博客西藏在最高处过一种生活

日志

༄༅།། བོད་ཀྱི་ལ་གླུ།

已有 184 次阅读2019-7-6 17:11 |系统分类:文化




༄༅།། བོད་ཀྱི་ལ་གླུ།
ཡོང་ཁུངས་།  ཁམས་པའི་དྲ་བ། རྩོམ་པ་པོ། སྣང་མཛོད་ཀྱིས་བསྒྲིགས།


 
     སྒང་རི་སྒང་གི་རྩི་ཐོག་སྒང་། རྩྭ་རྩི་འཕྱངས་འཇག་མས་གུར་གཅིག་ཕུབ། ལུག་གཡང་དཀར་ཤོག་དང་གུར་སྒོ་ཕྱེ། དེ་མིན་འོང་ན་ཕྱེ་ལེན་མིན། སྐེད་རི་སྐེད་པའི་སྣ་མའི་སྐེད། སྣ་མ་སྔོན་མོའི་གུར་ཞིག་ཕུབ། འབྲི་ཟིང་དཀར་ཤོག་དང་གུར་སྒོ་ཕྱེ། དེ་མིན་འོང་ན་ཕྱེ་ལེ་མིན། མདའ་རི་མདའ་ནས་མེ་བཀྲ་ཡི་མདའ། མེ་ཏོག་སེར་པོས་གུར་གཅིག་ཕུབ།རྟ་འདོ་བ་ཤོག་དང་གུར་སྒོ་ཕྱེ། དེ་མིན་འོང་ན་ཕྱེ་ལེ་མིན།
     སྔ་དྲོའི་ཉི་མ་བྲག་ལ་ཕོག བྲག་དཀར་འཛོང་ལྷ་སྐུ་ཨེ་འདྲ་དོ། རྒོད་ཐང་དཀར་སློབ་གཉེར་ཨེ་འདྲ་དོ། ཉི་གཞུང་ཉི་མ་ཐང་ལ་ཕོག ཐང་ཨ་ཆེན་ཤོག་དཀར་ཨེ་འདྲ་དོ།དྲིལ་སྨུག་ཆུང་བྲི་པ་ཨེ་འདྲ་དོ། ཕྱི་དྲོའི་ཉི་མ་ཆུ་ལ་ཕོག ཆུ་གཙང་པོ་གྲུ་ཀོ་ཨེ་འདྲ་དོ། ཉ་གསེར་ཉ་གྲུ་པ་ཨེ་འདྲ་དོ།
        སྟག་ཤར་ལུ་ཟེར་ལེ་ནོར་བུ་ཚོ། བོག་ཁྲ་རིང་ནོར་བུའི་རྒྱུན་ཆ་རེད། དགྲ་སྔ་མོ་མ་ཕོག་བླ་མས་སྐྱོབ། སྨན་བུ་མོ་ཟེར་ལེ་ནོར་བུ་ཚོ། གཡུ་དྲུང་དཀར་ནོར་བུའི་རྒྱན་ཆ་རེད།ཁྲེལ་མི་ཁ་མ་ཕོག་བླ་མས་སྐྱོབ།
     ང་གཡུ་ལུང་ནང་ནས་ཡར་ཡར་སོང་། གཡུ་དྲུང་དཀར་ནོར་བུའི་སྒར་འཁྱིལ་རྙེད། རྒྱུ་ཁར་ནས་ཉོ་ས་མ་སོང་སྟེ། གཡུ་དྲུང་དཀར་ང་ལ་རང་འཁོར་རེད། ང་གཟི་ལུང་ནང་ནས་ཡར་ཡར་སོང་། གཟི་ནག་བཀྲ་ཆུ་མིག་དགུ་པ་རྙེད། རྒྱུ་ཁུར་ནས་ཉོ་ས་མ་སོང་སྟེ། གཟི་ནག་བཀྲ་ང་ལ་རང་འཁོར་རེད།
     ཞེས་རོང་ཆེན་ལྷ་རྒྱལ་དཔལ་གྱིས་བོད་ལྗོངས་རིག་གནས་དྲ་བ་ལས་བཏུས་སོ།

 

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-10-24 02:03 , Processed in 0.026608 second(s), 20 queries .

返回顶部