博客西藏在最高处过一种生活

日志

༄༅།།བོད་ཀྱི་རི་མོ་བ་རིན་ཆེན་རྒྱ་མཚོ་དང་ག ...

已有 121 次阅读2019-5-12 08:45 |系统分类:文化


                                    ༄༅།།བོད་ཀྱི་རི་མོ་བ་རིན་ཆེན་རྒྱ་མཚོ་དང་གེ་སར་སྒྱུ་རྩལ།
                                       རྩོམ་པ་པོ། མི་གསལ།
རྩོམ་ཁུངས། མཚོ་སྔོན་པོ་དྲ་བ།

                                 

                                               བོད་ཀྱི་རི་མོ་བ་རིན་ཆེན་རྒྱ་མཚོ།

     རི་མོ་བ་རིན་ཆེན་རྒྱ་མཚོ་ནི་སྤྱི་ལོ1942ལོར་མདོ་སྨད་གཅན་ཚར་སྐྱེས། 1962ལོར་རྨ་ལྷོ་དགེ་འོས་སློབ་གྲྭར་སློབ་སྦྱོང་བྱས། 1968ལོར་མཚོ་སྔོན་ཞིང་ཆེན་དུ་ཐོག་མར་བཙུགས་པའི་རི་མོ་འཛིན་གྲྭར་སློབ་སྦྱོང་བྱས། དེ་རུ་རང་རྒྱལ་གྱི་རི་མོ་བ་གྲགས་ཅན་ཀྲུའུ་ནེད་ཀྲིན་དང་ཙིན་ཏོ་ཙོང་། ཙོ་ལིང་། ལིས་ཀོ། ཀྲུའུ་ཁྲིན་ལིན་སོགས་དགེ་རྒན་དུ་བསྟེན། 1980ལོར་རྨ་ལྷོ་ཁུལ་གེ་སར་སྒྱུ་རྩལ་མྱུར་སྐྱོབ་འཛིན་གྲྭའི་འགན་འཛིན་བྱས་ཤིང་། དེ་གར་ཤ་བོ་ཚེ་རིང་དང་ཀུན་བཟང་སོགས་མི་སྣ་དགུ་བསྡུས། 
     དེ་ནས་བཟུང་ཁོས་གེ་སར་སྒྱུ་རྩལ་ལ་ཞིབ་འཇུག་དང་དེའི་སྐོར་གྱི་བརྩམས་ཆོས་གསར་བཞེངས་བྱས། 1985ལོར་མཚོ་སྔོན་ཞིང་ཆེན་མཛེས་རྩལ་མཐུན་ཚོགས་ཀྱི་ཚོགས་མི་དང་ལས་འཛིན་པའི་འགན་ཁུར།

                         

     ཁོས་ཀྲུང་གོའི་མཛེས་རྩལ་དུས་དེབ་དང་ཚགས་པར་སོགས་སུ་རི་མོའི་བརྩམས་ཆོས་མང་དུ་སྤེལ། 《རྩ་ཐང་དུ་དཔྱིད་ཀ་སླེབས་པ》ཞེས་པའི་ཤིང་བརྐོས་རི་མོར་ཤིས་ཨན་དུ་ཞིང་ལྗོངས་ལྔའི་རི་མོ་འགྲེམ་སྟོན་བྱས་པའི་སྟེང་བྱ་དགའ་ཐོབ། 
     མཚོ་སྔོན་དངོས་མང་བཤམ་སྟོན་ཁང་དང་། པེ་ཅིན་སྤྱི་ཚོགས་ཚན་རིག་ཁང་གེ་སར་ཞིབ་འཇུག་གཞུང་ལས་ཁང་གིས་ཁོའི་རི་མོའི་བརྩམས་ཆོས་ཉར་ཚགས་བྱས་ཡོད། 
     2010ལོར་ཨ་རིའི་ཉིག་ཡོག་གི་རོའོ་པིན་སྒྱུ་རྩལ་བཤམ་སྟོན་གིས་ཁོའི་གེ་སར་གྱི་རི་མོ་གསར་རྩོམ་བརྩམས་ཆོས་བརྒྱད་ཉར་ཚགས་བྱས་ཡོད། 
     2013ལོ་ནས2014ལོའི་བར་ཁོང་དགོང་ལོ་བདུན་ཅུ་དོན་བཞི་བར《གེ་སར་རྒྱལ་པོ་དཔའ་རྟུལ་སུམ་ཅུ་གཡུལ་དུ་ཆས་པ》ཞེས་པ་ལོ་གཉིས་རིང་གསར་བཞེངས་བྱས་ཏེ་ལེགས་གྲུབ་བྱུང་ལ། དེས་བོད་ཀྱི་རི་མོའི་ལོ་རྒྱུས་སྟེང་མཛད་རྗེས་གསར་པ་དང་དཀྱོགས་མཚམས་གལ་ཆེན་ཞིག་ཀྱང་བཞག་སོང་།

      ཞེས་རོང་ཆེན་ལྷ་རྒྱལ་དཔལ་གྱིས་མཚོ་སྔོན་པོ་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-5-21 15:25 , Processed in 0.053722 second(s), 21 queries .

返回顶部