博客西藏在最高处过一种生活

日志

༄༅།།ཟི་ལིང་གྲོང་ཁྱེར་གྱི་ལྷོ་རི་དང་བྱང་ར ...

已有 87 次阅读2019-5-4 17:13 |系统分类:见闻


   ༄༅།།ཟི་ལིང་གྲོང་ཁྱེར་གྱི་ལྷོ་རི་དང་བྱང་རིའི་ལྗང་འགྱུར་རྣམ་གྲངས་ལ་ནོར་སྲིད་མ་དངུལ་སྒོར་ས་ཡ་བརྒྱད་དང་འབུམ་གཅིག་གིས་རོགས་སྐྱོར་བྱེད་རྒྱུ་རེད།
                             ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ་། མི་གསལ། རྩོམ་སྒྲིག་པ། ཚེ་མཁར་རྒྱལ།

                                         

      ཀྲུང་གོ་བོད་ཀྱི་དྲ་བའི་འཕྲིན། གྲོང་ཁྱེར་ལྗང་བསྒྱུར་གྱི་གྲུབ་འབྲས་མཐོར་འདེགས་སྲ་བརྟན་གཏོང་ཆེད། ཉེ་ལམ། ཞིང་ཆེན་ནོར་སྲིད་ཐིན་གྱིས་མ་དངུལ་སྒོར་ས་ཡ་བརྒྱད་དང་འབུམ་གཅིག་བཏང་ནས་ཟི་ལིང་གི་ལྷོ་རི་དང་བྱང་རིའི་ལྗང་བསྒྱུར་རྣམ་གྲངས་ལ་རོགས་བྱེད་རྒྱུ་གཏན་ཁེལ་བྱས།

      ཞིང་ཆེན་ནོར་སྲིད་ཐིན་གྱི་འབྲེལ་ཡོད་འགན་ཁུར་མི་སྣས་བཤད་རྒྱུར། ཐེངས་འདིའི་མ་དངུལ་བཀོལ་སྤྱོད་བྱེད་ཡུལ་གཙོ་བོ་ནི་ཆུ་རྐ་དང་སྦུག་དྲ་གསར་བསྐྲུན་དང་། ཆུ་འཐེན་འཕྲུལ་འཁོར་དང་ཆུ་གསོག་རྫིང་བུ་བརྗེ་བ་དང་། ལྗང་བསྒྱུར་ཁུལ་གྱི་ནགས་སྲུང་ཁང་བ་ཞིག་གསོ་དང་ལེགས་བཅོས་གཏོང་བ་དང་། ནགས་འཛུགས་དང་ནད་འབུའི་གནོད་པ་འགོག་བཅོས། མེ་འགོག གསོ་སྐྱོང་དོ་དམ་སོགས་ཀྱི་རྣམ་གྲངས་འདུས་ཡོད།

      མ་དངུལ་བཏང་བ་ལས་སོན་མྱུག་གི་གསོན་ཤུགས་མཐོར་འདེགས་གཏོང་བ་དང་། ལྷོ་རི་དང་བྱང་རིའི་ནགས་ཚལ་གྱི་ཡོངས་ཁེབས་ཚད་ཇེ་མཐོར། ནགས་ཤིང་ཉར་ཚགས་ཚད་ཁག་ཐེག་བྱེད་པ་དང་། ཕན་འབྲས་མཐོ་ཞིང་བརྟན་འཇགས་ཡིན་པའི་ནགས་ཁུལ་ཞིག་གྲུབ་པར་ནུས་པ་ཧུར་ཐག་འདོན་སྤྲོད་བྱས་པ་དང་། ལྷོ་རི་དང་བྱང་རིའི་ལྗང་འགྱུར་སྤུས་ཚད་དང་རིམ་པ་ཇེ་མཐོར་བཏང་། མཐོ་སྒང་གནའ་མཁར་གྱི་སྤུས་ཀ་དང་སྣང་བརྙན་ལེགས་བསྐྲུན་བྱས་པ་དང་། ཟི་ལིང་གྲོང་ཁྱེར་གྱི་ཁོར་ཡུག་ལེགས་བཅོས་དང་འདེགས་སྐྱོར་འགན་སྲུང་ནུས་པ་འདོན་སྤེལ་བྱེད་ཤུགས་མཐོ་རུ་བཏང་བ་རེད།

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-9-21 23:36 , Processed in 0.024267 second(s), 21 queries .

返回顶部