博客西藏在最高处过一种生活

日志

༄༅།།ཞོ་སྟོན་གྱི་འགོ་ཚུགས་མཛད་སྒོ་དང་ངོ་མ ...

已有 44 次阅读2019-9-1 09:19 |系统分类:文化


                             ༄༅།།ཞོ་སྟོན་གྱི་འགོ་ཚུགས་མཛད་སྒོ་དང་ངོ་མཚར་རིག་རྩལ་འཁྲབ་སྟོན་ལྷ་སར་བྱས།
                                      ཡོང་ཁུངས། བོད་ལྗོངས་འཕྲིན་དྲ། རྩོམ་པ་པོ། བོད་ལྗོངས་འཕྲིན་དྲ།   
   

     སྤྱི་ཟླ་བརྒྱད་པའི་ཚེས ༣༠ ཉིན་གྱི་དགོང་མོའི་ཆུ་ཚོད་བརྒྱད་པའི་ཐོག་ལྷ་ས་གྲོང་ཁྱེར་མང་ཚོགས་རིག་གནས་ལུས་རྩལ་ལྟེ་གནས་ལན་ཆིའུ་སྤོ་ལོའི་ཁང་ནང་།  སྤྱི་ལོ ༢༠༡༩ ལོའི་ཞོ་སྟོན་གྱི་འགོ་ཚུགས་མཛད་སྒོ་དང་ངོ་མཚར་རིག་རྩལ་འཁྲབ་སྟོན་བྱས་པ་རེད། རིག་རྩལ་འཁྲབ་སྟོན་དེ་ཞོ་སྟོན་གྱི་བསྟོད་གླུ་ཞེས་པ་དང་ཚོན་མདོག་སྣ་ལྔའི་ལེའུ་ཞེས་པ། སྐལ་བཟང་སྙན་དབྱངས་ཞེས་པ། ཀྲུང་གོའི་མཉམ་འཛོམས་དགའ་སྟོན་ཞེས་པ་བཅས་ལེ་ཚན་ཁག་བཞི་ལས་གྲུབ་པ་དང་། དེ་དག་ནང་ཞབས་བྲོ་དང་རྐྱང་གཞས། ཕོ་མོའི་མཉམ་གཞས། གླུ་གཞས་ཞབས་བྲོ་སོགས་འཁྲབ་སྟོན་གྱི་རྣམ་པ་ཡང་ཕུན་སུམ་ཚོགས་པོ་ཡོད།


                                          

     ངོ་སྤྲོད་བྱས་པར་གཞིགས་ན། ད་རེས་ཀྱི་རིག་རྩལ་འཁྲབ་སྟོན་དེ་སྤྲོ་བས་ཁེངས་པའི་ཀྲུང་གོའི་ཞོ་སྟོན། མཛེས་སྡུག་བདེ་སྐྱིད་ལྡན་པའི་ལྷ་ས་ཞེས་བརྗོད་དོན་གཙོ་བོ་དང་དམ་པོར་བསྟུན་ནས། ཀྲུང་གོ་གསར་པ་དབུ་བརྙེས་ནས་ལོ ༧༠ འཁོར་བར་རྟེན་འབྲེལ་ཞུ་བ་དང་བོད་ལ་དམངས་གཙོའི་བཅོས་བསྒྱུར་བྱས་ནས་ལོ ༦༠ འཁོར་བར་དྲན་གསོ་ཞུ་བའི་གཙོ་ཐིག་ལ་དམ་པོར་དམིགས་ཐོག་ཏང་ལ་བསྟོད་གླུ་འབུལ་བ་དང་མེས་རྒྱལ་ལ་བསྟོད་གླུ་འབུལ་བ། མི་དམངས་ལ་བསྟོད་གླུ་འབུལ་བ། བདེ་སྐྱིད་ལྡན་པའི་ལྷ་ས་གསར་པར་བསྟོད་གླུ་འབུལ་བ་བཅས་བྱས་ཏེ། ཕྱོགས་ཡོངས་ནས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་ལྷ་ས་གྲོང་ཁྱེར་གྱི་འཕེལ་རྒྱས་གསར་པ་དང་འགྱུར་ལྡོག་གསར་པ།  རྣམ་པ་གསར་པ་བཅས་མངོན་ཐུབ་པ་བྱས་ཡོད། 


       ཤེས་རྟོགས་བྱུང་བར་གཞིགས་ན། སྤྱི་ལོ ༢༠༡༩ ལོའི་ལྷ་སའི་ཞོ་སྟོན་གྱི་ཉིན་དང་པོར་འགོ་ཚུགས་མཛད་སྒོ་དང་རིག་རྩལ་འཁྲབ་སྟོན་ཕུད། ད་དུང་གོས་སྐུ་འགྲེམས་པ་དང་ལྷ་མོའི་ཕུལ་བྱུང་འཁྲབ་ཚན་འཁྲབ་སྟོན། གྱོན་ཆས་འགྲེམས་སྟོན། ཞོ་སྟོན་གྱི་གྲགས་ཅན་སྤུས་ལེགས་ཚོང་ཟོག་ཉོ་ཚོང་འདུ་འཛོམས་སོགས་བྱེད་སྒོ་ཡང་མང་པོ་སྤེལ་ཡོད།།


ཞེས་རོང་ཆེན་ལྷ་རྒྱལ་དཔལ་གྱིས་བོད་ལྗོངས་འཕྲིན་དྲ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-21 23:48 , Processed in 0.025188 second(s), 20 queries .

返回顶部