博客西藏在最高处过一种生活

日志

༄༅།།གསེར་གྱི་མེ་ཏོག་གི་བྱ་དགའ་ཐོབ་པའི་མཛ ...

已有 538 次阅读2019-5-23 09:19 |系统分类:见闻


                                     ༄༅།།གསེར་གྱི་མེ་ཏོག་གི་བྱ་དགའ་ཐོབ་པའི་མཛེས་མ་དེ་སུ་རེད།
                                    ཡོང་ཁུངས།  ཁམས་པའི་དྲ་བ། རྩོམ་སྒྲིག་པ། ཀླུ་འབུམ་ཚེ་རིང་།

                            

      ཀྲུང་གོ་བོད་ཀྱི་དྲ་བའི་འཕྲིན། སྤྱི་ལོ་2019ལོའི་རོང་བྲག་རྫོང་རྒྱལ་མོ་ཚ་བ་རོང་གི་ཡུལ་སྲོལ་དུས་ཆེན་དང་སི་ཁྲོན་དཀར་མཛེས་རི་ཀླུང་ཡུལ་སྐོར་རིག་གནས་དུས་ཆེན་གཉིས་མཉམ་སྒྲུབ་ཁྲོད་ཀྱི་མཛེས་མ་འདེམས་པའི་འགྲན་སྡུར་དེས་རྒྱལ་ཕྱི་ནང་གི་ཡུལ་སྐོར་བ་ཁྲི་སྟོང་མང་པོའི་ཡིད་ཀྱི་བརྟན་པ་ཅིག་ཅར་དུ་འཕྲོག་པར་མ་ཟད། བོད་རྒྱལ་མོ་རོང་གི་རོང་བྲག་མཛེས་མའི་ལུང་པ་ཞེས་པའི་སྙན་པའི་གྲགས་པ་སྔར་ལས་གོ་ལ་ཧྲིལ་པོའི་སྒང་ནས་རབ་ཏུ་འབར།

      སྤྱི་ཟླ་5པའི་ཚེས་20ཉིན་གྱི་དགོང་མོར་རྒྱལ་མོ་ཚ་བ་རོང་གི་ཡུལ་སྲོལ་དུས་ཆེན་ལས་མཛེས་མ་འདེམས་པའི་འགྲན་སྡུར་ཆེན་མོའི་རྟིང་རྩོད་འགྲན་སྡུར་དེ་རྒྱལ་རོང་རོང་བྲག་རྫོང་དུ་སྤེལ་ཡོད་པ་རེད། རྒྱལ་མོ་ཚ་བ་རོང་གི་རྫོང་ཁག་སོ་སོའི་ནས་ཡོང་བའི་མཛེས་མ་ཆིག་སྟོང་ལྷག་ཐེངས་འདིའི་མཛེས་མ་འདེམས་པའི་འགྲན་སྡུར་དུ་ཞུགས་ཡོད་པ་རེད།

      འབྲེལ་ཡོད་འགན་ཁུར་བས་ངོ་སྤྲོད་བྱས་པར་གཞིགས་ན། ཐེངས་འདིའི་མཛེས་མ་འདེམས་པའི་འགྲན་སྡུར་དེ་ནི་བོད་རྒྱལ་མོ་རོང་གི་ཡུལ་ཁམས་སྤྱི་ལ་ཁ་ཕྱོགས་ཤིང་། ལོ་16ནས་28བར་གྱི་བུ་མོ་ལོ་ཆུང་དང་། ལུས་པོ་བདེ་ཐང་ཅན། གཟུགས་ཀྱི་མཐོ་ཚད་སྨི་1.6ཡན་ལ་བསླེབ་དགོས་པ་དང་། གཟུགས་བྱད་སྙོམ་པོ་ཡིན་དགོས་པ། དབང་པོ་ལྔ་པོ་ཚད་ལྡན་ཡིན་པ་སོགས་ཀྱི་ཆ་རྐྱེན་ལྡན་དགོས་པ་རེད་འདུག  འགྲན་རིམ་ནི་མིང་ཐོ་འགོད་པ་དང་། མང་འདེམས། ཡུན་ཐུང་གསོ་སྦྱོང་། སྔོན་འགྲན། བསྐྱར་འགྲན། རྟིང་རྩོད་བཅས་རིམ་པ6བརྒྱུད་ནས་མཐའ་མཇུག་གི་རྒྱལ་ཕམ་ཐག་གཅོད་བྱས་ཡོད་པ་དང་། ཐེངས་འདིའི་འགྲན་སྡུར་ལ་བྱ་དགའ་སྒོར་མོ་ཁྲི་24བཏང་ནས་གསེར་གྱི་མེ་ཏོག་དང་དངུལ་གྱི་མེ་ཏོག  སེ་འབྲུ་མེ་ཏོག་སོགས་འདེམས་ཐོན་བྱུང་བའི་མཛེས་མ་དག་ལ་བྱ་དགའ་སྤྲད་ཡོད་པ་རེད།

      ཉིན་མང་པོའི་རིང་ལ་འགྲན་སྡུར་རབ་དང་རིམ་པ་བརྒྱུད་མཐར་མཛེས་མ་20ཐམ་པ་མཇུག་མཐའི་རྒྱལ་ཕམ་ཐག་གཅོད་ཀྱི་རྟིང་རྩོད་འགྲན་སྡུར་དུ་ཚུད་ཡོད་པ་རེད། རེས་གསུམ་པའིTསྟེགས་བུ་ནས་རིག་ནུས་རྟིང་རྩོད་འགྲན་སྡུར་བྱས་མཐར་འགྲན་ཞུགས་མཛེས་མ་10བདམས་ཐོན་བྱུང་ཞིང་། མཐའ་མཇུག་ཏུ་འགྲན་ཞུགས་མཛེས་མ་བདེ་སྐྱིད་ལྷ་མོ་ལ་སྤྱི་ལོ་2019ལོའི་བོད་རྒྱལ་མོ་རོང་གི་ཡུལ་སྲོལ་དུས་ཆེན་ལས་གསེར་གྱི་མེ་ཏོག་གི་བྱ་དགའ་ཐོབ་ཡོད་པ་རེད། འགྲན་ཞུགས་ཨང་རྟགས་9པ་ཨ་ཅག་མོ་དང་འགྲན་ཞུགས་ཨང་རྟགས་8པ་སྲིང་མོ་ཐར་གཉིས་ལ་ཐེངས་འདིའི་འགྲན་སྡུར་ལས་དངུལ་གྱི་མེ་ཏོག་གི་བྱ་དགའ་ཐོབ། འགྲན་ཞུགས་ཨང་རྟགས་1པོ་ཚེ་ལྷ་མོ་དང་། འགྲན་ཞུགས་ཨང་རྟགས་3པ་ཀུན་བཟང་ལྷ་མོ། འགྲན་ཞུགས་ཨང་རྟགས་13པ་རིན་ཆེན་མཚོ་བཅས་ལ་ཐེངས་འདིའི་འགྲན་སྡུར་ལས་སེ་འབྲུ་མེ་ཏོག་གི་བྱ་དགའ་ཐོབ། འགྲན་ཞུགས་ཨང་རྟགས་19པ་བཀྲ་ཤིས་ལྷ་མོ་ལ་བརྙན་སྣང་ལེགས་ཤོས་ཀྱི་བྱ་དགའ་དང་འགྲན་ཞུགས་ཨང་རྟགས་10པ་ཚེ་རིང་མཚོ་ལ་རིག་རྩལ་ལེགས་ཤོས་ཀྱི་བྱ་དགའ། འགྲན་ཞུགས་ཨང་རྟགས་18པ་བཀྲ་ཤིས་ལྷ་མོ་ལ་མི་གཡང་བཟང་པོའི་བྱ་དགའ། འགྲན་ཞུགས་ཨང་རྟགས5པ་དམ་ཅན་གཡང་སྐྱིད་ལ་རིག་ནུས་བྱ་དགའ་བཅས་ཚན་རྐྱང་བྱ་དགའ་ཐོབ་ཡོད་པ་རེད།

       ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-8-19 05:29 , Processed in 0.023944 second(s), 21 queries .

返回顶部