博客西藏在最高处过一种生活

日志

༄༅།།པཎ་ཆེན་སྐུ་ཕྲེང་བཅུ་པ་མཆོག་མཚོ་སྔོན་ ...

热度 1已有 75 次阅读2019-2-4 15:49 |系统分类:文化


               ༄༅།།པཎ་ཆེན་སྐུ་ཕྲེང་བཅུ་པ་མཆོག་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་དུ་ཞབས་སོར་འཁོད་པ།
                                            ཡོང་ཁུངས། ཀྲུང་གོའི་བོད་ལྗོངས་དྲ་བ། 

     【རྩོམ་སྒྲིག་པའི་གཏམ】པཎ་ཆེན་སྐུ་ཕྲེང་བཅུ་པ་མཆོག་གིས་སྐུ་ཚེ་ཧྲིལ་པོར། བོད་མི་དམངས་ཀྱི་འཚོ་བའི་གནས་ཚུལ་དང་བོད་ཁུལ་གྱི་སྤྱི་ཚོགས་ཀྱི་འཕེལ་རྒྱས་དང་ཡར་ཐོན་ལ་ཐུགས་ཁུར་ཟབ་བཞེས་གནང་ཡོད་ཅིང་། བོད་ཁུལ་གྱི་དཔལ་འབྱོར་འཛུགས་སྐྲུན་དང་ བསྒྱུར་བཅོས་གོང་སྤེལ་སྐུལ་འདེད་གཏོང་ཆེད། ཐུགས་ནུས་ཇི་ཡོད་བཏོན་ནས་དཀའ་ལས་ཞེ་དྲགས་བརྒྱབ་ཡོད་པ་རེད། རིན་པོ་ཆེ་མཆོག་དེ་སྔར1980ལོ་དང1987ལོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ལ་གཟིགས་ཞིབ་འཚམས་འདྲིར་ཆིབས་བསྒྱུར་གནང་ནས་མཚོ་ལྷོ་ཁུལ་གྱི་མི་རིགས་ཁག་གི་མི་དམངས་ལ་ཏང་དང་སྲིད་གཞུང་གི་བྱམས་བརྩེའི་ཐུགས་ཁུར་བསྩལ་པ་དེས་ཁོང་གིས་མཚོ་ལྷོ་ཁུལ་གྱི་མི་རིགས་ཁག་གི་མི་དམངས་ལ་བརྩེ་སེམས་ཟབ་མོ་བཅངས་ཡོད་པ་མཚོན་ཐུབ།

       ཁོང་གི་དཀའ་སྤྱད་མཛད་འཕྲིན་བསྐྱངས་པ་ཡི། ཕྱག་རྗེས་མཚོ་ལྷོའི་ཡུལ་དུ་བརྟན།

       ད་ལོ་ནི་པཎ་ཆེན་སྐུ་ཕྲེང་བཅུ་པ་མཆོག་སྐུ་མྱ་ངན་ལས་འདས་ནས་འགྲང་བྱ30འཁོར་པའི་ལོ་ཡིན་ཏེ། སྐུ་པར་ཤིན་ཏུ་རྩ་ཆེ་བ་ཁ་ཤས་ཀྱི་ལམ་ནས་རིན་པོ་ཆེ་ཁོང་ཉིད་མཚོ་ལྷོར་ཆིབས་བསྒྱུར་གནང་པའི་དུས་སྐལ་ལ་ཕྱིར་དྲན་བྱའོ། །

       མཚམས་སྤྲིན་མཁའ་ལ་འཁྲིགས་ཤིང་རྩི་ཤིང་འདབ་ལོ་རྒྱས་ལ། མཐོ་སྒང་གི་སྟོན་ཁར་དྲོ་འཇམ་བསིལ་རླུང་དལ་གྱིས་ལྡང་།1987ལོའི་ཟླ10ཚེས12ཉིན། པཎ་ཆེན་སྐུ་ཕྲེང་བཅུ་པ་མཆོག་གིས་ཏང་དང་སྲིད་གཞུང་གི་བྱམས་བརྩེའི་ཐུགས་ཁུར་བསྣམས་ཏེ་མཚོ་ལྷོ་ཁུལ་ལ་ཆིབས་བསྒྱུར་ཐེངས་གཉིས་པ་གནང་པ་རེད་། ལེ་དབར་སྟོང་ཕྲག་གིས་ཆོད་པའི་མཚོ་བོད་ལམ་རྒྱུད་དུ་མི་མང་གིས་རེ་སྒུག་ཆེན་པོ་གནང་གི་ཡོད་ལ། ལྷུང་ལྷུང་འབབ་པའི་ལྡོག་བཞུར་གཙང་པོས་དམ་པ་ཁོང་གི་གསུང་དབྱངས་ཀུན་ལ་སྒྲོག་པ་དང་གཉིས་མེད།


                 

              དར་གྱི་བ་དན་གཡོ་ཞིང་ཅང་ཤེས་བང་ཁ་རླུང་དང་འགྲན་པ་སྟེ།  མཚོ་བོད་ལམ་རྒྱུད་ཀྱི་ཆིབས་བསུ་པ་སྟོང་ཕྲག་ལྷག་གིས་མི་རིགས་ཀྱི་

                           གུས་སྲོལ་གཟབ་ཤོས་ལམ་ནས་པཎ་ཆེན་སྐུ་ཕྲེང་བཅུ་པ་མཆོག་ལ་ཕེབས་བསུ་གནང་བཞིན་ཡོད།


                  W020190130520619377599.jpg

                         པཎ་ཆེན་རིན་པོ་ཆེ་མཆོག་གི་ཕྱག་དབང་ལ་རེ་སྒུག་བྱེད་བཞིན་པའི་དད་ལྡན་སེར་སྐྱ་མང་ཚོགས།


                 W020190130520620773886.jpg

                                 པཎ་ཆེན་རིན་པོ་ཆེ་མཆོག་ལ་ཕེབས་བསུ་གནང་མཁན་དད་ལྡན་སེར་སྐྱ་མང་ཚོགས།

       ཉི་ཟླ་རི་བོ་ནི་ཁྱད་མཚར་པའི་གཏམ་རྒྱུད་ཀྱིས་སྤྲས་པའི་རི་རྒྱུད་ཅིག་ཡིན་ལ།དེ་ནི་རྒྱ་བོད་མི་དམངས་ཀྱི་མཛའ་བཤེས་ལོ་རྒྱུས་ཀྱི་དཔང་པོ་ཞིག་ཀྱང་རེད། ཟླ10ཚེས12ཉིན། པཎ་ཆེན་སྐུ་ཕྲེང་བཅུ་པ་མཆོག་འདི་གར་ཞབས་སོར་འཁོད་དེ་ཆོས་རྒྱལ་སྲོང་བཙན་སྒམ་པོའི་མཛད་འཕྲིན་ལ་དྲན་གསོ་ཞུས་པ་རེད།མུ་མཐའ་བྲལ་བའི་སྤང་ལྗོངས་རྩྭ་ཐང་གི་ཁོད་དུ་རང་བྱུང་མཛེས་སྡུག་གི་བཀོད་པས་ཡིད་དབང་འཕྲོག་ཅིང་། དེ་གར་གཞིས་ཆགས་པའི་རུ་སྡེ་ལ་སྤྱན་གཟིགས་གནང་ཚེ།  ནོར་ལུག་ནི་རྩྭ་ཐང་གི་ཕྲ་རྒྱུན་ཏུ་བཞད་པ་ལྟར། མི་དམངས་ཀྱི་གདོང་ལ་བདེ་སྐྱིད་ཀྱི་སྤྲོ་ཉམས་ཀྱིས་ཁེངས་འདུག རིན་པོ་ཆེ་མཆོག་གིས་འདི་གར་བོད་རྒྱ་མི་དམངས་བར་གྱི་མཛའ་བརྩེ་ནི་གཙང་པོའི་རྒྱུན་བཞིན་གནས་ཤིང་ཡར་ངོས་ཟླ་ལྟར་འཕེལ་བ། མི་རིགས་མཐུན་སྒྲིལ་གྱི་མེ་ཏོག་མཐོ་སྒང་གི་ཡུལ་གྲུ་ཀུན་ལ་བཞད་པའི་ཐུགས་སྨོན་བཏབ་པ་རེད།


                 W020190130520620778786.jpg

                                པཎ་ཆེན་རིན་པོ་ཆེ་མཆོག་ཉི་ཟླ་རི་བོར་ཞབས་སོར་འཁོད་བཞིན་པ།


                  W020190130520620939636.jpg

མཐོན་མཐིང་གི་ནམ་མཁའ་གཡའ་དག་ཅིང་དར་ལྕོག་ལྷབ་ལྷུབ་གཡོ། པཎ་ཆེན་སྐུ་ཕྲེང་བཅུ་པ་མཆོག་གིས་ཉི་ཟླའི་རི་རྩེར་ལྷ་བསང་མཆོད་ནས་སྐྱབས་འཇུག་སྨོན་ལམ་གསོལ་བ་རེད།


                 W020190130520620932885.jpg

                 པཎ་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་གིས་ཉི་ཟླའི་རི་རྩེ་ནས་མཚོ་ལྷོ་རྩྭ་ཐང་གི་མཛེས་ལྗོངས་ལ་སྤྱན་གཟིགས་གནང་བཞིན་པ།

      1980ལོར། པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་ཁུལ་ལ་གཟིགས་ཞིབ་ཐོག་མ་གནང་དུས།  བདེ་སྐྱིད་ཐང་དུ་ཆོས་ཕྱོགས་ཀྱི་མཛད་རིམ་གཟབ་རྒྱས་ངང་བསྐྱངས་ཏེ་མ་གྱུར་འགྲོ་བ་ཐམས་ཅད་བདེ་སྐྱིད་ཡོང་པའི་ཐུགས་རྗེ་སྨོན་ལམ་བཏབ་པ་དང་། གནས་འདིར་ཡང“བདེ་སྐྱིད་ཐང”ཞེས་མཚན་གསོལ་པ་རེད། ལོ་ངོ7གྱི་རྗེས་སུ། རིན་པོ་ཆེ་ཁོང་ཉིད་ཡང་བསྐྱར་གནས་འདི་གར་ཞབས་སོར་འཁོད་དེ།  སྐུ་ངལ་ལ་མ་འཛེམས་པར་དད་ལྡན་མང་ཚོགས་ལ་ནང་བསྟན་རིན་པོ་ཆེའི་དགོངས་དོན་བརྒྱུད་སྒྲོག་གནང་པ་དང་། ཞལ་གསུང་བཀའ་སློབ་ཀྱི་དགོས་འདོད་ནོར་བུ་བསྩལ། རིན་པོ་ཆེ་ཁོང་ལ་དད་གུས་གོང་བཀུར་ཡོད་པའི་སེར་སྐྱ་མང་ཚོགས་རྒན་དར་གཞོན་གསུམ་ནི་ཕྱོགས་བཞི་མཚམས་བརྒྱད་ནས་འདི་རུ་མཉམ་འཛོམ་བྱུང་ཏེ།  རིན་པོ་ཆེའི་བཀའ་གསུང་ལ་གསན་པའི་སྐལ་བ་ལྡན་ཞིང་མཇལ་ཁ་ཐོབ་པས། བདེ་སྐྱིད་ཐང་ནི་བདེ་སྐྱིད་དང་དགའ་སྤྲོའི་རྣམ་པས་ཁེངས་ཡོད།


                 W020190130520621090383.jpg

                           པཎ་ཆེན་མཆོག་གིས་བདེ་སྐྱིད་ཐང་དུ་མཚོ་ལྷོ་ཁུལ་སྟོབས་འབྱོར་མངའ་ཐང་རྒྱས་ཤིང་།  མི་རིགས་ཁག་གི་

                                མི་དམངས་ཀྱི་བདེ་སྐྱིད་ཕུན་སུམ་ཚོགས་པ་ཡོང་པའི་ཐུགས་རྗེའི་སྨོན་ལམ་གསོལ་བཞིན་པ།


                 W020190130520621099726.jpg

                  པཎ་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་གིས་མཚོ་ལྷོ་ཁུལ་གྱི་མི་རིགས་ཁག་གི་མི་དམངས་ལ་ཏང་དང་སྲིད་གཞུང་གི་མཛའ་

                 བརྩེའི་འཚམས་འདྲི་གནང་པ་དང་། ཏང་གི་མི་རིགས་སྲིད་ཇུས་དང་ཆོས་ལུགས་སྲིད་ཇུས་སྐོར་ནས་ཞལ་གསུང་གནང་བཞིན་པ།


                 W020190130520621246836.jpg

                              པཎ་ཆེན་སྐུ་ཕྲེང་བཅུ་པ་མཆོག་ལ་མཇལ་ཁ་ཞུ་མཁན་དད་ལྡན་མང་ཚོགས།


                  W020190130520621243058.jpg

       སྐབས་དེར་པཎ་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་ནི་དེ་སྔའི་མཚོ་སྔོན་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་ཞབས་དྲུང་དཀར་པོ་དང་དེ་སྔའི་མཚོ་ལྷོ་ཁུལ་ཨུའི་ཧྲུའུ་ཅི་དོན་གྲུབ་རྒྱལ་གྱི་ཕེབས་རོགས་འོག་ཆིབས་འཁོར་དུ་བཞུགས་ཏེ་བདེ་སྐྱིད་ཐང་ནས་མཚོ་ལྷོ་ཁུལ་སྲིད་གཞུང་གི་ལྟེ་གནས་ཆབ་ཆ་གྲོང་རྡལ་དུ་ཆིབས་བསྒྱུར་གནང་སྐབས་། མི་རིགས་ཁག་གི་མི་དམངས་མང་ཚོགས་ཚོས་གཟབ་མཆོར་ལེགས་པར་སྤྲས་ཏེ་པཎ་ཆེན་སྐུ་ཕྲེང་བཅུ་པ་མཆོག་ལ་སྤྲོ་སེམས་འཁོལ་བའི་ངང་ཕེབས་བསུ་ཞུས་ཞིང་། རིན་པོ་ཆེ་མཆོག་གིས་ཐུགས་དགྱེས་པའི་ངང་མི་རིགས་ཁག་གི་མི་དམངས་ལ་ཕྱག་བརྡ་གཏོང་བཞིན་པ།

       ཟླ10ཚེས14ཉིན་གྱི་དགོང་མོར། པཎ་ཆེན་སྐུ་ཕྲེང་བཅུ་པ་མཆོག་མཚོ་ལྷོ་ཁུལ་དུ་བསྡུས་པའི་ཁུལ་དང་རྫོང་གི་ལས་བྱེད་པའི་ཚོགས་ཆེན་ལ་ཕེབས་ཞུགས་གནང་པ་དང་འབྲེལ་གསུང་བཤད་གལ་ཆེན་གནང་པ་རེད། ཚོགས་འདུའི་ཐོག  པཎ་ཆེན་རིན་པོ་ཆེས་ཏང་གི་མི་རིགས་ཆོས་ལུགས་སྲིད་ཇུས་གཙོ་གནད་དུ་བཟུང་ནས་གསུང་སྒྲོག་གནང་པ་དང་། མཚོ་ལྷོ་ཁུལ་གྱིས་ཏང་གི་འགོ་ཁྲིད་འོག་བླངས་པའི་གྲུབ་འབྲས་ལ་བསྔགས་བརྗོད་དང་ཁས་ལེན་གང་ལེགས་གནང་པ་རེད།


                 W020190130520621409081.jpg

                    པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་ཁུལ་ལས་བྱེད་པའི་ཚོགས་ཆེན་སྟེང་དུ་གསུང་བཤད་གནང་བཞིན་པ།

        པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་ཁུལ་གྱིས་གྲངས་ཉུང་མི་རིགས་ས་ཁུལ་དང་གྲངས་ཉུང་མི་རིགས་ཀྱི་གནས་ཚུལ་དངོས་དང་ཟུང་འབྲེལ་དམ་ཟབ་གནང་རྒྱུ་དང་། མི་རིགས་འདྲ་མཉམ་དང་མི་རིགས་མཐུན་སྒྲིལ། མི་རིགས་ཡར་ཐོན། ཕན་ཚུན་སློབ་སྦྱོང༌།ཐུན་མོང་དུ་ཕྱུག་འགྱུར་ནས་འགོ་བརྩམས་ཏེ། ཏང་གི་ལམ་ཕྱོགས་དང་བྱེད་ཕྱོགས། སྲིད་ཇུས་ཁྱོན་ཡོངས་ནས་ལག་བསྟར་བྱེད་དགོས་པ་མ་ཟད། དཔལ་འབྱོར་འཛུགས་སྐྲུན་ལྟེ་བར་འཛིན་པ་དང་མི་རིགས་ས་ཁུལ་དུ་ལས་ཀ་སྒོ་ཀུན་ནས་ལེགས་པར་བསྒྲུབ་དགོས་པ། སྤྱི་ཚོགས་རིང་ལུགས་ཀྱི་མི་རིགས་འབྲེལ་བ་གསར་པ་དེའི་གལ་ཆེའི་རང་བཞིན་སྔར་བས་སྲ་བརྟན་དང་འཕེལ་རྒྱས་གཏོང་རྒྱུ་དེ་དམིགས་སུ་བཀར་ནས་ནན་གྱིས་གསུངས་པ་རེད། ཁོང་གིས་རྒྱ་ཆེའི་ལས་བྱེད་པ་དང་མང་ཚོགས་ལ་རྒྱལ་གཅེས་ཀྱི་ལངས་ཕྱོགས་དུས་ནམ་ཡིན་ཡང་བློ་བརྟན་འགྱུར་མེད་ངང་སྲུང་སྐྱོང་བྱས་ཏེ། ནམ་ཡང་གུང་ཁྲན་ཏང་གི་རྗེས་སུ་འབྲངས་དགོས་པའི་བཀའ་སློབ་བསྩལ་པ་རེད།  པར་གྱི་ཡོངས་ཁུངས་ནི《པཎ་ཆེན་རིན་པོ་ཆེ་མཚོ་ལྷོར་ཞབས་སོར་འཁོད་པ》ཞེས་པ་ལས་བསྐྱར་དུ་པར་བླངས་པ་ཡིན། །

        ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



发表评论 评论 (4 个评论)

回复 ljh8520035 2019-2-4 20:49
༧ པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་བོད་རིགས་རང་སྐྱོང་ཁུལ་ལས་བྱེད་པའི་ཚོགས་ཆེན་སྟེང་དུ་གསུང་བཤད་གནང་ཐེངས་འདིར་ང་རང་ཡང་དངོས་སུ་ཚོགས་ཆེན་ལ་ཞུགས་ནས། རིན་པོ་ཆེའི་གསུང་བཤད་ལ་གསན་པའི་བསྐལ་བ་ཡག་པོ་ལྡན་སོང་། དེ་མ་ཟད་དངོས་སུ་ཞལ་མཇལ་ཐེངས་གཉིས་ཡོང་ཞིངཕྱག་དབངཐོབ་། ཐེངས་དང་པོར་བྲག་དཀར་རྫོང་གི་མཇལ་དཔོན་ཡིན། ཐེངས་གཉིས་པར་འབའ་ལུང་རྫོང་གི་མཇལ་བ་ཡིན། ཧ་ཅང་ལས་ཅན་ཡིན་པར་སེམས། ལོ་ངོ་སུམ་ཅུ་ལྷག་ཙམ་འདས་ཟིན་ཀྱང་རིན་པོ་་ཆེའི་གསུང་སྐད་ལྷང་ལྷང་རེ་རེར་བཞིན། ཞལ་གསུང་དྲོན་མོ་རེ་རེར་བཞིན། སྐུ་རྒྱལ་ལྷུན་པོ་ལྟ་བུའི་བརྗིད་ཉམས་དེ་ད་དུང་སེམས་པའི་ངོགས་སུ་གཏན་དུ་གནས་འདུག རིན་པོ་ཆེ་ལགས། ཁྱེད་ནི་ང་ཚོའི་སཻམས་ཁུངས་སུ་ནམ་ཡང་མི་ནུབ་པའི་གསེར་མདོག་ཉི་མ་ཡིན།
                                        
回复 恰卜恰土匪 2019-2-12 16:13
ljh8520035: ༧ པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་བོད་རིགས་རང་སྐྱོང་ཁུལ་ལས་བྱེད་པའི་ ...
羡慕
回复 ljh8520035 2019-2-12 19:13
恰卜恰土匪 2019-2-12 16:13
ljh8520035: ༧ པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་བོད་རིགས་རང་སྐྱོང་ཁུལ་ལས་བྱེད་པའི་ ...
羡慕


谢谢,幸运而已
回复 ljh8520035 2019-2-12 19:14
恰卜恰土匪 2019-2-12 16:13
ljh8520035: ༧ པཎ་ཆེན་སྐུ་ཕྲེང་བཅུ་པ་མཆོག་གིས་མཚོ་ལྷོ་བོད་རིགས་རང་སྐྱོང་ཁུལ་ལས་བྱེད་པའི་ ...
羡慕

谢谢 ,幸运而已         

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-4-20 08:54 , Processed in 0.052559 second(s), 22 queries .

返回顶部