博客西藏在最高处过一种生活

日志

༄༅།།བོད་ཀྱི་དམངས་གླུ་འགྲན་སྡུར་སྐབས་གཉིས ...

已有 114 次阅读2019-9-5 08:29 |系统分类:文化


               ༄༅།།བོད་ཀྱི་དམངས་གླུ་འགྲན་སྡུར་སྐབས་གཉིས་པའི་བྱ་དགའ་གནང་བའི་དགོང་ཚོགས་གནའ་མཁར་ཟི་ལིང་ནས་མཇུག་སྒྲིལ།
                                        ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། དོན་ཚེ།

                 
                                                   དགོང་ཚོགས་ཀྱི་མདོ་མཛིན་པ།

        ཀྲུང་གོའི་བོད་ལྗོངས་དྲ་བ། ཨ་མདོ་བརྙན་འཕྲིན་གྱིས་གཙོ་སྒྲུབ་དང་། མཚོ་སྔོན། ཀན་སུའུ། སི་ཁྲོན་བཅས་ཞིང་ཆེན་གསུམ་གྱི་ཁུལ་བརྙན་འཕྲིན་ལས་ཁུངས་བརྒྱད་ཀྱིས་རོགས་སྒྲུབ་གནང་བའི་བོད་ཀྱི་དམངས་གླུ་འགྲན་སྡུར་སྐབས་གཉིས་པ་དེ་ཟླ་ངོ་གསུམ་ལྷག་གི་རིང་ལ་འགྲན་ཁུལ་བརྒྱད་ནས་ཛ་དྲག་ཆེ་བའི་འགྲན་སྡུར་རབ་དང་རིམ་པ་བརྒྱུད་མཐར་ཉེ་ཆར་བསྐྱར་འགྲན་ཁྲོད་ཚུད་པའི་གླུ་བ་གླུ་མ་རྣམས་ཟི་ལིང་ལ་འཛོམས་ནས་མཇུག་མཐའི་བསྐྱར་འགྲན་དང་རྟིང་རྩོད་ཀྱི་འགྲན་སྡུར་སྤེལ་ཅིང་། སྤྱི་ཟླ་8པའི་ཚེས་30དགོང་མོར། བོད་ཀྱི་དམངས་གླུ་འགྲན་སྡུར་སྐབས་གཉིས་པའི་བྱ་དགའ་གནང་བའི་དགོང་ཚོགས་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་ནས་གཟབ་རྒྱས་ངང་བསྡུས་ཏེ་ཐེངས་འདིའི་བོད་ཀྱི་དམངས་གླུ་འགྲན་སྡུར་ཡོངས་སུ་མཇུག་བསྡུས།

        དགོང་ཚོགས་སྟེང་ཡིད་དབང་འཕྲོག་པའི་དམངས་གླུའི་འགྱུར་ཁུག་སྙན་མོའི་བར་མཚམས་རེ་རེ་ནས་རིམ་པ་བཞིན་དུ་ཐེངས་འདིའི་འགྲན་སྡུར་ཁྲོད་བྱ་དགའ་ཐོབ་མཁན་གྱི་གླུ་བ་གླུ་མའི་མིང་ཐོ་གསལ་བསྒྲགས་གནང་སྟེ་བྱ་དགའ་བསྩལ།
        ཨ་མདོ་བརྙན་འཕྲིན་གྱི་བོད་ཀྱི་དམངས་གླུ་འགྲན་སྡུར་ནི། བོད་ཀྱི་དམངས་གླུ་དང་དམངས་གླུའི་རིག་གནས་ཉམས་པ་སླར་གསོ་དང་མ་ཉམས་གོང་འཕེལ་གཏོང་བ་ལ་དམིགས་ནས། རྒྱ་ཆེ་བའི་དམངས་ཁྲོད་གླུ་བ་གླུ་མ་དག་ལ་ཆེད་དུ་བསྐྲུན་པའི་གར་སྟེགས་ཤིག་ཡིན་ཅིང་། ད་ལྟའི་བར་སྔ་ཕྱིར་ཐེངས་གཉིས་ལ་སྤེལ་ནས་བོད་ཀྱི་དམངས་གླུ་དང་དམངས་གླུའི་རིག་གནས་རྒྱུད་འཛིན་དར་སྤེལ་ལ་ནུས་པ་སྔ་ན་མེད་པ་ཞིག་ཐོན་དང་འདོན་བཞིན་ཡོད་པར་མ་ཟད།  རྒྱ་ཆེའི་ལྟ་མཁན་ཡོངས་ཀྱིས་ཆེས་དགའ་བསུ་ཐོབ་བཞིན་པའི་བརྙན་འཕྲིན་རིག་རྩལ་ལེ་ཚན་ཞིག་ཏུ་གྱུར་ཡོད་པ་རེད།
        ཀྲུང་གོའི་བོད་ལྗོངས་དྲ་བའི་འཕྲིན། བོད་ཀྱི་དམངས་གླུ་འགྲན་སྡུར་སྐབས་གཉིས་པ་དེ་ཨ་མདོ་བརྙན་འཕྲིན་གྱིས་གཙོ་སྒྲུབ་དང་། རྔ་བ་ཁུལ་རྒྱང་སྒྲོག་བརྙན་འཕྲིན་ཁང་། ཀན་ལྷོ་རྒྱང་སྒྲོག་བརྙན་འཕྲིན་ཁང་། མཚོ་ནུབ་རྒྱང་སྒྲོག་བརྙན་འཕྲིན་ཁང་། མཚོ་ལྷོ་ཁུལ་བརྙན་འཕྲིན་ཁང་། རྨ་ལྷོ་ཁུལ་བརྙན་འཕྲིན་ཁང་། མཚོ་བྱང་ཁུལ་བརྙན་འཕྲིན་ཁང་། མགོ་ལོག་ཁུལ་བརྙན་འཕྲིན་ཁང་། དཔའ་རིས་བོད་རིགས་རང་སྐྱོང་རྫོང་མཉམ་འདྲེས་སྨྱན་སྦྱོར་ལྟེ་གནས་བཅས་ཀྱིས་རོགས་སྒྲུབ་གནང་བའི་བོད་ཀྱི་དམངས་གླུའི་འགྲན་ཚོགས་ཆེན་མོ་ཞིག་ཡིན་ཅིང་། འགྲན་ཚོགས་ལ་ཟི་ཁྲོན་འགྲན་ཁུལ་ནས་འགྲན་ཞུགས་པ19དང་། ཀན་ལྷོ་འགྲན་ཁུལ་ནས་འགྲན་ཞུགས་པ39 མཚོ་ལྷོ་འགྲན་ཁུལ་ནས་འགྲན་ཞུགས་པ49 རྨ་ལྷོ་འགྲན་ཁུལ་ནས་འགྲན་ཞུགས་པ36 མཚོ་ནུབ་འགྲན་ཁུལ་ནས་འགྲན་ཞུགས་པ37 མཚོ་བྱང་འགྲན་ཁུལ་ནས་འགྲན་ཞུགས་པ41 མགོ་ལོག་འགྲན་ཁུལ་ནས་འགྲན་ཞུགས་པ26 དཔའ་རིས་འགྲན་ཁུལ་གྱི་འགྲན་ཞུགས་པ59བཅས་ཁྱོན་བསྡོམས་འགྲན་ཞུགས་པ306ཞུགས་ཡོད་པ་རེད། མཚོ་སྔོན་དང་ཀན་སུའུ། ཟི་ཁྲོན་བཅས་ཞིང་ཆེན་གསུམ་གྱི་འགྲན་ཁུལ་བརྒྱད་ནས་འགྲན་ཞུགས་པ་སུམ་བརྒྱ་ལྷག་ཞུགས་ཡོད་པའི་བོད་ཀྱི་དམངས་གླུ་འགྲན་སྡུར་སྐབས་གཉིས་པ་དེ་སྤྱི་ཟླ6 པའི་ཚེས18ཉིན་མཚོ་ལྷོ་འགྲན་ཁུལ་ནས་ཐོག་མར་མགོ་བརྩམས་ཏེ་འགྲན་ཁུལ་སོ་སོ་ནས་ཛ་དྲག་ཆེ་བའི་འགྲན་སྡུར་རབ་དང་རིམ་པ་བརྒྱུད་མཐར་སྤྱི་ཟླ8པའི་ཚེས29་ཉིན་དྲུག་གི་རིང་ལ་གནའ་མཁར་ཟི་ལིང་ནས་བསྐྱར་འགྲན་དང་རྟིང་རྩོད་ཀྱི་རིམ་པ་སོགས་བརྒྱུད་དེ་བོད་ཀྱི་དམངས་གླུ་འགྲན་སྡུར་སྐབས་གཉིས་པའི་འགྲན་སྡུར་གྱི་བརྒྱུད་རིམ་ཆ་ཚང་ཡོངས་རྫོགས་ལེགས་པར་གྲུབ་ནས་བྱ་དགའ་གནང་བའི་དགོང་ཚོགས་སྟེང་གླུ་བ་གྲགས་ཅན་གླུ་གར་རྒྱལ་གྱི་སྐད་ངག་སྙན་མོའི་འགྱུར་ཁུག་གི་ཁྲོད་ནས་དངོས་སུ་མགོ་བརྩམས་ཤིང་། བོད་མདོ་དབུས་ཁམས་གསུམ་གྱི་ས་གནས་སོ་སོའི་དམངས་གླུའི་རྒྱུད་འཛིན་པ་དང་དམངས་གླུ་གཏོང་མཁན་གྲགས་ཅན། ཐེ་བོའི་གླུ་བ་རྡོ་རྗེ་བཀྲ་ཤིས་དང་ཁམས་བྲག་མགོའི་གླུ་མ་སྐྱིད་བྱམས། བོད་ལྗོངས་ཉིང་ཁྲིའི་གླུ་མ་ཚེ་རིང་གཡང་འཛོམས། ཡུལ་ཤུལ་གྱི་གླུ་མ་པདྨ་གཡང་སྐྱིད། དཔའ་རིས་གླུ་མ་རྒྱ་ཏིག་སྒྲོལ་མ། དེ་མིན་བོད་ཀྱི་དམངས་གླུ་འགྲན་སྡུར་སྐབས་དང་པོའི་སྟེང་བྱ་དགའ་ཨང་དང་པོ་ཐོབ་མཁན་གྱི་མཚོ་ལྷོའི་གླུ་བ་སྟོབས་ཆེན་རྒྱལ་སོགས་སྔ་རྗེས་སུ་གར་སྟེགས་ལ་བུད་ནས། རང་རང་ས་ཆའི་ཁྱད་ཆོས་ཀྱིས་ཀུན་ནས་ཕྱུག་པའི་དམངས་གླུ་སྙན་མོ་ལྷང་ལྷང་བཏང་བས་དགོང་ཚོགས་ཧྲིལ་བོ་བོད་ཀྱི་དམངས་གླུའི་ཁྱད་མཚར་བའི་འགྱུར་ཁུག་འབའ་ཞིག་གི་ཁྲོད་ནས་བསྐྱལ་ཅིང་། ཡུལ་དངོས་ཀྱི་ལྟད་མོ་བའི་དགའ་བསུ་ཆེན་པོ་ཐོབ། །
      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-9-22 00:00 , Processed in 0.039676 second(s), 29 queries .

返回顶部