博客西藏在最高处过一种生活

日志

༄༅།།བསྟན་པའི་འོད་ཟེར་ཝུན་ཁྲོན་ཕྱོགས་སུ་འ ...

已有 50 次阅读2018-5-16 09:34 |系统分类:娱乐


༄༅།།བསྟན་པའི་འོད་ཟེར་ཝུན་ཁྲོན་ཕྱོགས་སུ་འཕྲོ། དཀའ་སྡུག་དང་བླངས་བགྱིས་ནས་མདུན་དུ་བསྐྱོད། 
—པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ཝུན་ཁྲོན་ས་ཡོམ་བྱུང་ནས་ལོ་ངོ་བཅུ་འཁོར་བའི་རྗེས་དྲན་གསུང་མཆིད།
 ཡོང་ཁུངས། ཀྲུང་གོའི་བོད་ལྗོངས་དྲ་བ།

     2008ལོའི་ཟླ་5པའི་ཚེས་21ཉིན། པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་པེ་ཅིང་གི་དགའ་ལྡན་བྱིན་ཆགས་གླིང་དུ་སི་ཁྲོན་གྱི་ཝུན་ཁྲོན་ས་ཡོམ་ཆེན་པོའི་ཁྲོད་རྐྱེན་ལམ་དུ་ཤོར་བའི་སྤུན་ཟླར་སྨོན་ལམ་གསུང་བཞིན་པ།
          
      ཀྲུང་གོའི་བོད་ལྗོངས་དྲ་བ་ནས་གནས་ཚུལ་འབྱོར་གསལ། 2008ལོའི་ཟླ་5པའི་ཚེས་12ཉིན་གྱི་ཕྱི་དྲོའི་ཆུ་ཚོད་2དང་སྐར་མ་28ཐོག  ལི་ཧྲི་8.0རིམ་པའི་ས་ཡོམ་ཧ་ཅང་ཆེན་པོ་ཞིག་གིས་ཝུན་ཁྲོན་ལ་འཇབ་རྒོལ་བྱས་ནས་སྐད་ཅིག་ཉིད་ལ་རི་བོ་ཉིལ་ཞིང་ས་གཞི་གས་ཏེ་མི་དམངས་ཀྱི་ཚེ་སྲོག་དང་རྒྱུ་ནོར་ལ་གྱོང་གུན་ཚབས་ཆེན་ཐེབས་པ་རེད། དེ་ལྟར་བྱུང་ནས་བགྲང་བྱ་བཅུ་ཕྲག་འདས་པའི་རིང་། ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག “5•12”ས་ཡོམ་ཆེན་པོས་ཞིག་རལ་དུ་གྱུར་བའི་ཝུན་ཁྲོན་གྱི་ཁོ་ར་ཁོར་ཡུག་ཀུན་ད་ཆ་ཡང་བསྐྱར་གསོན་ཉམས་ལྡན་ཞིང་སྐྱེ་བ་གསར་པ་ཞིག་བླངས་པ་དང་འདྲ། དེ་ཡང་ལོ་ངོ་བཅུ་ལ་ཕྱིར་དྲན་བྱེད་ཆེད་དང་། ལྷག་པར་དུ་དཀའ་སྤྱད་འབད་བརྩོན་གྱིས་མདུན་དུ་བསྐྱོད་ཆེད། ཟླ་5པའི་ཚེས་12ཉིན་གྱི་སྔ་དྲོར། པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་གིས་འདི་གའི་དྲ་བ་བརྒྱུད་དེ་ཝུན་ཁྲོན་ས་ཡོམ་བྱུང་ནས་ལོ་ངོ་བཅུ་འཁོར་བར་རྗེས་དྲན་ཞུ་བའི་བཀའ་སློབ་གནང་བ་ནི་གཤམ་གསལ་ལྟར་ལགས།

       བསྟན་པའི་འོད་ཟེར་ཝུན་ཁྲོན་ཕྱོགས་སུ་འཕྲོ། དཀའ་སྡུག་དང་བླངས་བགྱིས་ནས་མདུན་དུ་བསྐྱོད།
      ཝུན་ཁྲོན་སྡུག་བསྔལ་ཆེན་པོས་མནར་བ་དེ། རྒྱལ་ཁབ་ཆེན་པོའི་སྡུག་བསྔལ་ཅི་ལ་མིན། དེ་ཡང་བགྲང་བྱ་བཅུ་ཡི་ཡར་སྔོན་དུ། ས་ཡི་འཇིགས་པས་གནོད་འཚེ་ཆེར་ཐེབས་ཏེ། མི་དམངས་ཁྲི་ཕྲག་སྡུག་ལ་སྦྱར། བགྲང་བྱ་བཅུ་ཡི་རྗེས་སུ་ནི། གཞིས་ཁྱིམ་གསར་པ་ལེགས་པར་བསྐྲུན། མང་ཚོགས་བདེ་བའི་དཔལ་ལ་རོལ། ཝུན་ཁྲོན་ས་ཡོམ་གྱི་ཁྲོད་ང་ཚོས་གནོད་འཚེའི་མདུན་ནས་ཚེ་སྲོག་མི་རྟག་པ་ཚོར་བ་དང་། ཞིག་རལ་དུ་གྱུར་བའི་ས་གཞི་དེའི་སྟེང་ང་ཚོས་མི་ཡུལ་གྱི་བརྩེ་བ་དྲོན་མོ་རྙེད་ལ། བསྐྱར་འཛུགས་ཀྱི་ལས་གཞི་རབ་དང་རིམ་པའི་ཁྲོད་ནས་ང་ཚོས་ཀྲུང་གོའི་སྟོབས་ཤུགས་དངོས་སུ་མྱོང་། ཝུན་ཁྲོན་གྱི་སྙིང་སྟོབས་ལས། ཀྲུང་གོའི་མི་དམངས་ཐུན་མོང་གིས་དཀའ་ངལ་ཡོད་ཚད་ལས་རྣམ་པར་རྒྱལ་བའི་ཆོད་སེམས་དང་སྤོབས་པ་མངོན་པར་བསྟན་པས།   ཀྲུང་ཧྭ་མི་རིགས་ཡོངས་ལ་བསྐྱར་དར་རླབས་པོ་ཆེ་མངོན་ཏུ་འགྱུར་བར་ཡིད་ཆེས་དང་རེ་བ་ཇེ་བརྟན་དུ་གྱུར། ཐོལ་གྱིས་བྱུང་བའི་དགེ་བའི་སེམས་པ་དེ། །ས་ལ་བབས་པའི་སྦྲང་ཆར་ཟིལ་མ་འདྲ། །གློ་བུར་སྐྱེས་པའི་བྱམས་དང་སྙིང་རྗེ་དེ། །ཕྱོགས་ཀུན་འཕྲོ་བའི་འོད་ཟེར་སྟོང་ལྡན་འདྲ། །གཤིན་པོར་གདུང་མཆོད་ཕུལ་ཏེ་མྱ་ངན་ཞུ། ། མ་འོངས་འཚོ་གཞེས་བདེ་ཞིང་སྐྱིད་པར་སྨོན། ། འདས་པོའི་རྣམ་ཤེས་ཐར་བ་ཐོབ་པར་ཤོག།   ང་ཚོས་འདྲ་མཉམ་དང་། དཀྱེལ་ཡངས། དྭངས་གཙང་། གཞན་དོན་ལ་བརྩོན་པའི་དགེ་སེམས་རྣམ་དག་ཅིག་བཅངས་བཞིན། འཁོར་བའི་རྩ་བ་ཆོད་པར་ཤོག བྱམས་དང་སྙིང་རྗེ་རྒྱུད་ལ་སྐྱེས་ནས། དྲིན་གཟོ་ཅན་གྱི་སྐྱེ་བོར་གྱུར་ཅིང་། བརྩེ་བའི་ཕྱག་ཟུང་རིང་དུ་བརྐྱངས་པ་དེས། འགྲོ་བའི་སྡུག་བསྔལ་གཏིང་ནས་སེལ་བར་ཤོག བདེ་བ་ཐོབ་པའི་རྒྱུ་རུ་འགྱུར་བར་ཤོག དཀའ་སྡུག་དང་བླངས་བགྱིས་ནས་མདུན་དུ་བསྐྱོད་པར་ཤོག།
      ཞེས་རོང་ཆེན་ལྷ་རྒྱལ་གྱིས་ཀྲུང་གོའི་བོད་ལྗོངས་དྲ་བ་ལས་བཏུས་སོ།



发表评论 评论 (1 个评论)

回复 ljh8520035 2018-5-17 08:34
བརྩེ་བའི་ཕྱག་ཟུང་རིང་དུ་བརྐྱངས་པ་དེས།
འགྲོ་བའི་སྡུག་བསྔལ་གཏིང་ནས་སེལ་བར་ཤོག
བདེ་བ་ཐོབ་པའི་རྒྱུ་རུ་འགྱུར་བར་ཤོག
དཀའ་སྡུག་དང་བླངས་བགྱིས་ནས་མདུན་དུ་བསྐྱོད་པར་ཤོག།

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-5-28 01:28 , Processed in 0.277401 second(s), 22 queries .

返回顶部