博客西藏在最高处过一种生活

日志

༄༅།།ན་གོར་མོ་གྲོང་ཁྱེར་གྱི་མཁར་གྲོང་སྡོད ...

已有 123 次阅读2018-6-29 08:02 |系统分类:娱乐


༄༅།།ན་གོར་མོ་གྲོང་ཁྱེར་གྱི་མཁར་གྲོང་སྡོད་དམངས་ཀྱི་གཞི་རྩའི་རྒན་གསོ་དངུལ་གྱི་ཚད་གཞི་རྒྱལ་ཡོངས་ཀྱི་མདུན་གྲལ་དུ་སླེབས་ཡོད།
ཡོང་ཁུངས། མཚོ་སྔོན་བོད་སྐད་རླུང་འཕྲིན།

 

       ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ། གསར་འགོད་པས་མཚོ་ནུབ་ཁུལ་ན་གོར་མོ་གྲོང་ཁྱེར་སྤྱི་ཚོགས་འགན་སྲུང་ཞབས་ཞུ་ཅུའུ་ནས་རྒྱུས་ལོན་བྱུང་བ་ལྟར་ན། ཉིས་སྟོང་བཅོ་བརྒྱད་ལོའི་ཟླ་དང་པོའི་ཚེས་གཅིག་ཉིན་ནས་བཟུང་། ན་གོར་མོ་གྲོང་ཁྱེར་གྱིས་མཁར་གྲོང་སྡོད་དམངས་ཀྱི་གཞི་རྩིའི་རྒན་གསོ་འགན་སྲུང་གི་རྨང་གཞི་རྒན་གསོ་དངུལ་གྱི་ཚད་གཞི་ལེགས་སྒྲིག་བྱས། ཐེངས་འདིའི་རྨང་གཞིའི་རྒན་གསོ་དངུལ་ལེགས་སྒྲིག་བྱེད་པ་ནི་ན་གོར་མོ་གྲོང་ཁྱེར་གྱིས་ཐེངས་དྲུག་པར་མཁར་གྲོང་སྡོད་དམངས་ཀྱི་རྒན་གསོ་འགན་སྲུང་གི་རྨང་གཞིའི་རྒན་གསོ་དངུལ་གྱི་ཚད་གཞི་མཐོར་འདེགས་བཏང་བ་ཡིན། ཚད་གཞི་མཐོར་འདེགས་བཏང་རྗེས། མཁར་གྲོང་སྡོད་དམངས་ཀྱི་རྨང་གཞིའི་རྒན་གསོ་དངུལ་གྱི་ཚད་གཞི་རྒྱལ་ཁབ་ཀྱིས་གཏན་ཁེལ་བྱས་པའི་ཆེས་དམའ་བའི་རྨང་གཞིའི་རྒན་གསོ་དངུལ་གྱི་ཚད་གཞི་ལས་སྒོར་བརྒྱ་དང་གྱ་གཉིས་ཀྱིས་མཐོ་བ་དང་། རྒྱལ་ཡོངས་ཀྱི་སྔོན་གྲལ་དུ་ཚུད་ཡོད།

       ཉེ་བའི་ལོ་འགའི་རིང་ལ། ན་གོར་མོ་གྲོང་ཁྱེར་གྱིས་མཁར་གྲོང་སྡོད་དམངས་ཀྱི་གཞི་རྩའི་རྒན་གསོ་འགན་སྲུང་གི་རྨང་གཞིའི་རྒན་གསོའི་དངུལ་ལེགས་སྒྲིག་བྱེད་པ་དེ་དམངས་ཚིས་བཟོ་སྐྲུན་གལ་ཆེན་ཞིག་ཏུ་བརྩིས་ཏེ་དམ་འཛིན་བྱས་པ་དང་། ཉིས་སྟོང་བཅུ་གཉིས་ལོའི་ཟླ་དང་པོ་དང་ཉིས་སྟོང་བཅུ་བཞི་ལོའི་ཟླ་དང་པོ་དང་ཟླ་བདུན་པ། ཉིས་སྟོང་བཅུ་དྲུག་ལོའི་ཟླ་དང་པོ། ཉིས་སྟོང་བཅུ་བདུན་ལོའི་ཟླ་དང་པོ་བཅས་ལ་སོ་སོར་རྨང་གཞིའི་རྒན་གསོ་དངུལ་གྱི་ཚད་གཞི་མཐོར་འདེགས་སུ་བཏང་།

       ཉིས་སྟོང་བཅོ་བརྒྱད་ལོའི་ཟླ་དང་པོ་ནས་བཟུང་། གཏན་ཁེལ་ལྟར་མཁར་གྲོང་སྡོད་དམངས་ཀྱི་རྒན་གསོ་དངུལ་ལོངས་སྤྱོད་བྱེད་བཞིན་ཡོད་པ་དང་རྗེས་ཕྱོགས་རྒན་གསོ་དངུལ་ལོངས་སྤྱོད་བྱེད་པའི་ཆ་རྐྱེན་དང་འཚམས་པའི་མི་ཚང་མ་ཐེངས་འདིའི་རྒན་གསོ་དངུལ་ལེགས་སྒྲིག་ཁྱབ་ཁོངས་ཁྲོད་འཇོག་རྒྱུ་ཡིན་པ་དང་། མི་རེར་ཟླ་རེར་སྒོར་ཉི་ཤུ་ཁ་སྣོན་བྱས་ཏེ་སྔོན་གྱི་སྒོར་བརྒྱ་དང་ང་ལྔ་ནས་སྒོར་བརྒྱ་དང་དོན་ལྔར་འཕར་ཡོད་པ་དང་། དེའི་ཁར་ཁུལ་དང་གྲོང་ཁྱེར་གྱི་ཁ་གསབ་དངུལ་བསྣན་ན་མི་རེར་ཟླ་རེར་སྒོར་ཉིས་བརྒྱ་བདུན་ཅུ་ཡོད། མིག་སྔར། བསྡོམས་པས་ལོ་དྲུག་ཅུའི་ཡན་གྱི་མི་སྟོང་གསུམ་དང་བརྒྱད་བརྒྱ་གྱ་ལྔའི་མཁར་གྲོང་སྡོད་དམངས་ཀྱིས་རྒན་གསོ་དངུལ་ལོངས་སྤྱོད་བྱེད་བཞིན་ཡོད། །

      ཅེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོས་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-11-16 17:25 , Processed in 0.281032 second(s), 21 queries .

返回顶部