博客西藏在最高处过一种生活

日志

༄༅།།མཚོ་བྱང་བོད་རིགས་རང་སྐྱོང་ཁུལ་གྱིས་ས ...

已有 109 次阅读2017-9-19 09:15 |系统分类:娱乐


                      ༄༅།།མཚོ་བྱང་བོད་རིགས་རང་སྐྱོང་ཁུལ་གྱིས་སྐྱེ་ཁམས་ཀྱིས་ཁུལ་འཛུགས་སྐྲུན་བྱེད་པའི་འཐབ་ཇུས་རྒྱུན་འཁྱོངས་
                                 བྱས་ཏེ་སྟོབས་ཤུགས་ཡོད་དགུས་སྐྱེ་ཁམས་ཁོར་ཡུག་ལེགས་བཅོས་ལ་སྐུལ་འདེད་བཏང་།
                                             ཡོང་ཁུངས། མཚོ་སྔོན་བོད་སྐད་རླུང་འཕྲིན། 

                                  

        ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་། མཚོ་བྱང་བོད་རིགས་རང་སྐྱོང་ཁུལ་གྱིས་སྐྱེ་ཁམས་ཀྱིས་ཁུལ་འཛུགས་སྐྲུན་བྱེད་པའི་འཐབ་ཇུས་རྒྱུན་འཁྱོངས་དང་བརྟན་འཇགས་སྒོས་རྩྭ་ཐང་གི་སྐྱེ་ཁམས་བྱ་དགའི་ཁ་གསབ་ནང་རྐྱེན་ལ་སྐུལ་འདེད་བཏང་བ་དང་། རྒྱུན་མཐུད་དེ་སྐྱེ་ཁམས་ཁོར་ཡུག་སྲུང་སྐྱོབ་བྱེད་པའི་ལས་གཞི་གཙོ་བོའི་འཛུགས་སྐྲུན་ཤུགས་ཚད་ཇེ་ཆེར་བཏང་ལ། ཐོན་ཁུངས་འཁོར་སྐྱོད་བཀོལ་སྤྱོད་ལ་ཤུགས་སྣོན་དང་རྒྱུན་ཆད་མེད་པར་ཚན་རྩལ་གྲུབ་འབྲས་བཀོལ་སྤྱོད་བྱེད་ཚད་ཇེ་ཆེར་བཏང་སྟེ་ནུས་ཡོད་སྒོས་སྐྱེ་ཁམས་ཁོར་ཡུག་རྒྱུན་མཐུད་ལེགས་བཅོས་བྱེད་པར་སྐུལ་འདེད་བཏང་།

       རྒྱུས་ལོན་བྱུང་བ་ལྟར་ན། མཚོ་བྱང་བོད་རིགས་རང་སྐྱོང་ཁུལ་གྱིས་ཁྱོན་ཡོངས་ནས་སྐོར་གསར་བའི་རྩྭ་ཐང་གི་སྐྱེ་ཁམས་སྲུང་སྐྱོབ་བྱ་དགའི་ཁ་གསབ་སྲིད་ཇུས་ལག་བསྟར་བྱས་ཏེ་ཧུར་ཐག་གིས་རྩྭ་ཐང་གི་སྐྱེ་ཁམས་སླར་གསོ་བྱེད་པར་སྐུལ་འདེད་བཏང་བ་དང་།   ལས་གཞི་གཙོ་བོ་ལག་བསྟར་དང་སྐྱེ་ཁམས་སྲུང་སྐྱོབ་དང་འཛུགས་སྐྲུན་ལ་ཤུགས་བསྣན་ཏེ་སྟོབས་ཤུགས་ཡོད་རྒུས་སྐྱེ་ཁམས་ཁོར་ཡུག་ལེགས་བཅོས་བྱས། མིག་སྔའི་བར། མཚོ་བྱང་ཁུལ་གྱིས་རྩྭ་ར་སྟོང་རྨིད་གྲུ་བཞི་མ་སྟོང་བདུན་དང་བརྒྱད་བརྒྱ་རེ་དྲུག་གི་ནང་དུ་ཕྱུགས་འཚོ་བ་གཏན་འགོག་བྱས་པ་དང་། འབྲོག་ཁྱིམ་ཁྲི་བཞི་དང་སྟོང་བརྒྱད་བཞི་བརྒྱ་རེ་གཉིས་ཀྱི་འབྲོག་པ་མང་ཚོགས་འབུམ་གཉིས་དང་ཁྲི་གཉིས་ལ་བསྡོམས་པས་བྱ་དགའི་ཁ་གསབ་དངུལ་སྒོར་དུང་ཕྱུར་གཉིས་དང་ས་ཡ་ལྔ་ལྷག་བྱིན་པ་དང་། ཁྱིམ་ཚང་རེ་རེས་ཆ་སྙོམས་ཀྱིས་སྲིད་ཇུས་རང་བཞིན་གྱི་ཡོང་འབབ་སྒོར་སྟོང་བཞི་དང་ཉིས་བརྒྱ་སོ་གཉིས་ལོངས་སྤྱོད་བྱེད་བཞིན་ཡོད་ལ། ནུས་ཡོད་སྒོས་རྩྭ་ཐང་སྐྱེ་ཁམས་དོ་མཉམ་ལ་སྲུང་སྐྱོབ་བྱས།

       དེ་དང་མཉམ་དུ། མཚོ་བྱང་ཁུལ་གྱིས་རྒྱུན་ཆད་མེད་པར་ཚན་རྩལ་བཀོལ་སྤྱོད་བྱེད་ཚད་ཇེ་དྲག་ཏུ་བཏང་སྟེ་ཞིང་ལས་ཀྱི་བཙོག་བཟོ་འགོག་བཅོས་ཆུ་ཚད་མཐོར་འདེགས་བཏང་པར་མ་ཟད། ཕྱུགས་ཟོག་དང་ཁྱིམ་བྱའི་བཙོག་བཟོ་འགོག་བཅོས་བྱས་ཏེ་ཕྱུགས་ལས་འཕེལ་རྒྱས་ལ་སྐུལ་འདེད་བཏང་། མིག་སྔར། མཚོ་བྱང་ཁུལ་གྱི་གསོ་སྤེལ་ཁང་ཉིས་བརྒྱ་སོ་གཅིག་གིས་རྣམ་པ་གསར་བའི་བཤང་གཅི་གཙང་བཤེར་བྱེད་ཐབས་བཀོལ་སྤྱོད་བྱེད་བཞིན་ཡོད་པར་མ་ཟད། རང་བྱུང་སྲུང་སྐྱོབ་ཁུལ་དང་མཚོ་སྔོན་པོའི་མཐའ་སྐོར་གྱི་གསོ་སྤེལ་ཁང་ཞེ་གསུམ་གྱི་ཁོར་ཡུག་བཙོག་བཟོར་དག་ཐེར་བཅོས་སྐྱོང་བྱེད་པའི་བྱ་བར་ཤུགས་སྣོན་བཞིན་ཡོད།   །

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2017-10-24 04:33 , Processed in 0.268455 second(s), 21 queries .

返回顶部