博客西藏在最高处过一种生活

日志

༄༅།།མཚོ་ལྷོ་བོད་རིགས་རང་སྐྱོང་ཁུལ་གུང་ཧོ ...

已有 74 次阅读2017-11-25 07:13 |系统分类:娱乐


                     ༄༅།།མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་གིས་མ་དངུལ་སྒོར་ས་ཡ་གསུམ་བཏང་སྟེ་
                                 དབུལ་ཕོངས་ནད་པ་སྟོང་གསུམ་བརྒྱད་བརྒྱར་རོགས་སྐྱོར་བྱས།
                                            ཡོང་ཁུངས། མཚོ་སྔོན་བོད་སྐད་རླུང་འཕྲིན།

                                

      ཀྲུང་གོ་བོད་ཀྱི་དྲ་བའི་འཕྲིན། ད་ལོའི་ཟླ་བཅུ་བ་ནས་བཟུང་། མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་གིས་ནོར་སྲིད་མ་དངུལ་དཀོན་པའི་གནས་ཚུལ་འོག ལོ་རེར་མ་དངུལ་སྒོར་ས་ཡ་གསུམ་གཏོང་བའི་ཚད་གཞི་ལྟར་རོང་འབྲོག་ཁུལ་གྱི་ཡིག་ཚགས་ལས་ཏེ་བྱང་བུ་བྱིན་པའི་དབུལ་ཕོངས་ཁྱིམ་ཚང་གི་དལ་བའི་རང་བཞིན་གྱི་ནད་ཡོད་པའི་ནད་པ་སྟོང་གསུམ་དང་བརྒྱད་བརྒྱར་ནད་རིགས་ཚབས་ཆེན་ཐད་ཀྱི་རོགས་སྐྱོར་ཐེངས་གཉིས་བྱས་ཏེ་ནད་ཀྱི་དབང་གིས་དབུལ་བོར་འགྱུར་བ་དང་ནད་ཀྱི་དབང་གིས་ཡང་བསྐྱར་དབུལ་བོར་འགྱུར་བའི་གནད་དོན་ཐག་བཅད།

      མིག་སྔར། གུང་ཧོ་རྫོང་ལ་དབུལ་ཕོངས་ཁྱིམ་ཚང་སྟོང་བཞི་སུམ་བརྒྱ་གྱ་གཉིས་ཡོད་པ་དང་དབུལ་ཕོངས་མི་གྲངས་ཁྲི་གཅིག་དང་སྟོང་གསུམ་ཉིས་བརྒྱ་ང་ལྔ་ཡོད། ནད་ཀྱི་དབང་གིས་དབུལ་བོར་གྱུར་བ་དང་ནད་ཀྱི་དབང་གིས་ཡང་བསྐྱར་དབུལ་བོར་གྱུར་བའི་ཁྱིམ་ཚང་སྟོང་གཅིག་ལྷག་དང་མི་སྟོང་གསུམ་བརྒྱ་དང་ཉེར་བརྒྱད་ཡོད་པ་དང་། དེས་དབུལ་ཕོངས་ཁྱིམ་ཚང་གི་སྤྱི་གྲངས་དང་དབུལ་ཕོངས་མི་གྲངས་ཀྱི་བརྒྱ་ཆའི་ཉེར་བཞི་གྲངས་ཆུང་བཞི་དང་བརྒྱ་ཆའི་ཉེར་གསུམ་གྲངས་ཆུང་དྲུག་ཟིན།

     གནད་ཕིགས་དབུལ་སྐྱོར་ལ་སྐུལ་འདེད་གཏོང་བ་དང་རོང་འབྲོག་ཁུལ་གྱི་ཡིག་ཚགས་ལས་ཏེ་བྱང་བུ་བྱིན་པའི་དབུལ་ཕོངས་ཁྱིམ་ཚང་གི་སྨན་བཅོས་འགན་སྲུང་ཆུ་ཚད་མཐོར་འདེགས་གཏོང་ཆེད། གུང་ཧོ་རྫོང་གིས་དངོས་ཡོད་གནས་ཚུལ་དང་ཟུང་འབྲེལ་བྱས་ནས་འཁར་གྲོང་སྡོད་དམངས་ཀྱི་གཞི་རྩའི་སྨན་བཅོས་འགན་སྲུང་དོན་འཁྱོལ་བྱེད་པའི་རྨང་གཞིའི་སྟེང་གུང་ཧོ་རྫོང་གི་རོང་འབྲོག་ཁུལ་གྱི་ཡིག་ཚགས་ལས་ཏེ་བྱང་བུ་བྱིན་པའི་དབུལ་ཕོངས་ཁྱིམ་ཚང་གི་དལ་བའི་རང་བཞིན་གྱི་ནད་ཡོད་པའི་ནད་པ་དག་ལ་སྒོ་བསྟེན་སྨན་རིན་རོགས་སྐྱོར་བྱེད་པའི་ལག་བསྟར་ཇུས་གཞི་གཏན་ཁེལ་བྱས་པ་དང་། ཚོད་དཔག་བྱས་ན། བྱེད་ཐབས་འདིས་ལོ་རེར་དབུལ་ཕོངས་ཁྱིམ་ཚང་གི་དལ་བའི་རང་བཞིན་གྱི་ནད་ཡོད་པའི་ནད་པ་སྟོང་གསུམ་དང་བརྒྱད་བརྒྱ་ལྷག་ལ་སྨན་བཅོས་རོགས་སྐྱོར་བྱེད་བཞིན་ཡོད།

     རོགས་སྐྱོར་ཚད་གཞི་ནི་འཁར་གྲོང་སྡོད་དམངས་ཀྱི་གཞི་རྩའི་སྨན་བཅོས་འགན་སྲུང་གི་རྨང་གཞི་སྟེང་། རིམ་པ་དང་པོའི་སྨན་བཅོས་སྡེ་ཁག་ལ་བརྒྱ་ཆའི་དགུ་བཅུ་དང་རིམ་པ་གཉིས་པའི་སྨན་བཅོས་སྡེ་ཁག་ལ་བརྒྱ་ཆའི་བརྒྱད་ཅུ། རིམ་པ་གསུམ་པའི་སྨན་བཅོས་སྡེ་ཁག་ལ་བརྒྱ་ཆའི་བདུན་ཅུའི་ཚད་གཞི་ལྟར་རོགས་སྐྱོར་བྱེད་བཞིན་ཡོད་པ་དང་། དེས་ཚད་མཐོན་པོའི་སྒོ་ནས་ནད་ཀྱི་དབང་གིས་དབུལ་བོར་གྱུར་བའི་དབུལ་ཕོངས་ཁྱིམ་ཚང་དག་གི་ཁུར་བོ་ཇེ་ཡང་དུ་བཏང་།  ། 

     ཞེས་རོང་ཆེན་ལྷ་རྒྱལ་ཀྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2017-12-16 01:34 , Processed in 1.322973 second(s), 21 queries .

返回顶部