博客西藏在最高处过一种生活

日志

༄༅།། དར་རྩེ་མདོ་གྲོང་གི་དགོན་ཁག་བདུན། ... .. ...

已有 138 次阅读2019-5-4 17:45 |系统分类:见闻


༄༅།། དར་རྩེ་མདོ་གྲོང་གི་དགོན་ཁག་བདུན།

ཡོང་ཁུངས་། ཁམས་པའི་དྲབ། རྩོམ་པ་པོ། སྣང་མཛོད་ཀྱིས་བསྒྲིསག།
 

                                  
          རྡོ་རྗེ་བྲག་དགོན་པ།
      རྡོ་རྗེ་བྲག་དགོན་པ་དང་ལྷ་མོ་རྩེའི་དགོན་པ། ལྔ་མཆོད་དགོན་པ་སྟེ་དགོན་ཁག་གསུམ་པོ་ལ་རིག་གསར་སྐབས་སུ་གནོད་རྐྱེན་ཐེབས་ཡོད་མོད། འོན་ཀྱང་དེང་སྐབས་བསྐྱར་བཞེངས་གནང་ནས་སྔར་བཞིན་གནས། དེས་མ་ཟད་དགོན་པ་དེ་གསུམ་གྱི་ལོ་རྒྱུས་མདོར་བསྡུས་ཤིག་དཀར་མཛེས་ཁུལ་ཡིག་བསྒྱུར་ཁང་གིས་བསྒྲིགས་པའི༼ཁམས་ཕྱོགས་དཀར་མཛེས་ཁུལ་གྱི་དགོན་སྡེ་སོ་སོའི་ལོ་རྒྱུས་གསལ་བར་བཤད་པ།༽ཞེས་པའི་དེབ་གསུམ་པ་ན་བཞུགས་སོ། །
      དར་རྩེ་མདོ་གྲོང་གི་དགོན་ཁག་བདུན།

                     
          ལྷ་མོ་རྩེའི་དགོན་པ། 
          ཡིག་སྐྱོང་དགོན་པ་དང་ངོར་བ་དགོན་པ། ས་སྐྱ་དགོན་པ། རྡོ་གྲགས་དགོན་པ་སྟེ་དགོན་ཁག་བཞི་པོ་ལ་རིག་གནས་གསར་བརྗེའི་སྐབས་སུ་གནོད་རྐྱེན་ཐེབས་ནས་རྨང་མེད་དུ་གྱུར་པའོ། །
          དེའང་ཡིག་སྐྱོང་དགོན་པ་ནི་ཀཿཐོག་དགོན་པའི་དགོན་ལག་ཅིག་ཡིན། རིག་གསར་གྱི་སྐབས་སུ་དགོན་པ་དེ་བཙོན་ཁང་བྱས། བླ་སྤྲུལ་དང་མི་དྲག་མང་པོ་བཙོན་དེར་སྐུ་གཤེགས། དེང་གཟི་རི་ཕུག་གི་དར་མདོ་རྫོང་ཁྲིམས་སྲུང་ཁང་གི་ས་གནས་དེ་ཡིན་ནོ། །
     ས་སྐྱ་དང་ངོར་བ་དགོན་པ་གཉིས་ནི་གཙང་ས་སྐྱ་དང་ངོར་བ་དགོན་པ་གཉིས་ཀྱི་དགོན་ལག་ཡིན། གྲྭ་པ་རྣམས་དགོན་དེ་གཉིས་ལ་གྲྭ་ས་བྱོན་ཞིང་། དགོན་དེ་གཉིས་ཀྱིས་ལོ་གསུམ་རེའི་མཚམས་ནས་དར་མདོའི་དགོན་ལག་གཉིས་པོ་ལ་མཁན་པོ་རེ་རེ་མངགས་པའི་སྲོལ་མཆིས་སོ། །དེང་དགོན་པ་དེ་གཉིས་ཀྱི་གནས་ཤུལ་ནི་དཀར་མཛེས་ཁུལ་ཡིག་ཚགས་ཁང་གི་གནས་དེ་ཡིན་ནོ། །
     དར་རྩེ་མདོ་གྲོང་གི་དགོན་ཁག་བདུན།

                     
          ལྔ་མཆོད་དགོན་པ།
          རྡོ་གྲགས་དགོན་ནི་གཙང་ངོར་བ་དགོན་པའི་དགོན་ལག་ཅིག་ཡིན་པ་འདྲ་སྟེ། ས་སྐྱའི་ལམ་འབྲས་བླ་མ་བརྒྱུད་པའི་རྣམ་ཐར་ལས། གདན་རབས་སོ་གཉིས་པ་འཇམ་མགོན་ཚུལ་ཁྲིམས་ལྷུན་གྲུབ་ནི། རབ་བྱུང་བཅུ་གཅིག་པའི་མེ་འབྲུག་སྤྱི་ལོ1676ལོར་དར་རྩེ་མདོའི་སྐུ་དྲག་ཅིག་གི་ཁྱིམ་དུ་འཁྲུངས་ཤིང་། དེ་ནས་རྡོ་གྲགས་སྒར་ནས་ཡི་གེ་འབྲི་ཀློག་སོགས་སྦྱངས། དགུང་ལོ་བཅོ་བརྒྱད་སྟེང་ངོར་ཨེ་ཝཾ་ཆོས་ལྡན་དུ་གྲྭ་ས་བྱོན། ཞེས་གསུངས་སོ། །
          གཞན་ཡང་སྒྲོལ་མ་ལྷ་ཁང་དང་ལ་མོ་རྩེ་བདེ་ཆེན་སྟེང་ངམ་གདན་ཐོག་ལྷ་ཁང་། ཕུར་པ་ལྷ་ཁང་། མགོན་པོ་བེར་ནག་གི་ལྷ་ཁང་། གནམ་བདག་ཆོས་ལུགས་ཀྱི་ལྷ་ཁང་སོགས་བཞུགས་སོ། །
       ཞེས་རོང་ཆེན་ལྷ་རྒྱལ་དཔལ་གྱིས་བོད་ལྗོངས་རིག་གནས་དྲ་བ་ལས་བཏུ་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-9-21 23:15 , Processed in 0.023727 second(s), 21 queries .

返回顶部