博客西藏在最高处过一种生活

日志

༄༅།།ལྷ་བ་མོ་བ་རྩིས་པ་གསུམ་འཇིག་རྟེན་ཁམས་ ...

已有 88 次阅读2018-8-5 10:05 |系统分类:文化


༄༅།།ལྷ་བ་མོ་བ་རྩིས་པ་གསུམ་འཇིག་རྟེན་ཁམས་ཀྱི་རྫུན་རྐྱལ་གསུམ་ཞེས་པར་ལྟ་ཚུལ་ཅི།
རྩོམ་པ་པོ།  ཤེས་རབ་བསྟན་དར། 

རྩོམ་ཁུངས།  མཚོ་སྔོན་པོ་དྲ་བ།

     ལྷ་བ་མོ་བ་རྩིས་པ་གསུམ་བརྫུན་རྐྱལ་ཡིན་ཟེར་ན་དོན་དངོས་དང་འགལ་ཏེ་དཔེར་ན་རྒྱ་སྐད་ཅི་ཡང་མི་ཤེས་པར་ཡུལ་ལྷ་བབས་ན་རྒྱ་སྐད་ཤར་མར་བཤད་ཅིང་རང་ཉིད་མ་གཏོགས་པས་མི་ཤེས་པའི་གསང་བ་ལྷ་བབས་ན་ཤ་ར་ར་བཤད་ཐུབ་ཅིང་། ལྕགས་ཁེམ་གྱིས་བསློག་མི་ཐུབ་པའི་ས་རྡོ་ལྷ་བབས་ན་ལྷ་བའི་ལག་པས་སླ་མོས་བསློག་ཐུབ་པ་དག་དངོས་སུ་མཐོང་ན་དེར་ཡིད་ཆེས་མི་བྱེད་ག་མེད་ཡིན། མོ་བ་ཞིག་གིས་མི་ཞིག་གི་ལོ་ངོ་སུམ་ཅུའི་སྔོན་གྱི་གནས་ཚུལ་རང་གིས་ཀྱང་བརྗེད་པ་དག་མོ་བཏབ་སྟེ་གསལ་བོར་བཤད་དེ་ཁོ་ལ་དྲན་བསླང་བ་དང་། ཡང་ང་ཚོའི་སྡེ་བའི་ཁྱིམ་ཚང་ཞིག་ཏུ་ང་བརྒྱད་ལོར་ཕ་མས་གྱང་གསེབ་ཏུ་སྐུ་ཞིག་སྦས་པ་ཕ་མ་འདས་པས་སུས་ཀྱང་མི་ཤེས་ནའང་མོ་བ་དེས་མོ་བཏབ་སྟེ་རྟགས་བརྒྱབས་པ་ལས་བསློགས་ཏེ་ཐོན་པ་བདག་གིས་དངོས་སུ་མཐོང་། ཡང་རྩིས་པས་རྩིས་ཕྲེང་འགའ་བརྒྱབས་ན་ཚན་རིག་གི་སྔོན་ཐོན་ལག་རྩལ་སྤྱད་ན་མ་གཏོགས་པའི་མི་ཤེས་པའི་ཉི་འཛིན་ཟླ་འཛིན་སྐར་ཆ་ཙམ་ཡང་མ་ནོར་བར་ཤེས་ཐུབ་པ་དག་མཐོང་ན་སུ་ཞིག་གིས་དེ་དག་རྫུན་རྐྱལ་དུ་སྨྲ། འོན་ཀྱང་ལྷ་བ་མོ་བ་རྩིས་པ་རྫུན་མ་མང་བོས་རྒྱུ་ནོར་ཁོ་ནར་དམིགས་ཏེ་མང་ཚོགས་བསླུས་པས་རྫུན་རྐྱལ་ཞེས་པའི་ཁ་དཔེ་དེ་བྱུང་མོད་ཆོས་ལུགས་ཀྱི་ཆོ་ག་ཚད་ལྡན་ལྟར་བསྒྲུབས་ན་སྤྱི་ཚོགས་སྟེང་དུ་ཆེས་དགོས་མཁོ་ལྡན་པ་ཞིག་ཡིན་པ་སྨོས་མ་དགོས་ལ་ད་ལྟའི་དུས་ལྷ་བ་མོ་བ་རྩིས་པ་བརྫུན་མ་འབྱུང་བཞིན་པ་འདིས་ཀྱང་སྤྱི་ཚོགས་སྟེང་དུ་ཉེར་མཁོ་ཆེ་བ་གསལ་བཤད་བྱས་ཡོད།།
     ཞེས་རོང་ཆེན་ལྷ་རྒྱལ་དཔལ་གྱིས་མཚོ་སྔོན་པོ་པོ་དྲ་བ་ལས་བཏུས་སོ།

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-12-10 10:48 , Processed in 0.278169 second(s), 21 queries .

返回顶部