博客西藏在最高处过一种生活

日志

༄༅།།རྟ་རྒྱུག་གི་སྟོན་མོ་བཤམས། བྱང་ཐང་གི་ ...

已有 72 次阅读2019-8-26 07:49 |系统分类:文化



       
                                ༄༅།།རྟ་རྒྱུག་གི་སྟོན་མོ་བཤམས། བྱང་ཐང་གི་ཉམས་བཟང་མངོན།
                            —— 2019ལོའི“འདམ་སྤྱི་རིམ”རྟ་རྒྱུག་དུས་ཆེན་གྱི་མཐོང་ཐོས།
                         ཡོང་ཁུངས་། བོད་ལྗོངས་ཉིན་རེའི་ཚགས་པར། རྩོམ་པ་པོ། བསྟན་ནོར་གྱིས་བསྒྲིགས།

    བོད་ལྗོངས་རིག་གནས་དྲ་བ་འི་འཕྲིན།  2019ལོའི་ཟླ་8ཚེས་8ཉིན་ནི་ལོ་གཅིག་དུས་གཅིག་གི“འདམ་སྤྱི་རིམ”རྟ་རྒྱུག་དུས་ཆེན་ཡིན་ཞིང་། འབྲོག་པ་མང་ཚོགས་ཀྱིས་ཆར་ཟིམ་བབས་པར་མི་བལྟོས་པར་ལུས་ལ་གཟབ་མཆོར་ལེགས་པར་སྤྲས་ཏེ། རྟ་རྒྱུག་གི་སྟོན་མོ་འགོ་འཛུགས་རྒྱུར་བསྒུགས་ནས་འདུག
    གྲགས་ཆེ་བའི་རོལ་དབྱངས་ཀྱི་འགྱུར་ཁུག་དང་འཁྲབ་སྟོན་པའི་སྟངས་སྟབས་ཁྲོད། “འདམ་སྤྱི་རིམ”རྟ་རྒྱུག་དུས་ཆེན་དངོས་སུ་འགོ་ཚུགས།
    “སྔོན་ཆད་དང་བསྡུར་ན། ད་ཆའི‘འདམ་སྤྱི་རིམ’རྟ་རྒྱུག་དུས་ཆེན་ནི་རྟ་རྒྱུག་ཁོ་ན་མ་ཡིན་པར་དམངས་ཁྲོད་རིག་གནས་བརྒྱུད་སྤེལ་དང་ལུས་རྩལ་འགྲན་བསྡུར་དར་སྤེལ། སྤྲོ་འཆམ་ཡུལ་སྐོར་འཕེལ་རྒྱས། ཚོང་འདུས་བཅས་གཞི་གཅིག་ཏུ་འདུས་པའི་རིག་གནས་ཡུལ་སྐོར་ཐོན་ལས་ཀྱི་སྤུས་དག་གཙོ་བོ་ཞིག་ཡིན་ཞིང་། དེའང་ལོ་རྒྱུས་ཡུན་རིང་ལྡན་པའི་སྐར་ཁུང་ཞིག་དང་འདྲ་བར་འཛམ་གླིང་གི་ཡུལ་སྐོར་བས་སྐར་ཁུང་དེ་ནས་འདམ་གཞུང་གི་རིག་གནས་ལ་རྒྱུས་ལོན་དང་མྱོང་རོལ་བྱེད་ཐུབ”ཅེས་ལྷ་ས་གྲོང་ཁྱེར་འདམ་གཞུང་རྫོང་ཨུད་དྲིལ་བསྒྲགས་པུའི་པུའུ་ཀྲང་གཞོན་པ་སྤེན་རྒོད་ཀྱིས་བརྗོད།
    སྡིངས་ཆའི་ཐོག་གི་འཁྲབ་སྟོན་ལྟད་མོ་ཆེ་ལ། སྡིངས་ཆའི་གཤམ་གྱི་ལྟད་མོ་བའི་ཐལ་མོའི་རྡེབ་སྒྲ་ཡུན་རིང་གྲགས་ཁར། རྟ་རྩལ་དང་རིག་རྩལ་འཁྲབ་སྟོན་གྱིས་དུས་ཆེན་གྱི་རྣམ་པ་དེ་བས་འཁྲུག་ཆ་དོད་དུ་བཏང་བས་ཡུལ་སྐོར་བའི་དགའ་བསུ་དང་དགའ་འབོད་ཚད་མེད་ཐོབ། དེ་ལས་ཀྱང་ལྟད་མོ་ཆེ་བ་ནི་ཉིན་འགའི་རིང་གི་རྟ་རྒྱུག་འགྲན་བསྡུར་ཡིན་ཞིང་། རྟ་རྒྱུག་ཐང་དུ་རྟ་པ་ཚོས་རྟ་ཕོ་ལྕག་གིས་བསྐུལ་ཏེ། གཅིག་ལ་གཅིག་འགྲན་གྱིས་རྟ་རྩལ་ངོམ་བཞིན་བྱང་རྩྭ་ཐང་ཕོ་རྒོད་ཀྱི་ཉམས་བཟང་མ་ལུས་ངོམས་པར་བྱས། རྟ་རྒྱུག་ཐང་གི་གཞོགས་གཉིས་སུ་འཁོད་པའི་ལྟད་མོ་བ་ཚོས་ཀི་སྒྲ་སྒྲོག་བཞིན་རང་ཉིད་ནས་དགའ་མོས་བྱེད་པའི་རྟ་པར་ངར་སློང་ཞིང་། རྟ་ཕོའི་རྨིག་སྒྲ་དང་ལྟད་མོ་བའི་ཀི་སྒྲ་ཡིས་རྟ་རྒྱུག་ཐང་གི་ནམ་མཁའ་འགེངས་བར་བྱས།
    རྟ་རྒྱུག་གི་ཞོར་དུ་དེ་སྔ་མང་ཚོགས་ཚོས་དགའ་པོ་བྱེད་པའི་ཚོང་འདུས་ཡོད་པ་ཕུད། ད་དུང་། ཁྱད་ལྡན་གྱི་རིག་གནས་ཐོན་རྫས་ཀྱང“འདམ་སྤྱི་རིམ”གྱི་བཀྲག་མདངས་འཚེར་ས་ཞིག་རེད།
    ལྷ་ས་ལས་ཀྱང་ས་བབ་མཐོ་བའི་འདམ་གཞུང་ནི་སྐར་ཚོགས་དང་དེ་བས་ཐག་ཉེ་ཞིང་། འདམ་གཞུང་གི་མཚན་དགུང་ལ་ཐུན་མིན་གྱི་ཁྱད་ཆོས་ཤིག་ལྡན། སྦྲ་གུར་གྱི་དབུ་ཐོད་ནས་སྔོ་ལྷོག་ལྷོག་ཏུ་འཕྱུར་བའི་དུ་བ་ནི་ནམ་མཁའི་སྐར་ཚོམ་གྱི་ཞིང་དུ་འཁྱུད་ལ། ཞལ་ཟས་རོ་བརྒྱ་ཡི་དྲི་ཞིམ་ནི་སྦྲ་གུར་གྱི་གསེང་ནས་མཐའ་འཁོར་དུ་ངང་གིས་འཐུལ་འོང་། མི་རྣམས་ཀྱིས་སྦྲ་གུར་དུ་དགའ་སྤྲོ་འཁོལ་བའི་སྒོར་གཞས་འཁྲབ་ཅིང་། འགྱུར་ཁུག་སྙན་པའི་འབྲོག་གླུ་བླངས་ཏེ་རྟ་རྒྱུག་དུས་ཆེན་གྱི་རྫོགས་ལྡན་དུས་བཟང་དེར་ཅི་དགར་རོལ།

                 
                                          ཁྱད་ལྡན་རྒྱན་གོས་དུས་སྟོན་དེ་ཡི་རྒྱན།

                 
                                               རྟ་རྩལ་ངོམ་བཞིན་རྒྱལ་ཁའི་ཕྱོགས་སུ་ཤོར།   

                 
                                                   གཅིག་ལ་གཅིག་འགྲན་རྟ་རྒྱུག་ལྟད་མོ་ཆེ།

                 
                                                  རྟ་རྩལ་ངོམ་བཞིན་རྒྱལ་ཁའི་ཕྱོགས་སུ་ཤོར།   

                 
                                                    རྩྭ་ཐང་བུ་མོའི་ཤེད་ཤུགས་ཉམས་མི་སྲིད།

                
                                         གྲ་སྒྲིག་འཕྱུགས་མེད་རྒྱལ་ཁ་ལེན་དང་མཚུངས། 


  
                                          
                                              རྟ་པའི་བཞིན་ལས་སྐྱིད་པའི་ཉམས་བཟང་མངོན།

                 
                                                   པར་ཞིག་བླངས་ནས་མི་ཚེའི་དྲན་རྟེན་བྱས།

                 
                                   ཞེས་རོང་ཆེན་ལྷ་རྒྱལ་དཔལ་གྱིས་བོད་ལྗོངས་རིག་གནས་དྲ་བ་ལས་བཏུས་སོ།

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-24 07:59 , Processed in 0.026246 second(s), 20 queries .

返回顶部