博客西藏在最高处过一种生活

日志

༄༅།།པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོས་ལྷ ...

已有 194 次阅读2017-8-6 08:52 |系统分类:文化


                                        ༄༅།།པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོས་ལྷ་སར་ཆོས་ཀྱི་མཛད་འཕྲིན་སྤེལ་བ།
                                                   ཡོང་ཁུངས། ཀྲུང་གོ་བོད་ཀྱི་དྲ་བ། 

                              

       ཀྲུང་གོ་བོད་ཀྱི་དྲ་བའི་འཕྲིན། ཟླ7ཚེས30ཉིན། རྒྱལ་ཡོངས་སྲིད་གྲོས་ཀྱི་རྒྱུན་ལས་ཨུ་ཡོན་དང་ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོས་ལྷ་སར་ཆོས་ཀྱི་མཛད་འཕྲིན་སྤེལ་བ་མ་ཟད། དད་ལྡན་སེར་སྐྱ་མང་ཚོགས་ལ་ཕྱག་དབང་ཡང་གནང་བ་རེད། 

      ཚེས30ཉིན། ཆར་པ་བབས་རྗེས་ཀྱི་ལྷ་སར། གནམ་ངོ་དྭངས་ཤིང་མཁའ་དབུགས་ཤིན་ཏུ་གཙང་། 1995ལོར། གསེར་བུམ་དཀྲུག་ནས་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་རྗེས། དགུང་ལོ་5རུ་ཕེབས་པའི་པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོ་སྐུ་ཕྲེང་བཅུ་གཅིག་པ་བཀྲ་ཤིས་ལྷུན་པོའི་བཞུགས་ཁྲིར་མངའ་གསོལ་བ་རེད། 2015ལོར། བཀྲ་ཤིས་ལྷུན་པོའི་བཞུགས་ཁྲིར་མངའ་གསོལ་ནས་ལོ་ངོ20འཁོར་བར་དགའ་སྟོན་གཟབ་རྒྱས་བཤམས་པ་རེད། 

       2016ལོར། པཎ་ཆེན་མཆོག་གིས་གཞིས་རྩེ་རུ་ཐོག་མར་དུས་འཁོར་རྩ་རྒྱུད་ཀྱི་དབང་གནང་བ་རེད།      

       ཟླ7ཚེས27ཉིན་གྱི་ཆུ་ཚོད5:00པ་ཡོལ་ཙམ་ལ། གྲྭ་བཙུན་ཚོས"སེར་སྦྲེང"བཏང་ནས་དར་ལྕོགས་དང་། བསང་གི་དྲི་བསུང་དང་འགྲོགས་ནས་གཙུག་ལག་ཁང་དུ་ཕེབས་བསུ་ཞུས་པ་རེད། 

      ཆུ་ཚོད6:00པའི་ཐོག་ཏུ། བོད་བརྒྱུད་ནང་བསྟན་གྱི་སྲོལ་རྒྱུན་བཞིན། གཙུག་ལག་ཁང་གི་བླ་ཆེན་ཚོས་མཎྜལ་ཕུལ་བ་དང་། དེར་མཐུད་ནས་དེར་བཞུགས་ཀྱི་བླ་ཆེན་སོགས་ལ་ཕྱག་དབང་གནང་བ་རེད།  

      ཐེངས་འདི་པཎ་ཆེན་ལོ་རེར་ལྷ་སར་ཕེབས་པའི་མཛད་སྒོའི་ཐོག་མ་ཡིན་པ་དང་། གཙུག་ལག་ཁང་དུ་སྐར་མ50ལྷག་ཙམ་རིང་རྟེན་མཇལ་ཕྱག་མཆོད་ཕུལ་ནས་བཞུགས་པ་རེད།  པཎ་ཆེན་མཆོག་ཟླ7ཚེས25ཉིན་མེ་འཁོར་ལ་བཞུགས་ནས་ལྷ་སར་ཕེབས་པ་དང་། ཉེ་ཆར། ཁོང་གིས་བོད་ལྗོངས་ཀྱི་ས་ཆ་ཁག་ཏུ་ཆོས་ཀྱི་མཛད་འཕྲིན་མང་པོ་སྤེལ་རྒྱུ་ཡིན་པ་རེད།           ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།



评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2017-12-15 14:18 , Processed in 0.275151 second(s), 21 queries .

返回顶部