博客西藏在最高处过一种生活

日志

༄༅།།བོད་བཙན་པོའི་སྐབས་ཀྱི་བང་སོ། ... ... ... ...

已有 90 次阅读2019-9-24 16:15 |系统分类:文化


                                          ༄༅།།བོད་བཙན་པོའི་སྐབས་ཀྱི་བང་སོ།
                          ཡོང་ཁུངས། མཚོ་སྔོན་བོད་རིགས་དྲ་བ། རྩོམ་པ་པོ། མི་གསལ། རྩོམ་སྒྲིག་པ། ཚེ་རིང་དོན་འགྲུབ།

                             

      ༄༅།།བོད་བཙན་པོའི་སྐབས་ཀྱི་བང་སོ་ནི་གཏེར་ལམ་རྫོང་གི་མངའ་ཁོངས་སུ་ཡོད་ལ། རང་རྒྱལ་གྱི་ཆེས་ཐོག་མར་གསར་ཪྙེད་བྱུང་བའི་བོད་བཙན་པོའི་བང་སོ་ཞིག་ཀྱང་ཡིན། ད་ལྟ་རྒྱལ་ཁབ་རིམ་པའི་རིག་དངོས་སྲུང་སྐྱོབ་ལས་ཁུངས་སུ་འདེམས་ཡོད་པ་དང་། རྒྱལ་ཡོངས་ཀྱི་བང་སོ་ཆེན་པོ་བཅུའི་ནང་གི་གྲས་གཅིག་ཡིན། གཏེར་ལམ་རྫོང་ཤར་ཁ་གྲོང་རྡལ་ནས་འཔའ་ལུང་ཤང་དང་རྒྱལ་ལམ་གཅིག་ཐིག་དགུ་བརྒྱུད་ནས་སྤྱི་ལེ་ཉིས་བརྒྱ་ལྷག་གི་མངའ་ཁོངས་སུ་ཆེ་ཆུང་མི་འདྲ་བའི་བང་སོ་སུམ་བརྒྱ་ལྷག་ཡོད། དེའི་ནང་རུ་སྔན་ཞང་གི་ཉེ་འགྲམ་གྱི་སྤྱི་ལེ་གཅིག་གི་མངའ་ཁོངས་སུ་བང་སོ་ཉིས་བརྒྱ་ལྷག་ཡོད་ལ། རུ་སྔན་ནམ་ཆུ་ཁོལ་ཞང(热水乡)གི་ཤེའུ(血渭)རྩྭ་ཐང་ནས1999 ལོའི་དབྱར་ཁར་པེ་ཅིན་སློབ་གྲྭ་ཆེན་མོ་དང་མཚོ་སྔོན་རིག་དངོས་གནའ་རྫས་རྟོགས་དཔྱོད་ཁང་གཉིས་མཉམ་འབྲེལ་བྱས་པའི་གནའ་རྫས་རྟོགས་དཔྱོད་པས་ས་དེ་གར་བོད་བཙན་པོའི་སྐབས་ཀྱི་བང་སོ་ཆེ་འབྲིང་བཞི་རྙེད་བྱུང༌། བང་སོ་དེ་དག་ལས་དར་གོས་དང་ཟ་འོག་སོགས་རྒྱ་ནག་ཐང་ནས་ཐོན་པའམ་ནུབ་ཕྱོགས་རྒྱལ་ཁབ་ནས་ཐོན་པ། ཤིང་བཟོའི་ཅ་ལག གསེར་དངུལ་གྱི་བཟོས་བའི་ཅ་ལག ཤིང་བརྐོས་རི་མོ་ཅན་གྱི་པང་ལེབ། བོད་ཀྱི་བརྡ་རྙིང་བྲིས་པའི་རྡོ་རིང་གི་མིང་དང་ཁྲམ་བྱང་ལ་སོགས་དངོས་ཟོག་རིན་ཐང་གཞལ་དུ་མེད་པ་མང་པོ་ཞིག་རྙེད་སོང་། ཡིན་ཡང་རྟོགས་དཔྱོད་པའི་སྔོན་ལ་མ་པུ་ཧྥང་གི་སྔོག་འདོན་བྱས་ལ། དེའི་རྗེས་སུ་དུར་ཇག་གམ་ནག་ཚོང་མཁན་མང་པོས་སློག་ནས་དངོས་ཟོག་མང་པོ་ཞིག་ཡོ་རོབ་གླིང་དང་ཨ་མེ་རི་ཀ་སོགས་ལ་ཁྱབ། དཔེར་ན་ཨ་རིའི་ཁི་ལེ་ཕུ克里夫སྒྱུ་རྩལ་རིག་དངོས་ཁང་ནས་དར་གོས་ཀྱི་སྟོད་ལྭ་ཞིག(栗特丝绸衣)ནི་གཏེར་ལམ་གྱི་བཙན་པོའི་བང་སོ་ལས་བྱུང་བ་དང༌། ཨ་རིའི་ཞྭན་ཙི(新泽)ཁུལ་ཉེ་བ་ཁི(纽瓦克)རིག་དངོས་ཁང་ན་ཉར་ཡོད་པས་དར་གོས་ཀྱི་སྟོད་གོར(丝绸马甲)དང་ཏུན་ཧོང་རིག་དངོས་གླིང༌དང་། ཀན་ལྷོ་རིག་དངོས་ཁང་ན་ཉར་ཡོད་པས་དར་གོས་ཧྲུལ་མ(残片)དག་ཚང་མ་གཏེར་ལམ་བོད་ཀྱི་བཙན་པོ་བང་སོ་ལས་བྱུང་བ་ཡིན་ཞེས་པེ་ཅིན་སློབ་གྲྭ་ཆེན་མོའི་གནའ་རྫས་རིག་དངོས་སློབ་གླིང(文博学院)གི་བོད་རིག་པའི་མཁས་པ་བློན་མཐུན་ལིན་མེ་ཚུན(林梅村)གིས་བཞེད། དེ་མིན་ད་དུང་བང་སོ་ལས་དུར་རྡོ་ཞིག་ལ་གསེར་ཡིག་གི“བློན”ཞེས་ཡིག་འབྲུ་ཆེན་པོ་ཞིག་བྲིས་ཡོད་པ་དང་རྟགས(编号)RB115 (Ki22(99DRNM1:36)ཅན་ཞིག་གི་སྟེང་ལ་མཛོང་ཞང་སྐྱེས(vdzong/zhang-skyes) ཞེས་བྲིས་འདུག་པ་སོགས་དཔྱད་གཞི་རིན་པོ་ཆེ་དག་རྙེད་པ་ལས་ང་ཚོ་ལ་གཏེར་ལམ་གྱི་ས་ཆ་འདིས་བོད་བཙན་པོ་སྐབས་ཀྱི་གོ་གནས་དང་རིན་ཐང༌། ཁྲོམ་ཁ་ཆེན་པོ་ཞིག་གི་རྣམ་པ། ལྷོ་ཕྱོགས་དར་གོས་ཚོང་ལམ་ལ་འགྲིམ་འགྲུལ་གྱི་སྟབས་ལེགས་པོ་ཞིག་བསྐྲུན་ཟིན་པ་རྟོགས་སུ་འཇུག ས་དེའི་བང་སོ་ལས་དར་གོས་དང་དར་ཁྲ། ཟ་འོག་སོགས་དར་གྱིས་བཟོས་པའི་གྱོན་ཆས་སྣ་ཚོགས། གསེར་གྱི་བཟོས་པའི་རྫ་ཆས་དང་འདོགས་ཆ། བོད་ཀྱི་འཚོ་གནས་དང་མཐུན་པའི་རྟ་ནོར་ལུག་གསུམ་དང་སེང་གེ་ལ་སོགས་བརྐོས་ཡོད་པའི་པང་ལེབ། རྟ་སྒ། བོན་ཆོས་གསེར་བྲིས་མ། རྟ་དང་ལུག སེང་གེ་ལ་སོགས་ཁ་སྤྲོད་དུ་ཡོད་པའི་དར་གོས་རི་མོ་ཅན། དེ་མིན་སྟག་གཟིག་གི་གསེར་སྒོར་སོགས་ཡོད་པས་ལོ་རྒྱུས་ཞིབ་འཇུག་མཁན་དང་་བོད་རིག་པའི་མཁས་པ་མང་པོ་ཞིག་གི་ཤར་ཕྱོགས་གཏོར་གཟུགས་མཆོད་རྟེན(东方金字塔)ཞེས་བསྔགས་བཞིན་ཡོད།།

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།






评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-11-22 22:59 , Processed in 0.023792 second(s), 20 queries .

返回顶部