博客西藏在最高处过一种生活

日志

༄༅།།ཟི་ལིང་ས་ཁུལ་གྱི་སྐབས32པའི་བོད་ཀྱི་རི ...

热度 1已有 37 次阅读2018-6-10 07:27 |系统分类:文化


༄༅།།ཟི་ལིང་ས་ཁུལ་གྱི་སྐབས32པའི་བོད་ཀྱི་རིག་གནས་སྒྱུ་རྩལ་དུས་ཆེན་ཟི་ལིང་ལྷོ་རི་གླིང་ག་རུ་ཚོགས་པ།
ཡོང་ཁུངས།  ཀྲུང་གོ་བོད་ཀྱི་དྲ་བ། ཚེ་རིང་རྒྱ་མཚོ། བསམ་ནོར།

       ཀྲུང་གོ་བོད་ཀྱི་དྲ་བའི་འཕྲིན། དབྱར་ཟླ་དྲུག་པའི་ཟི་ལིང་ནི་ནམ་ཟླ་དྲོ་ཞིང་། སྤྲོ་སྐྱིད་ཀྱིས་ཁེངས་པའི་དུས་ཚིགས་ཤིག་རེད། 2018ལོའི་ཟླ6པའི་ཚེས9ཉིན། ཟི་ལིང་ས་ཁུལ་གྱི་སྐབས32པའི་བོད་ཀྱི་རིག་གནས་སྒྱུ་རྩལ་དུས་ཆེན་ཟི་ལིང་ལྷོ་རི་གླིང་ག་ནས་གཟབ་རྒྱས་ངང་འཚོགས།

3aa0a50309573f06a40c7092b4e0efdc.jpg

       


9566fdf70408394587e35d56d166ee4b.jpg

      ཐེངས་འདིའི་ཟི་ལིང་ས་ཁུལ་བོད་ཀྱི་རིག་གནས་སྒྱུ་རྩལ་དུས་ཆེན་སྟེང་རྒྱལ་ཡོངས་སྲིད་གྲོས་མི་རིགས་ཆོས་ལུགས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་རིན་ཆེན་རྒྱལ་དང་ཞིང་ཆེན་སྲིད་གྲོས་ཀྱི་ཀྲུའུ་ཞི་རྡོ་རྗེ་རབ་བརྟན། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ། ཞིང་ཆེན་དམག་ཁུལ་གྱི་སི་ལིན་གཞོན་པ་ངག་དབང་བསོད་ནམས། གཞན་ཡང་བློ་མཐུན་རྒན་པ་སྐལ་བཟང་རྡོ་རྗེ་དང་སྟག་འབུམ་ཐར་སོགས་ཟི་ལིང་ས་ཁུལ་བོད་ཀྱི་རིག་གནས་སྒྱུ་རྩལ་དུས་ཆེན་སྐབས32པའི་མཛད་སྒོར་ཞུགས། ཞིང་ཆེན་སྤྱི་ཚོགས་ཚན་རིག་གླིང་གི་གླིང་གཙོ་ཁྲུན་ཝེ་ཡིས་ཚོགས་ཆེན་སྟེང་ཤིས་ཚིག་ཕུལ།

      ཟི་ལིང་ས་ཁུལ་བོད་ཀྱི་རིག་གནས་སྒྱུ་རྩལ་དུས་ཆེན་ནི1983ལོའི་ཟླ6པར་མཚོ་སྔོན་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་དང་ཞིང་ཆེན་མི་རིགས་ལས་དོན་ཨུ་ཡོན་ལྷན་ཁང་གཉིས་ཀྱིས་ཟི་ལིང་ས་ཁུལ་གྱི་རྒྱ་ཆེའི་བོད་རིགས་སྤུན་ཟླ་རྣམས་ཀྱི་རིག་གནས་རོལ་རྩེད་ཕུན་སུམ་ཇེ་ཚོགས་སུ་གཏོང་བ་དང་སྲོལ་རྒྱུན་རིག་གནས་རྒྱུད་འཛིན་དང་དར་སྤེལ་ལ་དམིགས་ཏེ་སྒྲུབ་པའི་བྱ་འགུལ་ཞིག་རེད། ལོ་རེའི་ཟླ་དྲུག་པའི་གུང་གསེང་དང་པོ་ལ་ཟི་ལིང་ས་ཁུལ་བོད་ཀྱི་རིག་གནས་སྒྱུ་རྩལ་དུས་ཆེན་སྤེལ་བར་གཏན་ཁེལ་བྱས་ཞིང་། 2004ལོར་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་དང་ཞིང་ཆེན་མི་རིགས་ལས་དོན་ཨུ་ཡོན་ལྷན་ཁང་གིས2003ལོའི་ཡིག་ཆ(22)ལྟར། ཟི་ལིང་ས་ཁུལ་བོད་ཀྱི་རིག་གནས་སྒྱུ་རྩལ་དུས་ཆེན་མཚོ་སྔོན་བོད་རིགས་ཞིབ་འཇུག་ཚོགས་པས་གཙོ་སྒྲུབ་བྱེད་པར་མངགས་བཅོལ་བྱས་པ་མ་ཟད། 2006ལོར་བོད་ཀྱི་རིག་གནས་སྒྱུ་རྩལ་དུས་ཆེན་ཞེས་བསྒྱུར་བཅོས་བྱས།


1852761f69efd6358672eec17e61dac0.jpg





858165a2daf3c80370d7c178ca2ee701.jpg



1de8cd11b85191db49ffcaa720cb18f3.jpg



fc824873a464282b69ed1cd36c920180.jpg



8e2f7f39e29ab11b1e68ae02ce9f0eb3.jpg



e05a11b274b5c76a6902a5bb787f8edc.jpg

      རེབ་འདིའི་བོད་རིག་གནས་སྒྱུ་རྩལ་དུས་ཆེན་སྟེང་ཟི་ལིང་ས་ཁུལ་གྱི་བོད་རིགས་ལས་ཁུངས་སོ་སོ་དང་། སློབ་ཆེན་ཁག་སོ་སོ། ཁེ་ལས་སྡེ་ཁག་སོ་སོ་བཅས་གཙོ་བྱས་ནས། མཚོ་ལྷོ་དང་རྨ་ལྷོ། ཡུས་ཧྲུའུ། མགོ་ལོག  མཚོ་བྱང་སོགས་བོད་རིགས་རང་སྐྱོང་ཁུལ་དག་ནས་ཡོང་བའི་བོད་རིགས་སྤུན་ཟླ་ལྷན་དུ་འདུས་ཡོད།

      གསར་འགོད་པས་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཟུར་པ་གཅོད་པ་དོན་འགྲུབ་ལ་བཅར་འདྲི་བྱས་པ་བརྒྱུད་དེ།  ཐེངས་འདིའི་སྐབས32པའི་ཟི་ལིང་ས་ཁུལ་བོད་ཀྱི་རིག་གནས་སྒྱུ་རྩལ་དུས་ཆེན་ཐེངས་སྔོན་མ་ལས་གཞི་རྒྱ་ཆེ་ཞིང་། རིག་རྩེད་ཀྱི་རྣམ་གྲངས་ཀྱང་སྔར་ལས་ཇེ་མང་དུ་སོང་ཡོད་པ་དང་། རིག་རྩལ་རྣམ་གྲངས་སོ་སོར་བོད་ཀྱི་མདའ་རྩེད་འགྲན་སྡུར་དང་རིག་རྩལ་འཁྲབ་སྟོན། གྱོན་གོས་འགྲེམ་སྟོན། བོད་ཀྱི་མིག་མངས་འགྲན་སྡུར་སོགས་བཀོད་སྒྲིག་བྱས་ཡོད་པ་རྒྱུས་ལོན་བྱུང་། ཁོང་གིས་ད་དུང་ཟི་ལིང་ས་ཁུལ་ལས་གཞན་གཞི་རིམ་ས་ཁུལ་དུ་བོད་ཀྱི་རིག་གནས་སྒྱུ་རྩལ་དུས་ཆེན་སྤེལ་བ་དང་ཡང་ན་རིག་གནས་ཀྱི་བྱ་འགུལ་གཞན་དག་སྤེལ་ནས་བོད་ཀྱི་རིག་གནས་ཉམས་པ་སླར་གསོ་དང་མ་ཉམས་གོང་འཕེལ་དུ་གཏོང་དགོས་པའི་འབོད་སྐུལ་བྱས།།

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


发表评论 评论 (1 个评论)

回复 pari 2018-6-15 09:35
བོད་རིགས་སྐྱེས་པ་ཚོས་བོད་ལྭ་གོན་དུས་ཕྱི་ལུགས་སྐེ་ཐག་མ་རྒྱག་རོགས། གང་ཡིན་ཟེར་ན་སྐེ་ཐག་རྒྱག་པ་ཕྱི་ལུགས་ཀྱི་སྲོལ་ཞིག་རེད།

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-6-18 07:40 , Processed in 0.295233 second(s), 22 queries .

返回顶部