博客西藏在最高处过一种生活

日志

༄༅།།ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོ ...

已有 235 次阅读2019-7-17 09:21 |系统分类:见闻

                   ༄༅།།ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚན་ཆུང་དྲུག་པས་མཚོ་སྔོན་ལ་མང་ཚོགས་ཀྱི་
                            ཡིག་བསྐུར་ངོ་བཅར་སྐོར་གྱི་ཐེར་འདོན་གནད་དོན་ཁག་དང་པོ་རྩིས་སྤྲོད་བྱས་པ།
                              ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ། ཚེ་རིང་རྒྱ་མཚོས་བསྒྱུར།

                           

      ཀྲུང་གོ་བོད་ཀྱི་དྲ་བའི་འཕྲིན། སྤྱི་ཟླ7པའི་ཚེས15ཉིན་ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚན་ཆུང་དྲུག་པས་མཚོ་སྔོན་ཞིང་ཆེན་ལ་རེས་སྐོར་དང་པོའི་མང་ཚོགས་ཀྱི་ཡིག་བསྐུར་ངོ་བཅར་སྐོར་གྱི་ཐེར་འདོན་གནད་དོན24རྩིས་སྤྲོད་བྱས་ཤིང་། ཀྲུང་དབྱང་ཁོར་ཡུག་སྲུང་སྐྱོང་ལྟ་ཞིབ་ཚན་ཆུང་གི་འགོ་གཙོ་གཞོན་པ་ཧོང་རུང་ཆིའུ་ཡིས་ཞིང་ཆེན་སྲིད་གཞུང་གི་ཧྲིང་ཀྲང་གཞོན་པ་ཐེན་ཅིན་ཁྲེན་ལ་རྩིས་སྤྲོད་བྱས་པ་རེད། 

      ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚན་ཆུང་དྲུག་པ་རང་ཞིང་དུ་བཅའ་སྡོད་བྱས་རྗེས། དུས་ཐོག་ཏུ་ལས་རེས་ཁ་པར་དང་སྦྲག་སྲིད་ཡིག་སྒམ་བཙུགས་ནས་མང་ཚོགས་ཀྱི་ཡིག་བསྐུར་ངོ་བཅར་སྐོར་གྱི་ཐེར་འདོན་དང་ལེན་བྱས་པ་དང་། ཚེས15ཉིན་གྱི་ཉིན་གུང་དུས་ཚོད12བར་ཐེར་འདོན་གནད་དོན24འབྱོར་ཡོད། 

      ཧོང་རུང་ཆིའུ་ཡིས་རྩིས་སྤྲོད་མཛད་སྒོའི་ཐོག་མཚོ་སྔོན་གྱིས་འཕྲལ་སྒྲུབ་འཕྲལ་བཅོས་དང་ལྟ་སྐུལ་བྱེད་ཞོར་སྒྱུར་བཅོས་བྱས་ཏེ། ལྟ་སྐུལ་ཞིབ་བཤེར་ཚན་ཆུང་གིས་རྩིས་སྤྲོད་བྱས་པའི་མི་དམངས་མང་ཚོགས་ཀྱི་ཡིག་བསྐུར་ངོ་བཅར་དང་ཐེར་འདོན་གྱི་གནད་དོན་ཐད་ལམ་སྲོལ་འཛུགས་པ་དང་། འཕྲལ་སྒྲུབ་འཕྲལ་བཅོས་བྱེད་པ། ལྟ་སྐུལ་བྱེད་ཞོར་དུ་ལེགས་བཅོས་བཅས་བྱས་ནས་མང་ཚོགས་ཀྱིས་དོ་སྣང་བྱེད་བཞིན་པའི་སྐྱེ་ཁམས་ཁོར་ཡུག་གི་གནད་དོན་ཐག་གཅོད་ཏན་ཏིག་བྱས་ཏེ། མི་དམངས་མང་ཚོགས་ཀྱི་ཐོབ་སེམས་ཆེ་རུ་གཏང་དགོས། ཞིབ་བསྡུར་ནན་པོ་བྱས་ནས་དག་ཐེར་དོན་འཁྱོལ་བྱེད་དགོས་པ་དང་། ལྟ་སྐུལ་ཞིབ་བཤེར་ཚན་ཆུང་གིས་རྩིས་སྤྲོད་བྱས་པའི་མང་ཚོགས་ཀྱི་ཐེར་འདོན་གནད་དོན་ཚང་མར་དོ་དམ་ནན་པོ་བྱས་ཏེ་ཨང་རྟགས་མེད་པ་བཟོ་བ། ལྟ་སྐུལ་ཞིབ་དཔྱད་བྱས་ནས་གནད་དོན་རྩད་ཆོད་མཐའ་གསལ་མ་བྱུང་ན་གང་བྱུང་དུ་མི་གཏོང་བ་དང་། དག་ཐེར་ཡོ་བསྲང་གནད་ལ་མ་འཁེལ་ན་མི་གཏོང་བ། འགན་འཁྲི་དོན་འཁྱོལ་མ་བྱས་ན་མི་གཏོང་བ། མང་ཚོགས་ཀྱི་བློ་ལ་མ་བབ་ན་མི་གཏོང་བ་བཅས་བྱེད་དགོས། ཕྱི་ཕྱོགས་ལ་ཁྱབ་སྒྲོག་དང་ལྟ་སྐུལ་དང་ལེན་བྱ་དགོས། མི་དམངས་མང་ཚོགས་ཀྱི་ཡིག་བསྐུར་ངོ་བཅར་དང་ཐེར་འདོན་གནད་དོན་གྱི་གནས་ཚུལ་ཞིབ་ཕྲ་དང་། ཞིབ་བཤེར་ཐག་གཅོད་བྱས་ཚུལ། དག་ཐེར་བྱས་ཚུལ་སོགས་དུས་ཐོག་ཏུ་ཕྱི་ཕྱོགས་ལ་ཁྱབ་སྒྲོག་བྱས་ནས་སྤྱི་ཚོགས་ཀྱི་ལྟ་སྐུལ་དང་ལེན་བྱ་དགོས། ཐེར་འདོན་ཐག་གཅོད་དང་འབྲེལ་ཡོད་མང་ཚོགས་ཀྱི་ཚོར་སྣང་དང་ཕུགས་ཕན་ལམ་སྲོལ་འཛུགས་སྐྱོང་སོགས་ཀྱི་གནས་ཚུལ་དང་འབྲེལ་བ་ཡོད་ཚེ་བྱ་ཐབས་འོས་འཚམ་བརྒྱུད་དེ་སྤྱི་ཚོགས་ལ་ཁྱབ་སྒྲོག་བྱེད་དགོས། དངོས་ཐོག་བདེན་འཚོལ་དང་དངོས་ཕན་དོན་གཉེར་བྱེད་དགོས་པའི་རྨང་གཞིའི་སྟེང་། ལྟ་ཞིབ་ཚན་ཆུང་གིས་རྩིས་སྤྲོད་བྱས་པའི་མང་ཚོགས་ཀྱི་ཡིག་བསྐུར་ངོ་བཅར་ལ་ལྟ་ཞིབ་ལེགས་པོ་བྱེད་པ་དང་ཕན་འབྲས་ཐོབ་པར་བརྩོན་ལེན་བྱེད་པའི་དུས་མཚུངས་སུ། ཁྲིམས་ལྟར་བྱ་བ་སྒྲུབ་པར་རྒྱུན་འཁྱོངས་བྱེད་པ་དང་། སྲིད་ཇུས་སྙོམས་སྒྲིག་ལ་དོ་སྣང་བྱེད་པ་། བརྟན་བརླིང་དང་དངོས་ཐོག་བདེན་འཚོལ་གྱི་སྒོ་ནས་གནད་དོན་ཐག་གཅོད་བྱེད་དགོས་པ་བཅས་ནན་གྱིས་བསྟན།  །

        ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།  



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-8-21 05:13 , Processed in 0.024090 second(s), 21 queries .

返回顶部