博客西藏在最高处过一种生活

日志

༄༅།།སེམས་ཁམས་མི་བདེ་བ་དང་རིང་དུ་གྱེས་དགོ ...

已有 69 次阅读2019-9-1 09:04 |系统分类:心情


                                  ༄༅།།སེམས་ཁམས་མི་བདེ་བ་དང་རིང་དུ་གྱེས་དགོས།
                        ཡོང་ཁུངས།  མཚོ་སྔོན་བོད་ཡིག་གསར་འགྱུར། རྩོམ་པ་པོ། མི་གསལ། རྩོམ་སྒྲིག་པ། ཀླུ་མོ་མཚོ།

                                               

         ཁྱོད་ལ་རྒྱུན་དུ་སེམས་འཚབ་པ་དང་སེམས་ཁམས་མི་བདེ་བའི་གནས་ཚུལ་འབྱུང་ངམ།

     དེ་ནི་རང་ཉིད་ཀྱི་སེམས་ཁམས་ལ་འགྱུར་ལྡོག་བྱུང་བའི་རྟགས་རེད། འཚོ་བའི་ཁྲོད་ཀྱི་བྱ་བ་རྩག་རྩིག་གིས་ང་ཚོར་རྒྱུན་དུ་སེམས་འཚབ་ཅིང་བློ་མི་བདེ་བའི་ཚོར་བ་སྟེར་སྲིད།

     དོན་དངོས་སུ་བཤད་ན། བློ་མི་བདེ་བའི་སྣང་ཚུལ་དེ་དག་ནི་རང་ཉིད་ཀྱི་སེམས་ཁམས་ལས་བྱུང་བ་ཡིན་ལ། ང་ཚོས་རང་ཉིད་ཀྱི་དགའ་སྐྱོ་ཡོད་ཚད་མི་གཞན་གྱི་གདེང་འཇོག་ལ་བརྟེན་བཞིན་ཡོད། མི་གཞན་གྱིས་གདེང་འཇོག་མི་ལེགས་པ་བྱེད་པར་སྐྲག་ནས་རང་གི་ནང་སེམས་ཀྱི་ཚོར་བ་སྐྱེན་པོར་བཟོ་བ་དང་། ཚོར་བ་སྐྱེན་པོ་དེ་ནི་བློ་མི་བདེ་བའི་འབྱུང་ཁུངས་གཙོ་བོ་ཡིན།

     ད་ལྟའི་སྤྱི་ཚོགས་འཕེལ་རྒྱས་ཀྱི་གོམ་སྟབས་གློག་བཞིན་མྱུར་བས། སེམས་འཚབ་པ་དང་བློ་མི་བདེ་བའི་སྣང་ཚུལ་འབྱུང་བ་ནི་རྒྱུན་ལྡན་ཞིག་ཏུ་གྱུར་ཡོད་པས། མི་སུ་ཞིག་ཡིན་རུང་སེམས་འཚབ་ཏེ་བློ་མི་བདེ་བའི་སྣང་ཚུལ་འབྱུང་སྲིད། སྣང་ཚུལ་དེའི་རིགས་འབྱུང་བ་ནི་མིའི་རང་གཤིས་ཡིན་ལ། སྣང་ཚུལ་དེ་འདོར་ཐུབ་པ་ནི་མིའི་འཇོན་ཐང་ཞིག་ཏུ་བརྩི་ཆོག ཁྱོད་ཀྱིས་བློ་མི་བདེ་བའི་སྣང་ཚུལ་དེའི་འབྱུང་རྐྱེན་ཤེས་ན། ད་གཟོད་ཁྱེད་ཉིད་བློ་མི་བདེ་བའི་སྣང་ཚུལ་དེ་དང་འཆམ་མཐུན་མཉམ་གནས་ཡོང་ཐུབ། དེའི་རྐྱེན་གྱིས་ང་ཚོས་རང་ཉིད་ཀྱི་མི་འདང་སའམ་སྐྱོན་ཆ་དང་འཛམ་གླིང་སྟེང་གི་དྲང་གཞག་མ་ཡིན་པའི་གནས་ཚུལ་ཡོད་ཚད་དང་ལེན་བྱེད་ཤེས་པར་བྱས་ཏེ། མི་གཞན་གྱི་འཚོ་བར་འགྲམ་ཆུ་མི་ལྡང་བ་དང་མི་གཞན་གྱི་ལྟ་ཚུལ་ལ་དོ་སྣང་དེ་འདྲ་བྱེད་མི་རུང་།

     བློ་མི་བདེ་བའི་འབྱུང་ཁུངས་ནི་ཁྱོད་རང་ཉིད་ཀྱི་ནང་སེམས་ལ་རག་ལས་ཡོད་པས། མི་གཞན་གྱིས་དེའི་ཐད་ནས་ཁྱོད་ལ་རོགས་རམ་བྱེད་མི་ཐུབ་པས་ན། རང་ཉིད་ཀྱིས་རང་ཉིད་སྐྱོབ་རྒྱུ་ལས་འོས་མེད། རྗེས་མར་སེམས་འཚབ་པ་དང་བློ་མི་བདེ་བའི་སྣང་ཚུལ་འབྱུང་བའི་སྐབས་སུ། མཐའ་འཁོར་གྱི་རྙོག་དྲ་དང་རིང་དུ་གྱེས་ཏེ་རང་ཉིད་ཀྱི་ཚོར་སྣང་ལ་དོ་སྣང་ལེགས་པོ་བྱེད་པ་དང་རང་ཉིད་ཀྱི་ནང་སེམས་ལ་ཐུགས་ཁུར་ལེགས་པོ་བྱེད་དགོས།

     གལ་ཏེ་ཁྱོད་ཀྱིས་བློ་སེམས་གཅིག་ཏུ་སྒྲིམ་ཐུབ་ན། བློ་མི་བདེ་བ་དང་སེམས་འཚབ་པའི་དུས་ཡུན་ཇེ་ཐུང་དུ་གཏོང་ཐུབ་པ་དང་། གལ་ཏེ་ཁྱོད་ཀྱིས་སེམས་ཁོང་གི་རྙོག་དྲ་ཡོད་ཚད་འདོར་ཐུབ་ན། ཁྱོད་ཀྱིས་མི་གཞན་གྱི་གདེང་འཇོག་ལ་དོ་སྣང་དེ་འདྲ་བྱེད་མི་སྲིད།

     བློ་རྩེ་གཅིག་ཏུ་བསྒྲིམས་ནས་རང་ཉིད་ཀྱི་འཚོ་བར་དོ་སྣང་བྱས་ཏེ། རང་ཉིད་ཇི་ལྟར་ཕུལ་དུ་བྱུང་བ་ཞིག་ཏུ་འགྱུར་བའི་ཐད་འབད་བརྩོན་ལྷོད་མེད་བྱས་ན། སེམས་འཚབ་པ་དང་བློ་མི་བདེ་བའི་སྣང་ཚུལ་རང་བཞིན་གྱིས་མེད་པར་འགྱུར་རོ། །

     ཞེས་རོང་ཆེན་ལྷ་རྒྱ་དཔལ་གྱིས་ཀྲུང་གོ་བོད་གྱི་དྲ་བ་ལས་བཏུས་སོ།




评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-24 08:41 , Processed in 0.027578 second(s), 20 queries .

返回顶部