博客西藏在最高处过一种生活

日志

༄༅།།མཆོད་མེའི་འོད་སྣང་སྐར་ཚོགས་བཞིན་དུ་བ ...

已有 43 次阅读2018-12-5 09:53 |系统分类:文化


༄༅།།མཆོད་མེའི་འོད་སྣང་སྐར་ཚོགས་བཞིན་དུ་བཀྲ་བའི་དགའ་ལྡན་ལྔ་མཆོད།
ཡོང་ཁུངས་། མི་དམངས་དྲ་བ། རྩོམ་པ་པོ། བསྟན་འཛིན་གྱིས་བསྒྲིགས།


  
                           
                                         དགའ་ལྡན་དགོན་པའི་རྗེ་ཙོང་ཁ་པའི་སྐུ་འདྲ།
          
       ལོ་རེའི་བོད་ཟླ་10ཚེས་25ཉིན་ནི་དགའ་ལྡན་ལྔ་མཆོད་ཡིན་ཞིང་། དེ་ནི་བོད་བརྒྱུད་ནང་བསྟན་གྱི་དགེ་ལུགས་པའི་སྲོལ་འབྱེད་མཁན་དང་། གངས་ལྗོངས་ཀྱི་རྒྱལ་བ་གཉིས་པར་གྲགས་པའི་རྗེ་ཙོང་ཁ་པར་རྗེས་དྲན་ཞུ་བའི་ཉིན་མོ་རེད།
      ཉིན་དེར། བོད་རང་སྐྱོང་ལྗོངས་དང་བོད་ཀྱི་ས་ཁུལ་གཞན་དག་ཀུན་གྱི་དགེ་ལུགས་པའི་དགོན་སྡེར་དྲན་གསོ་ཞུ་བའི་མཛད་སྒོ་སྤེལ་ཞིང་། དགོན་སྡེའི་འདུ་ཁང་དང་གྲྭ་ཤག ལྷ་ཁང་བཅས་ཀྱི་སྟེང་དང་རྡོ་སྐས་སོགས་སུ་མཆོད་མེ་འབུལ་སྲོལ་ཡོད་ཅིང་། བོད་པའི་ཁྱིམ་གྱི་མཆོད་ཁང་དང་སྒེའུ་ཁུང་གི་སྟེགས་བུ་དང་དེ་བཞིན་མཆོད་མེ་འཇོག་ཆོག་ས་ཀུན་ལ་མར་མེའི་མཆོད་པ་འབུལ་སྲོལ་ཡོད། ཉིན་དེའི་དགོང་མོར་ལྷ་ས་གྲོང་ཁྱེར་དུ་དེ་བས་བརྗིད་ཉམས་ལྡན། སྐབས་དེར་བསང་དུད་ལང་ལོང་དུ་འཕྱུར་ཞིང་། རྒྱ་གླིང་འབུད་སྒྲ་རྒྱང་ནས་ཐོས་པ་དང་སྒྲོན་མེ་སྐར་ཚོགས་བཞིན་དུ་བཀྲ། ཁ་བའི་ལྗོངས་འདིར་རྗེ་བདག་ཉིད་ཆེན་པོ་རྗེས་དྲན་ཞུ་བའི་མཆོད་མེའི་འོད་ཀྱིས་ཁྱབ་ཡོད།
      ཉིན་དེར་ལྷ་སའི་གཙུག་ལག་ཁང་ལ་སྐོར་བ་ཡོང་བའི་དད་ལྡན་པ་དང་ཡུལ་སྐོར་བ་རྒྱུན་ཆད་རྒྱུ་མེད་ཅིང་། མི་ཚང་མའི་གདོང་གི་རྣམ་འགྱུར་ལས་དད་སེམས་མངོན་ལ། མི་ཚང་མའི་མིག་ནང་དུ་རེ་བའི་འོད་སྣང་འཆར། མི་ཚང་མའི་སེམས་ལ་བཀྲ་ཤིས་པའི་སྨོན་འདུན་བཟང་པོ་བཅངས་ཏེ། འཚོ་བ་བདེ་སྐྱིད་ལྡན་ཞིང་འཛམ་གླིང་ཞི་བདེ་ཡོང་བ་དང་། མེས་རྒྱལ་གྱི་པང་དུ་གངས་ལྗོངས་མཐོ་སྒང་སྔར་བས་སྟོབས་འབྱོར་མངའ་ཐང་རྒྱས་པ་དང་བཀྲ་ཤིས་བདེ་ལེགས་ཡོང་བའི་སྨོན་འདུན་ཞུ་བཞིན་ཡོད།

           
                       དགའ་ལྡན་ལྔ་མཆོད་ཀྱི་ཉིན་དེའི་ཞོགས་པ་སྔ་མོར་གཙུག་ལག་གི་དགེ་འདུན་པས་རྒྱ་གླིང་གཏོང་གནང་བ།

                        
                                  དགའ་ལྡན་ལྔ་མཆོད་ཉིན་མོའི་གཙུག་ལག་ཁང་ནང་གི་མཆོད་མེ།

                         

                                           དགའ་ལྡན་ལྔ་མཆོད་དུ་གཙུག་ལག་ཁང་གི་མེ་ཏོག་མཆོད་པ།

           
           དགའ་ལྡན་ལྔ་མཆོད་ཉིན་མོར་ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་གིས་རྗེ་རིན་པོ་ཆེར་རྗེས་དྲན་ཞུ་བའི་ཆོས་ཚོགས་འཚོགས་གནང་བ།

           
          ཧེ་ལུང་ཅང་ཞིང་ཆེན་དུར་བུ་ཐའེ་སོག་རིགས་རང་སྐྱོང་རྗོང་གི་བོད་བརྒྱུད་ནང་བསྟན་གྱི་དགོན་སྡེ་དགའ་ལྡན་ཕུན་ཚོགས་རྣམ་དག་
                    གླིང་(ཀྲེང་ཅེ་དགོན)གིས་དགའ་ལྡན་ལྔ་མཆོད་ཉིན་མོར་བཀྲ་ཤིས་པའི་མཚོན་རྟགས་ཀྱི་མཆོད་མེའི་རི་མོ་སྒྲིག་པ།
                                ཞེས་རོང་ཆེན་ལྷ་རྒྱལ་དཔལ་གྱིས་བོད་ལྗོངས་རིག་གནས་དྲ་བ་ལས་བཏུས་སོ།

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-12-12 04:59 , Processed in 0.286703 second(s), 21 queries .

返回顶部