博客西藏在最高处过一种生活

日志

༄༅།། ནད་བརྒྱ་འཇོམས་པའི་མན་ངག་འདི་ཡིད་ལ་ཟ ...

已有 49 次阅读2017-7-14 12:26 |系统分类:文化


                                                  ༄༅།། ནད་བརྒྱ་འཇོམས་པའི་མན་ངག་འདི་ཡིད་ལ་ཟུངས།
                                         ཡོང་ཁུངས། གླིང་སྲས་དྲ་ཚིགས། རྩོམ་པ་པོ། ཨ་མཁར་ཀུན་བཟང་ཡེ་ཤེས། 

                          
      ཞོགས་པ་སྔ་མོར་ཡར་ལ་ལོངས།།ལྟོ་སྟོང་ཆུ་ཁོལ་དྲོ་འཇམ་ཞིག།མང་ཙམ་བཏུང་ཞིང་དེ་རྗེས་སུ།།ལུས་དང་ལྟོ་བ་འགུལ་སྐྱོད་དགོས།།དེ་ལྟར་ཕོ་བ་རྒྱུ་མའི་ནང་།།བཀྲུ་བཤལ་ལེགས་པར་བྱས་པ་ཡིས།།ཕོ་རྒྱུའི་ནང་དུ་ཆགས་པའི་ཟས།།སྙིགས་རོ་མི་གཙང་འདག་པ་ཡིན།།དེ་ནས་གང་འཚམ་འགོར་བའི་རྗེས།།ཞོགས་ཟས་ཟོས་ན་འགྲིག་པ་ཡིན།།ཞོགས་ཟས་འཇུ་དཀའ་བཅུད་ལྡན་གྱི།།ཟས་རིགས་བསྟེན་ཞིང་འགྲང་བར་དགོས།། དེ་ནི་མཚན་མོ་དུས་ཡུན་ལ།།ཁ་ཟས་མེད་པའི་རྐྱེན་དབང་གིས།།འཚོ་བཅུད་མི་འདང་དཀའ་ངལ་དང་།།ཁ་ཟས་འཇུ་བར་ཕན་པ་ཡིན།། ཉིན་གུང་ཁ་ཟས་འགྲང་ཙམ་དགོས།།ནང་དང་དགོང་མོ་ཉིན་གུང་སོགས།།ཁ་ཟས་ཟ་སྐབས་སྐོམ་མ་མང་།།ཟས་བཅུད་འཇོམས་ཤིང་མེ་དྲོད་གསོད།། དགོང་ཀའི་དུས་ཚོད་ལྔ་དྲུག་ནས།།དགོང་རྩལ་སྦྱོང་པ་གལ་ཆེན་ཡིན།།ཕྱག་འཚལ་སྐོར་བ་གོམ་བགྲོད་སོགས།།འགུལ་སྐྱོད་བྱ་བ་གང་ཡང་ཆོག། སྐར་མ་སུམ་བཅུ་བཞི་བཅུའི་ཡུན།།རྐང་ལག་ལུས་ཡོངས་འགུལ་སྐྱོད་དགོས།།ཧ་ཅང་འཁྱག་དང་ཚད་པ་དང་།།མི་གཙང་གནས་སུ་རྩལ་སྦྱོང་སྤོངས།། གོམ་བགྲོད་སྐོར་བ་བྱེད་པའི་མི།།ལུས་སྟོད་ཕྲག་ཚིགས་འགུལ་བར་གལ།།ཉིན་ལྟར་རྩལ་སྦྱོང་རྒྱུན་འཁྱོང་གིས།།ནད་རིགས་མང་པོ་འགོག་བཅོས་ཐུབ།། དགོང་ཀའི་ཁ་ཟས་ཡང་བར་ཟོས།།དཔེར་ན་འབྲས་དང་སྔོ་ཚོད་སོགས།།དཀར་ཟས་ཉུང་ཙམ་སྔ་ཙམ་ཟོས།།ལྟོ་བ་མ་འགྲང་གལ་ཆེན་ཡིན།། མ་ཞུ་ནད་རིགས་མི་འབྱུང་ཞིང་།།མཚན་མོ་གཉིད་ལ་ཕན་པ་དང་།།ནང་ཀ་ལུས་ཁམས་དྭངས་བ་སོགས།།བླ་མེད་དགེ་མཚན་ལྡན་པ་ཡིན།། མཚན་མོ་བཅུ་ནས་བཅུ་གཅིག་བར།།གཉིད་ཉལ་དུས་ཚོད་ལེགས་ཤོས་ཡིན།།གཉིད་ཀྱི་དུས་ཡུན་རིང་ཐུང་ནི།།དུས་ཚོད་བདུན་དང་བརྒྱད་ཙམ་ཡིན།།ཞོགས་པར་སྔ་ཙམ་ལངས་པ་ནི།།དབང་པོ་གསལ་ཞིང་བྱ་བ་འགྲུབ།།ཉིན་དེ་ལུས་སེམས་དྭངས་བ་སོགས།།དགེ་མཚན་མང་བས་སྔ་ཙམ་ལོངས།།སྔོ་ཚོད་རིགས་དང་ཤིང་ཏོག་རིགས།།གཙང་དག་ཆུ་ལ་བཀྲུ་བ་གལ།།མ་བཀྲུས་སྔོ་ཚོད་ཤིང་ཏོག་དག།བཀོལ་སྤྱོད་མི་བྱེད་གལ་ཆེན་ཡིན།།ཁ་ཟས་དུས་མེད་ཟ་བ་དང་།།གྱོང་དང་རུལ་བ་འཚིག་པ་དང་།།ཁ་ཚའི་རིགས་དང་སིལ་ཟས་སོགས།།ནམ་ཡང་མི་བསྟེན་གལ་ཆེན་ཡིན།། གཅིན་སྐྱག་བཏང་བའི་རྗེས་དག་དང་།།བཟའ་བཏུང་ཚར་བའི་མཇུག་དག་ཏུ།།རྒྱུན་དུ་ལག་པ་བཀྲུ་བཤལ་དགོས།།སྙད་ཆུ་དག་གིས་བཀྲུས་ན་བཟང་།།ཉལ་ཁར་མངར་ཟས་མི་བཟའ་ཞིང་།།སོ་དང་ཁ་ནང་བཀྲུ་བ་དང་།།ཉལ་ཁར་རྐང་པ་བཀྲུ་བ་བཅས།།རྒྱུན་དུ་རང་ལ་གོམས་པར་བྱོས།། རྫས་འགྱུར་གྲུབ་པའི་སྨན་རིགས་དང་།།བཙོག་པས་བཟོས་པའི་སྙིགས་ཟས་དང་།།ཚད་ལྡན་མིན་པའི་སྐོམ་ཆུ་སོགས།།མ་བསྟེན་རྒྱང་ནས་རྒྱང་དུ་བཀྱེད།།

       ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་སློབ་འབྲིང་དྲ་བ་ལས་བཏུས་སོ།


 

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2017-9-21 18:27 , Processed in 0.271979 second(s), 21 queries .

返回顶部