博客西藏在最高处过一种生活

日志

༄༅།།མི་སྟོང་ཕྲག་གིས་རང་ཉིད་ཀྱི་བྱེད་ཐབས་ ...

已有 82 次阅读2019-9-25 13:53 |系统分类:见闻


                     ༄༅།།མི་སྟོང་ཕྲག་གིས་རང་ཉིད་ཀྱི་བྱེད་ཐབས་སྤྱད་དེ་མེས་རྒྱལ་ཡུམ་ཆེན་ལ་སེམས་གཏམ་བརྗོད་པ་རེད།
                                 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། པདྨ་ཚེ་རིང་གིས་བསྒྱུར།

                 
      ཀྲུང་གོའི་བོད་ལྗོངས་དྲ་བའི་འཕྲིན། ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བ་བསུ་ཆེད། “ཐོག་མའི་བསམ་འདུན་མ་བརྗེད་པར། འགན་འཁྲི་ཡིད་ལ་བརྟན་པོ་འཆིང་”ཞེས་པ་དང་“ལང་ཚོའི་སེམས་པ་ཏང་ལ་ཕྱོགས། དུས་རབས་གསར་པར་བྱས་རྗེས་འཇོག”ཅེས་པའི་བརྗོད་དོན་སློབ་གསོའི་ཁོར་ཡུག་ལེགས་པོ་ཞིག་གཏོད་ཆེད། ཟླ་9པའི་ཚེས་24ཉིན་གྱི་སྔ་དྲོར་བོད་ལྗོངས་ལས་རིགས་ལག་རྩལ་སློབ་གླིང་གི་དགེ་སློབ་ཚོས་ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བར་ལེགས་སྐྱེས་ཕུལ་ཞིང་། “དགེ་སློབ་སྟོང་ཕྲག་གི་ལང་ཚོས་རླབས་ཆེན་མེས་རྒྱལ་ལ་སེམས་གཏམ་བཤད”ཅེས་པའི་བརྗོད་དོན་ཉིན་མོའི་བྱེད་སྒོ་སྤེལ་བ་རེད།

               
      རྒྱལ་སྟོན་དུས་ཆེན་ཐོན་ལ་ཉེ་བའི་དུས་འདིར་བོད་ལྗོངས་ལས་རིགས་ལག་རྩལ་སློབ་གླིང་དུ་གང་སར་རྒྱལ་དར་བཀལ་ནས་ཁེངས་པ་དང་། བོད་རིགས་ཀྱི་རྒྱན་གོས་གྱོན་པའི་དགེ་རྒན་ལྷ་མོ་ལགས་གོམ་ཁ་དལ་མོས་བརྙན་ཤེལ་ཆེན་པོའི་མདུན་དུ་བསྐྱོད་དེ་ལྷབ་ལྷུབ་དུ་གཡོ་བའི་སྐར་ལྔའི་དར་དམར་ལ་ལྟ་བཞིན་མོས་དབང་མེད་དུ་“སྐར་ལྔའི་དར་དམར་རླུང་དུ་བསྐྱོན་ནས་ལྷབ་ལྷུབ་ཏུ་གཡོ། རྒྱལ་ཁའི་གླུ་དབྱངས་ཅི་འདྲའི་སྐད་གསང་མཐོ་བ་ལ……”ཞེས་པའི་གླུ་དབྱངས་དེ་བླངས་སོང་། ངར་སེམས་དང་ཡིད་འགུག་ནུས་པ་ཆེས་ཆེར་མངའ་བའི་གླུ་སྐད་དེས་དེ་མ་ཐག་ཏུ་ཐང་ཆེན་ཐོག་གི་མི་ཚོགས་ཀྱི་ཡིད་དབང་ཅིག་ཅར་དུ་འཕྲོགས། 《མེས་རྒྱལ་ལ་གླུ་དབྱངས་ལེན》ཞེས་པའི་གཞས་གྲགས་ཅན་དེས་སློབ་གྲྭའི་དགེ་སློབ་གཅིག་ཏུ་སྒྲིལ་ནས་སེམས་གཏམ་བརྗོད་པའི་ཚིག་ཕྲེང་དེ་བཀྲག་མདངས་འཚེར་བའི་འཕྲེད་འགེལ་སྦྱར་ཚིག་ཏུ་བྱས་ནས་སློབ་ཁྲིད་ཐོག་ཁང་ནས་མར་དཔྱངས་འདུག ལག་ལ་རྒྱལ་དར་ཆུང་ཆུང་ཐོགས་པའི་སློབ་གྲོགས་ཚོས་སློབ་ཁྲིད་ཐོག་ཁང་གི་སྒེའུ་ཁུང་ནས་མགོ་བོ་ཡར་བཀྱགས་ནས་ལག་ཏུ་གཡུག་བཞིན་པའི་རྒྱལ་དར་གྱིས་ཐང་ཆེན་གྱི་གླུ་སྐད་ལ་མདངས་ལྡན་པར་བྱས་ཤིང་། སྐད་གསང་མཐོན་པའི་གླུ་སྐད་དེ་སློབ་ར་ཡོངས་སུ་ཁྱབ་པ་དང་།  དམར་མདངས་བཀྲ་བའི་རྒྱལ་དར་“དམར་པོའི”སློབ་ར་ཡོངས་སུ་ཁྱབ་པ་རེད། དེ་དང་ཆབས་ཅིག་སློབ་གྲྭའི་ལྗང་མདོག་ར་བའི་ཐོག་དམག་སྦྱོང་བྱེད་བཞིན་པའི་སློབ་མ་གསར་བ་རྣམས་ཀྱིས་ཀྱང་རྒྱལ་དར་དང་ཏང་རྟགས། “70”་ཅན་གྱི་དཔེ་རིས་རིམ་པ་བཞིན་དུ་བརྗེ་བ་དང་། རུ་དཔུང་གི་ལོགས་སུ་ཡོད་པའི་རྒྱལ་དར་སྲུང་སྐྱོབ་རུ་ཁག་གིས་རྒྱལ་དར་ཆེན་པོ་བསྒྲིགས་ཤིང་། “དམག་མི་རྣམས”ཀྱིས་སྟོབས་ཤུགས་ཀྱིས་ཁེངས་བཞིན་གྲལ་འགྲིགས་པའི་རུ་བསྟར་བསྒྲིགས་ཏེ་མེས་རྒྱལ་ལ་བཅངས་པའི་སྨོན་འདུན་ཟོལ་མེད་མཚོན་པར་བྱས་ཡོད།

                
      བྱེད་སྒོ་ཆེན་པོ་དེ་མཇུག་རྫོགས་རྗེས། བོད་ལྗོངས་ལས་རིགས་ལག་རྩལ་སློབ་གླིང་གི་ཏང་ཨུའི་ཨུ་ཡོན་དང་སློབ་གཙོ་གཞོན་པ་བསོད་ནམས་དངོས་གྲུབ་ཀྱིས་གྲོས་གཞི་འདོན་རྒྱུ། “དེ་རིང་ང་ཚོ་མཉམ་དུ་འཛོམས་ནས་ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བར་ཐུན་མོང་ཐོག་རྟེན་འབྲེལ་ཞུ་པ་དང་། རྒྱལ་ཡོངས་སྤྲོ་སེམས་རབ་ཏུ་འཁོལ་བཞིན་ཚང་མ་དགའ་བའི་དུས་སྟོན་འདི་ལ་ངས་ང་ཚོའི་རླབས་ཆེན་གྱི་མེས་རྒྱལ་ལ་‘སེམས་གཏམ་བརྗོད་པའི’གྲོས་འགོ་འདོན་རྒྱུ་ཡིན་ཅེས་གསུངས་པ་རེད། དེའི་རྗེས་སུ་སློབ་གླིང་གི་གུང་གཞོན་ཚོགས་པའི་ཨུ་ཡོན་ལྷན་ཁང་གི་ཧྲུའུ་ཅི་ཧོ་ཅན་ཧྥུང་གིས་དགེ་སློབ་ཚོའི་སྣེ་ཁྲིད་ནས་“སེམས་གཏམ་བརྗོད་པའི”དམ་བཅའ་འཇོག་རྒྱུ་ཡིན། དམ་བཅའི་ནང་དོན་ནི་“ངས་མེས་རྒྱལ་ལ་བློ་དཀར་སེམས་དཀར་བྱ་རྒྱུའི་ཆོད་སེམས་བཅངས་ནས་མེས་རྒྱལ་ལ་དགའ་ཞེན་དང་། རང་ཉིད་ཀྱི་བྱ་སྤྱོད་ལ་བརྟེན་ནས་མེས་རྒྱལ་ལ་དྲིན་ལན་འཇལ་བ། ལང་ཚོའི་སེམས་པ་ཏང་ལ་ཕྱོགས་པ། དུས་རབས་གསར་པར་བྱས་རྗེས་འཇོག་པ། མེས་རྒྱལ་ཡུམ་ཆེན་གྱི་སྐྱེས་སྐར་ལ་རྟེན་འབྲེལ་ཞུ་བ། ཀྲུང་གོ་ལགས་ང་རང་ཁྱོད་ལ་དགའ”ཞེས་སྤེལ་བ་རེད།


                
      ཤེས་ལྡན་པར་འགྱུར་ཡང་གཞོན་པའི་བློ་སྟོབས་ཟད་མི་འགྲོ། །རྒྱལ་ཁབ་ལ་དྲིན་ལན་འཇལ་ནས་ལྷག་སེམས་རྣམ་དག་བྱེད། ། བོད་ལྗོངས་ལས་རིགས་ལག་རྩལ་སློབ་གླིང་གི་སློབ་མ་རྣམས་ཀྱིས་རྒྱལ་དར་གྱི་འོད་མདངས་འོག་ཉི་གཞོན་འོད་སྟོང་འཕྲོ་བའི་ཁྲོད་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་ཁྲིད་སྟོན་འོག་ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བར་ལེགས་སྐྱེས་འབུལ་རྒྱུ་དང་ལང་ཚོ་ལ་བརྟེན་ནས་མེས་རྒྱལ་གྱི་མཛེས་སྡུག་ལྡན་པའི་མ་འོངས་བསྐྲུན་རྒྱུའི་སེམས་ཐག་བཅད་པ་རེད།

                
                                  ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།






评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-11-18 15:03 , Processed in 0.026955 second(s), 20 queries .

返回顶部