博客西藏在最高处过一种生活

日志

༄༅།།མཚོ་ལྷོ་ཁུལ་མི་རིགས་མཐུན་སྒྲིལ་གཟེངས ...

热度 1已有 91 次阅读2019-8-20 15:06 |系统分类:文化


                 ༄༅།།མཚོ་ལྷོ་ཁུལ་མི་རིགས་མཐུན་སྒྲིལ་གཟེངས་བསྟོད་ཚོགས་འདུ་དང་རྒྱལ་སྟོན་བསུ་བའི་རིག་རྩལ་དགོང་ཚོགས་བསྡུས།
                                         རྩོམ་པ་པོ། ལྷ་ཚེ།
རྩོམ་ཁུངས། མཚོ་སྔོན་པོ་དྲ་བ།

                                    
                         མཚོ་ལྷོ་ཁུལ་མི་རིགས་མཐུན་སྒྲིལ་གཟེངས་བསྟོད་ཚོགས་འདུ་དང་རྒྱལ་སྟོན་བསུ་བའི་རིག་རྩལ་དགོང་ཚོགས་བསྡུས།

                       
     སྟོན་ཟླ་བརྒྱད་པའི་མཚོ་ལྷོ། དགའ་སྟོན་གྱི་རྣམ་པས་ཡོངས་སུ་བཀླུབས་ཤིང་། མི་རིགས་ཁག་གི་བུ་བུ་མོ་རྣམས་ཀྱིས་གླུ་དང་བྲོ་ཡི་སྟངས་སྟབས་བསྒྱུར་ཏེ་རྒྱལ་ཁབ་དབུ་བརྙེས་ནས་ལོ་འཁོར་བདུན་ཅུ་ལོན་པར་སྤྲོ་བས་བསུས་ཀྱི་ཡོད། ད་ལོ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་འཁོར་བདུན་ཅུ་ལོན་པ་དང་། མཚོ་སྔོན་བཅིངས་འགྲོལ་ཐོབ་ནས་ལོ་འཁོར་བདུན་ཅུ་ལོན་པའི་ལོ་ཡིན། ལོ་ངོ་བདུན་ཅུའི་རིང་ལ། རླབས་ཆེ་བའི་ཀྲུང་གོ་གུང་ཁྲན་ཏང་གི་འགོ་ཁྲིད་འོག་ཏུ། ཀྲུང་གོ་མི་དམངས་ཀྱིས་ཡར་ལངས་ནས་འབྱོར་ཕྱུག་དང་། འབྱོར་ཕྱུག་ནས་སྟོབས་ཆེན་དུ་བསྒྱུར་བའི་རླབས་ཆེན་མཆོངས་སྐྱོད་མངོན་འགྱུར་བྱས།

                                        
                                      ཁུལ་དཔོན་བསོད་ནམས་དོན་གྲུབ་ཀྱིས་མདོ་འཛིན་མཛད་བཞིན་པ།

                        
                                               ཁུལ་ཨུའི་ཧྲུའུ་ཅི་ཀྲང་ཝུན་ཁོས་ཀྱིས་ཤིས་ཚིག་ཕུལ།

     སྤྱི་ཟླ8པའི་ཚེས19ཉིན་གྱི་དགོང་མོ། མི་རིགས་མཐུན་སྒྲིལ་ལ་བསྟོད་གླུ་བླངས་ཏེ་རླབས་ཆེན་མེས་རྒྱལ་གྱི་དྲིན་དྲན་པའི་མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐུན་སྒྲིལ་ཡར་ཐོན་གཟེངས་བསྟོད་ཚོགས་འདུ་དང་རྒྱལ་སྟོན་བསུ་བའི་རིག་རྩལ་དགོང་ཚོགས་དེ་མཚོ་ལྷོ་ཁུལ་གསེར་ཆེན་རྫོང་དུ་གཟབ་རྒྱས་ངང་བསྡུས། ཁུལ་དཔོན་བསོད་ནམས་དོན་གྲུབ་ཀྱིས་མདོ་འཛིན་མཛད་པ་དང་ཁུལ་ཨུའི་ཧྲུའུ་ཅི་ཀྲང་ཝུན་ཁོས་ཀྱིས་ཤིས་ཚིག་ཕུལ།

                                        
                                        
                                                       ཡུལ་དངོས་རྣམ་པ།

                    
     གླུ་གཞས་སྙན་མོ་དང་བསྟུན་ནས་དགོང་ཚོགས་ཀྱི་མགོ་བརྩམས་ཤིང་། དགོང་ཚོགས་ཧྲིལ་བོར《མཐུན་སྒྲིལ་མདུན་སྐྱོད་ཀྱི་མཚོ་ལྷོ་གསར་བ》དང《རང་བྱུང་ཁམས་ཀྱི་ལེགས་སྐྱེས》《མཇལ་འཛོམས་ལས་ཀྱི་རྒྱན་ཡིན》ཞེས་ཚན་པ་གསུམ་གྱིས་གྲུབ་པ་དང་། ཨ་རྩེད་དང་རྒྱན་གོས་ཤོམ་འགྲོ། གླུ་གར་སོགས་སྣ་ཚོགས་འཁྲབ་སྟོན་བྱས་ལ། ཁྱད་དང་འཕགས་པའི་འཁྲབ་སྟོན་སྣ་ཚོགས་ཀྱིས་ཁུལ་ཡོངས་ཀྱི་རིགས་སོ་སོའི་མང་ཚོགས་ཀྱིས་འཆམ་མཐུན་ཁྱིམ་གཞིས་བསྐྲུན་པ་དང་། བབ་ཆགས་ཀྱི་མཛའ་བརྩེ་ཕྱི་རུ་ངོམ། འདིས་ཁུལ་ཡོངས་ཏང་གི་འགོ་ཁྲིད་འོག་བྱུང་བའི་འགྱུར་ལྡོག་ཆེན་མོ་དང་རིགས་སོ་སོའི་མི་དམངས་མང་ཚོགས་མཐུན་སྒྲིལ་དང་དྲིན་དྲན་པའི་རྣམ་པ་མཚོན་པར་བྱས།

                                 
                                                        གླུ་མ་རིན་ཆེན་སྒྲོལ་མ།

                     
                                                       གླུ་བ་པདྨ་བསམ་འགྲུབ།

                     
                                                     གླུ་བ་འབྲུག་བྱམས་ཚེ་རིང་།

     དེ་མིན་མཚོ་ལྷོ་ཞེས་བྱའི་རིག་གནས་ཀྱི་གཏིང་ཟབ་ཅིང་དཔངས་མཐུག་པའི་འཛིན་མ་འདི་རུ། རྒྱལ་ཡོངས་སུ་མིང་དུ་གྲགས་པའི་གཞས་པ་གཞས་མ་མང་པོ་ཞིག་འཚར་ལོངས་བྱུང་ཡོད། ཁོ་ཚོས་རང་ཉིད་ཀྱི་ཁྱད་དུ་འཕགས་ཤིང་ཡིད་དུ་འོང་བའི་དབྱངས་རྟས་ཕ་ཡུལ་གླུ་རུ་ལེན་ཞིང་། རང་ཉིད་ཀྱི་དགེ་མཚན་ལ་བརྟེན་ནས་མཚོ་ལྷོ་དྲིལ་སྒྲོག་བྱེད་པ་དང་། མཚོ་ལྷོ་མཚམས་སྦྱོར་བྱས་ཏེ། མཚོ་ལྷོའི་སྙན་གྲགས་ཀྱི་བ་དན་ཕྱོགས་སུ་མཐོན་པོར་བསྒྲེངས། ཁོ་ཚོ་ཁྲོད་ཀྱི་འཐུས་ཚབ་རིན་ཆེན་སྒྲོལ་མ་དང་པདྨ་བསམ་འགྲུབ། འབྲུག་བྱམས་ཚེ་རིང་གསུམ་ག་ཕྱོགས་སོ་སོ་ནས་འདི་གར་ཕེབས་ཏེ། ཕ་ཡུལ་ལ་སྙན་མོ་ངག་གིས་གཞས་གླུ་འབུལ་ཞིང་། ཕ་ཡུལ་གྱི་གསོ་སྐྱོང་དུངས་ཞེན་ལྷུག་གེར་བརྗོད།

                     
     དགོང་ཚོགས་ཡུལ་དངོས་སུ་ད་དུང་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་སྐྲུན་བྱེད་པའི་བྱ་འགུལ་ཁྲོད་གཟེངས་སུ་ཐོན་པའི་དཔེ་མཚོན་ཐུན་མོང35དང་མི་སྒེར64ལ་གཟེངས་རྟགས་དང་བྱ་དགའ་གནང་སྟེ།  ཁོ་ཚོས་མི་རིགས་མཐུན་སྒྲིལ་ལ་སྐུལ་འདེད་དང་སྤྱི་ཚོགས་འཆམ་མཐུན་བདེ་འཇགས་ཐད་ཐོན་པའི་བྱས་རྗེས་ལ་ཁས་ལེན་དང་གདེང་འཇོག་ཆེན་པོ་བྱས།

                                   
                                                            ཤོམ་པ་རྣམས།

                       
     ཉེ་བའི་ལོ་འགའི་རིང་། མཚོ་ལྷོ་ཁུལ་གྱིས་མཉམ་དུ་མཐུན་སྒྲིལ་འཕེལ་རྒྱས་དང་མཉམ་དུ་དར་སྤེལ་གཏོང་བའི་བརྗོད་དོན་ལ་གཞིགས་ཏེ། ཕྱོགས་ཡོངས་ནས་ཏང་གི་མི་རིགས་སྲིད་ཇུས་དངོས་འབེབ་དང་མི་རིགས་མཐུན་སྒྲིལ་ཡར་ཐོན་གསར་འཛུགས་བྱ་བ་ནན་གྱིས་སྤེལ་བ་དང་། ཁུལ་ཡོངས་ཀྱི་གོང་འོག་ཀུན་ཏུ་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་ལག་བསྟར་མཐིལ་ཕྱིན་བྱེད་ཅིང་། “འདུ་ཤེས་བཞི”ཇེ་བརྟན་དུ་གཏོང་བ་དང་། “ཡིད་ཆེས་བཞི”འགྱུར་བ་མེད་པ། “སྲུང་སྐྱོང་གཉིས”ལེགས་པོར་བསྒྲུབས་ཏེ། “ལྔ་བཞི་འཐབ་ཇུས”ལག་བསྟར་བྱེད་པ་དང་། “སྔོན་འགྲོ་གཅིག་དང་སྤུས་ལེགས་གཉིས”ཀྱི་འཐབ་ཇུས་བཀོད་སྒྲིག་ལ་སྐུལ་འདེད་བྱས་ཐོག  རིག་གནས་ཡིད་ཆེས་སྲ་བརྟན་དུ་བཏང་ཞིང་། ས་ཁུལ་གྱི་བརྗེ་རེས་དང་མཉམ་འདྲེས་ལ་ཤུགས་བསྣན་ཏེ། དེང་རབས་ཅན་གྱི་ཁྱད་ཆོས་དང་ས་གནས་ཀྱི་ཁྱད་ཆོས། མི་རིགས་ཀྱི་ཁྱད་ཆོས་ལྡན་པའི་རིག་གནས་ཐོན་རྫས་གང་ལེགས་བསྐྲུན་གྱིན་ཡོད།
    ཞེས་རོང་ཆེན་ལྷ་རྒྱལ་དཔལ་གྱིས་མཚོ་སྔོན་པོ་དྲ་བ་ལས་བཏུས་སོ།


发表评论 评论 (2 个评论)

回复 丹正嘉的blog 2019-8-21 09:38
  
回复 ljh8520035 2019-8-21 12:12
丹正嘉的blog 2019-8-21 09:38
   

谢谢丹正嘉老师的关注     

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-21 23:20 , Processed in 0.030597 second(s), 21 queries .

返回顶部