博客西藏在最高处过一种生活

日志

༄༅།།པཎ་ཆེན་མཆོག་གིས་མཐོ་ལྡིང་དགོན་དུ་མང་ ...

已有 102 次阅读2019-8-7 08:01 |系统分类:见闻


               ༅།།པཎ་ཆེན་མཆོག་གིས་མཐོ་ལྡིང་དགོན་དུ་མང་ཚོགས་ལ་ཚེ་དབང་གནང་ཞིང་གུ་གེའི་གནའ་ཤུལ་ལ་གཟིགས་སྐོར་གནང་།
                                  ཡོང་ཁུངས། མི་དམངས་དྲ་བ། རྩོམ་པ་པོ། མི་གསལ། རྩོམ་སྒྲིག་པ། ཚེ་མཁར་རྒྱལ།

                   


     ཀྲུང་གོ་བོད་ཀྱི་དྲ་བའི་འཕྲིན ཉེ་ཆར། རྒྱལ་ཡོངས་སྲིད་གྲོས་རྒྱུན་ཨུ་དང་། ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། ཀྲུང་གོའི་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་གིས་ལོ་5ཡི་རྗེས་སུ་སླར་ཡང་བོད་རང་སྐྱོང་ལྗོངས་མངའ་རིས་ས་ཁུལ་དུ་མཛད་འཕྲིན་སྤེལ་བ་རེད། 

      མཐོ་ལྡིང་དགོན་ནི་བོད་ལྗོངས་མངའ་རིས་ས་ཁུལ་རྩྭ་མདའ་རྫོང་གླང་ཆེན་ཁ་འབབ་ཀྱི་འགྲམ་དུ་ཆགས་ཤིང་། སྤྱི་ལོ996ལོར་ལྷ་བླ་མ་ཡེ་ཤེས་འོད་ཀྱིས་བཏབ་ཅིང་དབུ་ཞྭ་ནམ་མཁར་བསྐྱུར་བ་གང་དུ་བབས་པའི་ས་དེར་གཙུག་ལག་ཁང་དེ་བཞེངས་པར་བཞེད། དེ་ནི་གུ་གེ་རྒྱལ་རབས་ཀྱིས་མངའ་རིས་ས་ཁུལ་དུ་བཞེངས་པའི་དགོན་སྡེ་སྔ་ཤོས་ཀྱི་གྲས་ཤིག་ཡིན། ད་ལྟའི་བར་དུ་ལོ་ངོ་སྟོང་ལྷག་གི་ལོ་རྒྱུས་ལྡན་ཡོད། 

       ཟླ7ཚེས25ཉིན། པཎ་ཆེན་སྐུ་ཕྲེང་བཅུ་གཅིག་པ་སྐུ་འཁོར་གྱིས་གུ་གེ་རྒྱལ་རབས་ཀྱི་གནའ་ཤུལ་དུ་གཟིགས་སྐོར་གནང་བ་རེད། གུ་གེ་རྒྱལ་རབས་ཀྱི་གནའ་ཤུལ་ནི་བོད་རང་སྐྱོང་ལྗོངས་མངའ་རིས་ས་ཁུལ་དུ་ཆགས་ཤིང་། བོད་རང་སྐྱོང་ལྗོངས་ཀྱི་ནུབ་མཐའ་རུ་ཡོད་པ་དང་། རྒྱ་མཚོའི་ངོས་ལས་ས་བབས་མཐོ་ཚད་སྨི4500ཡོད་པས། དེ་ལ་“འཛམ་གླིང་ཡང་རྩེའི་ཡང་རྩེ”ཞེས་སུ་གྲགས། དེ་ནི་འཛམ་གླིང་གི་མི་འབོར་འདུས་ཚད་ཆེས་ཉུང་བའི་ས་ཁུལ་ཞིག་རེད། མིའི་རིགས་འཚོ་གནས་བྱེད་པར་དཀའ་བའི་ས་ཁུལ་འདི་རུ་ད་ལྟའི་བར་ལོ་ངོ་ཁྲི་གཉིས་ཀྱི་ཡར་སྔོན་ནས་མིའི་རིགས་ཀྱི་བྱེད་སྒོ་སྤེལ་མྱོང་ཞིང་། ཞང་ཞུང་དང་གུ་གེ་རྒྱལ་རབས་ཀྱིས་དེ་སྔོན་གནས་འདི་རུ་ངོ་མཚར་ཆེ་བའི་རིག་གནས་གསར་གཏོད་བྱས་ཡོད། 
       “མངའ་རིས་སུ་མ་སླེབས་ན། བོད་ལྗོངས་སུ་སླེབས་པ་དོན་མེད་ཡིན”ཞེས་པའི་བཤད་སྲོལ་ཡོད། རྒྱུ་མཚན་ནི་གནས་འདི་ནི་གནའ་བོའི་ཞང་ཞུང་རིག་གནས་ཀྱི་འབྱུང་ཁུངས་ཡིན་ལ། བོད་ཀྱི་གནའ་བོའི་གདོད་མའི་ཆོས་ལུགས་ཏེ་བོན་ཆོས་ཀྱི་འབྱུང་ཁུངས་ཀྱང་ཡིན། ཞང་ཞུང་རིག་གནས་ནི་བོད་ཀྱི་རྩ་བའི་རིག་གནས་ཡིན་ཟེར་ལ། སྔོན་ཆད་མཚོ་བོད་མཐོ་སྒང་ལས་བརྒལ་ནས། ཡ་གླིང་དབུས་རྒྱུད་དང་ཡ་གླིང་ལྷོ་མའི་ས་ཁུལ་གྱི་མངའ་ཁོངས་སུ་ཁྱབ་པས། ཀྲུང་ཡོན་ས་ཁུལ་དང་ཡ་གླིང་དབུས་རྒྱུད། ཡ་གླིང་ལྷོ་མ་དང་ཡ་གླིང་ནུབ་མ་སོགས་ཀྱི་དཔལ་ཡོན་མང་པོ་གཅིག་འདུས་བྱས་ཡོད། 
      གུ་གེ་རྒྱལ་རབས་གནའ་ཤུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི72ཡོད་ཅིང་། དེ་ནི་རྒྱལ་ཡོངས་ཀྱི་ཁག་དང་པོའི་རིག་དངོས་སྲུང་སྐྱོང་ས་ཁུལ་གྱི་གྲས་ཤིག་ཡིན་ཞིང་། ད་ལྟའི་གནའ་ཤུལ་ནི་རི་འདབས་ནས་རི་རྩེའི་བར་དུ་སྨི300ཡོད་ཅིང་། ས་མདོག་དང་འདྲ་བའི་རྩིག་པ་དང་བྲག་ཕུག་གིས་ཁེངས་ཤིང་། དགོན་སྡེ་ཁ་ཤས་མ་གཏོགས་པའི་ཁང་པ་གཞན་ཚང་མ་རྡིབ་ནས་གྱང་རོ་ལས་ལུས་མི་འདུག  གནའ་ཤུལ་ཁྲོད་དུ་སྐུ་འདྲ་དང་། ལྡེབས་རིས། རིག་དངོས་མང་པོའི་ཤུལ་ལུས་འདུག 
      པཎ་ཆེན་སྐུ་ཕྲེང་བཅུ་གཅིག་པས་སྔ་གཞུག་ཏུ་སྒྲོལ་མའི་ལྷ་ཁང་དང་། ཕོ་བྲང་དཀར་པོ། ཕོ་བྲང་དམར་པོ། རྡོ་རྗེ་འཇིགས་བྱེད་ཀྱི་ལྷ་ཁང་བཅས་ལ་མཇལ་སྐོར་གནང་། མཇལ་སྐོར་གནང་བའི་སྐབས་སུ་པཎ་ཆེན་སྐུ་ཕྲེང་བཅུ་གཅིག་པས།“གུ་གེ་རྒྱལ་རབས་ཀྱི་གནའ་ཤུལ་ནི་ཡབ་མེས་རྣམས་ཀྱིས་བཞག་པའི་རིན་ཐང་བྲལ་བའི་རིག་གནས་ཤུལ་བཞག་ཡིན་པས། རིག་དངོས་སྲུང་སྐྱོང་དང་ཡང་ན་ཡུལ་སྐོར་གྱི་ལྟ་བ་གང་ཞིག་གི་ཐད་ནས་བཤད་རུང་། ང་ཚོས་ནུས་པ་ཅི་ཡོད་ཀྱིས་དེ་དག་རྒྱུན་འཛིན་དང་སྲུང་སྐྱོང་ཡག་པོ་བྱེད་དགོས། ཉེ་བའི་ལོ་འགའི་རིང་རྒྱལ་ཁབ་ཀྱིས་མ་དངུལ་འབོར་ཆེན་བཏང་ནས། གུ་གེ་རྒྱལ་རབས་ཀྱི་གནའ་ཤུལ་ལ་གཞི་རྒྱ་ཆེ་བའི་ཞིག་གསོ་དང་སྲུང་སྐྱོང་བྱས་པས། དེ་ལས་ཀྲུང་དབྱང་གིས་བོད་མི་རིགས་ཀྱི་རིག་གནས་ཤུལ་བཞག་ལ་མཐོང་ཆེན་དང་དོ་ཁུར་ཆེན་པོ་བྱས་པ་མཚོན་ཡོད”ཅེས་གསུངས། 
      མཇལ་སྐོར་གྱི་རྗེས་སུ་པཎ་ཆེན་སྐུ་ཕྲེང་བཅུ་གཅིག་པས་གུ་གེ་རྒྱལ་རབས་ཀྱི་གནའ་ཤུལ་འདབས་སུ་ཆགས་པའི་རྩ་ཧྲེང་གྲོང་ཚོའི་ཞིང་པ་བཅིངས་འགྲོལ་བདེ་སྐྱིད་ཀྱི་ཁྱིམ་དུ་འཚམས་འདྲི་གནང་བར་ཕེབས་ནས་འཚམས་འདྲིའི་དངུལ་ཡང་གནང་། བཅིངས་འགྲོལ་བདེ་སྐྱིད་ཀྱི་ཁྱིམ་མི་ཚོས་སྒོ་ཁ་ནས་པཎ་ཆེན་སྐུ་ཕྲེང་བཅུ་གཅིག་པར་ཕེབས་བསུ་ཞུས་ནས་མཇལ་དར་ཕུལ། པཎ་ཆེན་སྐུ་ཕྲེང་བཅུ་གཅིག་པ་ཁོང་ཚང་ལ་ཕེབས་ནས་བཅིངས་འགྲོལ་བདེ་སྐྱིད་ཀྱི་ཁྱིམ་མི་ཚོར་བཀའ་མོལ་གནང་བ་དང་། ཁྱིམ་ཚང་གི་ཐོན་སྐྱེད་དང་འཚོ་བའི་གནས་ཚུལ་ལ་རྒྱུས་ལོན་ཞིབ་མོ་གནང་བ་རེད། 

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།




评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-12-15 08:17 , Processed in 0.026274 second(s), 20 queries .

返回顶部