博客西藏在最高处过一种生活

日志

༄༅།།2019ལོའི་ཀྲུང་གོའི་གྲངས་ཉུང་མི་རིགས་ཀྱ ...

已有 92 次阅读2019-8-20 15:25 |系统分类:文学


                   ༄༅།།2019ལོའི་ཀྲུང་གོའི་གྲངས་ཉུང་མི་རིགས་ཀྱི་མཛའ་གཞས་འགྲེམ་སྟོན་བྱ་འགུལ་སྤེལ་མགོ་ཚུགས།
                                       རྩོམ་པ་པོ། ལྷ་ཚེ།
རྩོམ་ཁུངས། མཚོ་སྔོན་པོ་དྲ་བ།

                                    
                          2019ལོའི་ཀྲུང་གོའི་གྲངས་ཉུང་མི་རིགས་ཀྱི་མཛའ་གཞས་འགྲེམ་སྟོན་བྱ་འགུལ་སྤེལ་མགོ་ཚུགས།

     སྤྱི་ཟླ8པའི་ཚེས20ཉིན་གྱི་སྔ་དྲོར། གསེར་ཆེན་རྫོང་མི་རིགས་མཐུན་སྒྲིལ་གྱི་བསྟོད་གླུ་ངག་ལ་གྱེར་ནས་རླབས་ཆེན་མེས་རྒྱལ་གྱི་བཀའ་དྲིན་ཡིད་ལ་བཅངས་པའི2019ལོའི་ཀྲུང་གོའི་གྲངས་ཉུང་མི་རིགས་ཀྱི་མཛའ་གཞས(བོད་སྐད་སྲོལ་རྒྱུན་ལེན་སྟངས)འགྲེམ་སྟོན་བྱ་འགུལ་དེ་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་གི་ཁུལ་ལུས་རྩལ་ར་བ་ནས་སྤེལ་མགོ་ཚུགས།

                                         
                                                      མདོ་འཛིན་པ་རྣམ་པ།

                     
     གསེར་ཆེན་རྫོང་ནི་བོད་ཀྱི་མཛའ་གཞས་ཀྱི་ཕ་ས་ཞེས་པའི་མཚན་སྙན་ཐོབ། ཐེངས་འདིའི་བྱ་འགུལ་སྤེལ་བར་བརྒྱུད། བོད་ཁུལ་གྱི་ས་གནས་སོ་སོའི་མི་རིགས་ཀྱི་དམངས་ཁྲོད་རོལ་མོའི་འབྲེལ་འདྲིས་དང་འཕེལ་རྒྱས་ལ་སྐུལ་འདེད་དང་། མི་རིགས་ཀྱི་དམངས་ཁྲོད་རིག་གནས་སྲུང་སྐྱོབ་དང་རྒྱུན་འཛིན་ལ་སྐུལ་འདེད། ཀྲུང་ཧྭ་མི་རིགས་ཀྱི་ཕུལ་བྱུང་རིག་གནས་དར་སྤེལ་གཏོང་བ། ས་གནས་ཀྱི་རིག་གནས་མཚོན་རྟགས་བསྐྲུན་པར་དགེ་མཚན་ཆེན་པོ་ལྡན།

                                    
                                                      གླུ་གཞས་ཕུལ་བ།

                                      
                                                      གླུ་མ་རྡོ་བ་ཚེ་སྐྱིད།

                   
                                                     གླུ་མ་དབྱངས་ཅན་ལྷ་མཛེས།

                  
     ཐེངས་འདིའི་མཛད་སྒོར། བོད་ཀྱི་གླུ་བ་གླུ་མ་གང་མང་གདན་འདྲེན་ཞུས་ཡོད་དེ། གླུ་མ་ཚེ་རིང་གཡང་འཛོམས་དང་ཚེ་རིང་འཛོམས་སྐྱིད། གླུ་བ་བཀྲ་ཤིས་ཉི་མ། དབྱངས་ཅན་ལྷ་མཛེས། བསམ་གྲུབ་ཚེ་རིང་། རིག་འཛིན་སྒྲོལ་མ། རྡོ་བ་ཚེ་སྐྱིད། གནམ་བླ་ཐར་དང་རིན་ཆེན་དོན་གྲུབ་སོགས་ཀྱིས་གླུ་གཞས་སྣ་ཚོགས་ཕུལ་ཏེ་གཟིགས་མོ་བ་རྣམས་ཀྱི་ཡིད་ཀྱི་དང་བ་དབང་མེད་དུ་བཀུག

                                   
                                                     གླུ་བ་བཀྲ་ཤིས་ཉི་མ།

                  
                                                གླུ་བ་མགར་བསམ་གྲུབ་ཚེ་རིང་།

     བྱེད་སྒོ་འདི་སྤེལ་བའི་དམིགས་ཡུལ་ནི། སྲོལ་རྒྱུན་རིག་གནས་དར་སྤེལ་དང་། མི་རིགས་ཀྱི་སྒྱུ་རྩལ་རྣམ་པ་ངོམ་པ། རིགས་སོ་སོ་ཕན་ཚུན་འབྲེལ་འདྲིས་དང་ཕན་ཚུན་སློབ་སྦྱོང་། ཕན་ཚུན་བརྩི་འཇོག མཉམ་དུ་འཕེལ་རྒྱས་བཅས་བྱས་ཏེ། ཀྲུང་ཧྭ་མི་རིགས་གཅིག་འདུས་འདུ་ཤེས་སྲ་བརྟན་དང་། མི་རིགས་སོ་སོ་ལྷན་དུ་མཐུན་སྒྲིལ་མདུན་སྐྱོད་དང་ལྷན་དུ་འཕེལ་རྒྱས་སུ་འགྲོ་བར་ནུས་ཤུགས་དང་བྱས་རྗེས་འཇོག་པ་དེ་ཡིན།

                                         
                                                         བྲོ་འཁྲབ་པ།

                      
     ཐེངས་འདིའི་བྱ་འགུལ་སྟེང་རྒྱལ་ཡོངས་ཀྱི་ལྗོངས་ཞིང་ལྔའི་གླུ་བ་གླུ་མ་དག་གདན་འདྲེན་བྱས་ཡོད་ལ། ཡུལ་སྐད་ཆེན་པོ་གསུམ་ཚན་ཁག་རེ་རེར་བགར་ནས་འགྲན་སྡུར་བྱ་རྒྱུ་རེད། 
     འགྲན་སྡུར་གྱི་གོ་རིམ་ཆ་ཚང་མཚོ་ལྷོ་ཁུལ་ཚགས་པར་ཁང་དང་གངས་ལྗོངས་མེ་ལོང་དྲ་བ། གངས་ལྗོངས་མེ་ལོངAPPབརྒྱུད་ནས་ཐད་གཏོང་བྱ་རྒྱུ་ཡིན་པ་དང་གསར་འགྱུར་སྨྱན་བྱད་མང་པོས་ཡུལ་དངོས་ཀྱི་གནས་ཚུལ་སྐབས་ཐོག་ཏུ་བརྒྱུད་སྒྲོག་བྱ་རྒྱུ་རེད།
     ཞེས་རོང་ཆེན་ལྷ་རྒྱལ་དཔལ་གྱིས་མཚོ་སྔོན་པོ་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-24 07:23 , Processed in 0.029841 second(s), 20 queries .

返回顶部