿསྐོར་འཇམ་པའི་དབྱངས་ཀྱི་གདུང་རྫས་ལས་གྲུབ་པའི་རྗེ་བཙུན་བྱམས་པ་མགོན་པོའི་སྨན་སྐུ་ཐེབ་མོ་ཙམ། སྟག་ཚང་ལྷ་མོ་ཀིརྟི་དགོན་མཁས་མང་བློ་གསལ་གླིང་གི ༧སྐུ་གཞོགས་ཀིརྟི་རིན་པོ་ཆེའི་སྐུ་གདུང་གི་ན་བཟའ། བྲག་དཀར་སྤྲེལ་རྫོང་དགོན་ཐོས་བསམ་ཡོན་ཏན་དར་རྒྱས་གླིང་གི༧ཨ་ལགས་ཆུ་ཀྱཱ་བློ་བཟང་ཐུབ་བསྟན་ཉི་མས་གནང་པའི་རྟེན་རྫས། སྐྱབས་རྗེ་ལཱ་མོ་ཡོངས་འཛིན་རྡོ་རྗེ་འཆང་དབུ་བཞུགས་ཀྱིས་ལེགས་སྒྲུབ་མཛད་པའི་བདུད་རྩི་རིལ་བུ་བྱིན་ལྡན། ༧སྐྱབས་རྗེ་ཆུ་སྐྱ་ཞབས་དྲུང་རིན་པོ་ཆེ་དབུ་བཞུགས་ཀྱིས་སྒྲུབ་གནང་མཛད་པའི་ཚེ་རིལ་བྱིན་ལྡན། རྒྱ་གར་འཕགས་ཡུལ་རྡོ་རྗེ་གདན་གྱི་སངས་རྒྱས་སྟོན་པ་བཅོམ་ལྡན་འདས་སྐུ་མདུན་གྱི་ཕྱག་ནས་བྱིན་ཅན། ངྷཱིཿཚ་བཀྲ་ཤིས་ཆོས་སྡིངས་ནས་ཏཱ་རེ་དུང་སྒྲུབ་མཛད་པའི་རྟེན་རྫས་རིལ་བུ་འགངས་ཅན། གྱི་ལིང་གཏེར་སྟོན་ཐུགས་མཆོག་རྡོ་རྗེའི་དབུ་ལོ་དང་གདུང་རུས། བྲམ་ཟེ་སྐྱེ་བ་བདུན་གྱི་དབུ་ལྗོན། ཆོས་རྒྱལ་ཁྲི་སྲོང་ལྡེ་བཙན་གྱི་གཙང་ཆབ། མཁན་ཆེན་འཇིགས་མེད་ཕུན་ཚོགས་ཀྱིས་སྒྲུབ་སྐོར་དུས་སུ་བྱིན་གྱིས་བརླབས་པའི་རང་འབེབས་རིང་བསྲེལ། སངས་རྒྱས་འོད་སྲུང་གི་འཕེལ་གདུང། རྗེ་བཙུན་མི་ལ་རས་པའི་ན་བཟའ། ཞི་ཆེན་རབ་འབྱམས་པ་བསྟན་པ་རྒྱལ་མཚན་གྱི་ན་བཟའ། རྫོགས་ཆེན་དཔལ་སྤྲུལ་རིན་པོ་ཆེའི་ན་བཟའ། སྐྱབས་མགོན་ཚོགས་དྲུག་རང་གྲོལ་ཞབས་དཀར་བའི་ན་བཟའ། རྡོ་གྲུབ་ཆེན་ཡིད་བཞིན་ནོར་བུའི་ན་བཟའ། ཀློང་ཆེན་རབ་འབྱམས་པའི་ན་བཟའ། མ་ཅིག་ལབ་སྒྲོན་གྱི་ན་བཟའ། ཐུབ་དབང་བསྟན་པའི་མངའ་བདག་མཁན་ཆེན་ཆོས་ཀྱི་རྒྱལ་པོ་རེབ་གོང་སྐུ་ཕྱོགས་རྡོ་རྗེ་འཆང་གསུམ་པ་ཆེན་མོ༧རྗེ་བཙུན་ཨ་རོལ་བློ་བཟང་ལུང་རྟོགས་བསྟན་པའི་རྒྱལ་མཚན་དཔལ་བཟང་པོའི་གདན་ས་ཁྱད་པར་ཅན་བྲག་དཀར་སྤྲེལ་རྫོང་ཐོས་བསམ་ཡོན་ཏན་དར་རྒྱས་གླིང་ནས་སྤྱན་དྲངས་པའི་སྒྲ་སྙན་ཐོས་པ་ཙམ་གྱིས་ངན་སོང་གསུམ་གྱི་སྒོ་མོ་འགག་པར་འགྱུར་པའི་དུང་དཀར་གཡས་སུ་འཁྱིལ་བ་དང་། དྲི་གཉན་ས་ལེའི་རྭ་དང་པགས་པ། བྱིན་རླབས་ཀྱི་གཟི་འོད་རབ་ཏུ་འབར་བའི་རི་དྭགས་བསེ་རུའི་རྭ་ཅོ་སོགས་ཀྱི་བྱིན་རྫས་འགངས་ཅན། དགའ་ལྡན་རྣམ་པར་རྒྱལ་བའི་གླིང་གི་དམ་ཅན་ཆོས་ཀྱི་རྒྱལ་པོའི་ཕྱག་གི་ཞགས་པ། རྒྱ་གར་འཕགས་ཡུལ་པཎྟིཏ་རྣམས་ཀྱིས་ཏཱ་ལའི་ལོ་མའི་སྟེང་དུ་ཕྱག་བྲིས་གནང་པའི་ལཉྫ་བྱིན་ཅན། ༧རེབ་གོང་སྐུ་ཕྱོགས་རྡོ་རྗེ་འཆང་དབུས་གཙང་དག་པའི་ཕྱོགས་སུ་ཕེབས་ལམ་ཕྱག་ཏུ་འབྱོར་བའི་ངོ་མཚར་རྡོ་ལས་གྲུབ་པའི་ཐོད་ཕོར་རང་བྱོན། མར་མེའི་རྩེ་ལ་ལྷུན་གྱིས་གྲུབ་པའི་གཡུ་ཡི་མེ་ཏོག གྲོ་ཚང་རྡོ་རྗེ་འཆང་གི་ལྷ་ཁང་གོ་ཏཾ་སྡེ་དགེ་རྒྱས་པའི་བདེ་ཆེན་གླིང་ནས་སྤྱན་དྲངས་པའི་ཙན་དན་དཀར་པོ་ལས་གྲུབ་པའི་གནྟི་ཏ་དང་བྱམས་ཆེན་ཆོས་རྗེའི་གདན་ས་ནས་སྤྱན་དྲངས་པའི་ཙན་དན་གྱི་མཆོད་རྟེན་གྱི་བྱིན་རྫས་འགངས་ཅན། ལིང་འགྲོའི་བྱམས་པ་རང་བྱོན་སོགས་ལས་གྲུབ་པའི་བྱིན་རྫས་འགངས་ཅན། གྲུབ་མཐའ་རིས་མེད་ཁག་གི་རྟེན་འདུས་རིལ་བུ་ཨུ་དུམ་ཝ་ར་དང་། སྐྱེ་བདུན་རིལ་བུ། གྲུབ་ཆེན་ཐང་སྟོང་རྒྱལ་པོའི་གདན་ས་ནས་སྤྱན་དྲངས་པའི་འཕེལ་གདུང་རིལ་བུ། ལྷ་སའི་སེ་འབྲས་དགའ་གསུམ་དང་། ལྷ་ལྡན་གཙུག་ལག་ཁང་། ར་མོ་ཆེ།  ནོར་བུ་གླིང་ག ལྕགས་པོ་རི། ས་སྐྱ་དགོན། བསམ་ཡས། གཙང་བཀྲ་ཤིས་ལྷུན་པོ། བྱང་གི་དགོན་ཆེན་བཞི། སྐུ་འབུམ་བྱམས་པ་གླིང་། བླ་བྲང་བཀྲ་ཤིས་འཁྱིལ། རོང་བོ་དགོན་ཆེན། གཙོས་གསེར་མཁར་དགུ་ཐོག་སོགས་ནས་སྤྱན་དྲངས་པའི་མཎྜལ་གྱི་འབྲུ་སྣ་བྱིན་ཅན། ཁྲི་ཀའི་ཇོ་བོ་རིན་པོ་ཆེའི་ཕྱག་ནས། སེ་ར་ཐེག་ཆེན་གླིང་གི་རྟ་མགྲིན་རང་བྱོན་རྟེན་རིལ་བགེགས་རིགས་ཀུན་འཇོམས། མདོ་སྨད་ངྷཱིཿཚ་བཀྲ་ཤིས་ཆོས་སྡིངས་ཀྱི་ཚེ་སྒྲུབ་རིལ་བུ་འགངས་ཅན། དབུས་གཙང་ལྷ་ལྡན་གཙུག་ལག་ཁང་གི་ཇོ་བོ་ཤཱཀྱ་མུ་ནེའི་ཞལ་གསེར་མྱོང་གྲོལ་རིལ་བུ། སྐྱབས་མགོན་ས་སྐྱ་གོང་མ་རིན་པོ་ཆེའི་ཁྲི་རྡོ་རིལ་བུ་དང་ཤར་ཆེན་ཀླུ་ལྡིང་མཁན་ཆེན་རིན་པོ་ཆེའི་བརྒྱ་རྡོ་རིལ་བུ་གཙོས་དམ་རྫས་བྱིན་ཅན་ཕྱོགས་བསྡུས། སྲིད་ན་རྙེད་དཀའ་བའི་དམ་རྫས་མྱོང་གྲོལ་རིལ་བུ་སོགས། སེར་བྱེས་དགེ་བཤེས་སེང་གེ་རིན་པོ་ཆེས་ཕྱོགས་གཅིག་ཏུ་བསྡུས་པར་མཛད་པའི་དམ་རྫས་བརྒྱ་ཕྲག་དང་། འཕགས་བོད་སྐྱེས་ཆེན་དམ་པ་རྣམས་ཀྱི་དམ་རྫས་བརྒྱ་ཕྲག ནག་ཆུ་ཞབས་རྟེན་དགོན་པའི་བདུད་རྩི་ཆོས་སྨན། དཔལ་ཀརྨ་བའི་སྨན་གྲུབ་རིལ་བུ། བྲམ་ཟེ་སྐྱེ་བ་བདུན་གྱི་སྐུ་ཤ རྟ་མགྲིན་ཡང་གསང་གི་ཕུར་ཆུ། རྒྱལ་དབང་རིན་པོ་ཆེའི་ཚེ་རིལ། མ་ཎི་རིལ་བུ། བདུད་རྩི་ཆོས་སྨན་སོགས་ལས་གྲུབ་པའི་དམ་རྫས་སྟོང་ཕྲག དཔལ་ལྡན་ས་སྐྱ་མཁན་ཆེན་རིན་པོ་ཆེས་བདག་ལ་དམིགས་བསལ་གཟིམ་ཆུང་མཇལ་ཁ་གནང་སྐབས་སུ་དངོས་སུ་གནང་པའི་དམ་རྫས་བདུད་རྩི་རྟེན་འདུས་རིལ་བུ། རྒྱ་གར་འཕགས་ཡུལ་བོད་གཞུང་སྨན་རྩིས་ཁང་གི་རིན་ཆེན་རཏྣ་བསམ་འཕེལ། གནས་བཞི་གྲུབ་དབང་ཆོས་དབྱིངས་རང་བྱུང་རྡོ་རྗེ་རིན་པོ་ཆེའི་ཐུགས་རྗེ་དགོངས་གཏེར་ལས་བྱུང་བའི་འདུས་ནད་སྤྱི་འཇོམས་སྨན་རིལ་ཆེན་མོ་སྟེ། སྨན་རིལ་བཀའ་རྒྱ་མ། ཕོ་ནད་སྤྱི་འཇོམས་སྨན་རིལ་ཆེན་མོ་སྟེ། བད་འཇོམས་གསང་རིལ་ཆེན་མོ་སོགས་མཛོད་དགེ་ངོ་མཚར་བདེ་སྟོང་ཐར་ལམ་གླིང་ནས་སྐྱབས་མགོན་གནས་བཞི་གྲུབ་དབང་རིན་པོ་ཆེ་དབུ་བཞུགས་ཀྱི་བླ་སྤྲུལ་བརྒྱད་དང་གྲྭ་བཙུན་ཆིག་བརྒྱ་ལྔ་བཅུས་ཉིན་མོ་བཞི་བཅུའི་རིང་ལ་སངས་རྒྱས་སྨན་བླའི་དཀྱིལ་འཁོར་དང་བཅས་སྨན་གཟུངས་བྱེ་བ་གཅིག་གསུངས་ཏེ་བྱིན་གྱིས་བརླབས་པའི་སྨན་རིགས་སྣ་ཚོགས། བདག་ཅག་གིས་བལ་ཡུལ་མཆོད་རྟེན་བྱ་རུང་ཁ་ཤོར་ལ་ན་བཟའ་གསར་ཕུལ་གྱི་རྟེན་སྐལ་གནང་པའི་ན་བཟའ། བསམ་ཡས་མི་འགྱུར་གཙུག་ལག་ཁང་ནས་དངོས་སུ་སྤྱན་དྲངས་པའི་སློབ་དཔོན་པདྨ་འབྱུང་གནས་ཀྱིས་ཡར་ཀླུང་ཤེལ་གྲགས་སུ་གཏེར་ལས་བཏོན་ཞིང་ལྷ་སྲིན་སྡེ་བརྒྱད་དམ་ལ་འདོགས་སྐབས་སུ་བཀོལ་པའི་ཕྱག་ཐམ་བྱིན་ཅན་གྱི་ན་མཟའ་འགངས་ཅན་སོགས། ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དངོས་སྔགས་སའི་དགེ་བཤེས་རིན་པོ་ཆེ༧རྗེ་བཙུན་འཇམ་དབྱངས་དོན་ཡོད་དཔལ་བཟང་པོས་ན་བཟའ་སེར་པོའི་སྟེང་ལ་ཕྱག་ཟུང་གི་མཚལ་ཐམ་ཆ་ཚང་བཀོལ་པ་བྱིན་ཅན་དང་། གསང་ཆེན་སྔ་འགྱུར་ཐེག་པའི་ཤིང་རྟ་བ་སློབ་དཔོན་པདྨ་འབྱུང་གནས་ཀྱི་རྒྱལ་ཚབ་མངའ་བ་ཆེན་པོ། མདོ་སྔགས་བསྟན་པའི་གཙུག་ནོར་འབྲོག་བན་ཁྱེའི་ཆུང་ལོ་ཙཱ་བའི་རྣམ་པར་རོལ་བ་བཤད་སྒྲུབ་བསྟན་པའི་མངའ་བདག་གཏེར་ཆེན་བདུད་འདུལ་གླིང་བའི་རྣམ་སྤྲུལ། སྐྱབས་གཅིག་འགྲོ་བའི་མགོན་པོ༧དཔལ་ལྡན་བླ་མ་རིག་འཛིན་བདུད་འཇོམས་རྡོ་རྗེ་གྲོ་ལོད་རྩལ་དཔལ་བཟང་པོའི་གདུང་རྫས་ལས་གྲུབ་པའི་གསང་བདག་ཕྱག་ན་རྡོ་རྗེ་སྨན་སྐུ་ཆུང་བ་གཉིས་དང་སྒྲོལ་མའི་བླ་རྡོ་ཡུངས་དཀར་ཙམ་བཞུགས་པ་སོགས། གཏེར་ཆེན་ཆོས་ཀྱི་རྒྱལ་པོ་རིག་འཛིན་བདུད་འཇོམས་ཁྲག་འཐུང་རོལ་བའི་རྡོ་རྗེ་རིན་པོ་ཆེ་སྐུ་ཕྲེང་གསུམ་པ༧མཆོག་སྤྲུལ་ཀུན་བཟང་ཉི་མ་མཆོག་གིས་བྱིན་གྱིས་བརླབས་པའི་ཨོ་རྒྱན་ནོར་ལྷའི་གཡང་སྒྲུབ་གཏེར་བུམ་བཞུགས་པ་ལས། ནོར་ལྷ་རྩ་གསུམ་དམ་ཅན་རྒྱ་མཚོ་དང་བཅས་བ་རྣམས་ཀྱི་སོ་སོའི་སྲོག་སྔགས་དང་བདུད་རྩི་ཆོས་སྨན་གྱི་རིགས་སྣ་ཚོགས། སངས་རྒྱས་ཀྱི་འཕེལ་གདོང་འཁྲུལ་བྲལ། ལྷའི་བླ་རྡོ་དུང་དཀར། མིའི་བླ་རྡོ་གཡུ། ཀླུའི་བླ་རྡོ་ཆུ་ཤེལ། གནོད་སྦྱིན་གྱི་བླ་རྡོ་གཟུ་མཆོང་སྤུར་ལེན་ཤེལ། གཏེར་རྡོ་སྣ་ཚོགས། དར་ཟབ་སྣ་ཚོགས། སྨན་སྣ་བཟང་དྲུག བྱ་རྒྱུད་བུམ་རྫས་ཉེར་ལྔ། ཀླུ་སྨན་བཟང་པོ་ཤིང་འབྲས་སྣ་ཚོགས། ཙན་ཏན་སོགས་དྲི་ལྡན་ཤིང་སྣ་དུ་མ། མེ་ཏོག་དང་ཤིང་ལོ་སྣ་ཚོགས། རྒྱ་གར་བྱང་ཆུབ་ཤིང་གི་ལོ་མ་དང་འབྲས་བུ། འབྲུ་རིགས་སྣ་ལྔ། དཀར་གསུམ་མངར་གསུམ་སོགས་གང་འཛོམས་ཕྱོགས་བསྒྲིགས། གནས་ཆེན་སོགས་ཀྱི་ས་སྣ་ཆུ་སྣ། སྡེ་དགེ་རྒྱལ་པོས་སྐུ་རིང་ལྔ་ལ་སྒྲུབ་པའི་རིན་ཆེན་རིལ་བུ་བཅས་བཞུགས་པ་རྩ་གཞུང་ལས། གཏེར་བུམ་འདི་ཡུལ་དབུས་འཕན་བཟང་ལ་སྦས་ན་ཡུལ་ཕྱོགས་ཐམས་ཅན་ཕན་པའི་རྟེན་འབྲེལ་བླ་ན་མེད་པ། ཁང་བའི་དབུས་སུ་སྦས་ན་གནས་ཁང་བཀྲ་ཤིས་ལོངས་སྤྱོད་འཕེལ་བར་འགྱུར་པ། ཐབ་ཀའི་དཀྱིལ་དུ་སྦས་ན་ཟས་ནོར་ལོངས་སྤྱོད་འདུ་བར་འགྱུར་བ། ཞིང་ས་བཟང་པོར་སྦས་ན་ལོ་ཏོག་ཐམས་ཅད་ཕུན་སུམ་ཚོགས་ཞིང་སད་སེར་སྲུང་བར་འགྱུར་པ། ཆུ་མིག་བཟང་པོར་སྦས་ན་ཆུ་ཀློང་རྒྱས་ཤིང་ཆར་ཆུ་དུས་སུ་འབེབ་པ་སོགས་བྱིན་རླབས་ཀྱི་ཚན་ཁ་མ་ཉམས་པ་དང་། གནས་བཞི་དགོན་བསམ་འཕེལ་ནོར་བུའི་གླིང་གི་གནས་བཞི་གྲུབ་དབང ༧བློ་བཟང་འཇིགས་མེད་དར་རྒྱས་རྒྱ་མཚོ་དཔལ་བཟང་པོའི་གནང་པའི་རྟེན་འདུས་རིལ་བུ་སྟེ། སློབ་དཔོན་རིན་པོ་ཆེའི་ཆོས་གོས་ཉི་ཟེར་མ་དང་། མཁའ་འགྲོ་ཡེ་ཤེས་མཚོ་རྒྱལ་གྱི་དབུ་སྒྲོན། ལྷ་ལྕམ་མ་ད་ར་བའི་རཀྟ། མཁན་ཆེན་བོ་ངྷཱི་ས་ཏྭའི་གདུང་རུས། ཇོ་བོ་རྗེ་ཨ་ཏི་ཤའི་གདུང་ཙྪ། མ་ཅིག་ལབ་ཀྱི་སྒྲོན་མེའི་རུས་རྒྱན། འགྲོ་མགོན་ཆོས་རྒྱལ་འཕགས་པ་གཙོས་ས་སྐྱ་གོང་མ་རྣམ་ལྔའི་གདུང་རུས་དང་ན་བཟའ། ཨོ་རྒྱན་རིན་པོ་ཆེས་བསམ་ཡས་འཆིམས་ཕུ་བཞེངས་པའི་འཛམ་གླིང་གི་གཏེར་རྫས་དང་ས་སྣ་ཆུ་སྣ། རྒྱ་གར་གྲུབ་ཆེན་ཕ་དམ་པས་འཛམ་པོ་གླིང་ལ་ལན་གསུམ་བསྐོར་བའི་ཕྱག་མཁར་གྱི་ཚར་བུ་དང་ས་སྣ་ཆུ་སྣ། ལྷ་སའི་དགའ་ལྡན་རྣམ་པར་རྒྱལ་བའི་གླིང་ཞིག་གསོའི་སྐབས་ཀྱི་རྟེན་འདུས་ཕྱོགས་བསྡུས། མདོར་ན་རྒྱ་བོད་བལ་གསུམ་གྱི་རྟེན་འདུས་དང་ས་སྣ་ཆུ་སྣ། གཏེར་སྟོན་བརྒྱ་རྩའི་གཏེར་རྫས་རིང་བསྲེལ། གྲུབ་མཐའ་རུས་མེད་ཀྱི་བསྟན་འཛིན་སྐྱེས་བུ་དམ་པ་མང་པོའི་གདུང་ཙྪ་རིང་བསྲེལ་ན་བཟའ། མྱོང་གྲོལ་ཁྱད་འཕགས་ཁུངས་བཙན་བཅས་བཞུགས་སོ། མདོར་ན་གནས་བཞི་གྲུབ་དབང་ལྔ་བ་རིན་པོ་ཆེའི་སྐུ་རིང་ལ་མཛོད་དགེ་གླིང་དཀར་སྟོད་ཅེས་སུ་གྲགས་པའི་ཡུལ་ཕྱོགས་སུ་གདན་ས་ཆེན་པོ་གནས་བཞི་དགོན་བསམ་འཕེལ་ནོར་བུའི་གླིང་དང་། གངས་ཅན་ཡུལ་སྐྱོང་རྨ་རྒྱལ་སྦོམ་རའི་ཉེ་འདབས་སུ་རབ་བྱུང་བཅུ་དྲུག་པའི་ལོ་རབས་བརྒྱད་ཅུའི་དུས་མགོར་སྐུ་དངོས་སུ་ཕྱག་བཏབ་པའི་གནས་བཞི་དགོན་པདྨ་མདོ་སྔགས་གླིང་། ཡེ་ཤེས་ཀྱི་མཁའ་འགྲོ་མ་ལྷ་ལྕམ་དབང་མོའི་གདན་ས་བཙུན་མོའི་ཞིང་ཁམས་ངོ་མཚར་བདེ་སྟོང་ཐར་ལམ་གླིང་སོགས་གྲྭ་ས་གསུམ་དང་། མཚོ་སྔོན་ཀ་ཀྱཱ་དགོན་གསང་སྔགས་ཐེག་ཆེན་ཆོས་འཁོར་གླིང་གི་ལྷ་ཁང་དང་། ཚོགས་ཆེན་འདུ་ཁང་། གཙུག་ལག་ཁང་། མཆོད་རྟེན་སྣ་ཚོགས་བཅུ་ཕྲག མཚོ་སྔོན། ཀན་སུའུ། སི་ཁྲོན་སོགས་ཞིང་ཆེན་གསུམ་གྱི་མངའ་ཁུངས་གནས་མཆོག་ཏུ་ལབ་ཙེ་དང་དཔལ་མཁར་གྲངས་ལས་འདས་པ་བཞེངས་སྐབས་སུ་རྟེན་རྫས་གཟུངས་འཇུག་ཕྱོགས་བསྒྲིགས་སོགས་རྣམ་གྲངས་ལ་བྱེ་བ་སུམ་ཅུ་སོ་བདུན་དུ་གྲགས་པའི་དཔལ་ལྡན་ས་སྐྱ་པའི་རྟེན་སྒམ་དང་། རྩེ་པོ་ཏཱ་ལའི་རྟེན་སྒམ། སྐུ་འབུམ་བྱམས་པ་གླིང་གི་རྟེན་སྒམ། བླ་བྲང་བཀྲ་ཤིས་འཁྱིལ་གྱི་རྟེན་སྒམ། ཁྱད་པར་དུ་ཉག་ལ་བདུད་འདུལ་ཀརྨ་བ་རྒྱལ་སྲས་པད་མ་དབང་གྲགས་དང་ཆབ་མདོའི་ཞི་བ་ལྷ་གཉིས་ཀྱིས་སྐུ་ཚེ་གང་པོར་བསྡུས་པའི་རྟེན་སྒམ་སོགས་ལས་བསྡུས་པའི་རྟེན་རྫས་གྲངས་ལས་འདས་པ་སོགས་དང་། ཨ་མདོའི་ཟི་ལིང་ཙོང་ཁ་རི་བོའི་བཀྲ་ཤིས་གླིང་གའི་བྱང་ཆུབ་མཆོད་རྟེན་གཟུངས་གཞུགས་རྟེན་འདུས་མྱོང་གྲོལ་ཁྱད་འཕགས། གནས་བཞི་གྲུབ་དབང་རིན་པོ་ཆེའི་གདན་ས་བསམ་འཕེལ་ནོར་བུའི་གླིང་གི་མྱོང་གྲོལ་ཁྱད་འཕགས། རྒྱལ་དབང་ཐམས་ཅད་མཁྱེན་པ་བཅུ་བཞི་བའི་རྟེན་འདུས་སྣ་ཚོགས། བྱ་ཁྱུང་གསེར་གདུང་གི་བདུད་རྩིའི་རིལ་བུ། གཡང་རྫས་དཔལ་ཆེན་རིལ་བུ། རྭ་སྒྲེང་ཤུག་པ། དགའ་ལྡན་མཁན་པ། ནུལ་བསང་སྣ་ཚོགས། བདུག་རྫས་སྣ་བསྡུས། གསེར་དངུལ་ཟངས་གསུམ་གྱི་གཏེར་རྫས་སྣ་ཚོགས་སོགས་རིན་ཆེན་བརྒྱ་ཕྲག་མང་པོའི་ཕྱེ་མ་དང་། སྨན་སྣ་བརྒྱ་ཕྲག་བཅས་ལ་འབྲེལ་བའི་རིང་བསྲེལ། དགུ་རོང་སྣ་ཚོགས་རྡོ་རྗེ་རང་གྲོལ་སོགས་ཀྱིས་འཛམ་གླིང་གི་རྟེན་འདུས་རྣམས་ཕྱོགས་གཅིག་ཏུ་བསྡུས་པའི་ཕྱོགས་བཅུའི་ཚེ་སྒྲུབ་རིལ་བུ་འགངས་ཅན། འཛམ་གླིང་གི་གནས་ཆེན་ཡོངས་ཀྱི་ས་ཆུའི་འབྱུང་བཅུད་རྣམས་ཕྱོགས་གཅིག་ཏུ་བསྡུས་པ་དང་གྲུབ་ཆེན་ཐང་སྟོང་རྒྱལ་པོས་འཛམ་གླིང་ལ་ལན་གསུམ་བསྐོར་པའི་ས་ཆུའི་འབྱུང་བཅུད་སོགས་རྒྱ་གར་འཕགས་ཡུལ་མན་ཆད་དང་། སྟོད་མངའ་རིས་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག རྒྱ་ནག་རི་བོ་རྩེ་ལྔ་ཡན་ཆད་དུ་རྒྱ་བལ་བོད་གསུམ་དང་། འཛམ་པོ་གླིང་གི་ཡུལ་གྲུ་ཆེན་པོ་མཐའ་དག་ན་ངོ་མཚར་རྟེན་འདུས་འགངས་ཅན་བཞུགས་ཚད་སོགས་འཛམ་པོ་གླིང་ན་བཞུགས་པའི་རྟེན་འདུས་རིལ་བུ་སྣ་ཚོགས་རྣམས་གྲངས་བྱེ་བ་དུང་ཕྱིར་བཅུ་ཕྲག་དུ་མ་ཡང༼རོང་ཆེན་ལྷ་རྒྱལ་དཔལ་གྱི་འཛམ་གླིང་རྟེན་འདུས་རིལ་དམར་ཆེན་པོའི་རྣམ་གྲངས་དཀར་ཆག༽ལྟར་བཞུགས་སོ།།

   དེ་ཡང་ཡི་དམ་ཆོས་སྐྱོང་དང་སངས་རྒྱས་བསྟན་སྲུང་རྣམས་ཀྱི་རྟེན་བཞེངས་སྐོར་ལ་དཔལ་ཆེནརྡོ་རྗེ་འཇིགས་བྱེད་དང་། དཔལ་གསང་བ་འདུས་པ། དཔལ་འཁོར་ལོ་སྡོམ་པ་ཧེ་རུ་ཀ་བདེ་མཆོག་ཡབ་ཡུམ། དམ་ཅན་ཆོས་ཀྱི་རྒྱལ་པོ། དམ་ཅན་རྡོ་རྗེ་ལེགས་པ། དམ་ཅན་མགར་བ་ནག་པོ། གཤིན་རྗེ་གཤེད་དམར་ནག་འཇིགས་གསུམ། རྟ་མགྲིན། བག་རྩེ། རྣམ་སྲས། མགོན་པོ་ཕྱག་དྲུག་པ། གསང་བདག་ཕྱག་ན་རྡོ་རྗེ། ལྷ་མོ་སེང་གེ་གདོང་ཅན། གནོད་སྦྱིན་ཙི་དམར། དགྲ་ལྷའི་རྒྱལ་པོ། རོང་བོ་ཨ་མྱེས་གུར་མགོན། ཆོས་སྐྱོང་དཔལ་ལྡན་ལྷ་མོ། གཟའ་རྒོད་ཁྱབ་འཇུག་ཆེན་པོ། དྲེག་པོ་ཕུར་བ་ཕུར་སྲུངས། རྐང་ཚའི་ཨ་མྱེས་རྫ་དམར། ཁྲོ་རྒྱལ་གུ་རུ་དྲག་པོ་རྩལ། འཛམ་གླིང་གེ་སར་རྒྱལ་པོ། ལྷ་ཆེན་རྨ་རྒྱལ་སྦོམ་ར། ཡུམ་ཆེན་གོང་སྨན་ལྷ་རི། ཕྱོགས་བཞི་སྐྱོང་བའི་རྒྱལ་ཆེན་སྡེ་བཞི་སོགས་དང་བཅས་པ་མངོན་པར་བཞུགས་པ་སྟེ།

     འཛུམ་ཆེན་ལྡོང་ཁྲོམ་མཁའ་ལྡིང་ཁྱུང་ལ་བཅིབས།།

     ཕྱག་ན་གནམ་ལྕགས་ཐོག་གི་མདའ་གཞི་བསྣམས།།

     དབྱུ་ཆེན་རབ་སྡེ་རྒྱ་སྟག་རི་བཀྲར་བཅིབས།།

     ཕྱག་ན་སྟག་གི་ལྤགས་པའི་རྒྱལ་མཚན་འཛིན།།

     འབྲི་ཆེན་ལྡོང་དངུལ་གར་ཤོག་འབྲོང་ལ་བཅིབས།།

     ཕྱག་ན་གནམ་ལྕགས་འབར་བའི་རལ་གྲི་འཛིན།།

     གཉན་ཆེན་ཐང་ལྷས་གཡུ་འབྲུག་སྔོན་མོར་བཅིབས།།

     ཕྱག་ན་མདུང་རིང་དར་གྱི་བ་དན་འཛིན།།

   ཞེས་ཇི་མ་ཇི་བཞིན་དུ་བཞུགས་པ་དང་། ཤན་འབམ་གྱི་རྒྱལ་པོ་ཁྲི་ཀའི་ཨ་མྱེས་ཡུལ་ལྷ་འཁོར་དང་བཅས་པ། རེབ་གོང་གི་ཨ་མྱེས་བྱ་ཁྱུང་། རོང་བོ་དགོན་ཆེན་བདེ་ཆེན་ཆོས་འཁོར་གླིང་གི་རྣམ་འདྲེན་ཤཱཀྱའི་རྒྱལ་པོ་གསེར་ཁྲིར་མངའ་བ་ཆེན་པོ༧རྗེ་བཙུན་ཁ་སོ་བློ་བཟང་འཇིགས་མེད་འཕྲིན་ལས་དཔལ་བཟང་པོས་སྐུ་དངོས་སུ་དམིགས་བསལ་དུ་གནང་པའི་དཔལ་ལྡན་ས་སྐྱ་པ་ནས་བཟུང་སྟེ་བདག་ཅག་གི་ཕ་མྱེས་ཡང་མེས་རིང་ལ་ཚེ་རབས་ཀུན་ནས་བརྟེན་པའི་ཆོས་སྐྱོང་གུར་མགོན་མཱ་ཧ་ཆེན་མོའི་ཞལ་ཐང་བྱིན་རླབས་ཅན་སོགས་ཡི་དམ་དཀྱིལ་འཁོར་གྱི་ལྷ་ཚོགས་གྲངས་ལས་འདས་པ་བཀའ་སྡོད་ཆོས་སྐྱོང་སྲུང་མ་ཐམས་ཅད་རྒྱལ་མཚན་རྩེ་མོའི་དཔུང་རྒྱན་དང་བཅས་པ་རྟག་ཏུ་བཞུགས་སོ།།

   རྒྱལ་བའི་གསུང་རབ་གླེགས་བམ་གྱི་རྟེན་བཞེངས་སྐོར་ལ་ཡང༼རྒྱལ་བའི་བཀའ་འགྱུར་རིན་པོ་ཆེ༽སྡེ་དགེ་མཚལ་པར་མ་བྱིན་རླབས་ཀྱི་ཚན་ཁ་མ་ཉམས་པ་གོས་བཟང་གི་ན་བཟའ་གདོང་དར་དང་བཅས་པ་དུམ་པ་བརྒྱ་དང་གསུམ་བཞུགས་པ་སྟེ།༼འབུམ༽ཞེས་བྱ་བ་འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་བརྒྱ་བའམ་བྱ་རྒོད་ཕུང་བའི་རི་དང་རྒྱལ་པོའི་ཁབ་སོགས་སུ་སངས་རྒྱས་ཤཱཀྱ་ཐུབ་པས་ཟབ་མོ་སྟོང་ཉིད་ཀྱི་ཆོས་ཐམས་ཅད་བྱང་ཆུབ་སེམས་དཔའི་དགེ་འདུན་རྣམས་དང་། ཤ་རའི་བུ་དང་། རབ་འབྱོར་དང་། བརྒྱ་བྱིན་སོགས་ལ་དྲིས་ལན་གྱི་ཚུལ་དུ་གསུངས་པའི་ཤེར་ཕྱིན་གྱི་མདོ་ཤོ་ལོ་ཀ་འབུམ་ཕྲག་བཞུགས་པ་པོ་ཏི་བཅུ་གཉིས་དང་།༼ཉི་ཁྲི༽ཞེས་བྱ་བ་འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་ཉི་ཤུ་ལྔ་བ་ཤོ་ལོ་ཀ་ཉིས་ཁྲི་བཞུགས་པ་པོ་ཏི་གསུམ།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་བརྒྱད་སྟོང་པ༽ཞེས་བྱ་བ་ཤོ་ལོ་ཀ་སྟོང་ཕྲག་བརྒྱད་པ། བམ་པོ་ཉི་ཤུ་རྩ་བཞི། ལེའུ་སུམ་ཅུ་རྩ་གཉིས་བཞུགས་པ་པོ་ཏི་གཅིག༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་དཀོན་ཅོག་བརྩེགས་པ༽ཞེས་བྱ་བ་ལེའུ་བཞི་བཅུ་རྩ་དགུ་བ་ཐེག་པ་ཆེན་པོའི་མདོ་པོ་ཏི་གཅིག༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་དཔལ་ཆེན༽ཞེས་བྱ་བ་པོ་ཏི་བཞི།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་ཁྲི་བརྒྱད༽ཞེས་བྱ་བ་པོ་ཏི་བཞི།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་མདོ་སྡེ་པད་མ་དཀར་པོ༽ཞེས་བྱ་བ་པོ་ཏི་སུམ་ཅུ་སོ་གཉིས།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་འདུལ་བ་ལུང་སྡེ་བའི་དགོངས་དོན་ཕྱོགས་གཅིག་ཏུ་བསྡུས་པ་གཏན་ལ་འབེབས་པར་བྱེད་པའི་བསྟན་བཅོས༽ཞེས་བྱ་བ་ཤོ་ལོ་ཀ་ཉིས་སྟོང་བདུན་བརྒྱ་དང་། བམ་པོ་དགུ་བ། པོ་ཏི་བཅུ་གསུམ།༼འཕགས་པ་ཤེས་རབ་ཀྱི་ཕ་རོལ་ཕྱིན་པ་སྣ་ཚོགས༽ཞེས་བྱ་བ་པོ་ཏི་གཅིག༼འཕགས་ཤེས་རབ་ཀྱི་ཕ་རོལ་དུ་ཕྱིན་པ་རྒྱུད་འབུམ༽ཞེས་བྱ་བ་པོ་ཏི་ཉི་ཤུ།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་གཟུངས་སྔགས་ཐམས་ཅད་ཕྱོགས་གཅིག་ཏུ་འདུས་པཞེས་བྱ་བ་པོ་ཏི་གཉིས།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་དྲི་མ་མེད་པ༽ཞེས་བྱ་བ་པོ་ཏི་གཅིག༼རྒྱལ་བའི་བཀའ་འགྱུར་རིན་པོ་ཆེའི་དཀར་ཆག༽ཅེས་བྱ་བ་པོ་ཏི་གཅིག༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་ཪྙིང་རྒྱུད༽ཅེས་བྱ་བ་པོ་ཏི་གསུམ་སོགས་དམིགས་བསལ་གྱི་ཀུན་དགའ་ར་བ་དང་བཅས་པ་གཏན་དུ་བཞུགས་ཤིང་།༼ཀློང་ཆེན་མཛོད་བདུན༽ཞེས་བྱ་བ་པོ་ཏི་བདུན་དང་།༼ཁྱབ་བདག་རྗེ་བཙུན་བླ་མ་རྡོ་རྗེ་འཆང་དམ་པ་ཐུབ་དབང་རྡོ་རྗེ་འཆང་དང་ངོ་བོ་དབྱེར་མ་མཆིས་པའི་འཇམ་མགོན་ཆོས་ཀྱི་རྒྱལ་པོ་ཙོང་ཁ་བ་ཆེན་པོའི་རྣམ་པར་ཐར་བ་ཐུབ་བསྟན་མཛེས་པའི་རྒྱན་གཅིག་ངོ་མཚར་ནོར་བུའི་ཕྲེང་བ༽ཞེས་བྱ་བ་དང་། ༼མཉམ་མེད་རྗེ་ཙོང་ཁ་བ་རིན་པོ་ཆེའི་མཛད་པའི་བྱང་ཆུབ་ལམ་རིམ་ཆེན་མོ༽དང༼རྗེ་ཙོང་ཁ་བ་རིན་པོ་ཆེའི་གསུང་འབུམ༽སྐོར་གཅིག ཆོས་སྡེ་ཆེན་པོ་སྟག་ཚང་ལྷ་མོ་ནས་སྤྱན་དྲངས་པའི༼བྱང་ཆུབ་ལམ་རིམ༽དང༼བྱང་ཆུབ་སྔགས་རིམ༽བསྡུས་པའི་གླེགས་བམ་པོ་ཏི་གཉིས།༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་ཏིང་ངེ་འཛིན༽ཞེས་བྱ་བ་པོ་ཏི་གཅིག༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་བརྒྱད་སྟོང་པ༽ཞེས་བྱ་བ་པོ་ཏི་གཅིག༼འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་བསྐལ་བ་བཟང་པོ༽ཞེས་བྱ་བ་པོ་ཏི་གཅིག༼འཕགས་པ་ཐར་བ་ཆེན་པོའི་མདོ༽ཞེས་བྱ་བ་པོ་ཏི་གཅིག ཁྱད་པར་དུ་རྨ་ཡུལ་རོང་བོ་བློན་ཆོས་སྔགས་སའི་དཔོན་སྐོར་ཚེ་བརྟན་གྱིས་མགོ་ལོག་རྟ་བོ་གྲོང་རྡལ་དུ་གངས་ལྗོངས་ལྷ་ལྡན་མགྲོན་ཁང་ཆེན་པོ་གསར་བཞེངས་ཀྱི་དགའ་སྟོན་རྟེན་འབྲེལ་ཞུ་བའི་མཛད་སྒོའི་སྟེང་ལ་རོང་ཆེན་ལྷ་རྒྱལ་དཔལ་གདན་འདྲེན་ཞུས་ནས་ཕུལ་བའི་སྐུ་གསུང་ཐུགས་རྟེན་འགངས་ཅན་ལས།༼འཕགས་པ་ཐར་བ་ཆེན་པོའི་མདོ༽ཞེས་བྱ་བ་གསེར་བྲིས་མ་པོ་ཏི་གཅིག༼འཕགས་པ་གསེར་འོད་དམ་པའི་མདོ༽ཞེས་བྱ་བ་པོ་ཏི་གཅིག༼འཕགས་པ་གསུང་རབ་རྒྱ་མཚོའི་སྙིང་པོ་གཟུངས་བསྡུས༽ཞེས་བྱ་བ་པོ་ཏི་གཅིག༼ཨོ་རྒྱན་པད་མ་འབྱུང་གནས་ཀྱིས་མཛད་པའི་བཀའ་ཐང་ཤེལ་བྲག་མ༽ཞེས་བྱ་བ་པོ་ཏི་གཅིག༼ཨོ་རྒྱན་གུ་རུ་པད་མ་འབྱུང་གནས་ཀྱི་སྐྱེས་རབས་རྣམ་པར་ཐར་བ་རྒྱས་པར་བཀོད་པ༽ཞེས་བྱ་བ་པོ་ཏི་གཅིག༼རྙིགས་དུས་འགྲོ་བ་ཡོངས་ཀྱི་སྐྱབས་མགོན་ཞབས་དཀར་རྡོ་རྗེ་འཆང་ཆེན་པོའི་རྣམ་པར་ཐར་བ་རྒྱས་པར་བཤད་པ་སྐལ་བཟང་གདུལ་བྱ་ཐར་བ་རྣམས་ཀྱི་རེ་བ་སྐོང་བའི་ཡིད་བཞིན་གྱི་ནོར་བུ་བསམ་འཕེལ་དབང་གི་རྒྱལ་པོ༽ཞེས་བྱ་བ་དེབ་ཐེར་གཉིས།༼རྗེ་བཙུན་ཤེས་རབ་རྒྱ་མཚོ་འཇམ་དཔལ་དགྱེས་པའི་བློ་གྲོས་ཀྱི་གསུང་རྩོམ༽ཞེས་བྱ་བ་དེབ་ཐེར་གསུམ།༼མདོ་སྨད་ཡུལ་གྲུ་ཆེན་པོའི་ཐུགས་རྗེ་ཆེན་པོ་འཕགས་མཆོག་སྤྱན་རས་གཟིགས་དངོས་སྔགས་སའི་དགེ་བཤེས་རྗེ་བཙུན་འཇམ་དབྱངས་དོན་ཡོད་རིན་པོ་ཆེའི་གསུང་འབུམ༽ཞེས་བྱ་བ་པོ་ཏི་བཞི། ༼ཁམས་གསུམ་རྣམ་འདྲེན་དབང་གི་རྒྱལ་པོ་གནས་བཞི་གྲུབ་དབང་ཆོས་དབྱངས་རང་བྱུང་རྡོ་རྗེ་རིན་པོ་ཆེའི་གསུང་འབུམ༽ཞེས་བྱ་བ་པོ་ཏི་གཅིག༼རེབ་གོང་སྐུ་ཕྱོགས་ཆེན་མོ་རྗེ་བཙུན་ཨ་རོལ་བློ་བཟང་ལུང་རྟོགས་བསྟན་པའི་རྒྱལ་མཚན་དཔལ་བཟང་པོའི་གསུང་རྩོམ་ཕྱོགས་བསྒྲིགས༽ཞེས་བྱ་བ་དེབ་ཐེར་གཅིག༼རྡོ་གྲུབ་ཆེན་འཇིགས་མེད་བསྟན་པའི་ཉི་མའི་གསུང་འབུམ༽ཞེས་བྱ་བ་དེབ་ཐེར་བདུན།༼ཤར་ཝོད་་ཆོས་མཛད་གྲགས་པ་བཟང་པོའི་གསུང་འབུམ༽ཞེས་བྱ་བ་དེབ་ཐེར་གཉིས།༼སྡེར་ནང་གཏེར་ཆེན་པད་མ་མཁྱེན་བརྩེའི་འོད་ཟེར་གྱི་གསུང་འབུམ༽ཞེས་བྱ་བ་དེབ་ཐེར་གཅིག༼ཨ་སྐོང་མཁན་ཆེན་བློ་བཟང་རྡོ་རྗེའི་གསུང་འབུམ༽ཞེས་བྱ་བ་དེབ་ཐེར་ལྔ།༼ཨ་མདོའི་དགེ་བཤེས་འཇམ་དཔལ་རོལ་བའི་བློ་གྲོས་ཀྱི་གསུང་འབུམ༽ཞེས་བྱ་བ་དེབ་ཐེར་གཉིས། ༼རྗེ་བཙུན་ཀརྨ་བཅུ་བ་ཆོས་དབྱིངས་རྡོ་རྗེའི་གསུང་འབུམ༽ཞེས་བྱ་བ་དེབ་ཐེར་གཉིས།༼ཨ་རིག་དགེ་བཤེས་ཆེན་མོ་ཡབ་སྲས་ཀྱི་གསུང་འབུམ༽ཞེས་བྱ་བ་དེབ་ཐེར་གཅིག༼གཏེར་སྟོན་བླ་མ་འཇིགས་མེད་རྡོ་རྗེ་དཔའ་བོའི་གསུང་འབུམ༽ཞེས་བྱ་བ་དེབ་ཐེར་གཅིག གཏེར་སྟོན་འཇིགས་མེད་སྣ་ཚོགས་རང་གྲོལ་གྱིས་མཛད་པའི༼རྒྱལ་བ་སྐུ་གསུམ་གྱི་རྣམ་ཐར་ཡོངས་འདུས་ལྗོན་པ༽ཞེས་བྱ་བ་དེབ་ཐེར་གཅིག སངས་རྒྱས་བཅོམ་ལྡན་འདས་སྟོན་པ་ཤཱཀྱ་ཐུབ་པའི་རྣམ་པར་ཐར་བ་ཆེན་པོ༼རྟོགས་བརྗོད་དཔག་བསམ་འཁྲི་ཤིང་གི་རྩ་འགྲེལ༽ཞེས་བྱ་བ་ལེའུ་བརྒྱ་དང་བརྒྱད་བཞུགས་པ་དེབ་ཐེར་གཅིག སློབ་དཔོན་དཔའ་པོས་མཛད་པའི༼སྐྱེས་རབས་སོ་བཞི་བའི་རྩ་བ༽དང་། སློབ་དཔོན་ཆོས་ཀྱི་གྲགས་པས་མཛད་པའི༼སྐྱེས་རབས་སོ་བཞི་བའི་འགྲེལ་བ༽ཞེས་བྱ་བ་དེབ་ཐེར་གཅིག དམག་གསར་ཀུན་བཟང་སྟོབས་ལྡན་དབང་པོས་མཛད་པའི༼ཕུར་བའི་རྣམ་བཤད་ཧེ་རུ་ཀ་དཔལ་བཞད་པའི་ཞལ་ལུང༽ཞེས་བྱ་བ་དེབ་ཐེར་གཅིག རྫོགས་ཆེན་ཆོས་དབྱངས་སྟོབས་ལྡན་རྡོ་རྗེས་མཛད་པའི༼ཡང་གསང་རྟ་ཕག་ཡིད་བཞིན་ནོར་བུའི་རྫོགས་ཆེན་ཁྲིད་ཡིག༽ཞེས་བྱ་བ་དེབ་ཐེར་གཅིག གསུང་རབ་གླེགས་བམ་རྒྱུན་མཁོའི་ཕྱག་ལེན་གྱི་སྐོར་པོ་ཏི་གང་མང་། གཡུ་ཐོག་ཡོན་ཏན་མགོན་པོས་མཛད་པའི༼བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད༽ཅེས་བྱ་བ་དེབ་ཐེརགཅིག སྡེ་སྲིད་སངས་རྒྱས་རྒྱ་མཚོ་མཆོག་གིས་ས་མཛད་པའི༼གསོ་བ་རིག་པའི་བསྟན་བཅོས་སྨན་བླའི་དགོངས་རྒྱན་རྒྱུད་བཞིའི་གསལ་བྱེད་བཻཌཱུརྱ་སྔོན་མོའི་མལླི་ཀ༽ཞེས་བྱ་བ་དེབ་ཐེར་གཉིས། གོང་སྤྲུལ་ཡོན་ཏན་རྒྱ་མཚོས་མཛད་པའི༼ཐེག་པའི་སྒོ་ཀུན་ལས་བསྡུས་པ་གསུང་རབས་རིན་པོ་ཆེའི་མཛོད་བསླབ་པ་གསུམ་ལེགས་པར་སྟོན་པའི་བསྟན་བཅོས་ཤེས་བྱ་ཀུན་ཁྱབ༽ཅེས་བྱ་བ་དེབ་ཐེར་གསུམ། དཔའ་བོ་གཙུག་ལག་ཕྲེང་བས་མཛད་པའི༼དམ་པའི་ཆོས་ཀྱི་འཁོར་ལོ་བསྒྱུར་བ་རྣམས་ཀྱི་བྱུང་བ་གསལ་བར་བྱེད་པ་མཁས་པའི་དགའ་སྟོན༽ཞེས་བྱ་བ་དེབ་ཐེརགཉིས། རྒྱལ་དབང་ལྔ་བ་ཆེན་པོས་མཛད་པའི༼གངས་ཅན་ཡུལ་གྱི་ས་ལ་སྤྱོད་པའི་མཐོ་རིས་ཀྱི་རྒྱལ་བློན་གཙོ་བོར་བརྗོད་པའི་དེབ་ཐེར་རྫོགས་ལྡན་གཞོན་ནུའི་དགའ་སྟོན་དཔྱིད་ཀྱི་རྒྱལ་མོའི་གླུ་དབྱངས༽ཞེས་བྱ་བ་དེབ་ཐེར་གཅིག ས་སྐྱ་བསོད་ནམས་རྒྱལ་མཚན་གྱིས་མཛད་པའི༼རྒྱལ་རབས་གསལ་བའི་མེ་ལོང༽ཞེས་བྱ་བ་དེབ་ཐེར་གཅིག འགོས་ལོ་གཞོན་ནུ་དཔལ་གྱིས་མཛད་པའི༼དེབ་ཐེར་སྔོན་མོ༽ཞེས་བྱ་བ་དེབ་གཅིག མཁས་དབང་དགེ་འདུན་ཆོས་འཕེལ་གྱིས་མཛད་པའི༼དེབ་ཐེརདཀར་པོ༽ཞེས་བྱ་བ་དེབ་གཅིག ཇོ་ནང་ཏཱ་ར་ནཱ་ཐས་མཛད་པའི༼རྒྱ་གར་ཆོས་འབྱུང༽ཞེས་བྱ་བ་དེབ་ཐེར་གཅིག སྐུ་ཞབས་མགོན་པོ་སྐྱབས་ཀྱིས་མཛད་པའི༼རྒྱ་ནག་ཆོས་འབྱུང༽ཞེས་བྱ་བ་དེབ་ཐེར་གཅིག མཁས་དབང་དགེ་འདུན་ཆོས་འཕེལ་གྱིས་མཛད་པའི༼དེབ་ཐེར་དཀར་པོ༽ཞེས་བྱ་བ་དེབ་ཐེར་གཅིག ངག་དབང་ཀུན་དགའ་བསོད་ནམས་ཀྱིས་མཛད་པའི༼ས་སྐྱའི་གདུང་རབས་ངོ་མཚར་བང་མཛོད༽ཅེས་བྱ་བ་དེབ་ཐེར་གཅིག བྲག་སྒོམ་པ་བསྟན་པ་རབ་རྒྱས་ཀྱིས་མཛད་པའི༼ཡུལ་མདོ་སྨད་ཀྱི་ལྗོངས་སུ་ཐུབ་བསྟན་རིན་པོ་ཆེ་ཇི་ལྟར་དར་བའི་ཚུལ་གསལ་བར་བརྗོད་པ་དེབ་ཐེར་རྒྱ་མཚོ༽ཞེས་བྱ་བ་དེབ་ཐེར་གཅིག༼བོད་ཀྱི་བསྟན་བཅོས་ཁག་ཅིག་གི་མཚན་བྱང་དྲི་མེད་ཤེལ་དཀར་ཕྲེང་བ༽ཞེས་བྱ་བ་དེབ་ཐེར་གཅིག༼སྔོན་འགྲོའི་ཁྲིད་ཆེན་བཞི༽ཞེས་བྱ་བ་དེབ་ཐེར་གཅིག༼ལས་སྣ་ཚོགས་པའི་སྔགས་ཀྱི་བེའུ་བུམ་དགོས་འདོད་ཀུན་འབྱུང་གཏེར་གྱི་བུམ་པ་བཟང་པོ༽ཞེས་བྱ་བ་དེབ་ཐེར་གཅིག  རྗེ་བཙུན་ཚེ་ཏན་ཞབས་དྲུང་མཆོག་གིས་མཛད་པའི༼མཉམ་མེད་ཤཱཀྱའི་རྒྱལ་པོ་འདས་འཁྲུངས་ཀྱི་ལོ་ཚིག་གཙོར་གྱུར་པའི་བསྟན་བཅོས་ལོ་སུམ་སྟོང་ཙམ་གྱི་རེའུ་མིག་གི་རྣམ་བཞག་མཐོང་ཚད་ཀུན་ལས་བཏུས་པ༽ཞེས་བྱ་བ་དེབ་ཐེར་གཅིག སྐྱབས་མགོན་ཞབས་དཀར་བ་ཚོགས་དྲུག་རང་གྲོལ་མཆོག་གིས་མཛད་པའི༼ཆོས་བཤད་གཞན་ཕན་ཉི་མ༽ཞེས་བྱ་བ་དེབ་ཐེར་གཅིག མཁས་དབང་དགེ་ལེགས་དཔལ་བཟང་གིས་མཛད་པའི༼ཚད་མ་བདེ་བདུན་གྱི་རྒྱན་ཡིད་ཀྱི་མུན་སེལ༽ཞེས་བྱ་བ་དེབ་ཐེར་གཅིག༼ཁམས་ཁུལ་མཁས་དབང་རྣམས་ཀྱི་སྙན་ངག་དཔེར་བརྗོད་ཕྱོགས་བསྒྲིགས༽ཞེས་བྱ་བ་དེབ་ཐེར་གཅིག ༼རེབ་གོང་ལོ་རྒྱུས་བྱུང་བ་ལྟ་བ་མཁའ་ཁྱབ་ཕྱོགས་བྲལ༽ཞེས་བྱ་བ་དེབ་ཐེར་གཅིག ཤར་སྐྱབས་མགོན་བསྟན་འཛིན་འཇིགས་མེད་སྐལ་ལྡན་ཚང་གིས་གནང་པའི༼རེ་སྐོང་རོང་བོ་དགོན་ཆེན་གྱི་སྐུ་གསུང་ཐུགས་རྟེན་སོགས་ཞལ་ཐང་ཕྱོགས་བསྒྲིགས༽དེབ་ཐེར་གཅིག ཡོངས་འཛིན་འཇིགས་མེད་ཐེག་མཆོག་གིས་མཛད་པའི༼མདོ་སྨད་བསྟན་པའི་གནས་གཞི་རོང་བོ་དཔལ་གྱི་དགོན་ཆེན་ཕྱོགས་ཐམས་ཅད་ལས་རྣམ་པར་རྒྱལ་བ་བདེ་ཆེན་ཆོས་འཁོར་གླིང་གཙོ་བྱས་པའི་གསེར་ལྗོངས་རིག་པ་འབྱུང་པའི་གྲོང་ཁྱེར་དུ་དམ་པའི་ཆོས་དར་ཚུལ་ཆེ་ལོང་ཙམ་བརྗོད་པ་རྫོགས་ལྡན་གཏམ་གྱི་རང་སྒྲ༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼རྨ་ཡུལ་རོང་བོ་བློན་ཆོས་ཀྱི་གདུང་རབས་དོན་ལྡན་ཚངས་པའི་སྒྲ་དབྱངས༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼སྐྱབས་གཅིག་འགྲོ་བའི་མགོན་པོ་དཔལ་ལྡན་བླ་མ་སིངྔྷི་སྤྲུལ་བའི་སྐུ་གཞན་ཕན་བདེ་བའི་ཉི་མ་དཔལ་བཟང་པོའི་རྣམ་པར་ཐར་བ་འདོད་འཇོ་ནོར་བུའི་འཁྲི་ཤིང༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼མཚོ་སྔོན་བདུད་ཤུལ་འབུམ་ལུང་དགོན་བསམ་གཏན་ཉམས་དགའི་དབེན་གནས་ཀྱི་ལོ་རྒྱུས་བྱུང་བ་ཚངས་སྲས་བཞད་པའི་གླུ་དབྱངས༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼ཆབ་འགག་དར་ཐང་རིང་མོའི་སྔགས་དགོན་ཆུ་བར་ནོར་རྗའི་གླིང་གི་ལོ་རྒྱུས་བྱུང་བ་ངོ་མཚར་པདྨའི་དགའ་ཚལ༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼བོང་སྟག་ཆུ་ཁོལ་དགོན་པད་མ་མདོ་སྔགས་གླིང་གི་ལོ་རྒྱུས་རགས་བསྡུས་མཆོད་སྤྲིན་ལྷ་མོའི་ཕྱག་རྒྱ༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼རྩིས་གཞུང་ཡིད་བཞིན་ནོར་བུ་ཕྱོགས་བསྒྲིགས་རྒྱལ་བ་ཀུན་གྱིས་བཀའ་ལུང་ཉེར་འབེབས༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼གསོ་རིག་མེ་ཁབ་རིག་པའི་ཁྲིད་ཡིག་བློ་གསལ་གཞོན་ནུའི་དངོས་བཀོལ་ལག་དེབ༽ཞེས་བྱ་བ་དེབ་ཐེར་གཅིག རོང་ཆེན་ལྷ་རྒྱལ་དཔལ་གྱིས་བརྩམས་པའི༼གངས་ལྗོངས་མདོ་སྨད་གནས་མཆོག་གསུམ་གྱི་གནས་ཡིག་ཕྱོགས་བསྒྲིགས་རྫོགས་ལྡན་འཕྲུལ་གྱི་མེ་ལོང༽ཞེས་བྱ་བ་དེབ་ཐེར་གཉིས། དབལ་མང་པཎྚི་ཏས་མཛད་པའི༼བླ་བྲང་བཀྲ་ཤིས་འཁྱིལ་གྱི་གདན་རབས་ལྷའི་རྔ་ཆེན༽ཞེས་བྱ་བ་དེབ་ཐེར་གཅིག གསེར་ཏོག་བློ་བཟང་ཚུལ་ཁྲིམས་རྒྱ་མཚོས་མཛད་པའི༼ཆོས་སྡེ་ཆེན་པོ་སྐུ་འབུམ་བྱམས་པ་གླིང་གི་གདན་རབས་རྟེན་དང་བརྟེན་པར་བརྗོད་པ་དོན་ལྡན་ཚངས་པའི་དབྱངས་སྙན༽ཞེས་བྱ་བ་དེབ་ཐེར་གཅིག རྗེ་བཙུན་ཚེ་ཏན་ཞབས་དྲུང་གིས་མཛད་པའི༼དགེ་ལྡན་བསྟན་པའི་འབྱུང་ཁུངས་དཔལ་ལྡན་བྱ་ཁྱུང་ཐེག་ཆེན་ཡོན་ཏན་དར་རྒྱས་གླིང་གི་གདན་རབས་དཀར་ཆག་ཡིད་འཕྲོག་གཏམ་གྱི་ཉིང་ཁུ༽ཞེས་བྱ་བ་དེབ་ཐེར་གཅིག སྐུ་ཞབས་ནོར་སྡེས་མཛད་པའི༼མར་བྲག་དགོན་བདེ་ལྡན་ཕུན་ཚོགས་གླིང་གི་གདན་རབས་ལེགས་བཤད་ནོར་བུའི་སྒྲོན་མེ༽ཞེས་བྱ་བ་དེབ་ཐེར་གཅིག༼སྟག་ཚང་ལྷ་མོ་ཀིརྟི་དགོན་མཁས་མང་བློ་གསལ་གླིངགི་ལོ་རྒྱས་མདོ་ཙམ་བརྗོད་པ་ངོ་མཚར་ལྷ་ཡི་རོལ་མོ༽ཞེས་བྱ་བ་དེབ་ཐེར་གཅིག༼གཙང་བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་གི་སྔོན་བྱུང་གསལ་བའི་ཉི་མ༽ཞེས་བྱ་བ་དེབ་ཐེར་གཅིག༼མཚོ་ལྷོའི་དགོན་སྡེ་ཁག་གི་ལོ་རྒྱུས་སྙིང་བསྡུས༽ཞེས་བྱ་བ་དེབ་ཐེར་གཅིག༼མཚོ་སྔོན་རིག་གནས་ལོ་རྒྱུས༽ཞེས་བྱ་བ་དེབ་ཐེར་དྲུག༼མཚོ་ལྷོའི་རིག་གནས་ལོ་རྒྱུས༽ཞེས་བྱ་བ་དེབ་ཐེརབཞི། ༼མཚོ་ལྷོའི་བོད་རིགས་དམངས་ཁྲོད་ཀྱི་རིག་གནས་དཔེ་ཚོགས༽ཞེས་བྱ་བ་དེབ་ཐེར་བཅུ།༼མགོ་ལོག་གི་རིག་གནས་ལོ་རྒྱུས༽ཞེས་བྱ་བ་དེབ་ཐེར་གསུམ། སྐུ་ཞབས་ཕུན་ཚོགས་ཀྱིས་བརྩམས་པའི༼བོང་སྟག་གི་ལོ་རྒྱུས༽ཞེས་བྱ་བ་དེབ་ཐེར་གཅིག སྐུ་ཞབས་དོན་གྲུབ་རྒྱལ་གྱིས་བརྩམས་པའི༼བཙན་པོ་ཁྲི་སྲོང་ལྡེ་བཙན་གྱི་ལོ་རྒྱུས་མདོ་ཙམ་བརྗོད་པ༽ཞེས་བྱ་བ་དེབ་ཐེར་གཅིག༼མཛངས་བླུན་ཞེས་བྱ་བ་ཐེག་པ་ཆེན་པོའི་མདོ༽དེབ་ཐེར་གཅིག༼ས་སྐྱའི་ལེགས་བཤད༽ཞེས་བྱ་བ་དེབ་ཐེར་གཅིག མཁས་དབང་སྡེ་སྲིད་སངས་རྒྱས་རྒྱ་མཚོས་མཛད་པའི༼མན་ངག་ཡོན་ཏན་རྒྱུད་གྱི་ལྷན་ཐབས་ཟུག་རྔུའི་ཚ་གདུང་སེལ་བའི་ཀཏྤུ་ར་དུས་མིན་འཆི་ཞགས་གཅོད་པའི་རལ་གྲི༽ཞེས་བྱ་བ་དེབ་ཐེར་གཅིག སྟག་ལྷ་ནོར་བུས་བརྩམས་པའི༼གསོ་དཔྱད་མན་ངག་གཅེས་བསྡུས་གཞན་ཕན་ཟླ་ཤེལ་ནོར་བུའི་སྒྲོལ་མེ༽ཞེས་བྱ་བ་དེབ་ཐེར་གཅིག བློ་བཟང་ཆོས་འཕེལ་གྱིས་བརྩམས་པའི༼གསོ་རིག་སྨན་བཅོས་ཕྱོགས་བསྒྲིགས་གཅེས་བསྡུས་སྙིང་ནོར༽ཞེས་བྱ་བ་དེབ་ཐེར་གཅིག ཡོན་ཏན་རྒྱ་མཚོས་བརྩམས་པའི༼གསོ་རིག་ཟིན་ཏིག་གཅེས་བསྡུས༽ཞེས་བྱ་བ་དེབ་ཐེར་གཅིག ལྕངས་སྐྱ་རོལ་པའི་རྡོ་རྗེས་མཛད་པའི༼དབུ་མའི་རྣམ་བཤད༽ཅེས་བྱ་བ་དེབ་ཐེར་གཅིག  དཔལ་རིས་དོར་ཞི་གདོང་དྲུག་སྙེམས་པའི་བློ་གྲོས་མཆོག་གིས་མཛད་པའི༼སངས་རྒྱས་ཆོས་ལུགས་ཀྱི་ལྟ་སྤྱོད་སྐོར་གོ་བདེར་བཤད་པ་ཕན་བདེ་རྒྱ་མཚོའི་གྲུ་གཟིངས༽ཞེས་བྱ་བ་དེབ་ཐེར་གཅིག ཆུ་སྐྱེས་དགེ་འདུན་བསམ་གཏན་ཀྱིས་མཛད་པའི༼བོད་བརྒྱུད་ནང་བསྟན་ཤེས་རིག་ཆེན་པོའི་གཞི་རྩའི་རྣམ་བཤད་དུས་རབས་ཉེར་གཅིག་པའི་བློ་གྲོས་པད་མོའི་ཁ་འབྱེད༽ཅེས་བྱ་བ་དེབ་ཐེར་གཅིག༼ཆབ་འགག་རྡོ་རྗེ་ཚེ་རིང་གི་ལྗགས་རྩོམ་ཕྱོགས་བསྒྲིགས༽ཞེས་བྱ་བ་པོད་ཏི་ལྔ། སྐུ་ཞབས་བརྩོན་འགྲུས་རབ་རྒྱས་ཀྱིས་མཛད་པའི༼བོད་ཀྱི་རི་མོ་སྤྱིའི་རྣམ་བཞག་བློ་གསལ་འཇུག་སྒོ༽ཞེས་བྱ་བ་དེབ་ཐེར་གཅིག ཉི་ཟླ་ལྕེ་ནག་ཚང་གིས་མཛད་པའི༼ཉི་ཟླའི་གསོ་རིག་ཆེད་རྩོམ་གཅེས་བསྡུས༽དང༼བསྐུ་མཉེའི་ལག་དེབ༽ཞེས་བྱ་བ་དེབ་ཐེར་གཉིས། ཚེ་ཏན་ཞབས་དྲུང་གིས་མཛད་པའི༼གངས་ཅན་བོད་ཀྱི་བརྡ་སྤྲོད་རིག་པའི་བསྟན་བཅོས་སུམ་ཅུ་བ་དང་རྟགས་འཇུག་གི་རྣམ་བཞག་རྒྱ་ཆེར་བཤད་པ་ཐོན་མིའི་ཞལ་ལུང༽ཞེས་བྱ་བ་དེབ་ཐེར་གཅིག  ཡོངས་འཛིན་ཕུར་ལྕོག་པ་བློ་བཟང་ཚུལ་ཁྲིམས་བྱམས་པ་རྒྱ་མཚོས་མཛད་པའི༼ཚད་མ་གཞུང་དོན་འབྱེད་པའི་བསྡུས་གྲྭ་དང་བློ་རྟགས་ཀྱི་རྣམ་བཞག་རིག་ལམ་འཕྲུལ་གྱི་ལྡེ་མིག༽ཞེས་བྱ་བ་དེབ་ཐེར་གཅིག དུང་དཀར་བློ་བཟང་འཕྲིན་ལས་ཀྱིས་མཛད་པའི༼སྙན་ངག་ལ་འཇུག་ཚུལ་ཚིག་རྒྱན་རིག་པའི་སྒོ་འབྱེད༽ཞེས་བྱ་བ་དེབ་ཐེར་གཅིག རྗེ་དམུ་དགེ་བསམ་གཏན་གྱིས་མཛད་པའི༼བོད་ཀྱི་ཡི་གེ་སྤྱི་རྣམ་བློ་གསལ་འཇུག་ངོགས༽༼བོད་དུ་རིག་གནས་དར་ཚུང་མདོར་བསྡུས་བཤད་པ༽༼ཤེས་བྱའི་རྣམ་གྲངས་བློ་གསལ་རིག་སྒོ༽ཞེས་བྱ་བ་དེབ་ཐེར་གསུམ། སློབ་དཔོན་ཆེན་པོ་གནམ་ལྷ་རྒྱལ་གྱིས་བརྩམས་པའི༼བོད་གྱི་རྩོམ་ལུས་རྣམ་བཤད་བློ་ཡི་ལྡེ་མིག༽ཞེས་བྱ་བ་དང་། ཀརྨ་སི་ཏུས་བརྩམས་པའི༼ཀརྨ་སི་ཏུའི་སུམ་རྟགས་འབྲེལ་ཆེན་མཁས་པའི་མགུལ་རྒྱན་མུ་ཏིག་ཕྲེང་མཛེས༽ཞེས་བྱ་བ་དེབ་གཅིག དགེ་བཤེས་འཇིགས་མེད་དམ་ཆོས་ཀྱིས་མཛད་པའི༼བོད་ཀྱི་བརྡ་ལ་བརྟེན་ནས་གསུང་རབ་ལ་འཇུག་པའི་སྒོ་ཤེས་བྱ་རབ་གསལ༽ཞེས་བྱ་བ་དེབ་ཐེར་གཅིག  ངག་དབང་ཆོས་དར་གྱིས་བརྩམས་པའི༼བརྡ་གསར་ཪྙིང༽ཞེས་བྱ་བ་དེབ་ཐེར་གཅིག གསུང་རབ་རྒྱ་མཚོས་མཛད་པའི༼སུམ་རྟགས་གཉིས་ཀྱི་ཚིག་དོན་མདོར་བསྡུས༽ཞེས་བྱ་བ་དེབ་ཐེར་གཅིག དཔྱི་ས་བློ་བཟང་རྒྱ་མཚོས་མཛད་པའི༼སྒྲ་རིག་ནམ་འཕང་གཅོད་བྱེད་བརྡ་དག་ཕྱེ་མ་ལེབ་ཀྱི་གཤོག་རླབས༽ཞེས་བྱ་བ་དེབ་ཐེར་གཅིག དབྱངས་ཅན་གྲུབ་པའི་རྡོ་རྗེས་མཛད་པའི༼དཀའ་གནད་གསལ་བའི་མེ་ལོང༽ཞེས་བྱ་བ་དེབ་ཐེར་གཅིག བིས་པ་མི་ཕམ་ཟླ་བས་མཛད་པའི༼ཕྲིན་ཡིག་གི་རྣམ་བཞག་དཔེ་བརྗོད་དང་བཅས་པ་པད་མ་དཀར་པོའི་ཕྲེང་མཛེས༽ཞེས་བྱ་བ་དེབ་ཐེར་གཅིག དགེ་བཤེས་མཁྱེན་རབ་འོད་གསལ་གྱིས་བརྩམས་པའི༼རྟགས་ཀྱི་འཇུག་པའི་དཀའ་འགྲེལ་གནད་ཀྱི་སྒྲོན་མེ༽ཞེས་བྱ་བ་དེབ་ཐེར་གཅིག སུམ་པ་ཡེ་ཤེས་དཔལ་འབྱོར་གྱིས་མཛད་པའི༼མཚོ་སྔོན་ལོ་རྒྱུས་ཚངས་གླུ་གསར་སྙན༽ཞེས་བྱ་བ་སོགས་གསུང་རབ་གླེགས་བམ་དང་གངས་ལྗོངས་མཁས་དབང་རྣམས་ཀྱི་ལྗགས་རྩོམ་གྲངས་ལས་འདས་པ་བཞུགས་སོ།།

   གཞན་ཡང༼དབུས་གཙང་གནས་ཡིག་ངོ་མཚར་ལུང་སྟོན་མེ་ལོང༽ཞེས་བྱ་བ་དེབ་ཐེར་གཅིག་དང་། ༼མདོ་རྒྱུད་རྒྱ་མཚོའི་མངའ་བདག་ཡོངས་ཀྱི་དགེ་བའི་བཤེས་གཉེན་ཆེན་པོ་རྗེ་བཙུན་ཡེ་ཤེས་རྒྱ་མཚོའི་ཐུན་མོང་གི་རྟོགས་པ་བརྗོད་པ་བདེན་གཏམ་ཤེལ་གྱི་མེ་ལོང༽ཞེས་བྱ་བ་དེབ་ཐེར་གཅིག ༼རྗེ་མི་ལ་རས་པའི་རྣམ་ཐར༽ཞེས་བྱ་བ་དེབ་གཅིག༼རྒྱལ་པོ་དྲི་མེད་ཀུན་ལྡན་གྱི་རྣམ་ཐར༽ཞེས་བྱ་བ་དེབ་གཅིག༼མཁའ་འགྲོ་མ་སྣང་ས་འོད་འརྗམ་གྱི་རྣམ་ཐར༽ཞེས་བྱ་བ་དེབ་གཅིག༼བྱ་མགྲིན་སྔོན་ཟླ་བའི་རྟོགས་བརྗོད༽ཅེས་བྱ་བ་དེབ་གཅིག༼ཐང་སིན་བླ་མའི་རྟོགས་བརྗོད༽ཅེས་བྱ་བ་དེབ་གཅིག ༼དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་རོ་ལངས་གསེར་འགྱུར་གྱི་ཆོས་སྒྲུང་ཉེར་གཅིག་པ་རྒྱས་པར་ཕྱེ་བ༽ཞེས་བྱ་བ་དེབ་ཐེར་གཅིག༼མི་རོ་རྩེ་སྒྲུང༽ཞེས་བྱ་བ་དེབ་གཅིག༼དཔལ་ལྷ་ཀུན་བཟང་གི་གཏམ་རྒྱུད༽ཅེས་བྱ་བ་དེབ་གཅིག༼བྱ་སྤྲེལ་གྱི་གཏམ་རྒྱུད༽ཅེས་བྱ་བ་དེབ་གཅིག༼རྫ་ཙིག་གི་གཏམ་རྒྱུད༽ཅེས་བྱ་བ་དེབ་གཅིག ༼ཨ་ཁུ་བསྟན་པའི་གཏམ་རྒྱུད༽ཅེས་བྱ་བ་དེབ་གཅིག༼ཉི་ཆོས་བཟང་པོའི་གཏམ་རྒྱུད༽ཅེས་བྱ་བ་དེབ་ཐེར་གཅིག ༼དབྱི་སུའོ་ཡིས་བརྩམས་པའི་གཏམ་རྒྱུད་འདམས་བསྒྲིགས༽ཞེས་བྱ་བ་དེབ་གཅིག རྡོ་གྲུབ་ཆེན་འཇིགས་མེད་བསྟན་པའི་ཉི་མས་མཛད་པའི༼དགེ་ཚུལ་དང་ཕོ་རོག་གི་གཏམ་རྒྱུད༽ཅེས་བྱ་བ་སོགས་ཁ་བ་རི་བའི་ལྗོངས་སུ་དར་ཁྱབ་ཆེ་བའི་རིག་གནས་སྒྱུ་རྩལ་སྐོར་གྱི་དེབ་གྲངས་དང་། འཛམ་གླིང་སེང་ཆེན་ནོར་བུ་དགྲ་འདུལ་གྱི་ལྷ་སྒྲུང་སྐོར་ལ༼ཧོར་གླིང་གཡུལ་འབྱེད་༽༼རྩྭ་ར་པད་མ་སྟོང་ལྡན༽༼འཁྲུངས་གླིང་མེ་ཏོག་ར་བ༽༼ལྷ་གླིང་གབ་རྩེ་དགུ་སྐོར༽༼དམྱལ་གླིང་མུན་པ་རང་གསལ༽༼སྟག་གཟིག་ནོར་རྫོང༽༼མོན་གླིང་གཡུལ་འབྱེད༽ཅེས་བྱ་བ་སོགས་འཛམ་གླིང་རིག་གནས་ཀྱི་ཡང་རྩེར་ཟོན་པའི་ལོ་རྒྱུས་སྙན་རྩོམ་རིང་མོ་སོགས་བཞུགས་པ་མ་ཟད། རྒྱ་དཔེ་ནང་བསྟན་ཆོས་ལུགས་དང་། སྤྱི་ཚོགས་ཚན་རིག ཆབ་སྲིད་དཔལ་འབྱོར། ཚད་མ་རིག་པ། གསོ་བ་རིག་པ། བཅའ་ཁྲིམས་རིག་པ། ལོ་རྒྱུས་རྣམ་ཐར། ཐ་ན་མར་ཁེ་སི་ལེ་ཉིན་རིང་ལུགས་དང་། དངོས་གཙོ་སྨྲ་བའི་རིང་ལུགས། རྩོད་སྒྲུབ་རིག་པའི་གཞུང་ལུགས་སོགས་རྒྱལ་ཁབ་ཆེན་པོའི་སྲིད་ཕྱོགས་ཀྱི་ཡིག་མཛོད་ཕུན་སུམ་ཚོགས་པའི་དེབ་གྲངས་འབོར་ཆེན།༼བོད་རྒྱ་ཚིག་མཛོད་ཆེན་མོ༽ཞེས་བྱ་བ་སྟོད་སྨད་བར་ཆ་དེབ་གྲངས་གསུམ། ༼བོད་རྒྱ་ཤན་སྦྱར་རྒྱུན་མཁོའི་ཚིག་མཛོད༽ཅེས་བྱ་བ་དེབ་གྲངས་གཅིག༼དགེ་བཤེས་ཆོས་གྲགས༽ཞེས་བྱ་བ་དེབ་གྲངས་གཅིག༼རྒྱ་བོད་ཤན་སྦྱར་གྱི་ཚིག་མཛོད༽ཅེས་བྱ་བ་དེབ་གྲངས་གཅིག༼རྒྱ་བོད་མིང་མཛོད་ཆེན་མོ༽ཞེས་བྱ་བ་དེབ་གྲངས་གཅིག༼བོད་རྒྱ་སངས་རྒྱས་ཆོས་གཞུང་གི་ཚིག་མཛོད༽ཅེས་བྱ་བ་དེབ་གྲངས་གཅིག ༼བོད་རྒྱ་ཤན་སྦྱར་གྱི་ཤེས་བྱའི་རྣམ་གྲངས་ཀུན་བཏུས་ཚིག་མཛོད༽ཅེས་བྱ་བ་དེབ་གྲངས་གཅིག༼བོད་རྒྱ་དབྱིན་སྐད་ཀྱི་དངོས་ལུགས་རིག་པའི་ཚིག་མཛོད༽ཞེས་བྱ་བ་དེབ་གྲངས་གཅིག༼བོད་རྒྱ་ཤན་སྦྱར་གྱི་རྒྱལ་བའི་བཀའ་འགྱུར་རིན་པོ་ཆེའི་དཀར་ཆག༽  ཅེས་བྱ་བའི་དེབ་གྲངས་སོགས་ནང་བསྟན་རིག་པའི་གཞུང་ལུགས་དང་གངས་ལྗོངས་རིག་པའི་གནས་ལ་ཞིབ་ཏུ་འཇུག་པར་མེད་དུ་མི་རུང་པའི་ཤེས་བྱའི་རྒྱུ་ཆ་གལ་འགངས་ཆེ་བ་གྲངས་ལས་འདས་པ་རྣམས་ཀྱང་ཡོངས་སུ་བཞུགས་སོ།།

   འདི་ལྟར་ཉམས་ཆུང་ཁོ་བོ་འདྲ་བའི་རི་ཁྲོད་པ་མིན་པ་ཙམ་ལ་ཁྱིམ་ཐབ་བཟུང་སྟེ་ཁྱིམ་གཞི་ངེས་ཅན་དང་ཨ་སྐྱོ་བ་མིན་པ་ཙམ་ལ་དཔལ་འབྱོར་གྱི་ལོངས་སྤྱོད་ཅུང་ཙམ་འཛོམས་པ་སྟེ། རོང་ཆེན་ལྷ་རྒྱལ་དཔལ་གྱི་རང་ཤག་རྨད་བྱུང་བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་ཞེས་བྱ་བའི་སྐུ་གསུང་ཐུགས་རྟེན་གྱི་དཀར་ཆག་སོགས་ཐུན་མོ་མ་ཡིན་པའི་ཁྱད་ཆོས་རྣམས་དེ་ཙམ་དང་། ཕོ་བྲང་གི་བཀོད་ལེགས་རི་མོ་དང་མཆོད་བཤམས་མཆོད་བཀུར་གྱི་ཕྱག་ལེན་ལ་སོགས་མཆོད་རྫས་ཡོ་བྱད་དང་བཅས་པའི་སྐོར་ལ་ཡང་ཅུང་ཙམ་གླེང་པར་བྱ་བ་སྟེ།

     རང་སྣང་ལྷུན་གྲུབ་གཞལ་ཡས་གཙུག་ལག་ཁང་།།

     བཀྲ་ཤིས་བདེ་སྟོང་རྣམ་པར་རྒྱལ་བའི་གླིང་།།

     བླ་མེད་ཆོས་དབྱངས་མཆོད་པའི་གནས་མཆོག་ཏུ།།

     གསང་གསུམ་ཆོས་ཀྱི་བདུད་རྩིའི་ཆར་བ་འབབས།།

     རིགས་དྲུག་མ་གྱུར་སེམས་ཅན་ཐམས་ཅད་དང་།།

     མགོན་མེད་ཉམས་ཐག་འགྲོ་ཀུན་མ་ལུས་པར།།

     སྐུ་གསུམ་དབྱེར་མེད་བདེ་ཆེན་ཆོས་དབྱངས་སུ།།

     བསོད་ནམས་སྟོབས་ཀྱིས་ཞིང་མཆོག་མངོན་པར་བསྐྲུན།

     གནམ་ཡོལ་སྟོང་ཤོང་ཆེན་མོའི་མཁའ་དབྱིངས་སུ།།

     འཇའ་ཟེར་འོད་ཕུང་འཁྲུགས་པའི་ཀློང་ཡངས་ནས།།

     ལེགས་འཁྲུངས་རྒྱུད་སྡེ་བཞི་ཡི་དཀྱིལ་འཁོར་སོགས།།

     མྱོང་གྲོལ་བདུད་རྩིའི་མཆོད་པ་བསམ་མི་ཁྱབ།།

     རང་བྱུང་མཆོད་རྫས་ཀརྨའི་ཕྱག་སོར་བཞིན།

     གདུགས་དང་རྒྱལ་མཚན་ཅོད་པ་དག་གིས་རྒྱན།།

     འོད་སྟོང་རབ་ཏུ་འབར་བའི་མེ་ལོང་སོགས།།

     ཡིད་འཕྲོག་སྲིད་ཞིའི་མཆོད་ཚོགས་ལྷུན་གྱིས་གྲུབ།།

     རབ་མཛེས་ལྷུན་གྲུབ་ཀུན་དགའ་ར་བའི་དབུས།།

     ལྷག་པའི་ལྷ་ཚོགས་བཀའ་སྡོད་དང་བཅས་བ།།

     རྒྱལ་བའི་སྐུ་གསུང་ཐུགས་རྟེན་གྲངས་ལས་འདས།།

     མཆོག་གསུམ་བྱིན་རླབས་དངོས་གྲུབ་ཨེ་མ་ཧོ།།

   ཞེས་རང་ཉམས་དག་པ་གང་ཤར་གྱི་བསྟོད་བསྔགས་པད་མ་དཀར་པོས་རྣམ་པར་རྒྱན་ཞིང་། འཕགས་ཡུལ་རྡོ་རྗེ་གདན་ནས་སྤྱན་དྲངས་པའི་བྱང་ཆུབ་ཤིང་གི་ལོ་མའི་སྟེང་དུ་གྲུབ་པའི་སངས་རྒྱས་རང་བྱོན་དང་། གསེར་ལྗོངས་སྒོ་དམར་དགའ་ལྡན་ཕུན་ཚོགས་གླིང་གི་རྗེ་བཙུན་བྱམས་ཆེན་སྐུ་མདུན་གྱི་མཆོད་པའི་གནས་ནས་སྤྱན་དྲངས་པའི་མེ་ཏོག་ཙམ་པ་ཀ་སོགས་ཀྱིས་མཛེས་པར་རྒྱན་པའི་ལོ་མཆོད་ཀྱི་ཚུལ་དུ་ཕུལ་བའི་ཆུ་གཉིས་ཉེར་སྤྱོད་ཅེས་བྱ་བའི་མཆོད་པ་སྟེ། མཆོད་ཡོན། ཞབས་བསིལ། མེ་ཏོག བདུག་སྤོས། མར་མེ།  དྲི་ཆབ། ཞལ་ཟས་སོགས་ཉིན་རེར་བཞིན་མཆོད་པ་དང་མཆོད་མེ་བརྒྱ་རྩ་སོགས་མཆོད་པའི་ཡོ་བྱད་བསམ་གྱིས་མི་ཁྱབ་པ་བཞུགས་སོ།། 

   གངས་རི་དཀར་པོ་མཁའ་ལ་བསྙེགས་འདྲའི་ཕྱེ་མར་གྱི་མཆོད་པ། རྒྱ་མཚོ་ཆེན་པོ་འཕྱུར་བ་ལྟ་བའི་གསེར་སྐྱེམས་ཀྱི་མཆོད་པ། དར་ཚོན་སྣ་ལྔས་རྒྱན་པའི་མདའ་དར་གཡང་རྟེན་གྱི་མཆོད་པ། རིན་ཆེན་གཡུ་བྱུར་ལྷུན་པོ་སྤུངས་འདྲའི་མཎྚལ་ཆེ་ཆུང་གི་མཆོད་པ། ཚེ་ཡི་དཔལ་སྟེར་བཀྲ་ཤིས་བུམ་བཟང་རྨ་བྱ་སྔོན་མོའི་སྒྲོ་ཡི་ཁ་རྒྱན་ཅན་ཆེ་ཆུང་གི་མཆོད་པ། ཆུ་གཏེར་རྒྱ་མཚོར་རོལ་བ་ནོར་ལྷ་གཏེར་བདག་ཛམྦྷ་ལྷ་ཆེ་ཆུང་གི་མཆོད་པ། ཕྱི་ནང་གསང་བའི་མཆོད་ཚོགས་ཟས་སྣ་དཀར་གསུམ་མངར་གསུམ་གྱི་མཆོད་པ། རིན་ཆེན་འབྲུ་རིགས་སྣ་ལྔ། ཆང་ཕུལ་སིལ་ཏོག་སྣ་ཚོགས། རྒྱ་གར་གསེར་ཟངས་ལས་གྲུབ་པའི་མཆོད་ཀོང་ཆེ་བ་ཉིན་ཞགས་བཅུ་ཐུབ། དངུལ་དཀར་ལས་གྲུབ་པའི་མཆོད་ཀོང་འབྲིང་བ་མཚན་ཐུབ་ཆེ་ཆུང་། ཟངས་སེར་རྒྱུ་ལས་གྲུབ་པའི་མཆོད་ཀོང་ཆུང་བ་བཅུ་ཕྲག་དུ་མ་སོགས་ཁམས་གསུམ་མུན་པ་སེལ་བའི་མར་མེའི་མཆོད་པ་ཆག་མེད། རྒྱ་གར་འཕགས་པའི་ཡུལ་དང་བལ་བོ་སོགས་ནས་སྤྱན་དྲངས་པའི་ཏིང་ཕོར་ཆེན་མོ་བདུན་ཚར་བཅུ་ཕྲག་དུ་མ་དང་རྨ་བྱའི་སྒྲོ་གུར་རྟགས་ཅན་ཏིང་ཕོར་བདུན་ཚར་རིན་ཆེན་ཟངས་ལས་གྲུབ་པ་སོགས་ཏིང་ཕོར་སྣ་ཚོགས་བརྒྱ་ཕྲག་གཙང་མོ་ཆུ་ཡི་མཆོད་པ་ཆག་མེད། གཡུ་འབྲུག་སྔོན་མོ་མཁའ་རུ་རྒྱས་འདྲའི་དྲི་བཟང་བདུག་སྤོས་ཀྱི་མཆོད་པ་ཆག་མེད། དར་ཤིང་རིང་མོ་ཉི་ཟླ་སྐར་གསུམ་དང་བཅས་པ་གསུང་རབ་དར་ལྕོགས་སྣ་ཚོགས་ཀྱིས་རབ་ཏུ་རྒྱན་ཞིང་དགུང་སྔོན་དབྱིངས་སུ་བསྙེགས་པའི་བྱིན་རླབས་ལས་ཁ་ལུས་རླུང་རྟ་མེ་ལྕེ་འབར་བ། རྩ་གསུམ་བྱིན་རླབས་བདེ་ལེགས་ཉེར་འབྱུང་གི་བསང་མཆོད་ཆག་མེད་སོགས་ལ་ཉིན་རེར་བཞིན་ལྷོད་གཡེང་མེད་པར་འབད་ཅིང་། དངུལ་དཀར་རྒྱུ་ལས་གྲུབ་པའི་རྒྱལ་དབང་བཅུ་བཞི་བའི་འབྲལ་སྤང་བྱིན་ཅན། གསེར་ཟངས་ལས་གྲུབ་པའི་རབ་མཛེས་སྤོས་ཕོར་ཆེ་ཆུང་། རྨ་བྱ་སྔོན་མོའི་སྒྲོ་གུར་ཆེན་མོ་བཀྲ་ཤིས་བུམ་བཟང་དང་ངོ་མཚར་མེ་ཏོག་སྣ་ལྔས་རྒྱན་པ། སྒྲ་སྙན་ཐོས་པ་ཙམ་གྱིས་ངན་སོང་གསུམ་གྱི་སྒོ་མོ་འགག་པའི་དུང་དཀར་གཡས་འཁྱིལ། མཆོད་རྔ་སྟོང་གསུམ་འབྲུག་སྒྲ། སྦུག་ཆ་ཁམས་གསུམ་ཟིལ་གནོན། སེང་ལྡིང་ཤིང་བཟང་གི་རྒྱུ་ལས་གྲུབ་པའི་ད་མ་རུ། རྒྱ་གར་རྡོ་དྲིལ་དབྱངས་སྙན་མཁའ་ཁྱབ།  དངུལ་དཀར་རྒྱུ་ལས་གྲུབ་པའི་འཕགས་པ་ཐར་མདོའི་འཁོར་ཆེན་འགྲོ་ཀུན་ཐར་ལམ་འདྲེན་པའི་ཆོས་འཁོར་ཆེ་ཆུང་། ཁྱད་པར་དུ་ཡང་བདེ་སྟོང་སྨད་བྱུང་རྣམ་པར་རྒྱལ་བའི་ཕོ་བྲང་དུ་བཞུགས་པའི་ཐར་མདོའི་འཁོར་ཆེན་གྱི་ཕན་ཡོན་ལས། ཡར་སྔོན་ཐུགས་རྗེ་ཆེན་པོ་སྔགས་སའི་དགེ་བཤེས་རྡོ་རྗེ་འཆང༧འཇམ་དབྱངས་དོན་ཡོད་དཔལ་བཟང་པོ་མཆོག་གི་ཞབས་པདྨའི་འཁོར་ལོ་སོག་ཡུལ་ལ་ཕེབས་དུས། ཕྱོགས་དེའི་བོད་སོག་དད་ལྡན་མང་པོས་གསོན་གཤིན་ཟུང་གི་དོན་དུ་དད་རྟེན་མང་པོ་ཕུལ་ཏེ། ཐམས་ཅད་འདིར་བདེ་ཕྱི་སྐྱིད་ཡོང་པའི་སྐྱབས་འཇུག་ཞུས་པར་བརྟེན། ཁོང་རྡོ་རྗེ་འཆང་གི་ཐུགས་ལ་སྙིང་རྗེ་ཚད་མེད་འཁྲུངས་ནས་བླ་མ་ཡི་དམ་དཀོན་མཆོག་གསུམ་ལ་གསོལ་བ་དྲག་ཏུ་བཏབས་པའི་ཚེ། བླ་མ་རྡོ་རྗེ་འཆང་ཁོང་ལ་རྣལ་འབྱོར་མས་ཞལ་གཟིགས་ནས། འདི་འདྲའི་ཐར་མདོའི་འཁོར་ལོ་ཞིག་བཞེངས་ནས་བསྐོར་དུ་ཆུགས་དང་། ཚེ་ལྡན་རྣམས་ཀྱི་རྐྱེན་ངན་བར་ཆད་ཞི་ཞིང་། ཚེ་འདས་རྣམས་ཀྱང་ངན་སོང་དུ་སྐྱེ་བའི་སྒོ་མོ་ཁོག སྐྱེས་ཟིན་ཀྱང་མྱུར་དུ་གྲོལ་བར་འགྱུར་རོ་ཞེས་གསུངས། དེ་ནས་ཁོང་རྡོ་རྗེ་འཆང་གིས་རྨ་ཕར་ཚུར་ཕྱོགས་སུ་འཁོར་ལོའི་དཔར་ཆེ་ཆུང་ལྔ་བཞེངས་ཏེ། ཡུལ་ཕྱོགས་ཀུན་དུ་འཁོར་ལོ་མང་པོ་བཀྲམས་ཏེ། ཁྱེད་རྣམས་ཀྱིས་ངས་འཁོར་ལོ་འདི་ཚེ་འདས་རྣམས་ཀྱི་དོན་དུ་བསྐོར་ན་ཚེ་འདིར་ལས་ངན་ཚབ་ཆེན་བསགས་ཀྱང་ངན་སོང་དུ་མི་འགྲོ་བར་ཐག་གིས་ཆོད། གང་ཟག་སེམས་ཅན་འཆི་ཁར་སྤྱི་གཙུག་ཏུ་བསྐོར་ན་འཕོ་བ་འདེབས་མི་དགོས། ཚེ་འདིར་དགྲ་གདོན་གྱིས་གཙེས་ཤིང་ནད་དང་བགེགས་སོགས་གང་གི་དོན་དུ་བསྐོར་ན་ཐམས་ཅད་ཞི་བར་འགྱུར་ཞིང་། འདོད་པའི་དོན་ཐམས་ཅད་ཡིད་བཞིན་དུ་འགྲུབ་པར་འགྱུར་རོ་ཞེས་གསུངས་པ་དང་། གྱི་ལིང་གཏེར་སྟོན་བདེ་ཆེན་འགྱུར་མེད་རྡོ་རྗེ་མཆོག་གིས་སྐུ་དངོས་སུ་དད་རྟེན་དུ་གནང་པའི་རྫོགས་ཆེན་ཨ་འཛོམས་འབྲུག་པ་རིན་པོ་ཆེའི་ཕྱག་དྲིལ་དང་། རྡོ་རྗེ་རྩེ་དགུ་མ་སོགས་ལོ་ངོ་ལྔ་བརྒྱ་ཡས་མས་གྱི་ལོ་རྒྱུས་ཆུ་རྒྱུན་རིང་མོ་ལྡན་པའི་གནའ་རྫས་བྱིན་ཅན་སོགས་མཆོད་རྫས། ནོར་བུ་མེ་འབར་མ། བཀྲ་ཤིས་བུམ་གཟིགས་མ། རྒྱལ་སྲས་སྣ་བདུན། བཀྲ་ཤིས་རྟགས་བརྒྱད། མཐུན་པ་སྤུན་བཞི། ཚེ་རིང་རྣམ་དྲུག ཨ་ཙ་རུ་གླང་ཁྲིད་སོགས་མཆོད་བཤམས་སྣ་ཚོགས་བཞུགས་སོ།།  

   བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་གི་ཆོས་སྤྱོད་ཕྱག་ལེན་དང་གྲུབ་པ་ཉམས་ལེན་ཀྱི་སྐོར་ལ་ཡང་ཉིན་རེར་བཞིན་གསང་ཆེན་སྔ་འགྱུར་བསྟན་པ་དང་རི་བོ་དགེ་ལུགས་པའི་གྲུབ་མཐར་ཕྱོགས་རིས་མ་མཆིས་པའི་རོང་ཆེན་ཞལ་འདོན་ཕྱོགས་བསྒྲིགས་བྱང་ཆུབ་ལམ་གྱི་རིམ་པ་སྟེ། སྐྱབས་འགྲོ་སེམས་བསྐྱེད་མཆོད་པ་དང་། དམིགས་བརྩེ་མའི་གསོལ་འདེབས།  བསམ་པ་མྱུར་འགྲུབ་མ། བསམ་པ་ལྷུན་འགྲུབ་མ། གསོལ་འདེབས་དུས་གསུམ་སངས་རྒྱས། བར་ཆད་ལམ་སེལ་ཤིན་ཏུ་བསྡུས་པ། བསམ་ལྷུན་བསྡུས་པ་ཐུགས་རྗེ་གློག་ཞགས། ཚིག་བདུན་གསོལ་འདེབས། བསམ་ལྷུན་མཆོད་ཚོགས་བསྡུས་པ། བསྐང་གསོལ་ཁག་གཉིས། ཚེ་ལྷ་རྣམ་གསུམ་གྱི་མཚན་གཟུངས། སངས་རྒྱས་སྨན་བླའི་རྟོགས་བརྗོད། རྒྱལ་བའི་བཀའ་འགྱུར་སྙིང་བོ། དེ་བཞིན་གཤེགས་པ་སྤྱིའི་སྙིང་པོ། རིགས་གསུམ་མགོན་པོའི་མཚན་སྔགས། བར་དོའི་ཕྲེང་སྒྲོལ་སྨོན་ལམ། འཕོ་བ་མ་བསྒོམས་སངས་རྒྱས། གནམ་ཡིག་སྣང་མཐའི་གསོལ་འདེབས། འཇམ་དབྱངས་རིགས་ལྔའི་སྤྱི་ཏྲིལ་རྟོགས་མཐོང་ཡེ་ཤེས་མངོན་གསལ། འཇམ་དཔལ་ལྷ་ཚོགས་སྤྱན་འདྲེན། འཇམ་དབྱངས་རིགས་ལྔའི་མཆོད་བསྟོད། འཇམ་དཔལ་མཆོད་ཚོགས་མྱོང་གྲོལ་བདུད་རྩིའི་དགའ་སྟོན། འཇམ་དཔལ་དགྱེས་པའི་བསྐང་གསོལ། མདོ་གདུགས་སྒྲོལ་གསུམ། རྟ་མགྲིན་མཚན་སྔགས། འཕགས་པ་བགེགས་ཐམས་ཅད་ཞི་བར་བྱེད་པའི་གཟུངས། མཁའ་འགྲོའི་སེང་གདོང་མའི་མཚན་གཟུངས་དང་བཟློག་བསྒྱུར། མགོན་པོ་ཚོགས་བདག་གི་གཟུངས་སྔགས། ཨོ་རྒྱན་ནོར་ལྷའི་གཡང་སྒྲུབ། གཡང་འགུགས་ལྷ་རྫས་ལྕགས་ཀྱུ། གཡང་འགུགས་དབུལ་བ་ཀུན་སེལ། ལྷ་མོ་ནོར་རྒྱུན་མའི་མཚན་གཟུངས། ལྷ་མོ་འོད་ཟེར་མའི་མཚན་གཟུངས་བཟློག་བསྒྱུར་དང་བཅས་པ་སོགས། རོང་ཆེན་བསང་མཆོད་ཕྱོགས་བསྒྲིགས་རྒྱུན་མཁོའི་ཕྱག་ལེན་བདེ་ལེསག་ཉེར་འབྱུང་ལས། བསང་མཆོད་ལྷ་ཚོགས་འགུགས་པའི་ལྕགས་ཀྱུ་དང་། གུར་མགོན་་ཧཱ་ཆེན་པོའི་བསྐང་གསོལ། གཟའ་རྒོད་ཁྱབ་འཇུག་ཆེན་པོའི་བསྐང་གསོལ། མཆོག་གསུམ་མཆོད་པའི་འཕྲིན་བཅོལ། འགོ་བའི་ལྷ་ལྔའི་གསོལ་མཆོད། ཁྲི་ཀའི་ཡུལ་ལྷའི་བསྐང་གསོལ། སྣང་སྲིད་སྡེ་བརྒྱད་མཆོད་པ། རྨ་རྒྱལ་སྦོམ་རའི་བསྐང་གསོལ། དཔལ་ལྡན་ལྷ་མོའི་འཁྲུགས་བསྐང་། ཕྱོགས་བཅུའི་ལྷ་ཚོགས་མཆོད་བསྟོད། རླུང་རྟ་བསྐྱེད་པ་དང་དཔལ་ལྡན་བླ་མའི་ཞབས་བརྟན་གསོལ་འདེབས་དང་བཅས་པའི་བསྟན་གཉེར་སོགས་ཆག་མེད་དུ་ཉམས་ལེན་བྱེད་པའི་ཕྱག་སྲོལ་རྒྱུན་ལྡན་དང་། ཁྱད་པར་དུ་ཟླ་རེའི་དུས་ཆེན་བརྒྱད་པོ་སྟེ། ཟླ་རེའི་ཚེས་གཅིག་ཉིན་ལ་སངས་རྒྱས་ཏིང་འཛིན་རྒྱལ་པོའི་དུས་ཆེན་ཡིན་པས་དགེ་སྡིག་གང་བྱས་བརྒྱ་འགྱུར་དང་།  ཚེས་བརྒྱད་ཉིན་ལ་སངས་རྒྱས་སྨན་བླའི་དུས་ཆེན་ཡིན་པས་དགེ་སྡིག་གང་བྱས་སྟོང་འགྱུར། ཚེས་བཅུ་ཉིན་ལ་སློབ་དཔོན་རིན་པོ་ཆེ་སོགས་སངས་རྒྱས་སྟོང་གི་དུས་ཆེན་ཡིན་པས་དགེ་སྡིག་གང་བྱས་འརྗམ་འགྱུར།  ཚེས་བཅོ་ལྔ་ཉིན་ལ་སངས་རྒྱས་སྣང་བ་མཐའ་ཡས་མགོན་པོ་འོད་དཔག་མེད་ཀྱི་དུས་ཆེན་ཡིན་པས་དགེ་སྡིག་གང་བྱས་བྱེ་བ་འགྱུར། ཚེས་བཅོ་བརྒྱད་ཉིན་ལ་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཀྱི་དུས་ཆེན་ཡིན་པས་དགེ་སྡིག་གང་བྱས་ས་ཡ་འགྱུར། ཚེས་ཉེར་གཅིག་ཉིན་ལ་འཕགས་པ་ས་ཡི་སྙིང་བོའི་དུས་ཆེན་ཡིན་པས་དགེ་སྡིག་གང་བྱས་དུང་ཕྱུར་འགྱུར། ཚེས་ཉེར་ལྔ་ཉིན་ལ་ཡང་སློབ་དཔོན་རིན་པོ་ཆེའི་དུས་ཆེན་ཡིན་པས་དགེ་སྡིག་གང་བྱས་འརྗམ་འགྱུར། གནམ་གང་སོགས་ལ་སངས་རྒྱས་སྟོན་པ་ཤཱཀྱ་ཐུབ་པའི་དུས་ཆེན་ཡིན་པས་དགེ་སྡིག་གང་བྱས་དུང་ཕྱུར་དགུ་འགྱུར་སོགས་གྲངས་འགྱུར་གྱི་རྣམ་པ་ནི་རྒྱལ་བ་དགྱེས་པའི་བཀའ་ལུང་འཕྲུལ་བ་མེད་པ་ལས་མ་འདས་པ་དང་། དཔེར་ན་ཟླ་རེའི་གཟའ་སྐར་ཚེས་བཟང་འདི་དག་ལ་དགེ་བ་ཅུང་ཙམ་བསྒྲུབས་ཏེ། འཇིག་རྟེན་གྱི་ནམ་མཁའི་མཐའ་དང་མཉམ་པའི་མ་གྱུར་སེམས་ཅན་ཐམས་ཅད་དང་ཁམས་གསུམ་འགྲོ་བ་རིགས་དྲུག་གི་དོན་དུ་དམིགས་ནས་མཆོད་མེ་སྐོང་བུ་གང་རེ་ཕུལ་བ་དང་། སྐྱེ་བ་ནས་སྐྱེ་བའི་བར་དུ་མ་སེམས་ཅན་ཤི་བོ་ཤི་མོ་ཚེ་ལས་འདས་པ་ཐམས་ཅད་ཀྱི་དོན་དུ་དམིགས་ནས་ཐུགས་རྗེ་ཆེན་པོའི་གཟུངས་མཆོག་ཡིག་དྲུག་སོགས་རྒྱལ་བའི་གཟུངས་མཆོག་ཚིག་འབྲུ་གཅིག་ཙམ་རེ་ཀློག་འདོན་བྱེད་པ་དང་། འཇིག་རྟེན་གྱི་ནམ་མཁའི་མཐའ་དང་མཉམ་པའི་མ་གྱུར་སེམས་ཅན་ཐམས་ཅད་དང་ཁམས་གསུམ་འགྲོ་བ་རིགས་དྲུག་གི་དོན་དུ་དམིགས་ནས་ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ སྐྱེ་བ་ནས་སྐྱེ་བའི་བར་དུ་མ་སེམས་ཅན་ཤི་བོ་ཤི་མོ་ཚེ་ལས་འདས་པ་ཐམས་ཅད་ཀྱི་དོན་དུ་དམིགས་ནས་ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ཚེ་རབས་ནས་ཚེ་རབས་ཀུན་ཏུ་བདག་སོགས་དྲིན་གྱིས་བསྐྱངས་པའི་དྲིན་ཅན་ཕ་མ་ཡང་མེས་རྣམས་ཀྱི་དོན་དུ་དམིགས་ནས་ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ བསྐལ་བ་ནས་བསྐལ་བའི་བར་དུ་བདག་ཅག་གིས་ཤ་ཟས་འོ་འཐུང་དང་འཇིགས་རུང་ཤན་པའི་གྲོང་དུ་ཉིན་རེར་བཞིན་ཁྲག་མཚོ་ཁོལ་མ་དཀྲུགས་ནས་དམར་གསོད་བྱས་པ་དང་བྱེད་བཞིན་པའི་ཁ་སྡུག་ཞེ་སྡུག་གི་དུད་འགྲོ་དྲིན་ཅན་ཐམས་ཅད་ཀྱི་དོན་དུ་དམིགས་ནས་ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ཁྱད་པར་ཁ་སེང་དེ་རིང་བར་བསད་སྐྱེབས་ཤི་ནས་སྔ་ལུས་བོར་ཞིང་ཕྱི་ལུས་མ་སྙེད་བར་དོ་ནས་ཇི་སྙེད་འདོད་པའི་ཤི་བོ་ཤི་མོ་ཆོས་མེད་ཐམས་ཅད་ཀྱི་དོན་དུ་དམིགས་ནས་ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ༀ་མ་ཎི་པདྨེ་ཧཱུཾཿ ཞེས་བློ་སེམས་རྩེ་གཅིག་གིས་བསྔོ་བ་ཆེན་པོའི་རྒྱུ་གང་འཛོམས་དང་སྲོག་བབླུ་ཚེ་ཐར་གཏོང་བ་ཙམསོགས་གང་ཡིན་རུང་། ཐུགས་རྗེ་ཆེན་པོའི་གཟུངས་མཆོག་ཡིག་དྲུག་སོགས་རྒྱལ་བའི་གཟུངས་མཆོག་ཚིག་འབྲུ་ཙམ་རེ་ཀློག་འདོན་བྱེད་པ་གང་ནུས་དང་། ཡར་དཀོག་མཆོག་གསུམ་ལ་མཆོད་པ། མར་དབུལ་དབུལ་བོ་རྣམས་ལ་སྦྱིན་པ། མཆོད་བཤམས་དང་མཆོད་མེ་སྐོང་བུ་གང་རེ་ཕུལ་བགང་རུང་བ་རིམ་བཞིན་དུ་བདེ་ལྡན་ཞིང་གི་གནས་སུ་གྲངས་གནས་བརྒྱ་འགྱུར་ནས་དུང་ཕྱུར་དགུ་འགྱུར་གྱི་ཕན་ཡོན་ཆེན་པོ་ལྡན་ཞིང་དགེ་བའི་ལེགས་ཚོགས་ས་བོན་གང་ལེགས་བསྐྲུན་པ་རེད། དེ་ལས་ལྡོག་སྟེ་འདོད་ཆགས་ཞེ་སྡང་གཏི་མིག་གསུམ་གྱི་ལས་བྱས་ཏེ། ཤིག་དང་སྲོ་མང་། བྱ་བྱིའུ་འབའ་འབུ། རྟ་ནོར་ལུག་གསུམ། འགྲོ་བ་སེམས་ཅན་གང་ཡིན་གྱི་སྲོག་གཅོད་པའམ་མ་བྱིན་ལེན་དང་། མི་ཚངས་སྤྱོད། ངག་འཁྱལ་བ། ཚིག་རྩུབ་པ། རྫུན་སྨྲ་པ། ཕྲ་མ་བཤད་པ། འདོད་ཆགས་དང་། ཕྲག་དོག ང་རྒྱལ་གྱི་དབང་དུ་སོང་བ། ཐ་ན་བྱ་སྤྱོད་ངན་པ་བརྣབ་སེམས། གནོད་སེམས། ལོག་ལྟ་སོགས་སེམས་ངན་སྣ་ཚོགས་བསགས་པ་ཙམ་ལས་ཀྱང་དེ་བཞིན་དུ་ངན་སོང་དམྱལ་བ་མནར་མེད་ཀྱི་གནས་སུ་བརྒྱ་འགྱུར་ནས་དུང་ཕྱུར་དགུ་འགྱུར་གྱི་ཉེས་པ་བསགས་ཅིང་སྡིག་སྒྲིབ་གྱི་རྣལ་སྨིན་འང་ཇི་མ་ཇི་བཞིན་དུ་འཁོར་ངེས་ཡིན་ལ། འཇིག་རྟེན་ཐོག་ཏུ་བཟང་ལ་བཟང་ལན་དང་ངན་ལ་ངན་ལན་མི་འཁོར་བའི་དཔེ་མི་སྲིད་པས། རྣལ་སྨིན་ཟེར་བ་དེ་ཚེ་འདི་ནས་མ་འཁོར་ཀྱང་ཚེ་ཕྱི་མར་འཁོར་བ་དེ་ལས་ཀྱང་ཚབ་ཆེན་ཡིནཞེས་དམ་པ་རྣམས་ཀྱིས་གསུངས་ཡོད་པས། ཁྱད་པར་དུ་མཉམ་མེད་ཆོས་ཀྱི་རྒྱལ་པོ་རྗེ་ཙོང་ཁ་བ་ཆེན་པོའི་ཞལ་སྔ་ནས་བསམ་པ་བཟང་ན་ས་དང་ལམ་ཡང་བཟང་། བསམ་པ་ཁན་ན་ས་དང་ལམ་ཡང་ངན་ཞེས་གསུངས་བ་བཞིན། དགེ་སྒྲུབ་སྡག་སྤང་གི་ལས་ཐམས་ཅད་ཀྱི་ཆེས་རྩ་བར་གྱུར་བའི་གནད་འགག་ནི་རང་གི་སེམས་པ་ལ་རགས་ལས་ཡོད་ཟེར། དེ་ཡང་དཔེར་ན་དམངས་ཁྲོད་ངག་རྒྱུན་དུ་དར་ཁྱབ་པའི་དུས་སྔ་མོ་ཞིག་ལ་ཕྱུག་པོ་ཞིག་གི་ལྕམ་མོ་སྟོབས་འབྱོར་མངའ་ཐང་ཅན་ཞིག་གིས་རང་གི་འབྱོར་བ་ཆེན་པོའི་ལོངས་སྤྱོད་ལ་བརྟེན་ནས། མཆོད་མེ་མཁར་ཟངས་གང་ཕུལ་ཏེ་མོ་རང་གཅིག་བུ་སངས་རྒྱས་ཀྱི་གོ་འཕངས་ཐོབ་པའི་གསོལ་བ་རྩེ་གཅིག་ཏུ་བཏབས་ནའང་དམྱལ་བ་མནར་མེད་དུ་ལྷུངས་པ་དང་། དུས་མཚུངས་སུ་དབུལ་ཁྱིམ་མེད་པོ་རྒན་མོ་ལོ་ལོན་ཞིག་གིས་འབྱོར་བ་ཉག་ཙམ་མེད་ནའང་སྐྱབས་སུ་འགྲོ་བ་སེམས་བསྐྱེད་རྒྱ་ཆེན་པོས་མཆོད་མེ་ལུག་གི་ནེ་གེ་གང་ཕུལ་ཏེ། མ་གྱུར་སེམས་ཅན་ཐམས་ཅད་ཀྱི་དོན་དུ་དམིགས་ནས་སྨོན་ལམ་ནན་ཏུ་བཏབས་པས་སྐད་ཅིག་དེ་ཉིད་དུ་སངས་རྒྱས་ཀྱི་གོ་འཕང་ཐོབ་པར་གྱུར་ཞེས་ཟེར།  འཇིག་རྟེན་ཐོག་ཏུ་མཐོ་དཔོན་པོ་དང་དམའ་མི་སེར་སུ་ཞིག་ཡིན་རུང་ལས་རྒྱུ་འབྲས་མི་ལེགས་པ་འགའ་རེ་མ་ལས་པའི་དཔེ་མི་སྲིད་ཅིང་། དེ་བསམ་ནས་དུས་རྒྱུན་དུ་སྡག་བཤགས་དང་འགྱོད་བཤགས་ཆེན་པོ་བྱེད་དགོས་པའི་གནས་སུ་གདའོ། 

   དཔེར་ན་བདག་གིས་ཀྱང་དུས་དང་ནམ་པ་ཀུན་ཏུ་དགེ་བའི་རྩ་བ་བསྔོ་བཞིན་པའི་གཡང་གི་འབྲི་མོ་དཀར་ཁྲ་མ་ཞེས་བྱ་བ་དེ་ནི་དུས་སྔ་མོར་རབ་བྱུང་བཅུ་དྲུག་པའི་ལོ་རབས་ལྔ་བཅུའི་ནང་ལ། རང་རེའི་བོད་ཁམས་སུ་དུས་འཁྲུགས་ཆེན་པོས་དབང་གིས་སེམས་ཅན་ཐམས་ཅད་ཀྱི་རྒྱུ་ཟོག་ཟས་གསུམ་དང་རྟ་ནོར་ལུག་གསུམ་ཡོད་ཚད་སྟོང་བ་ནས་སྟོང་བར་གྱུར་བ་དང་། ལོ་ན་ཆུང་པའི་ཁོ་བོ་ཡང་དྭ་ཕྲུག་བདག་མེད་དུ་གྱུར་ནས་སྡུག་བསྔལ་ཀྱི་རྒྱ་མཚོའི་འཇིངས་སུ་ས་མཐར་འཁྱམས་ཤིང་། འཚོ་ཐབས་ཟད་པའི་སྐབས་ཞིག་ལ་མི་དམངས་སྲིད་གཞུང་གིས་རང་ལ་གནང་པའི་ཁ་བཞོ་ཞེས་པའི་འབྲི་མོ་གཅིག་བུ་ཁོ་ན་ཡིན་ཞིང་། རང་གི་ཕ་མེས་ཡང་མེས་ཀྱི་རིང་ལ་བསགས་པའི་རྒྱུ་ནོར་ཡོད་ཚད་ནམ་མཁའི་འཇའ་ཡལ་བ་བཞིན་ཁབ་སྐུད་ཙམ་ཡང་མ་དབང་ཀྱང་གཡང་གི་འབྲི་མོ་དཀར་ཁྲ་མ་ཞེས་བྱ་བ་དེ་བདག་གི་མི་ཚེ་འདིའི་འཚོ་རྟེན་གྱི་ཐོག་མར་གྱུར་པས། གཡང་ཟོག་དེའི་འོ་མ་དང་མར་ཆུར་ལ་བརྟེན་ནས་རང་ཉིད་ཀྱང་ཅུང་ཙམ་ནར་ཟོན་པ་མ་ཟད། འཕེལ་ཐོག་འབྲི་གཡག་གང་མང་འཕེལ་ནས་ལོངས་སུ་སྤྱད་མྱོང་བ་ཡིན། འོན་ཀྱང་ལོ་ཟླ་མང་པོ་ཞིག་གི་རྗེས་སུ་རང་གིས་ད་དུང་ཤེས་མེད་བསམ་མེད་དུ་མི་ཁར་ཉན་ནས་གཡང་གི་འབྲི་མོ་དཀར་ཁྲ་མ་དེ་ཁྱིམ་ཚང་ཞིག་ལ་བཙོང་ནས་དགུན་ཤ་བཤས། ཕྱིས་སུ་ཕྱིར་འདང་ཙམ་ཕོག་པ་ན་ང་རང་ནི་ལས་རྒྱུ་འབྲས་མེད་པའི་བླུན་པོ་བསམ་མེད་ཞིག་ཡིན་ལ། དངོས་སུ་རང་གི་མ་དྲིན་མོ་ཆེ་བཙོང་ནས་གཞན་ལ་སྐམ་དུ་བཤའ་རུ་བཅུག་པ་དང་ཁྱད་པར་མེད་བསམ་ནས། དུས་རྒྱུན་དུ་མིག་མཐར་མཆིལ་མས་བསྐོར་ཏེ། རང་ནི་བདེ་འགྲོ་ཕར་ཞོག་ངན་སོང་གསུམ་ལས་ཀྱང་ཐར་བ་ག་ལ་ཡོད་མོད་ཀྱང་། གཡང་གི་འབྲི་མོ་དཀར་ཁྲ་མ་ཞེས་བྱ་བ་དེའི་དྲིན་ལན་ཀྱང་འཇལ་ཐབས་ག་ལ་ཡོད་ཅེས་དགེ་རྩ་བསྔོ་བ་ཙམ་ལས་ཐབས་གཞན་ག་ལ་ཡོད། རང་གི་སེམས་པའི་རྒྱུད་ལ་འགྱོད་བཤགས་ཆེན་པོ་བྱེད་བཞིན་པའི་གནས་སུ་མཆིས་འདུག གང་ལྟར་རང་རེའི་ཐུགས་རྗེ་ཆེན་པོའི་ཞིང་ཁམས་འཛམ་གླིང་ས་འཛིན་བུ་མོའི་ཁྱོན་ཡོངས་སུ་ཁ་བ་རི་བའི་བསིལ་ལྗོངས་སུ་སྙིང་རྗེ་དང་བྱམས་སེམས་ལྡན་པའི་འཇིག་རྟེན་མི་ལུས་རིན་ཆེན་བླངས་པ་ཞིག་ཡིན་ཕྱིན། བརྩོན་བྱ་དང་འཛེམ་བྱ་འདི་དག་གང་ཡིན་རུང་རང་གི་ཐུགས་ཀའི་རྒྱུད་ནས་མ་དོར་པར་གཞན་ཕན་གྱི་བསམ་པ་ཆོས་ཀྱི་རྩ་བ་རུ་འཛིན་དགོས་པ་དང་བྱང་ཆུབ་ཀྱི་སེམས་རྒྱ་ཆེ་རུ་བསྐྱེད་ནས། ནམ་ཡང་འདོད་ཆགས་ཞེ་སྡང་གཏི་མིག་གསུམ་གྱི་དབང་ལ་མ་སོང་པར་ལུས་ངག་ཡིད་གསུམ་གྱི་སྒོ་ནས་དགེ་བའི་ལེགས་ཚོགས་གང་ལེགས་བསྐྲུན་ཏེ། ཚེ་འདིར་མ་གྱུར་སེམས་ཅན་ཐམས་ཅད་ལ་སྨན་པའི་འཕྲིན་ལས་གང་ལེགས་གྲུབ་པར་རང་ནུས་གང་འཛོམས་ཀྱིས་འབད་འབུངས་དང་། རྒྱལ་བའི་བཀའ་ཆོས་ཡང་དག་ལྟ་བའི་ཐུགས་དགོངས་བཞིན་མི་རང་དང་རང་ཉིད་ཀྱི་བསམ་དོན་བཞིན་དུ་ཚེ་འདི་ཕྱི་གཉིས་ལ་མཁོ་བའི་བདག་གཞན་དོན་གཉིས་ལྷུན་གྱིས་གྲུབ་ནས། ཕྱི་མར་ངོ་མཚར་བདེ་ལྡན་ཞིང་མཆོག་ཏུ་བསྐྱོད་པའི་ལམ་བུ་ཕྲ་མོ་གཟི་འོད་རབ་ཏུ་འབར་བ་ཞིག་ལ་རྟག་ཏུ་བརྩོན་ལེན་བྱེད་པར་ཤོག་ཅེས་གསལ་འདེབས་ཞུ་ཞིང་དམིགས་པ་རྩེ་གཅིག་ཏུ་དགེ་བའི་ལེགས་ཚོགས་ལྷོད་གཡེང་མེད་པར་འབད་འབུངས་གང་ཐུབ་ཀྱི་ཆོས་སྤྱོད་ཕྱག་ལེན་དངོས་སུ་འདི་ཙམ་དར་བ་ལས་མ་འདས་སོ།།

   དུས་མཚུངས་སུ་གྲུབ་མཐའ་གསར་རྙིང་ཟུང་གི་སྒོ་ནས་སྐྱབས་འགྲོ་དང་། དགའ་ལྡན་ལྷ་བརྒྱ་མ། ལྟུང་བཤེགས། བཀྲ་ཤིས་བརྩེགས་པའི་སྨོན་ལམ། ཤམ་བ་ལའི་སྨོན་ལམ། བཟང་སྤྱོད། སྨན་བླ། རྒྱལ་མཚན་རྩེ་མོ། མདོ་གདུགས་སྒྲོལ་གསུམ། བསམ་པ་ལྷུན་འགྲུབ་མ། བཀའ་ཐང་བསྡུས་པ། བར་ཆད་ལམ་སེལ། རྒྱལ་བ་བསྟན་འབར་མ། རྟ་ནོར་ལུག་གཟུངས། བཀྲ་ཤིས་གཡང་འབོད། སངས་རྒྱས་ཆོས་ཚོགས་མ། བཀྲ་ཤིས་བརྒྱད་པ། གསོལ་འདེབས་ལེའུ་བདུན་མ། ཐུགས་དམ་གནད་བསྐུལ། གུ་རུའི་བརྡ་བསྟོད། ཨོ་རྒྱན་བཞེངས་བསྐུལ། བླ་རྒྱུད་གསོལ་འདེབས། དབང་སྡུད་གསོལ་འདེབས། ར་ག་ཨ་སྱེས་བདེ་སྨོན། གེ་སར་གསོལ་མཆོད། གེ་སར་རླུང་རྟ། དྲི་མེད་བཤགས་རྒྱུད། ཟངས་མདོག་དཔལ་རིའི་སྨོན་ལམ། གཞི་ལམ་འབྲས་བུའི་སྨོན་ལམ། སྐུ་གསུམ་ཞིང་སྦྱོང་སྨོན་ལམ། བདེན་ཚིག་འགྲུབ་པའི་སྨོན་ལམ། གཡང་འབོད་དང་བཀྲ་ཤིས་བསྔོ་སྨོན། སྔ་འགྱུར་བསྟན་པ་རྒྱས་པའི་སྨོན་ལམ་སོགས་བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་ནས་ཉིན་རེར་བཞིན་སྒྲ་ཐག་འཁོར་ལོའི་ངང་ནས་དགེ་འདུན་འདུས་པ་རྒྱ་མཚོས་ཆག་མེད་གསུངས་བཞིན་ཡོད་པ་དང་།ཀུན་མཁྱེན་འཇམ་དབྱངས་བཞད་པའི་གདན་ས་ཆེན་པོ་བླ་བྲང་བཀྲ་ཤིས་འཁྱིལ་གྱི་མདོ་དར་རོལ་དབྱངས་རིན་ཆེན་ཆར་འབེབས་ལས། ཐུགས་རྗེ་ཆེན་པོ་དང་། བླ་མ་གདན་འདྲེན། གྲུབ་ཆེན་བརྒྱད་ཅུ། གསེར་ཁྲིར་མངའ་གསོལ། དགའ་སྟོན་མཆོད་དབྱངས། དུང་རིའི་གནས་མགུར། ཞལ་གདམས་མགུར་མ། བཀྲ་ཤིས་བདེ་ལེགས་བཅས་ཀྱང་སྒྲ་ཐག་འཁོར་ལོའི་ངང་ནས་དཀྲོལ་བཞིན་ཡོད་ཅིང་། གོང་ལྟར་འཇིག་རྟེན་གྱི་ནམ་མཁའི་མཐའ་དང་མཉམ་པའི་མ་གྱུར་སེམས་ཅན་ཐམས་ཅད་དང་ཁམས་གསུམ་འགྲོ་བ་རིགས་དྲུག་གི་དོན་དང་། སྐྱེ་བ་ནས་སྐྱེ་བའི་བར་དུ་མ་སེམས་ཅན་ཤི་བོ་ཤི་མོ་ཐམས་ཅད་ཀྱི་དོན་དང་།  ཚེ་རབས་ནས་ཚེ་རབས་ཀུན་ཏུ་བདག་སོགས་དྲིན་གྱིས་བསྐྱངས་པའི་དྲིན་ཅན་ཕ་མ་རྣམས་ཀྱི་དོན་དང་། བསྐལ་བ་ནས་བསཀླ་བའི་བར་དུ་ཤ་ཟས་འོ་འཐུང་དང་འཇིགས་རུང་ཤན་པའི་གྲོང་དུ་ཉིན་རེར་བཞིན་ཁྲག་མཚོ་ཁོལ་མ་དཀྲུགས་ནས་དམར་གསོད་བྱེད་བཞིན་པའི་ཁ་སྡུག་ཞེ་སྡུག་གི་དུད་འགྲོ་དྲིན་ཅན་ཐམས་ཅད་ཀྱི་དོན་དང་།  ཁྱད་པར་ཁ་སང་དེ་རིང་བར་བསད་ལྕེབས་ཤི་ནས་སྔ་ལུས་བོར་བ་དང་ཕྱི་ལུས་མ་སྙེད་བར་དོ་ནས་ཅི་སྙེད་འདོད་པའི་ཚེ་འདས་ཤི་བོ་ཆོས་མེད་ཐམས་ཅད་མ་ལུས་པའི་དོན་དུ་དགེ་བའི་རྩ་བ་རྒྱ་ཆེན་པོ་བསྔོས་ཏེ། རྒྱལ་བའི་བསྟན་པ་རིན་པོ་ཆེ་འདི་དབྱར་ཁའི་མཚོ་མོ་རྒྱས་བཞིན་གོང་ནས་གོང་དུ་འཕེལ་པར་བློ་རྩེ་གཅིག་ཏུ་དམིགས་ནས། ཅི་ཐུབ་གང་ཐུབ་ཀྱི་སྒོ་ནས་རྣམ་དཀར་ཆོས་སྒྲ་ཆེན་པོས་ཁེངས་ཤིང་ཆོས་ཀྱི་བདུད་རྩི་འཛད་མེད་ལོངས་སུ་སྤྱད་ཅིང་སྤྱོད་བཞིན་འགྲོ་ཀུན་ཐར་ལམ་བསྐྱོད་པའི་དཔལ་དུ་གྱུར་ཏོ།།

   ཁྱད་པར་དུ་བླ་མ་ཡི་དམ་སངས་རྒྱས་བྱང་སེམས་དང་། དཔའ་བོ་མཁའ་འགྲོ་ཆོས་སྐྱོང་སྲུང་མ་ཐམས་ཅད། ཕྱོགས་བཅུའི་རྒྱལ་བ་སྲས་དང་བཅས་པ་རྣམས། རབ་དཀར་ཆུ་འཛིན་གཡོ་བཞིན་དུ་བྱོན་པའི་ཡུལ་དང་གཏན་དུ་བཞུགས་པའི་གནས་མཆོག རྨད་བྱུང་བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་ཞེས་བྱ་བ་འདི་རུ་གངས་ཅན་ས་ཡི་ཐིག་ལེའི་མདོ་རྒྱུད་བསྟན་པའི་མངའ་བདག་སྐྱེས་ཆེན་དམ་པ་རྣམས་མཁའ་མཉམ་གསེར་རིའི་ཕྲེང་བ་ལྟར་སྐུ་དངོས་སུ་བྱོན་ནས་ཞབས་ཀྱིས་བཅགས་ཤིང་བྱིན་གྱིས་བརླབས་པ་དང་། སྔན་གཞུག་ཏུ་རྒྱལ་བའི་སྐུ་གསུང་ཐུགས་རྟེན་འདི་དག་ཐམས་ཅད་ལ་རབ་གནས་གང་ལེགས་མཛད་པ་སྟེ། བདག་ཅག་ཁ་བ་རི་བའི་གངས་ལྗོངས་ཞིང་གི་མགོན་པོ༧ཀུན་གཟིགས་སྣང་བ་མཐའ་ཡས༧པ་ཆེན་ཨེར་ཏི་ཎི་སྐུ་ཕྲེང་བཅུ་བ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཔལ་བཟང་པོ་སྐུ་དངོས་སུ་ཕེབས་ཐེངས་གཉིས་ལ་ཞབས་ཟུང་གི་རི་མོ་བཀོད་མྱོང་བའི་བསྐལ་བ་ལྡན་ཞིང་། ཁམས་གསུམ་རྣམ་འདྲེན་དབང་གི་རྒྱལ་པོ་བཀའ་དྲིན་མཉམ་མེད་རྩ་བའི་བླ་མ་རིན་པོ་ཆེ་གནས་བཞི་གྲུབ་ཆེན༧སྐུ་ཕྲེང་ལྔ་བ་ཆོས་དབྱིངས་རང་བྱུང་རྡོ་རྗེ་དཔལ་བཟང་པོ་དང་། བྲག་དཀར་སྤྲེལ་རྫོང་ཐོས་བསམ་ཡོན་ཏན་དར་རྒྱས་གླིང་གི་ཐུབ་དབང་བསྟན་པའི་མངའ་བདག་མཁན་ཆེན་ཆོས་ཀྱི་རྒྱལ་པོ༧རེབ་གོང་སྐུ་གཞོགས་ཆེན་མོ༧ཨ་རོལ་རྡོ་རྗེ་འཆང་སྐུ་ཕྲེང་བཞི་བ་བསྟན་འཛིན་དགེ་ལེགས་དབང་པོ་མཆོག རོང་བོ་དགོན་ཆེན་བདེ་ཆེན་ཆོས་འཁོར་གླིང་གི་བསླུ་མེད་གཏན་གྱི་སྐྱབས་མཆོག་དམ་པ་འཇམ་མགོན་ཤཱཀྱའི་རྒྱལ་པོ༧ཨ་ལགས་ཁ་སོ་བློ་བཟང་འཇིགས་མེད་འཕྲིན་ལས་མཆོག སྔགས་སའི་མཚམས་ཐོག་བཀྲ་ཤིས་ཆོས་རྫོང་དགེ་འཕེལ་བྱང་ཆུབ་གླིང་གི་ཐུགས་རྗེ་ཆེན་པོ་འཕགས་པ་སྤྱན་གཟིགས་དངོས༧སྔགས་སའི་དགེ་བཤེས་རིན་པོ་ཆེའི་མཆོག་སྤྲུལ་དམ་པ་བློ་བཟང་འགྱུར་མེད་བསྟན་པའི་ཉི་མ་ཚང་། མཚོ་སྔོན་བདུད་ཤུལ་འབུམ་ལུང་དགོན་བསམ་གཏན་ཉམས་དགའི་དབེན་གནས་ཀྱི༧འཛམ་གླིང་རིག་འཛིན་རྒྱལ་པོ་པད་མ་ཀ་རའི་དགོངས་བཅུད་ཟབ་མོའི་མངའ་བདག༧བདུད་འཇོམས་ཁྲག་འཐུང་རོལ་བའི་མཆོག་སྤྲུལ་ཀུན་བཟང་ལུང་རྟོགས་རྒྱ་མཚོ་ཚང་། མགོ་ལོག་སྟོང་སྐྱབས་དགོན་བསྟན་གཉིས་དར་རྒྱས་གླིང་གི་དཀྱིལ་འཁོར་རྒྱ་མཚོའི་མངའ་བདག་རྡོ་རྗེ་སློབ་དཔོན་ཆེན་མོ༧སྐྱབས་རྗེ་བླ་མ་སིངྔྷི་སྤྲུལ་བའི་སྐུ་གཞན་ཕན་བདེ་བའི་ཉི་མ་ཚང་། དམེ་གླིང་དབུས་རི་ཕྱུག་མོ་དགོན་མདོ་སྔགས་ཆོས་འཁོར་གླིང་གི་མཁས་གྲུབ་ཡོངས་ཀྱི་འཁོར་ལོའི་བསྒྱུར་བ་རིག་བརྒྱའི་ཅོད་པ༧ཨ་ལགས་བརྩི་བཞག་བྱམས་པ་ལུང་རྟོགས་རྒྱ་མཚོ་མཆོག རྒྱ་བཟའི་བཀྲ་ཤིས་ཆོས་སྒང་གི་རྒྱལ་ཆེན་རིག་པའི་གནས་ཀུན་ཐུགས་སུ་ཆུད་པ་དྲན་དབང་འབུམ་སྡེའི་གཙུག་རྒྱན་ནོར་བུ༧ཨ་ལགས་ཨོའུ་རྒྱལ་བྱམས་པ་བློ་བཟང་ཆོས་གྲགས་རྒྱ་མཚོ་མཆོག ཨ་ཚོགས་ས་སྣ་དགོན་དགའ་ལྡན་བསྟན་འཕེལ་གླིང་གི་ཀུན་གཟིགས་མཁྱེན་བརྩེའི་ཟློས་གར་རྣམ་པར་རོལ་བ༧སྐུ་ལོ་བློ་བཟང་ཐབས་མཁས་ཚང་། སྟག་ཚང་ལྷ་མོ་གསེར་ཁྲི་དགོན་བཤད་སྒྲུབ་ནོར་བུའི་གླིང་གི་སྐྱབས་ཀུན་འདུས་པའི་དཔལ་ལྡན་བླ་མ༧ཁ་ཤིས་རྒྱལ་པོ་སྐུ་ཕྲེང་ལྔ་བ་བློ་བཟང་ངག་དབང་རྒྱལ་མཚན་ཚང་། ཁམས་འཇམ་ཐང་ཤུགས་འབྱུང་དགོན་པའི་མདོ་སྔགས་བསྟན་པའི་བདག་པོ༧སྤྲུལ་སྐུ་པད་མ་རིག་འཛིན་ཚང་། འདས་ལོག་གི་བྱང་ཆུབ་མེམས་དཔའ་ཆེན་མོ་དཔལ་ཡུལ་བླ་མ་རིག་འཛིན་སྐུ་གསུམ་རྡོ་རྗེ་མཆོག མཛོད་དགེ་གླིང་དཀར་སྟོད་ཀྱི་ཨ་སྐྱིད་རོང་གནས་བཞི་དགོན་བསམ་འཕེལ་ནོར་རྗའི་གླིང་གི་དུས་གསུམ་ཕྱོགས་བཅུའི་རྒྱལ་བ་ཀུན་གྱི་འཕྲིན་ལས་མཆོག་གི་གདུགས་དཀར་འཛིན་པ༧མཁན་པོ་དཀོན་མཆོག་འོད་ཟེར་ཚང་། མཚོ་ནུབ་རྒུ་རུ་དགོན་གསོ་རིག་བདེ་ལྡན་གླིང་གི་ཁམས་གསུམ་སྐྱེ་དགུའི་འདྲེན་པ་མཆོག་གི་ཞབས་སེན་ནོར་རྗའི་འོད་ཕྲེང་བཞད་པ༧ཞོ་བླ་སྤྲུལ་བའི་སྐུ་དཀོན་མཆོག་བློ་བཟང་ཚང་། ཁྲི་ཀ་ཧོར་ཀྱཱའི་གྲྭ་ཚང་བསམ་གཏན་དགའ་ལྡན་གླིང་གི་སྐྱབས་ཀུན་འདུས་པའི་བདག་ཉིད་དཔལ་ལྡན་བླ་མ་དམ་པ༧ཧོར་ཀྱཱའི་སྐུ་ལོ་བློ་བཟང་འཇིགས་མེད་ཚང་། སྒོ་མེ་ཏིང་ཀྱཱ་དགོན་གསང་སྔགས་ཆོས་འཁོར་གླིང་གི་གསང་ཆེན་སྔ་འགྱུར་བསྟན་པའི་ཤིང་རྟ་བ་སྐྱབས་གཅིག་འགྲོ་བའི་མགོན་པོ༧ཁམས་སྐུ་ཆེན་འཇམ་དབྱངས་ཐུབ་བསྟན་ཆོས་ཀྱི་རྡོ་རྗེ་རིན་ཆེན་རྣམ་རྒྱལ་མཆོག མགོ་ལོག་རྒུ་རུ་དགོན་ཨ་ཏི་དར་རྒྱས་གླིང་གི་རབ་འབྱམས་རྒྱལ་བའི་བྱམས་བརྩེ་གཅིག་ཏུ་བསྡུས་པའི་རང་གཟུགས་སྐྱབས་མགོན་པད་དཀར་འཛིན་པ༧འཇམ་དཔལ་རལ་གྲི་སྤྲུལ་བའི་སྐུ་འོད་ཟེར་མཐའ་ཡས་ཚང་། ཆབ་འགག་བཀྲ་ཤིས་དར་ཐང་རིང་མོའི་ཆུ་བར་ནོར་རྗའི་གླིང་གི་མཐུ་སྟོབས་ནུས་པའི་གཏེར་ཆེན་རྡོ་རྗེ་འཛིན་པ༧གྱི་ལིང་གཏེར་སྟོན་བདེ་ཆེན་འགྱུར་མེད་རྡོ་རྗེ་མཆོག མཚོ་སྔོན་པོ་རྒྱ་ཡས་དགོན་ངོ་མཚར་ཐར་འདྲེན་གླིང་གི༧རྒྱལ་བ་ཐམས་ཅད་གྱི་མཁྱེན་བརྩེའི་ནུས་པའི་ཐུགས་གསང་གཅིག་ཏུ་བསྡུས་པའི་ཡེ་ཤེས་ཀྱི་རང་གཟུགས་གོང་རི་མཁའ་འགྲོ་མ་དམ་ཚིག་སྒྲོལ་མ་ཚང་། མཚོ་སྔོན་འཁྱམ་རི་དགོན་བཀྲ་ཤིས་དགེ་འཕེལ་གླིང་གི་ཕྱོགས་བཅུའི་རྒྱལ་བ་མ་ལུས་སྤྱི་གཟུགས་འདྲེན་མཆོག་དམ་པ༧ཇ་སག་ཏཱ་བླ་མ་ཁྲི་བ་བློ་བཟང་ལུང་རྟོགས་རྒྱ་མཚོ་མཆོག ཁྲི་ཀའི་གོང་བ་གྲྭ་ཚང་ཐོས་བསམ་ཡོན་ཏན་དར་རྒྱས་གླིང་གི་དགེ་ལྡན་བསྟན་པའི་མངའ་བདག༧སྐུ་གཞོགས་མཚན་སྒྲོགས་དགེ་འདུན་ལེགས་བཤད་བསྟན་པ་རྒྱ་མཚོ་མཆོག གྲོ་ཚང་དགོན་བཀྲ་ཤིས་ལྷུན་པོའི་དུས་གསུམ་རྒྱལ་བའི་བླ་མ་འཇམ་མགོན་སྤྲུལ་བའི་ཟློས་གར་ཆེན་མོ༧ཤར་ཀ་རིང་བཀའ་བཅུ་བློ་བཟང་འཇིགས་མེད་རྣམ་རྒྱལ་མཆོག བོང་སྟག་ཆུ་ཁོལ་དགོན་པད་མ་མདོ་སྔགས་གླིང་གི་གངས་ལྗོངས་གསང་ཆེན་སྔ་འགྱུར་བསྟན་པའི་སྲོག་ཤིང་མཁན་སློབ་ཆོས་གསུམ་གྱི་ཡ་གྱལ་དཔལ་ལྡན་བླ་མ་དམ་པ༧མཁན་ཆེན་ཞི་བ་འཚོ་སྐུ་ཕྲེང་བཞི་བ་མཆོག་སྤྲུལ ༧འཇིགས་མེད་སེངྒེ་རིན་པོ་ཆེ་སོགས་མཁས་གྲུབ་བླ་མ་སྐྱེས་ཆེན་དམ་པ་རྣམས་ཀྱིས་སྔོན་གཞུག་ཏུ་སྐུ་དངོས་སུ་ཞབས་ཀྱིས་བཅགས་ཤིང་བྱིན་གྱིས་བརླབས་པ་དང་། ཐུགས་རྗེ་སྤྱན་གྱིས་གཟིགས་ཏེ་མཆོག་ཐུན་མོང་དངོས་གྲུབ་ཀྱི་ཚན་ཁ་མ་ཉམས་པར་བཀའ་དྲིན་བླ་ན་མ་མཆིས་པ་བསྩལ་མྱོང་པ་ལས་མ་འདས་སོ།།

     མཁའ་མཉམ་འགྲོ་ལ་ཕན་ཕྱིར་རྒྱལ་སྲས་ཀུན་སློང་གིས།།

     སྐྱ་མིན་སེར་མིན་འཇིག་རྟེན་མི་ལུས་བླངས་པ་ཙམ།།

     རབ་དཀར་ཆོས་ལ་ཕྱོགས་པ་ཚེ་རབས་སྔོན་མའི་ལས།།

     ཁྱིམ་པ་ཕལ་བའི་ཚུལ་བཟུང་དགེ་བའི་ལེགས་ཚོགས་བསྐྲུན།།

     མཆོག་གསུམ་ཐུགས་རྗེ་རྣམ་དཀར་བསོད་ནམས་བསགས་པའི་མཐུས།།

     དོན་གཉིས་ལྷུན་གྲུབ་ཁམས་གསུམ་བདེ་ཆེན་དཔལ་ལ་རོལ།།

     ཕྱོགས་བཅུའི་ལྷ་ཚོགས་རྒྱལ་བ་སྲས་དང་འཁོར་བཅས་རྣམས།།

     རབ་དཀར་ཆུ་འཛིན་གཡོ་བཞིན་གནས་འདིར་བྱོན་པར་གསོལ།།

     ཐུགས་རྗེ་བྱིན་རླབས་མཆོག་ཐུན་དངོས་གྲུབ་སྩོལ་པ་དང་།།

     འགྲོ་བ་སེམས་ཅན་སངས་རྒྱས་གོ་འཕང་ཐོབ་པར་ཤོག།

   ཞེས་རོང་ཆེན་དེ་ཝ་ར་ཛཱ་ཤྲཱི་འཇམ་དབྱངས་བློ་བཟང་འཕྲིན་ལས་སམ་རོང་བོ་ལྷ་རྒྱལ་དཔལ་གྱིས་བོད་རབ་བྱུང་བཅུ་བདུན་པའི་ས་ཕོ་སྟག ༡༩༩༨ ལོའི་ཟླ ༨ པའི་ཚེས ༢༡ ཉིན་ལ་འཛམ་གླིང་ས་འཛིན་དབང་མོའི་ཁྱོན་ཡོངས་སུ་གངས་རི་ར་བའི་བསྐོར་བའི་ཞིང་ཁམས་སུ་གངས་ལྗོངས་བླ་མཚོ་ཁྲི་ཤོར་རྒྱལ་མོའི་ལྷོ་ཕྱོགས་སུ་ཆབ་ཆ་གསེར་གཞོང་རིང་མོའི་གྲོང་རྡལ་ཞེས་བྱ་བའི་རང་ཤག་བཀྲ་ཤིས་བདེ་སྟོང་རྣམ་པར་རྒྱལ་བའི་ཕོ་བྲང་གི་གཞི་རྙིང་གོང་མ་ནས་སྦྱར་བ་རེ་ཞིག་རྫོགས་པ་སརྦ་ཛ་ཡནྟུ།།  །།



 

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-21 23:46 , Processed in 0.041603 second(s), 20 queries .

返回顶部