博客西藏在最高处过一种生活

日志

༄༅།།རྒྱལ་ཡོངས་སྐབས་བདུན་པའི་ཚད་མ་རིག་པའི ...

热度 1已有 161 次阅读2019-8-28 08:52 |系统分类:见闻


           ༄༅།།རྒྱལ་ཡོངས་སྐབས་བདུན་པའི་ཚད་མ་རིག་པའི་ཟབ་སྦྱོང་འཛིན་གྲྭ་པཎ་ཆེན་ཚད་མའི་སློབ་གླིང་དུ་གཟབ་རྒྱས་ངང་འཚོགས་པ།
                            ཡོང་ཁུངས།  ཀྲུང་གོ་བོད་ཀྱི་དྲ་བ། རྩོམ་པ་པོ། མི་གསལ། རྩོམ་སྒྲིག་པ། གངས་ཆབ།

                        
                                             ཟབ་སྦྱོང་འཛིན་གྲྭའི་མགོ་རྩོམ་པའི་མཛད་སྒོ།

      རྒྱལ་ཡོངས་སྐབས་བདུན་པའི་ཚད་མ་རིག་པའི་ཟབ་སྦྱོང་འཛིན་གྲྭ2019ལོའིཟླ8པའི་ཚེས18ནས25ཉིན་བར།  ཀྲུང་གོ་གཏན་ཚིགས་རིག་པའི་ཚད་མའི་ཆེད་ལས་ཨུ་ཡོན་ལྷན་ཁང་དང་མཚོ་སྔོན་ཞིང་ཆེན་ཚད་རིག་ལྷན་ཚོགས་གཉིས་ཀྱིས་གཙོ་སྒྲུབ་མཛད་དེ་པཎ་ཆེན་ཚད་མའི་སློབ་གླིང་དུ་བསྡུས་ཤིང་།  ཐེངས་འདིའི་ཟབ་སྦྱོང་འཛིན་གྲྭའི་ནང་ཀྲུང་གོའི་སྤྱི་ཚོགས་ཚན་རིག་གླིང་དང་།  ཀྲུང་གོའི་བོད་རིག་པ་ཞིབ་འཇུག་ལྟེ་གནས། ཆིང་ཧྭ་སློབ་ཆེན། ཀྲུང་གོ་མི་དམངས་སློབ་ཆེན། ཀྲུང་ཧྲན་སློབ་ཆེན། ནན་ཅིན་སློབ་ཆེན། ཧི་ནན་སློབ་ཆེན། ཐེན་ཅིན་ཚན་རྩལ་སློབ་ཆེན། ཧང་ཀྲིག་ནང་བསྟན་སློབ་གླིང་། ཧྲང་ཧེའི་ནང་བསྟན་སློབ་གླིང་། པཎ་ཆེན་ཚད་མའི་སློབ་གླིང་། ནན་ཁད་སློབ་ཆེན། ནང་སོག་དགེ་འོས་སློབ་ཆེན།  ལན་ཀྲིག་རྩིས་ཚན་སློབ་ཆེན།  མཚོ་སྔོན་མི་རིགས་སློབ་ཆེན་སོགས་སློབ་ཆེན་དང་ཞིབ་འཇུག་ལས་ཁུངས་བཅུ་དྲུག་ལྷག་གི་སློབ་མ60ལྷག་ཞུགས་ཡོད།
      ཐེངས་འདིའི་འཛིན་གྲྭ་འཚོགས་པའི་མཛད་སྒོར་མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་དྲུང་ཡིག་གཞོན་པ་སྟག་འབུམ་རྒྱལ་གྱིས་མགོ་འཛིན་མཛད། མཛད་སྒོར་ཞུགས་པའི་ཆེད་མཁས་པ་ནི་མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་མཚན་འཛིན་ཚོགས་གཙོ། ཀྲུང་དབྱང་མི་རིགས་སློབ་ཆེན་གྱི་ཚད་མ་རིག་པའི་འབུམ་རམས་པའི་མཛུབ་སྟོན་དགེ་རྒན་ཆེན་མོ་བློ་བཟང་ཆོས་གྲགས་དང་། ཀྲུང་གོ་གཏན་ཚིགས་རིག་པའི་ཚད་མའི་ཆེད་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ། མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་ཚོགས་གཙོ། པཎ་ཆེན་ཚད་མའི་སློབ་གླིང་གི་སློབ་གཙོ་སྒར་བ་ངག་དབང་བཟང་པོ། མཚོ་སྔོན་ཞིང་ཆེན་ཚད་རིག་ལྷན་ཚོགས་ཚད་རིག་ཟབ་སྦྱོང་ལྟེ་གནས་ཀྱི་ཀྲུའུ་རིན་གཞོན་པ། མཚོ་སྔོན་མི་རིགས་སློབ་ཆེན་གྱི་ཚད་མའི་དགེ་རྒན་ཆེན་མོ་དགེ་འདུན་སོགས་ཚོགས་ཞུགས་གནང་།
      པཎ་ཆེན་ཚད་མའི་སློབ་གླིང་གི་སློབ་གཙོ་སྒར་བ་ངག་དབང་བཟང་པོས་ཤིས་ཚིག་ཕུལ་བ་དང་འབྲེལ་ནས་ཚད་མ་རིག་པའི་རྒྱུན་འཛིན་ཐད་ཀྱི་ཁ་ཕྱོགས་དང་དམིགས་ཡུལ། ཚད་མ་རིག་པའི་རྒྱུན་འཛིན་ཤེས་ལྡན་མི་སྣའི་ཟབ་སྦྱོང་འཛིན་གྲྭ་སྔ་རྗེས་སུ་བསྡོམས་པའི་ཐེངས་བཞི་ལ་སྒྲུབ་པ་སོགས་ཚད་མ་རིག་པའི་ཐད་ལ་རང་ནུས་ཅི་ལྕོགས་ཀྱིས་ནུས་པ་བཏོན་དང་འདོན་བཞིན་པ་སོགས་གླེང་བའི་ཞོར་དུ་སློབ་མ་ཡོངས་ཀྱིས་གོ་སྐབས་བཟང་པོ་དམ་འཛིན་བྱས་ཏེ། སློབ་སྦྱོང་ཡག་པོ་བྱེད་དགོས་པ་སོགས་ཀྱི་སྐོར་ནས་གསུང་བཤད་གནང་། སློབ་གཙོ་གཞོན་པ་དཀོན་མཆོག་རྒྱ་མཚོས་ཐེངས་འདིའི་ཟབ་སྦྱོང་འཛིན་གྲྭའི་ཁྲིད་གཞི་ངོ་སྤྲོད་གནང་བ་དང་།  དགེ་རྒན་ཐོགས་མེད་དང་པེ་ཅིན་མི་དམངས་སློབ་ཆེན་གྱི་འབུམ་རམས་པ་བང་ནན་གཉིས་ཀྱིས་ལོ་འགའི་རིང་ཚད་མ་རིག་པའི་སློབ་སྦྱོང་ཐད་ཀྱི་ཉམས་མྱོང་དང་རྒྱུན་འཛིན་དར་སྤེལ་སོགས་ཀྱི་གལ་ཆེན་རང་བཞིན་སྐོར་ནས་གཏམ་བཤད་གནང་།

               
    མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་ཚོགས་གཙོ་གཞོན་པ། པཎ་ཆེན་ཚད་མའི་སློབ་གླིང་གི་དགེ་བའི་བཤེས་གཉེན་ཆེན་མོ་གནས་བརྟན་རྒྱ་མཚོས་སློབ་ཁྲིད་གནང་བཞིན་པ། 

               
       མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་མཚན་འཛིན་ཚོགས་གཙོ། ཀྲུང་དབྱང་མི་རིགས་སློབ་ཆེན་གྱི་ཚད་མ་རིག་པའི་འབུམ་རམས་པའི་མཛུབ་སྟོན་དགེ་རྒན། མཚོ་སྔོན་མི་རིགས་སློབ་ཆེན་གྱི་སློབ་དཔོན་ཆེན་མོ་བློ་བཟང་ཆོས་གྲགས་ཀྱིས་སློབ་ཁྲིད་གནང་བཞིན་པ། 

               
      ཀྲུང་གོ་གཏན་ཚིགས་རིག་པའི་ཚད་མའི་ཆེད་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ། མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་ཚོགས་གཙོ། པཎ་ཆེན་ཚད་མའི་སློབ་གླིང་གི་སློབ་གཙོ་སྒར་བ་ངག་དབང་བཟང་པོས་སློབ་ཁྲིད་གནང་བཞིན་པ། 

               
      ཀྲུང་གོ་གཏན་ཚིགས་རིག་པའི་ཚད་མའི་ཆེད་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ། ཧང་ཀྲིག་ནང་བསྟན་སློབ་གླིང་གི་སློབ་གཙོ་གཞོན་པ་དགེ་རྒན་ཆེན་མོ་ཧྭེ་ཀོན་གྱིས་སློབ་ཁྲིད་གནང་བཞིན་པ།

               
       མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་རྒྱུན་ལས་ལས་འཛིན། ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་མཐོ་རམས་པ་ངག་དབང་མཆོག་གྲུབ་ཀྱིས་སློབ་ཁྲིད་གནང་བཞིན་པ། 
               
      ཀྲུང་གོ་གཏན་ཚིགས་རིག་པའི་ཚད་མའི་ཆེད་ལས་ཨུ་ཡོན་ལྷན་ཁང་གི་ལས་འཛིན། མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་དྲུང་ཆེ་གཞོན་པ་དཀོན་མཆོག་རྒྱ་མཚོས་སློབ་ཁྲིད་གནང་བཞིན་པ། 
      ཐེངས་འདིའི་ཟབ་སྦྱོང་འཛིན་གྲྭར་དགེ་རྒན་རྣམས་ཀྱིས་བོད་བརྒྱུད་ཚད་མ་རིག་པའི་བསྡུས་གྲྭ་དང་རྟགས་རིགས། དེའི་རིགས་ལམ་གྱི་རྣམ་བཞག  དེ་མིན་རྒྱ་བརྒྱུད་ཚད་མ་རིག་པའི་ནང་དོན་དང་འབྲེལ་བའི་ཐད་ནས་སློབ་ཁྲིད་གནང་།  བོད་ཀྱི་ཚད་མ་རིག་པའི་སློབ་སྦྱོང་བྱེད་སྟངས་བེད་སྤྱད་དེ་ཚད་མའི་རིགས་ལམ་གྱི་བསམ་གཞིགས་གཏོང་སྟངས་དང་། རྒྱ་སྐད་ཀྱི་ལམ་ནས་རྟགས་གསལ་འཕེན་པ་སོགས་ཐད་ནས་སྦྱངས་འབྲས་མི་དམན་པ་ཐོབ།    ཐེངས་འདིའི་ཟབ་སྦྱོང་བརྒྱུད་ནས་སློབ་མ་རྣམས་ཀྱིས་རྒྱ་བོད་ཚད་མ་དང་རིག་གཞུང་ལ་ཞིབ་འཇུག་བྱེད་སྟངས་ཆ་ནས་ཤུགས་རྐྱེན་ཟབ་མོ་བཞག་པ་མ་ཟད། རྒྱ་བོད་ཚད་མ་རིག་པའི་རིག་གཞུང་རྒྱུན་འཛིན་དང་དར་སྤེལ་ཐད་ལའང་རྨང་གཞི་བརྟན་པོ་བཏིང་།
 
               
                           སློབ་མ་རྣམས་ཀྱིས་ཚད་མ་རིག་པའི་སློབ་སྦྱོང་གི་ཉམས་མྱོང་དང་བསམ་ཚུལ་བརྗེ་རེས་བྱེད་བཞིན་པ།

               
                           སློབ་མ་རྣམས་སྔ་རྒོལ་དང་ཕྱི་རྒོལ་གྱི་བསྡུས་གྲྭའི་རིགས་ལམ་ལྟར་རྩོད་པ་བྱེད་པའི་བྱ་འགུལ་སྤེལ།

               
                             མཇུག་འབྲས་ཀྱི་རྩོད་རྒྱུགས་ལ་སློབ་མ་རྣམས་ཀྱིས་རྟགས་གསལ་གཏོང་བཞིན་པ།

               
                             སློབ་མ་རྣམས་ལ་ཟབ་སྦྱོང་འཛིན་གྲྭ་མཐར་ཕྱིན་པའི་འཛིན་རྟགས་གནང་བཞིན་པ།

               
                              མཇུག་བསྡུའི་མཛད་སྒོའི་སྟེང་གི་དགེ་སློབ་ལྷན་རྒྱས་ཀྱི་མཉམ་པར།

      མཇུག་བསྡུའི་མཛད་སྒོར་མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་དྲུང་ཡིག་ཆེན་མོ་མགོན་པོ་ཚེ་རིང་གིས་མགོ་འཛིན་མཛད་ཅིང་། ཀྲུང་གོའི་སྤྱི་ཚོགས་ཚན་རིག་གླིང་ཆོས་ལུགས་ཞིབ་འཇུག་ཁང་གི་ཞིབ་འཇུག་པ་ཞི་ཁྲོན་མེ་ཡིས་སློབ་མ་ཡོངས་ཀྱི་ཚབ་བྱས་ཏེ་ཐེངས་འདིའི་སློབ་སྦྱོང་གི་ངོས་ཟིན་དང་གྲུབ་འབྲས་ཡར་ཞུ་བྱས་པ་དང་།  ཧང་ཀྲིག་ནང་བསྟན་སློབ་གླིང་གི་དགེ་རྒན་ཆེན་མོ་ཧྭེ་ཀོན་གྱིས་ཀྲུང་གོ་གཏན་ཚིགས་པའི་ཚད་མའི་ཆེད་ལས་ཨུ་ཡོན་ལྷན་ཁང་གི་ཚབ་མཛད་དེ། པཎ་ཆེན་ཚད་མའི་སློབ་གླིང་གིས་མུ་མཐུད་དུ་རྒྱལ་ཡོངས་ཚད་མ་རིག་པའི་རྒྱུད་འཛིན་མི་སྣ་གསོ་སྐྱོང་གི་འགན་འཁྲི་དང་དུ་བླངས་ནས་ལོ་རེའི་བཞིན་འདི་ལྟ་བུའི་ཟབ་སྦྱོང་འཛིན་གྲྭ་ལེགས་པར་བསྒྲུབ་ནས་མི་སྣ་མང་པོ་གསོ་སྐྱོང་བྱེད་པ་ནི།ཚད་མ་རིག་པ་འཕེལ་རྒྱས་ཐད་ཀྱི་བྱ་གཞག་གལ་ཆེན་ཞིག་ཡིན་པས་སླད་མར་ཡང་མུ་མཐུད་དུ་རྒྱུན་བསྐྱང་དགོས་པའི་རེ་བ་བཏོན།  མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་ཚོགས་གཙོ་སྒར་བ་ངག་དབང་བཟང་པོས་ཚད་མ་རིག་པ་འདི་ཉིད་དུས་རབས་ཀྱི་འགྲོས་དང་མཐུན་པའི་སྒོ་ནས་འཕེལ་རྒྱས་སུ་གཏོང་དགོས་པ་དང་། ཟབ་སྦྱོང་འཛིན་གྲྭ་བརྒྱུད་ནས་ཚད་མ་རིག་པ་འདི་ཉིད་རྒྱལ་ཡོངས་ཀྱི་མཐོ་རིམ་སློབ་གྲྭ་ཁག་དང་། རྒྱ་བོད་སོག་གསུམ་གྱིས་མཚོན་པའི་མི་རིགས་སོ་སོ། སྤྱི་ཚོགས་ལས་རིགས་ཀྱི་དབྱེ་བ་མེད་པར་དར་སྤེལ་དུ་བཏང་སྟེ། ཚད་མའི་གཞུང་གི་གཏན་ཚིགས་རིག་པ་འདི་ཉིད་འཛམ་གླིང་སྟེང་ཤར་ཕྱོགས་ཀྱི་གཏན་ཚིགས་རིགས་པའི་མཚན་རྟགས་གྲགས་ཅན་ཐོབ་ནས། མ་འོངས་པར་ནུས་ཕྱོགས་ཀྱི་སྤྱི་ཚོགས་ཤེས་རིག་གི་ཁྱབ་ཁོངས་སོ་སོར་ཤུགས་རྐྱེན་ཟབ་མོ་བཞག་སྟེ། འཛམ་གླིང་ཞི་བདེ་ཡོང་བ་དང་རྒྱལ་ཁབ་ཀྱི་ཤེས་རིག་སྟོབས་ལྡན་ཏུ་གཏོང་བ། སྤྱི་ཚོགས་འཆམ་མཐུན་དང་མི་རིགས་མཐུན་སྒྲིལ་ཡོང་བ་བཅས་བྱས་ཏེ། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་ལྟར། ཀྲུང་གོའི་འདུན་མ་མངོན་འགྱུར་འབྱུང་བར་འབད་བརྩོན་བྱེད་དགོས་པའི་སྐོར་ནས་གསུང་བཤད་གནང་།

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ལྗོངས་དྲ་བ་ལས་བཏུས་སོ།



发表评论 评论 (2 个评论)

回复 pari 2019-8-31 03:02
རྒྱ་ཡིག་ཡོད་པའི་དར་གོས་སོགས་བེད་སྤྱོད་མ་གཏོང་རོགས།壽字有五百种写法,壽Shou ཚེ་རིང་། ཡི་གེ་འབྲི་སྟངས་མི་འདྲ་བ་ལྔ་བརྒྱ་ཡོད། 絕對禁止使用垃圾綢緞及挂毯,地毯,挂图.........................
回复 pari 2019-8-31 03:04
དེང་སྐབས་དུག་རྒྱུ་ཡོད་པའི་རྫས་འགྱུར་ཚོས་གཞི་ཅན་གྱི་རྡོ་བརྐོས་དང་། རླུང་རྟ། རས་འཛར་བླ་དར་སོགས་ཀྱིས་བོད་ཀྱི་ས་ཆུ་མཚོ་རི་ལ་འབག་བཙོག་དང་གཏོར་བཤིག་ཧ་ཅང་ཆེན་པོ་བཏང་དང་གཏོང་བཞིན་ཡོད་ལ། རྫས་འགྱུར་འཕོ་འགྱུར་དང་བསྟུན་ནས་མིའི་རིགས་ལ་འབྲས་སྐྲན་ནད་རིགས་སློང་ཉེན་ཆེན་པོ་ཡོད། དེར་བརྟེན་དེ་དག་ནི་བོད་མི་ཚོས་རང་ཉིད་རང་གིས་གཙང་གསོད་བྱེད་པའི་བྱ་སྤྱོད་འབའ་ཞིག་རེད།
清除腐蚀毒害图伯特高原的化学物质彩雕彩色经幡
关于化学物质彩色石刻,彩雕,彩色经幡对图伯特山川江河的污染,破坏。现在不像千万年前,分布图伯特地区的石雕,石刻,有无色和彩色的。那时侯使用的是自然颜料,没有化学成分,没有毒素。现在就非常不同了,化学成分渗透和参合到几乎一切东西。当今遍布图伯特地区的彩色石雕,石刻的状况非常可怕。在湖里,在河边,在草原,在高山,无处不有,无处不在。肆意破坏图伯特高原,摧残践踏图伯特自然环境,同时在施行自我残杀,自我毁灭。下雨,下雪,刮风,石雕和石刻,经幡上的化学有毒颜料就会褪色,脱落,随着雨水,雪水,风,渗入土地,河流,湖泊。放在湖里和河边的彩雕,常年污染水资源。放在草原上,湖河边的彩雕,石刻,经幡,就会严重污染草地,草山。牛羊马要吃草,非常危险,直接危及人类健康。

再,大量采集石头,会严重破坏,损坏山体整体结构。
除了保留千万年前的雕刻,石雕外,其它应该一律撤除,清理干净。千万年前的石雕,石刻,保留原样,不要加色加工,如果是自然消失,就让它们消失吧。
图伯特的人,雪山,高山,草山,草原,蓝天,湖泊,河流,就是最美丽彩雕石刻经幡。应该爱惜,崇拜她们才对。
保护图伯特高原,就是保护亚洲。
保护图伯特高原,就是保护世界。
保护图伯特高原,就是保护图伯特和图伯特人民自己。

图伯特宗教人士和知识界,商界人士,应该为保护图伯特高原和图伯特人民,起个好的带头作用。

图伯特宗教人员的论述,讲演,教导,教言,要落实到实处。长期以来图伯特宗教人员和信众,破坏图伯特高原,自我毁灭。宗教和信仰是两回事情,宗教是一门深奥的学科。


བོད་དགའ་ལྡན་དགོན་པ།
Ganden Monastery, Tibet.圖伯特甘丹寺.
དེང་སྐབས་དུག་རྒྱུ་ཡོད་པའི་རྫས་འགྱུར་ཚོས་གཞི་ཅན་གྱི་རྡོ་བརྐོས་དང་། རླུང་རྟ། རས་འཛར་བླ་དར་སོགས་ཀྱིས་བོད་ཀྱི་ས་ཆུ་མཚོ་རི་ལ་འབག་བཙོག་དང་གཏོར་བཤིག་ཧ་ཅང་ཆེན་པོ་བཏང་དང་གཏོང་བཞིན་ཡོད་ལ། རྫས་འགྱུར་འཕོ་འགྱུར་དང་བསྟུན་ནས་མིའི་རིགས་ལ་འབྲས་སྐྲན་ནད་རིགས་སློང་ཉེན་ཆེན་པོ་ཡོད། དེར་བརྟེན་དེ་དག་ནི་བོད་མི་ཚོས་རང་ཉིད་རང་གིས་གཙང་གསོད་བྱེད་པའི་བྱ་སྤྱོད་འབའ་ཞིག་རེད།圖伯特甘丹寺,有毒化學物品製造的彩雕经幡彩带垃圾廢物滿山遍野,在全圖伯特都是這樣.圖伯特宗教人士和信眾,大规模地破壞圖伯特高原,危害極大,不但损及自然环境,也危害人畜生命.

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-21 23:06 , Processed in 0.027862 second(s), 21 queries .

返回顶部