博客西藏在最高处过一种生活

日志

༄༅།།མགོ་ལོག་བོད་རིགས་རང་སྐྱོང་ཁུལ་གྱིས་མ ...

已有 95 次阅读2018-5-29 17:21 |系统分类:娱乐


༄༅།།མགོ་ལོག་བོད་རིགས་རང་སྐྱོང་ཁུལ་གྱིས་མི་རིགས་མཐུན་སྒྲིལ་ཡར་ཐོན་གསར་འཛུགས་བྱེད་པ་བརྗོད་གཞི་ཡིན་པའི་གཏམ་བཤད་འགྲན་སྡུར་སྤེལ།
ཡོང་ཁུངས། མཚོ་སྔོན་བོད་སྐད་རླུང་འཕྲིན།

      ཀྲུང་གོ་བོད་ཀྱི་དྲ་བའི་འཕྲིན། ཟླ་ལྔ་བའི་ཚེས་ཉེར་བཞི་ཉིན། མགོ་ལོག་བོད་རིགས་རང་སྐྱོང་ཁུལ་གྱིས་བསྒྲུབས་པའི་མི་རིགས་མཐུན་སྒྲིལ་ཡར་ཐོན་གསར་འཛུགས་བྱེད་པ་བརྗོད་གཞི་ཡིན་པའི་བྱ་འགུལ་གྱི་གཏམ་བཤད་རྟིང་རྩོད་འགྲན་སྡུར་མགོ་ལོག་བོད་རིགས་རང་སྐྱོང་ཁུལ་གྱི་གྲོས་ཚོགས་ལྟེ་གནས་ནས་བདེ་བླག་ངང་མཇུག་སྒྲིལ། ཁུལ་སོ་སོ་དང་ལས་རིགས་སོ་སོ་ནས་ཡོང་བའི་འགྲན་ཞུགས་པ་ཉེར་བརྒྱད་རྟིང་རྩོད་འགྲན་སྡུར་ལ་ཞུགས་པ་དང་། མགོ་ལོག་ཁུལ་གྱི་ཐད་གཏོགས་ལས་ཁུངས་དང་ཁེ་ལས། ལས་དོན་སྡེ་ཁག སློབ་གྲྭའི་དགེ་སློབ་སོགས་མི་ལྔ་བརྒྱ་ལྷག་གིས་གཏམ་བཤད་ལ་ཉན།

      བྱ་འགུལ་ཁྲོད། འགྲན་ཞུགས་པ་ཉེར་བརྒྱད་ཀྱིས་མི་རིགས་མཐུན་སྒྲིལ་ཡར་ཐོན་གྱི་བརྗོད་གཞིར་དམ་དུ་དམིགས་ནས་མེས་རྒྱལ་ལ་དགའ་བ་དང་ཕ་ཡུལ་དགའ་བའི་བརྩེ་སེམས་མཚོན་པར་བྱས་པ་དང་། རང་རང་གི་ལས་གནས་སྟེང་དཀའ་སྤྱད་འབད་བརྩོན་དང་ཡར་རྒྱས་བརྩོན་ལེན་བྱེད་པའི་དུས་རབས་གསར་པའི་སྙིང་སྟོབས་མཚོན་པར་བྱས་པས་ཡུལ་དངོས་ཀྱི་ལྟད་མོ་བ་རྣམས་ཀྱིས་དགའ་བསུ་ཆེན་པོ་ཐོབ། ཛ་དྲག་གི་འགྲན་བསྡུར་བརྒྱུད། འགྲན་ཞུགས་པ་བཅུ་བདུན་ལ་རྒྱ་སྐད་ཀྱི་གཏམ་བཤད་བྱ་དགའ་དང་འགྲན་ཞུགས་པ་བཞི་ལ་བོད་སྐད་ཀྱི་གཏམ་བཤད་བྱ་དགའ་ཐོབ།

      རྒྱུས་ལོན་བྱུང་བ་ལྟར་ན། ཟླ་ལྔ་བའི་ཚུན་ལ། མགོ་ལོག་ཁུལ་གྱི་རྫོང་སོ་སོ་དང་སྡེ་ཁག་སོ་སོས་མུ་མཐུད་དུ་ཀྲུང་ཧྭ་མི་རིགས་ཁྱིམ་ཚང་གཅིག་ཡིན་པ་དང་ཀྲུང་གོའི་ཕུགས་འདུན་མཉམ་དུ་མངོན་འགྱུར་བྱེད་ཅེས་པ་བརྗོད་གཞི་ཡིན་པའི་མི་རིགས་མཐུན་སྒྲིལ་ཡར་ཐོན་གསར་འཛུགས་བྱ་འགུལ་གྱི་གཏམ་བཤད་འགྲན་སྡུར་སྤེལ་ཏེ་མགོ་ལོག་ཁུལ་གྱི་ས་ཁུལ་སོ་སོས་མི་རིགས་མཐུན་སྒྲིལ་གསར་འཛུགས་བྱེད་པར་སྣང་ཚུལ་བཟང་བོ་བསྐྲུན། །

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།




评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-8-16 10:08 , Processed in 0.292749 second(s), 21 queries .

返回顶部