博客西藏在最高处过一种生活

日志

༄༅།།བོད་ཀྱི་དབྱར་རྩྭ་དགུན་འབུའི་ཐོན་ལས་ཀ ...

已有 354 次阅读2019-1-12 09:37 |系统分类:见闻


                  ༄༅།།བོད་ཀྱི་དབྱར་རྩྭ་དགུན་འབུའི་ཐོན་ལས་ཀྱིས་ཞིང་འབྲོག་པ་དབུལ་སྒྲོལ་ལ་ཕན་འབྲས་ཐོན་པ།
                                          ཡོང་ཁུངས། ཀྲུང་གོ་བོད་ཀྱི་དྲ་བ།

                            

       ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། གསར་འགོད་པས་བོད་ལྗོངས་དབྱར་རྩྭ་དགུན་འབུ་མཐུན་ཚོགས་ནས་ཤེས་རྟོགས་བྱུང་བ་ལྟར་ན། བོད་ལྗོངས་འདི་ཉིད་དབྱར་རྩྭ་དགུན་འབུའི་ཐོན་ཁུལ་གཙོ་བོ་ཡིན་པའི་ངོས་ནས་བོད་ཀྱི་གྲོང་ཁྱེར་དྲུག་གི་ཁོངས་གཏོགས་རྫོང40ཡི་ཤང་དང་གྲོང་རྡལ284རུ་དབྱར་རྩྭ་དགུན་འབུའི་ཐོན་ཁུངས་ཁྱབ་ཡོད་པ་རེད། ད་ལོ་བོད་ཀྱི་ཞིང་འབྲོག་པས་ཕྱིར་ཚོང་བྱས་པའི་དབྱར་རྩྭ་དགུན་འབུའི་རིན་གོང་སྔོན་དཔག་བྱས་ན་སྒོར་དུང་ཕྱུར80ཙམ་ཟིན་ནས་དབྱར་རྩྭ་དགུན་འབུའི་ཐོན་ལས་དེ་ས་གནས་དེ་གའི་མང་ཚོགས་དབུལ་སྒྲོལ་ཕྱུག་འགྱུར་ཐུབ་པའི་ཐབས་ལམ་གལ་ཆེན་ཞིག་ཏུ་གྱུར་ཡོད་པ་རེད།

       2007ལོ་ཚུན། བོད་རང་སྐྱོང་ལྗོངས་ཀྱིས་དབྱར་རྩྭ་དགུན་འབུ་སྔོག་འཐུ་ཚད་ལྡན་དོ་དམ་བྱེད་པ་དང་། ཁོར་ཡུག་སྲུང་སྐྱོང་ནུས་ལྡན་བྱེད་པ། རང་བྱུང་ཐོན་ཁུངས་རྒྱུན་མཐུད་བེད་སྤྱོད་ལ་སྐུལ་འདེད་གཏོང་བ་བཅས་ལ་དམིགས་ནས་འཚོལ་བསྡུ་དང་། ཉོ་ཚོང་། དོ་དམ་བཅས་ཀྱི་བྱ་ཐབས་སྔ་རྗེས་སུ་བཏོན་པས་དབྱར་རྩྭ་དགུན་འབུ་ཐོན་ཁུལ་གྱི་མང་ཚོགས་ཚོའི་ཁོར་ཡུག་སྲུང་སྐྱོང་གི་འདུ་ཤེས་རྒྱུན་ཆད་མེད་པར་ཟབ་ཏུ་ཕྱིན་ཡོད་པ་རེད།

       བོད་རང་སྐྱོང་ལྗོངས་དབྱར་རྩྭ་དགུན་འབུ་མཐུན་ཚོགས་ཀྱི་དྲུང་ཆེ་སྒྲོལ་མ་གཡང་འཛོམས་ཀྱིས་ངོ་སྤྲོད་བྱས་པར་གཞིགས་ན། ཟླ4པའི་ཟླ་མཇུག་ནས་བཟུང་། བོད་ཀྱི་ས་གནས་ཁག་ཏུ་རིམ་བཞིན་དབྱར་རྩྭ་དགུན་འབུ་སྔོག་འཐུ་བྱེད་པའི་ནམ་དུས་ཤར་བ་དང་། སྐྱེ་འཚར་གྱི་ཆོས་ཉིད་དང་གནམ་གཤིས་ཁོར་ཡུག་གི་ཤུགས་རྐྱེན་ཕོག་པས། འདི་ལོ་དབྱར་རྩྭ་དགུན་འབུའི་ཐོན་ཚད་ན་ནིང་གི་དུས་མཚུངས་ལས་བཅུ་ཆ་གཉིས་ནས་གསུམ་བར་ཆག་ཡོད་པ་དང་། ནག་ཆུ་སོགས་ཐོན་ཁུལ་གཙོ་བོར་དབྱར་རྩྭ་དགུན་འབུ་སྐམ་པོ་ཁེ500ཡི་རིན་གོང་སྒོར་ཁྲི1ཙམ་མཐོ་རུ་ཕྱིན་ཡོད་པ་རེད། སྒྲོལ་མ་གཡང་འཛོམས་ཀྱིས་འབྲེལ་ཡོད་སྡེ་ཚན་གྱིས་མིག་སྔའི་ཁྲོམ་རའི་ཐོག་དབྱར་རྩྭ་དགུན་འབུའི་འཕྲོད་སྦྱོར་ནུས་པ་དང་ཞོར་སྐྱོན་གྱི་གནོད་པ་སོགས་ཐད་ཀྱི་དོགས་གཞིར་དམིགས་ནས། 《བཟའ་བཅའི་བདེ་འཇགས་བཅའ་ཁྲིམས》ནང་གི་འབྲེལ་ཡོད་བཟའ་བཅའི་བདེ་འཇགས་ཉེན་ཁའི་དཔྱད་དཔོག་གི་གཏན་འབེབས་གཞིར་བཟུང་། དབྱར་རྩྭ་དགུན་འབུར་ཉེན་ཁའི་དཔྱད་དཔོག་ལས་དོན་སྤེལ་ནས་དབྱར་རྩྭ་དགུན་འབུའི་ཕན་ནུས་ཚན་རིག་དང་མཐུན་པའི་སྒོ་ནས་གཏལ་འཁེལ་བྱ་རྒྱུའི་རེ་བ་ཡོད་ཅེས་བཤད་པ་རེད། །

        ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2019-6-17 14:32 , Processed in 0.022950 second(s), 21 queries .

返回顶部