博客西藏在最高处过一种生活

日志

༄༅།།རོང་བྲག་གི་བོད་ཁང་།

已有 71 次阅读2019-9-2 08:09 |系统分类:见闻


                                                     ༄༅།།རོང་བྲག་གི་བོད་ཁང་།
                                      ཡོང་ཁུངས། མི་དམངས་དྲ་བ། རྩོམ་པ་པོ། མི་གསལ། རྩོམ་སྒྲིག་པ། སྣང་རྡོར། 

                     
       སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་རོང་བྲག་རྫོང་གི་མཁར་རྙིང་ནི་གནའ་ནས་སྐད་གྲགས་ཆེ། རོང་བྲག་བརྒྱ་གཅིག་གྲོང་ཚོའི་བོད་ཁང་དུ་བསྐྱོད་དུས། གསར་འགོད་པས་ཡུལ་དེའི་མི་རྣམས་ཀྱིས་སྡོད་ཁང་བསྐྲུན་པའི་ཤེས་རབ་ནི་ཐད་ཀར་གནའ་བོའི་མཁར་རྙིང་གི་བཟོ་བཀོད་ལས་བཙལ་ཡོད་པ་ཤེས།
རོང་བྲག་རྫོང་ནི་རི་མཐོའི་གྲོང་རོང་ས་ཁུལ་ལ་གཏོགས་ཤིང་། གནས་འདིར་མི་ཉུང་ཙམ་ཆུ་རགས་འགྲམ་ངོགས་སུ་གནས་སྡོད་བྱས་ཡོད་པ་ཕུད། མང་ཤོས་ནི་རི་ཁུལ་དུ་གནས་སྡོད་བྱས་ཡོད། སྡོད་ཁང་ནི་རི་ལ་བརྟེན་ནས་བསྐྲུན་ཞིང་གྲལ་འགྲིག་པོ་སྒྲིག་ཡོད་པས། མཛེས་སྡུག་ལྡན་པའི་བོད་སྡེའི་རྣམ་པ་གྲུབ་འདུག
       རོང་བྲག་བོད་སྡེ་ལ་“བོད་ཁུལ་གྱི་བྱིས་སྒྲུང་གི་འཇིག་རྟེན་”དང་“མཛེས་མའི་ལུང་པ”སོགས་མཚན་སྙན་མང་པོ་ཡོད་ཅིང་། དེ་ལ་ཐུན་མོང་མ་ཡིན་པའི་བོད་ལུགས་ཐོག་ཁང་ཡོད། རྡོ་ལེབ་ཀྱིས་བཟོས་པའི་གནའ་མཁར་གྱིས་ལོ་ངོ་ཁྲི་ཕྲག་ལ་བརྟན་པས། སྡོད་དམངས་ཀྱི་ཁང་པའི་རྒྱུ་ཆ་གཙོ་བོའང་དེ་གྱུར་ཡོད། ཐོག་ཁང་ཕྱིའི་གྱང་ངོས་སུ་སྔར་བཞིན་གནའ་བོའི་ཁྱད་ཆོས་ཀྱིས་ཕྱུག་ཡོད་ཀྱང་། ཁང་པའི་ནང་དུ་ཁོད་ཡངས་ལ་གསལ་ཆ་ལྡན་པས་དྲོད་སྐྱིད་ཀྱིས་ཁེངས་འདུག  ཐོག་ཁང་རེའི་ནང་ཁྱིམ་ཚང་རེ་སྡོད་ཡོད་ཅིང་། སྤྱིར་བཏང་ཁ་ལྷོ་ལ་ཕྱོགས་པ་དང་། རྒྱབ་ཏུ་རི་དང་མདུན་དུ་ཆུ་ཡོད་ལ། སའི་ཟིན་ཚད་སྨི་གྲུ་བཞི་མ་150-200བར་དང་། མཐོ་ཚད་ལ་སྨི་15ཡས་མས་ཡོད། ཁང་པ་ཕལ་ཆེར་རྡོ་དང་ཤིང་ཆ་ལས་གྲུབ་པ་དང་། རྒྱ་རོང་སྡོད་ཁང་གི་གཞི་རྩའི་ཁྱད་ཆོས་ཉར་ཚགས་བྱས་འདུག
       རོང་བྲག་གི་སྡོད་དམངས་ཀྱི་ཁང་པ་ནི་སྤྱིར་བཏང་དུ་ཐོག་བརྩེགས་གསུམ་ནས་ལྔ་ཅན་ཡིན་ཞིང་། མཆོད་ཁང་གི་ཁང་སྟེང་དང་ཉི་འཁྱམས་ཀྱི་ཕྱོགས་བཞི་རུ་རྡོ་དཀར་པོ་བཙུགས་ནས་ཟླ་གམ་དབྱིབས་ལྟ་བུར་གྱུར་ཡོད། ཁང་སྟེང་དུ་ད་དུང་དར་ལྕོག་འཛུགས་སའི་བུ་གུ་ཆུང་ཆུང་ཡང་བཟོས་ཡོད་ལ། ཉི་འཁྱམས་ཀྱི་གྱང་ངོས་སུ་བསང་ཕོར་བཞག་ཡོད།
       ཐོག་ཁང་གི་ཉིས་ཐོག་ནི་ཁང་པ་བཞི་བསྐོར་ཅན་ཡིན་པ་ཕུད། ཉིས་ཐོག་ཡན་ནི་སྣེ་གཉིས་སམ་Lཡི་གཟུགས་སུ་གྲུབ་ཅིང་། ཤིང་ཆ་དང་བད་ཀ་ལ་ཚོན་དམར་པོ་བྱུགས་ཡོད་པ་དང་། གྱང་ངོས་སུ་སའི་མདོག་གིས་རྨང་གཞི་བྱས་ཤིང་། ཐོག་བརྩེགས་གཉིས་པའི་ཡན་གྱི་གྱང་ངོས་ལ་ས་དཀར་རམ་གྱང་མདོག་སྣོལ་མར་བྱུགས་ཡོད། གྱང་ངོས་ཡོངས་ལ་མདོག་དཀར་པོ་བྱུགས་པའང་ཡོད། སྤྱིའི་ཆ་ནས་ཁང་པས་མི་ལ་སྐྱིད་སྣང་དང་མཛེས་ཉམས་ལྡན་པ། བརྗིད་ཆགས་པའི་ཚོར་བ་ཞིག་སྤྲོད་ཡོང་།

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-22 00:13 , Processed in 0.025595 second(s), 20 queries .

返回顶部