博客西藏在最高处过一种生活

日志

༄༅།།《ཀྲུང་ཧྭའི་བོད་ཡིག་རིག་མཛོད་ཆེན་མོ》ལ ...

已有 81 次阅读2019-9-6 17:37 |系统分类:见闻


      
      ༄༅།།《ཀྲུང་ཧྭའི་བོད་ཡིག་རིག་མཛོད་ཆེན་མོ》ལས《པཎ་ཆེན་སྐུ་ཕྲེང་རིམ་བྱོན་གྱི་གསུང་འབུམ》གྱི་ཐོག་མའི་འགྲེམས་སྤེལ་མཛད་སྒོ་འཚོགས།
                                 ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ། མི་གསལ། རྩོམ་སྒྲིག་པ། བདེ་སྒྲོན།


                    
        ཟླ་9ཚེས་4ཉིན་གྱི་སྔ་དྲོར། རྒྱལ་ཡོངས་སྲིད་གྲོས་ཀྱི་རྒྱུན་ཨུ་དང་། ཀྲུང་གོ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། ཀྲུང་གོ་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་བཅས་ཡིན་པའི་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་གཞིས་རྩེར་འཚོགས་པའི《ཀྲུང་ཧྭའི་བོད་ཡིག་རིག་མཛོད་ཆེན་མོ》ལས《པཎ་ཆེན་སྐུ་ཕྲེང་རིམ་བྱོན་གྱི་གསུང་འབུམ》གྱི་ཐོག་མའི་འགྲེམས་སྤེལ་མཛད་སྒོར་ཞུགས་པ་དང་འབྲེལ་ཤིས་ཚིག་ཀྱང་བསྒྲོན་པ་རེད། 


        པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་མཆོག་གིས་ཤིས་ཚིག་སྒྲོན་སྐབས། པཎ་ཆེན་སྐུ་ཕྲེང་རིམ་བྱོན་ནི་བོད་བརྒྱུད་ནང་བསྟན་གྱི་རྒྱལ་གཅེས་ཆོས་གཅེས་ཀྱི་དར་ཆ་ཞིག་རེད། པཎ་ཆེན་སྐུ་ཕྲེང་རིམ་བྱོན་གྱི་རྒྱལ་གཅེས་ཆོས་གཅེས་ཀྱི་དགོངས་པ་རྒྱུན་འཛིན་དང་དར་སྤེལ་གཏོང་བ་ནི་བོད་བརྒྱུད་ནང་བསྟན་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་སྤྱི་ཚོགས་དང་དེ་བས་ལེགས་པའི་སྒོ་ནས་འཚམ་མཐུན་ཡོང་བར་སྐུལ་འདེད་དང་། བོད་བརྒྱུད་ནང་བསྟན་གྱིས་རྒྱལ་ཁབ་གཅིག་གྱུར་ལ་དེ་བས་ལེགས་པའི་སྒོ་ནས་སྲུང་སྐྱོང་བྱེད་པར་སྐུལ་འདེད། ཀྲུང་ཧྭའི་མི་རིགས་མཐུན་སྒྲིལ་ལ་སྐུལ་འདེད། སྤྱི་ཚོགས་ཞི་མཐུན་དང་བརྟན་ལྷིང་ལ་ཞབས་འདེགས་ཞུ་བར་སྲུང་སྐྱོང་བཅས་ལ་གལ་འགངས་ཤིན་ཏུ་ཆེ་བའི་ནུས་པ་ལྡན་ཡོད། 《པཎ་ཆེན་སྐུ་ཕྲེང་རིམ་བྱོན་གྱི་གསུང་འབུམ》འདིར་ལོ་རྒྱུས་ཀྱི་དོན་སྙིང་ཟབ་མོ་ལྡན་ཡོད། དཔེ་དེབ་འདི་མཚམས་སྦྱོར་ལ་བྱས་ནས་དུས་རབས་ཀྱི་རླབས་རྒྱུན་དང་འཚམ་པར་བྱས་ཏེ་རྒྱ་ཆེའི་དད་ལྡན་མང་ཚོགས་དང་། ཆོས་ལུགས་རིགས་ཁོངས་ཀྱི་རིགས་གཅིག་མཁས་ཅན་དང་མཁས་དབང་། ལྷག་པར་དུ་གཞོན་རབས་པ་ཚོ་བཅས་ལ་པཎ་ཆེན་སྐུ་ཕྲེང་རིམ་བྱོན་གྱི་རྒྱལ་གཅེས་ཆོས་གཅེས་ཀྱི་དགོངས་པའི་སྙིང་བཅུད་དེ་བས་སྟབས་བདེ་དང་བརྒྱུད་རིམ་ལྡན་པའི་སྒོ་ནས་སློབ་སྦྱོང་བྱ་རྒྱུ་ཡོང་བ་བྱས་ཡོད་ཅེས་གསུངས་ཤིང་། ཁོང་གིས་བོད་བརྒྱུད་ནང་བསྟན་ལས་རིགས་ཀྱི་མི་སྣ་ཚོས་བོད་བརྒྱུད་ནང་བསྟན་གྱི་སྐུ་ཕྲེང་རིམ་བྱོན་གྱི་རྒྱལ་གཅེས་ཆོས་གཅེས་ཀྱི་ཤེས་བྱའི་བདག་པོ་མིག་དཔེར་བཟུང་ནས་ཏང་གི་བཀའ་དྲིན་དྲན་པ་དང་མེས་རྒྱལ་ལ་དྲིན་ལན་འཇལ་ནས་མདོ་སྔགས་ཀྱི་སྙིང་པོར་ཐོས་བསམ་སྒོམ་གསུམ་ལ་རྩེ་གཅིག་ཏུ་གཞོལ་ཏེ་འགྲོ་བ་ཀུན་ལ་བདེ་བ་བསྐྲུན་དགོས་པའི་ཐུགས་རེ་གནང་བ་རེད།

                                


        ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་དགྲ་འདུལ་གྱིས《ཀྲུང་ཧྭའི་བོད་ཡིག་རིག་མཛོད་ཆེན་མོ》ལས《པཎ་ཆེན་སྐུ་ཕྲེང་རིམ་བྱོན་གྱི་གསུང་འབུམ》གྱི་རྩོམ་སྒྲིག་པར་སྐྲུན་གནས་ཚུལ་ངོ་སྤྲོད་གནང་ཞིང་། 《ཀྲུང་ཧྭའི་བོད་ཡིག་རིག་མཛོད་ཆེན་མོ》ནི་2011ལོར་ཆོག་མཆན་ཐོབ་ནས་རྩོམ་སྒྲིག་བྱེད་འགོ་ཚུགས་པའི་རྒྱལ་ཁབ་ཀྱི“ལོ་ལྔ་ཚན་བཅུ་གཉིས་པའི”གཙོ་གནད་རིག་གནས་འདུ་འགོད་ཅིག་དང་།《ཀྲུང་ཧྭའི་བཀའ་བསྟན་འགྱུར》(བོད་ཡིག་པར་གཞིའི)རྣམ་གྲངས་རྗེས་ཀྱི་ཀྲུང་གོའི་བོད་རིག་པའི་ཞིབ་འཇུག་ལྟེ་གནས་ཀྱིས་སྒྲིག་འཛུགས་དང་ལག་ལེན་བསྟར་བའི་རང་རྒྱལ་གྱིས་ཕུལ་བྱུང་རིག་གནས་སྲུང་སྐྱོང་དང་དར་སྤེལ་བཏང་བའི་མཚོན་རྟགས་རང་བཞིན་གྱི་འདུ་འགོད་ཅིག་རེད། 《ཀྲུང་ཧྭའི་བོད་ཡིག་རིག་མཛོད་ཆེན་མོའི》ནང་ད་ཆ་གཏན་འཁེལ་ཟིན་པའི་རྣམ་གྲངས་ཀྱི་གྲས་སུ་གསུང་འབུམ་ཁག་36དང་བམ་པོ་1000ལྷག་ཙམ་ཡོད་པ་རེད། མིག་སྔར《ས་སྐྱ་གོང་མ་རྣམ་ལྔའི་གསུང་འབུམ》གྱི་བམ་པོ་30དང་། 《མར་པ་ལོ་ཙཱ་བ་དང་། མི་ལ་རས་པ། དྭགས་པོ་ལྷ་རྗེ་བཅས་ཀྱི་གསུང་འབུམ》གྱི་བམ་པོ་12 《རྗེ་ཙོང་ཁ་པའི་གསུང་འབུམ》ཀྱི་བམ་པོ་18《རྒྱལ་ཚབ་རྗེའི་གསུང་འབུམ》གྱི་བམ་པོ་8《མཁས་གྲུབ་རྗེའི་གསུང་འབུམ》གྱི་བམ་པོ་12  《པཎ་ཆེན་སྐུ་ཕྲེང་རིམ་བྱོན་གྱི་གསུང་འབུམ》གྱི་བམ་པོ་39བཅས་ཁྱོན་བམ་པོ་119ལེགས་སྒྲིག་པར་སྐྲུན་བྱས་ཡོད། ཉེ་ཆར་ད་དུང《ཀློང་ཆེན་པའི་གསུང་འབུམ》དང《ཇོ་ནང་པ་ཏཱ་ར་ནཱ་ཐའི་གསུང་འབུམ》《འཇུ་མི་ཕམ་གྱི་གསུང་འབུམ》《ཡོངས་འཛིན་ཡེ་ཤེས་རྒྱལ་མཚན་གྱི་གསུང་འབུམ》《འཇམ་དབྱངས་མཁྱེན་བརྩེའི་དབང་པོའི་གསུང་འབུམ》《དཀོན་མཆོག་འཇིགས་མེད་དབང་པོའི་གསུང་འབུམ》《མཁས་གྲུབ་ཡོན་ཏན་རྒྱ་མཚོའི་གསུང་འབུམ》《འཇིགས་མེད་དམ་ཆོས་རྒྱ་མཚོའི་གསུང་འབུམ》སོགས་གཅིག་རྗེས་གཉིས་མཐུད་ངང་པར་སྐྲུན་བྱ་རྒྱུ་དང་།《པཎ་ཆེན་སྐུ་ཕྲེང་རིམ་བྱོན་གྱི་གསུང་འབུམ》ནི《ཀྲུང་ཧྭའི་བོད་ཡིག་རིག་མཛོད་ཆེན་མོའི》གྲུབ་ཆ་གལ་ཆེན་གྱི་གྲས་ཤིག་རེད།

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-21 22:59 , Processed in 0.025232 second(s), 20 queries .

返回顶部