博客西藏在最高处过一种生活

日志

༄༅།།རྒྱལ་ཡོངས་ཀྱི་ཕྱིར་ལོག་ཕྱིར་སྡོད་རང་ ...

已有 69 次阅读2018-9-4 09:14 |系统分类:娱乐


                     ༄༅།།རྒྱལ་ཡོངས་ཀྱི་ཕྱིར་ལོག་ཕྱིར་སྡོད་རང་མི་དང་ཕྱིར་སྡོད་རང་མིའི་ཁྱིམ་མིའི་འཐུས་མིའི་ཚོགས་ཆེན་
                                      ཐེངས་བཅུ་པ་གྲོལ་བ་དང་ཝང་ཧུའུ་ཉིང་ཚོགས་འདུར་ཞུགས།
                                          ཡོང་ཁུངས། མཚོ་སྔོན་བོད་སྐད་རླུང་འཕྲིན།
  
                                                          

      ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཡོངས་ཀྱི་ཕྱིར་ལོག་ཕྱིར་སྡོད་རང་མི་དང་ཕྱིར་སྡོད་རང་མིའི་ཁྱིམ་མིའི་འཐུས་མིའི་ཚོགས་ཆེན་ཐེངས་བཅུ་པའི་གྲོས་རིམ་སྣ་ཚོགས་ཕུན་སུམ་ཚོགས་པར་ཡོངས་འགྲུབ་བྱས་ཏེ། ཚེས་གཅིག་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་གྲོལ། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ཝང་ཧུའུ་ཉིང་ཚོགས་ཆེན་ལ་ཞུགས་པར་མ་ཟད། ཚོགས་འདུའི་སྔོན་ལ་ཚོགས་ཆེན་ལ་ཞུགས་པའི་ཕྱི་རྒྱལ་གྱི་སྐུ་མགྲོན་དང་། ཞང་ཀང་དང་ཨོ་མིན་གྱི་འཐུས་མི། ཀྲུང་གོའི་ཕྱིར་སྡོད་རང་མི་མཉམ་འབྲེལ་ལྷན་ཚོགས་ཚན་ཁག་གསར་རྙིང་གི་ཁོངས་མི་རྣམས་ལ་མཇལ་འཕྲད་གནང་།

      ཚོགས་ཆེན་ནས་གསར་དུ་བདམས་པའི་ཀྲུང་གོ་ཕྱིར་སྡོད་རང་མི་མཉམ་འབྲེལ་ལྷན་ཚོགས་སྐབས་བཅུ་པའི་ཨུ་ཡོན་ལྷན་ཁང་གི་ཀྲུའུ་ཞི་དང་ཀྲུའུ་ཞི་གཞོན་པ། དྲུང་ཡིག་ཆེན་མོ། རྒྱུན་ལས་ཨུ་ཡོན་བཅས་ཀྱི་མིང་ཐོ་བསྒྲགས་པར་མ་ཟད། ཀྲུང་གོ་ཕྱིར་སྡོད་རང་མི་མཉམ་འབྲེལ་ལྷན་ཚོགས་སྐབས་དགུ་པའི་ཨུ་ཡོན་ལྷན་ཁང་གི་བྱ་བའི་སྙན་ཞུའི་གྲོས་ཆོད་དང་། ཀྲུང་ཧྭ་རྒྱལ་ཡོངས་ཕྱིར་ལོག་ཕྱིར་སྡོད་རང་མིའི་མཉམ་འབྲེལ་ལྷན་ཚོགས་ཀྱི་སྒྲིག་ཡིག་བཟོ་བཅོས་འཆར་ཟིན་སྐོར་གྱི་གྲོས་ཆོད། ཀྲུང་གོ་ཕྱིར་སྡོད་རང་མི་མཉམ་འབྲེལ་ལྷན་ཚོགས་སྐབས་བཅུ་པའི་ཨུ་ཡོན་ལྷན་ཁང་གི་བློ་འདོན་པ་དང་ཕྱི་རྒྱལ་གྱི་ཨུ་ཡོན། མཚན་འཛིན་ཨུ་ཡོན་བཅས་གདན་འདྲེན་ཞུ་བའི་གྲོས་ཆོད་བཅས་ལ་གྲོས་འཆམ་བྱུང་།

      ཚོགས་ཆེན་ནས་རྒྱ་ཆེའི་ཕྱིར་ལོག་ཕྱིར་སྡོད་རང་མི་དང་ཕྱིར་སྡོད་རང་མིའི་ཁྱིམ་མི། ཕྱི་རྒྱལ་དུ་ཡོད་པའི་ནང་གི་སྤུན་ཟླ་བཅས་ལ། དུས་རབས་གསར་པའི་དྲག་འཐབ་པ་བྱས་ནས་མེས་རྒྱལ་ལ་གཟི་བརྗིད་བརྩོན་ལེན་བྱེད་དགོས་པ་དང་། དུས་རབས་གསར་པའི་མདུན་སྐྱོད་པ་བྱས་ནས་མེས་རྒྱལ་གྱི་འཕེལ་རྒྱས་ལ་རམ་འདེགས་བྱེད་དགོས་ཤིང་། དུས་རབས་གསར་པའི་རྒྱུན་སྐྱོང་པ་བྱས་ནས་མེས་རྒྱལ་གྱི་གྲོགས་ཚོམ་རྒྱ་བསྐྱེད་དགོས་པའི་འབོད་སྐུལ་བཏང་ཡོད།

      ཡུན་ཆོན་དང་པད་མ་འཕྲིན་ལས། ཞ་པའོ་ལུང་སོགས་ཚོགས་ཆེན་ལ་ཞུགས། ཀྲུང་གོ་ཕྱིར་སྡོད་རང་མི་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་ཝན་ལིས་ཅུན་གྱིས་ཚོགས་འདུ་གྲོལ་བའི་ཞུ་ཚིག་ཕུལ། །

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-9-23 10:51 , Processed in 0.281773 second(s), 21 queries .

返回顶部